LIVRE I, PART. II, CHAP. LXIV

de Josias nasqui Jeconias , de Jeconias nasqui Salathiel ^', de Salathiel nasqui Zorobabel, de Zorobabel nasqui Abiud, de Abiiid nasqui Eliachim, de Eliachim nasqui Azor, de Azor nasqui Sadoch, de Sadoch nasqui Achim, de Achim nasqui Eliud, de Eliud nasqui Eleazar, de Eleazar nasqui Mathan, de Mathan nasqui Jacob, de Jacob nasqui Joseph li barons ^"^ Marie, de cui nasqui nostre sires Jhesu Criz.

Et sachiez que toutes les générations dès Abraham jusques à Jhesu Crist sont .xhj.^^ Et se aucuns demandoit porquoi l'Escripture devise les lignies de Joseph ^^, puisque il ne fu pères Jhesu Crist, jà soit ce que il fust barons Marie, et que ele^'' devroit conter le^^ parenté Marie, qui fu sa mère , non mie celui ^^ de Joseph, qui néant ne li fu , je diroie que en la vielle loi li Hébreu ne se marioient se à cels non de lor parenté 2°; et encore le font li Juif qui sont à nostre tens. Et à la vérité dire , Marie fu de celui lignage meisme , de par son père ; mais li ancien meloient en escrit les homes seulement, non mie les femes^\ et por ce est Joseph nomez en l'estoire , non mie Marie ^^ ; car en conte de lignie^^ est plus dignes li hom que la feme. Et neporquant je dirai .1. po dou parenté 2* Marie de par sa mère, en tel manière que chascuns sache les parens-^ et les cosins Jhesu Crist.