XLIX. — De Jeremie le prophète

Jeremies^ fu dou lignage des prestres, et fu nez en un chastel qui a^ non Anatoth *, à .iij. liues de Jherusalem; il fu prestres en Judée et fu sacrez à^ prophète. Avant que il nasquist fu il conneuz, et li fu commandé que il maintenist virginité, et il si fist^.

Dès s'enfance ^ commença il à preschier et à ^ oster les gens de péchiez, et eus amener à pénitence. Maint mal li furent fait dou cruel pueple; car il fu mis en chartre et fu gitez en un lac, et fu ceint de chaenes de fer^; et en la fin fu il lapidez en Egypte, et fu enseveliz^^ là oii li rois Pharaons manoit; et ses sépulcres ^^ est en grant révérence entre les Egyptiens, porce que il les délivra des serpens.