Versoris avait d'abord écrit : au prix d'un pour cent

2. Les mots: du nombre desquels— rompre ont été barrés. Nous n'avons pas trouvé le rôle de cet emprunt forcé.

92. Le troysiesme dud. moys de novembre, maistre Robert Turquan, maistre Loys Seguier, maistre [André] Verjus1, tous consilliers, hommes de grantz vertuz et d'extimacion, furent de l'auctorité et mandement du Roy, lors estant logé chez mons. Mesgret et la Royne et madame, menez et constituez prisonniers à la Bastille. La cause et motif fust que parce que vertueusement et prudentement ilz avoient remonstré à la court (lors mons. le chancellier présent et envoyé de par le Roy pour adviser et trouver manière pour de rechief avoir argent) que Ton debvoit adviser que l'on faissoit des deniers du Roy et à quoy il estoient employez et qu'il avoit gros revenu, et néanmoins que d'icelluy n'estoit fait oucune chose pourfitable pour le reaulme et la chose publique, et que partant il estoit à inférer que ses deniers ou la plus grant partie d'iceulx estoient mis et emploiez es bourcez et pourfictz particuliers. Oy ce, mons. le chancellier et aultres maistres des requestes, ses coadherens monstrerent présentement signe évident qu'il n'estoient de ce contant et led. jour en firent le rapport au Roy et à madame la Régente, qui de ce courrocée ordonna lesd. consilliers estre menez à la Bastille, non sans grant irritation et commotion de peuple. Toutesfoys finablement, après que lesd. consilliers eurent esté prisonniers environ l'espace de six sepmaines et que le conseil du Roy entendoit bien que l'emprisonnement avoit esté assez indiscrètement et légèrement ordonné, fust à iceulx mandé sortir et s'en alle[r] de lad. Bastille et néanmoins ne furent en nulle manière recompencez de leurs donmaigez et interestz etiam de leurs despens, combien qu'il leur eust beaucoup cousté en lad. prison au moyen des gros personaiges qui les venoient veoir 2.

93. En ce temps le peuple de Paris n'estoit guieres contant du Roy au moyen des gros deniers qu'il se efforcoit exiger sur la ville.

1. Nous avions lu d'abord Vertus, mais l'on ne trouve pas de conseiller de ce nom, tandis qu'on en connaît un nommé André Verjus. -

2. Les registres du Parlement ne parlent pas de cet emprisonnement de trois de ses membres, qui, selon Versoris, aurait duré six semaines, à partir du 3 novembre i522. Bien plus, leurs noms se trouvent fréquemment sur les listes des conseillers qui ont siégé pendant les mois de novembre et de décembre. L'un d'eux, Robert Turquain, fut même chargé, le 14 novembre, par la cour d'une commission spéciale touchant la police de la voirie. (Xia i5ib, à la date. Cf. g 96 et Journal d'un bourgeois de Paris, p. 160.)

DE Me NICOLAS VERSORIS. 27

94. Le samedy sixiesme jour de décembre, trespassa Teslu Chevalier, homme bien exstimé.

95. Led. jour mourut la femme du gênerai le Sueur, fille de feu mons. l'audiencier Budé.

96. Soit noté que, parce que le Roy, adverty que les bourgois de Paris n'estoient contant de Temprisonement de mess. Seguier, Verjus et Turquan, et aussy qu'il ne voulloient acchepter du Roy oucunes rentes dessus la ville de Paris aud. seigneur appartenant, à ceste cause fust du mandement du Roy mandez grant quantité de bourgois de Paris de toutes sortes, pour eulx trouver à l'ostel de la ville, où le Roy envoya mons. le chancellier, mons. le grant maistre, mons. l'amiral et aultres grant seigneurs de la court du Roy pour remonstrer par led. chancellier ou peuple et bourgois de Paris l'affaire du Roy et du reaulme et que le Roy, pour l'entretenement de ses guerei et batailles estoit fort pressé et contrainct de trouver argent et que nul de Paris ne eust doubte ou crainte de bailler ses deniers et d'acheter rente du Roy ou prix de douze pour ung et que leurs arreraiges seroient payez au quattre terme de Pan et leur sort principal bien tost payé et renddu. Et plus fust par led. chancellier remonstré que le Roy par son conseil n'avoit peu et ne povoit trouver manière plus honneste d'avoir argent. Telle ou samblable remonstrance contenta ung peu le peuple. Lad. assamblée fust faicte le xie jour de décembre.