Maistre Popineau 2, advocat ou Chastellet, trespassa
de peste le unziesme jour du moys de septembre.
87. Au moys d'octobre, il fust grair bruytà Paris que le Turc
1. Versoris a laissé en blanc les noms de plusieurs autres victimes de la peste.
2. Nous n'avons pas trouvé le prénom de Me Popineau laissé en blanc par Versoris.
DE Me NICOLAS VERSORIS. 2 5
avoit assiégé Rohdes pour icelle prendre, ce qu'il fist finablement, duquel inconveniant et dommaige fust universellement le royaulme moût troublé et non sans cause.
88. Le Roy pour ce temps estoit à Paris, qui charchoit tous les moyens de trouver et avoir argent et mesmement quelque grasse [sic] somme, combien que peu de temps parcy devant l'on luy eust fourny et entretenu pour Fentretenement de ses batailles en la ville de Paris le soudoiement de mille piétons, l'entretenement et fraiz desquelz montoit par chacun an en lad. ville lxxv mille livres tour., et davantaige qu'il eust receu gros deniers de la vesaille qu'il avoit sans propos ne raison exigée et extorquée des bourgois de Paris, comme dict et recité est dessus. Néanmoins fust par led. Roy et son conseil trové manière de contraindre les bourgois et habitans de Paris de acchepter rente au prix de douze pour ung1 sur le revenu de la ville appartenant au Roy, mesmement sur le revenu du huytiesme du vin du quartier des Halles appartenant aud. seigneur, à cause de lad. ville, et ce pour le sort principal pour la somme de cent mil escuz souleil, combien que à ce eussent fort contredict et empêché oucuns desd. habitans, néanmoins plus par crainte et timeur que par amicttié et libéralité fust fourny lad. somme, non sans grosses murmuracions faictez à rencontre du conseil du Roy, en manière que l'on contrignoit oucuns riches marchans bailler xnc liv. tour, pour avoir par eulx cent liv. tour, de rente, combien que de ce ne feussent contens, les aultres pour ixc liv. tour, pour avoir lxxv liv. tour, de rente, les aultres pour vic liv. pour avoir l liv. tour, de rentes, les moindre rnc liv. tour, pour avoir xxv liv. tour, de rente; du nombre desquelz je feuz, combien que ce me portast gros préjudice, mais il vauit mieulx tirer que rompre 2.
89. Le mecredi xxvie jour novembre, fust fait le bout de l'an de ma feue femme et fut troys moys après son decèz.
90. Le jour auparavant, qui fust le xxve, deceda le panetier sainct Denis, oncle de ma feue femme.
91. Le xxviie jour dud. moys, fut mariée la fille de feu Clardin Tonnel à ung marchant esguilletier nommé Bourcier, et estoit cousine de ma feue femme.
