Les mots : longue espace de temps ont été ajoutés
DE Me NICOLAS VERSORIS. 45
envoyé de par le Roy, duquel estoit conducteur mons. de Longueville, entre lequel estoit mons. de Bourbon et partie de ses gens et l'armé de France, à ce que, joinctz ensemble, ne feussent trop fors et puissans. Finablement saige, vertueux et cauteleux prince, ducteur et chef de guerre, la perte duquel ne peult estre assez plaincte en France, led. seigneur de Bourbon fist passaige à l'armé de France, de laquelle estoit radm[i]ral ducteur, lequelez, comme eulx voullans rettourner en France et se joindre avec mons. de Longueville, qui encores d'eulx estoit distant de vingt et quattre milliaires, préparent leur armée en ordre, en manière comme s'il eussent esté près à entrer en bataille, saichant par eulx que mons. de Bourbon estoit d'eulx distant d'un milliar seullement, qui les espioit à ung pasaige. Touteffoys, à la venuee de l'advant garde, à laquelle estoient les Soisses, au nombre de douze milles hommes, avec lesquelz estoit mons. de Sainct-Paul, fist samblant mons. de Bourbon soy retirer et leur faire passaige, ensamble à la bataille, à laquelle estoit mons. l'admirai, mais finablement, quant fust à l'arrière garde où estoient les piétons adventuriers de France, ou passaige mond. seigneur de Bourbon constament les veinst assaillir et vertueusement se mirent en deffense les adventuriers qui porrent estre au nombre de six à sept mille hommes, qui pour ducteur avoient mons. Bayart, saige et de grant prouesse, capitaine bien aymé en France. Après que nos gens eurent combatu par longue espace de temps aussy vaillament que oncques firent gens d'armes, mal secouruz par l'advengarde où les Suisses estoient, lequelles ne voullurent retourner, combien que à ce feussent fort priés de mons. de Sainct-Paul, ensamble bien peu de gens d'armes de la bataille retournèrent bailler secours à l'arrière garde, qui jà estoit rompuee et brisée. Finablement furent tous lesd. piétons tuez avec leur capitaine Bayart, qui moût fust plainst, tant es Itales que en France. Au regard du bagaige, tout fust prins et ravy des ennemis. Soit noté que ceste deffaicte veinst plus par les bastons et1 hacquebutes à crochet, dont les ennemis estoient fort garnys que aultrement, car, avant que mons. de Bourbon et les Hespaignox se niellassent avec nos gens, ilz estoient jà rompuz, deffaiz et mors en partie desd. hacquebutes. Mons. l'admirai fust frapé à bras2. Quant au regard de
i. Les mots : bastons et ont été barrés.
