Versoris avait écrit d'abord : d'un desd. bastons à /eu
nos gens, ilz se retirèrent en diligence vers la France et les suivoit mons. de Bourbon avec grosse puissance de gens d'armes fort enymée de leur victoire * .
148. En ce temps, au moyen des mauvais garçons et grans bandes d'aventuriers estant à Paris, qui faisoient du mal sans nombre en robant ce qu'il pouvoient et faissant aultres divers maulx comme meutres, assamb[l]ées, pilleries, etc., le lundy xxine jour may et l'andemain de la Trinité, fust faict ung cry de par mess, de la court, auquel furent presens les huissiers de la court2 que dans vingt et quattre [heures] tous adventuriers qui ne voulloient honnestement gaigner leur vie, eussent à wider de Paris, sur peine de la hart, et que, sur lad. peine, nul de Paris ne portast bastons 3, enjoinction faicte aux taverniers sur lad. peine de ne recepvoir tels garnemens et gaste pain qui ne ont manière de gaigner leurs viez, avec deffense faicte aux sergens de ne boire, hanter ne participer avec lesd. mauvais garçons sur peine de perdre leur offices.
149. Led. jour, devant l'ostel de la ville à Paris furent deux paillars bruslées et arz tous viz pour avoir par eulz tué et robe quelques pauvres gens, près Paris4.
i5o. Le mardy jour sequant, qui fust le xxnne dud. moys de may, fust descenduee la chasse ma dame saincte Geneviefve pour soubvenir principalement aux biens de la terre qui perissoient de sécheresse. Néanmoins led. jour il ne cheust oucune pluye, combien que durant la procession fust le temps fort couvert de nuées, toutesfoys, le jeudy segond jour d'après, qui fust le jour du Sacrament, il pleust assez largement. Durant lad. procession ma dame saincte Geneviefve, pour la grant multitude du peuple estant en l'esglise saincte Geneviefve, fust ung homme estainct et suffocqué ; plus, durant lad. procession, entre mons. de Paris et l'abbé [de] saincte Geneviefve fust quelque différant, parce que mons. de
1. Les mots : de gens d'armes — victoire ont été ajoutés par Versoris.
2. De la court est une addition. Les registres du Parlement ne contiennent, ni à la date du 23 mai 1524, ni aux environs de cette date, une ordonnance relative aux aventuriers et aux vagabonds. La seule ordonnance de police enregistrée le 2 3 mai concerne la procession du Saint-Sacrement. (Xia l52Ô, f. 23o v°.)
