Secrétaire de la maison communale
8. Il ne nous a pas été possible d'identifier ce personnage avec aucun de ceux mentionnés dans le Livre des Bourgeois.
LICIER RICHIER 25
386 LICIER RICHIER
saisis et les avoir, chacun d'eux respectivement, entre leurs mains ; à la charclie et soubz condition toutefoys que chacun deux sera tenu, comme il a promis et promect, rendre bon compte et reliqua l'un à l'autre, tant du principal que proffitz qui en proviendront, tant qu'ilz demeureront entre leurs mains et jusques à ce que aultrement ils en auront advisé et accordé. Item aussi, à la charge et soubz conditions qu'ilz sont tenus, ensemblement et chacun d'eux proratta (^), de bailler le proffict annuel ou son censé, de la somme de quatre mille francs barroys, chacun an, à ladicte dame Marguerite Royer, leur mère, sa vie durant seulement, pour la raison de ce que ledict défunct Léger Richier, leur père, en a receu des biens et à cause d'icelle Marguerite Royer ; et laquelle somme de quatre mil frans barroys est comprinse es sommes et choses en dessus déclairées. Item, parmesme moien, lesdicts Girard et Bernardine ont consenti et accordé à ladicte dame Marguerite, leur mère, la jouissance et usuffruict de tout, mesmes les biens meubles, utensilles, soit estain, fer, boys, linges et auctres quelconques servant et destinés audict ménage et délaissés par ledict défunct Léger Richer, leur père, pour en jouir par elle sa vie durant; et encores toustes et chacunes les bagues et joyaux que ladicte dame Marguerite pourroit avoir, soit par don à elle fliict par ledict défunct son mary ou autrement, par quelque titre ou moien que ce soit, pour en faire et disposer par elle à son plaisir, en volonté et comme de son bien propre. Promectant, lesdictes dame Marguerite Royer, Girard et Bernardine Richier, et chacun d'eux respectivement, par leur foy et serment prestes en mains de moydict notaire, observer et entretenir le contenu cy dessus et n'y jamais contrevenir en manière et taçon que ce soit. Et ça, soubz obligation, hypothecque, de tous et chacun leurs biens, meubles et immeubles, présents et advenir; lesquels, par ce, ils ont submis et submectent à toutes aretz et juridictions où trouvez seront. Et ont renoncé et renoncent à tous droitz, statutz, libertés, franchises, privilèges et bénéfices par le moien desquels ils y pourront contrevenir, mesmes au droict dict la généralle, renonciation ne vallen si la spéciale ne précède. Et encore, les dictes femmes, au bénéfice du senatus consult vellerain, par lequel les femmes ne se peuvent obligés pour aultruy, et à tous aultres droitz introduitz en faveur des femmes. Voullant aussi esdiltes parties, que, à chascunes d'elles, soit fait ung instrument public, ou plusieurs si besoing est des choses susdites, lesquels l'on puisse dicter et amender par l'advis de gens doctes et expertz en ce, sans toutefois muer la substance. Faict et receu par moydict notaire, les an et jour susdits, en la
2. Poui mile, c'est-à-dire pour sa quote part, établie au prorala de la somme reçue.
