XIX. — Comment roi et roiamiie furent premièrement

Dui règne furent en terre principaument, qui de hautesce et de force et de noblesce et de seignorie ont sormonté touz les autres, en tel manière que tuit li autre roi et roiaume dou monde furent aussi comme apendanz à ces .ij. : ce est li règnes^ des Assiricns premièrement, et puis cil des Romains; mais il furent devisé et en tens et en leu; quar tout avant fu cil des Assiriens, et en sa fm commença cil as Romains.

Cil des Assiriens fu en Orient, si comme est en Egypte, car ce est tout .i. règne des Assiriens et des Egypciens ; mais li règnes as Romains est en Occident, jà soit ce que li uns et li autres tenist la monarchie de tout le monde.

Mais porce que li maistres ne porroit bien dire la naissance des rois se il ne commencoit' les lignies dou premier home, si tornera il celé part son conte , selonc l'ordre des aages dou siècle , por plus apertement monstrer les estaz et les contenemens des gens d'adonques* jusque en nostre tens.

Sachiez que li aage^ dou siècle sont .vj., dont li premiers fu de Adam jusques à Noé; li secons fu de Noé jusques à Abraham; li tiers de Abraham jusques à David; li quars de David jusques à Nabugodonosor ^, quant il destruit Jherusalem et prist les Juis ; li quinz aages "^ fu adonc jusques à la naissance Jhesu Crist; li sixte , de Jhesu Crist jusques à la fin dou monde.