Le dernier jour may, alla de vie à trespas maistre

Crosson advocat.

241 . Le vendredy xvie jour ju[i]ng, fust enterré à Sainct Severin

maistre Charrier', en son vivant examinateur du Roy n. s.

ou Chastellet de Paris et procureur en la court, homme de bien [en] son estât.

242. Le samedy xvne jour dud. moys, alla de vie à trespas ung peu après quattre heures de matin 2 ma sseur Loisse Barjeronne, la troysiesme femme de mon frère maistre Guillaume Versoris et fust enterré à Sainct Severin en la chappele Houdon. Dieu par sa grâce face pardon à l'ame ! car elle estoit parfaicte en bonté, la mort de laquelle ne peult estre assez plaincte. Elle a eu deux enffans, prumier un filz, nommé Joseph, encores vivant, segonde-

ment eust unne fille, nommé dépendant la gesine de lad. fille,

la mère alla de vie à trespas avec unne grosse fiebvre.

2q3. En ce temps, mourut ung marchant de ceste ville, demourant rue sainct Denis, nommé Favereau, grant riche homme estimé.

244. Le mardy xxe, la femme de Dorron, procureur ou Chastellet de Paris, alla de vie à trespas, malade de peste; deux [ans ?] ou paravant estoit trespassé led. Dorron, aussy malade de peste. Ce temps estoit moût subject à maladie et ce mourrait beaucoup de personaiges à Paris de tous estaz3.

245. Le mardy xrne jour dud. moys, fust plaidoyé en la court de Parlement l'appellation interjectée par mons. l'esveque de Chartres de ce que les chanoines et chappitre avoient esté reffusans le recepvoir comme leur evesque. Finablement par lad. court fust ordonné que led. evesque serait receu4.

1. Nous n'avons pu trouver les prénoms de Me' Crosson ni Chartier, laissés en blanc par Versoris.

2. Les mots : un peu après quattre heures de matin ont été barrés, ainsi que toute la fin du g à partir des mots : car elle estoit parfaicte...