Nous n'avons pas trouvé le prénom de cet avocat

3. Ou Vinent. Ce nom a été écrit après coup et avec une encre si blanche qu'il est presque illisible.

DE Me NICOLAS VERSORIS. g 3

3i6. Ced. jour fust portée en terre la seur de mons. Siguier, vefve de feu ' .

317. Le samedy, vingt et ungniesme jour juillet, troys frères gentizhomes, natiz du pays de Nyvernois, nomez par ordre de leur aage Françoys, Joachin et Charles du Castel, led. Françoys aisné seigneur de Chassy, commirent et perpetre[re]nt ung mervilleurs et admirable cas, acompaignez d'un paige et d'un lacquez, ja aagez et tout homes, car les dessusd. à la succis[t]ation et requeste dud. Françoys du Castel, led. jour de samedy allèrent espier le

seigneur 2, beau frère desd. du Castel, logé au Grant-Cor-

net, près S. Gervais en ceste ville de Paris et luy trouvé près dud. logis, lequel alloit au Palays, luy donnèrent plusieurs coups, desquelz sur le champ alla de vie à trespas. A ceste cause, le peuple, voyant ung mertre sy criminel et si inhominieux, firent telle poursuitte, acompaignez du procureur du Roy et plusieurs sergens, que lesd. frères et satalites meurtriers furent prins près S. Geneviefve en Tostel de Guillaume, boucher, lesquelz jà avoient passé la rivière de Saisne, pençant gaigner la porte S. Victor, où jà avoient envoyez leurs chevaulx et furent de si près poursuiviz, comme Dieu voullut, qu'ilz ne se peurent saulver. A ceste cause, eulx menez prisoniers à Chastellet, fust leur procès fait en diligence et par icelluy furent convincuz et attinctz, tant par leur confession que aultrement par tesmoings, que il y avoit bien troys ans que led. Françoys du Castel, le frère aisné, avoit conceu hayne sur led. deffunct, au contant de quelque question qu'il avoient eu ensamble et depuys pour ung procès que led. deffunct avoit gaigné par arrest contre ses be[a]ux frères du CasteL Le procès fait, furent tous troys frères condempnez à avoir les testes tranchez à Grève, les testes portés et affichez au bout de troys lances à leur chasteau et lieu de leur nativité et le paige pendu et estranglé joignant Teschafaud où ses maistres avoient eu la teste tranchée et le laquez, lequel avoit baillé le premier coup aud. deffunct par traïson et l'avoit guecté deux ou troys jours pour le tuer et faire tuer, condempné fust avoir le poing coupé au lieu où

1. Seguier avait trois sœurs mariées. Nous ne savons de laquelle il s'agit ici. Ce paragraphe a été barré.

2. Nous n'avons trouvé trace de cette affaire ni au Parlement ni au Châtelet, et nous avons dû laisser en blanc le nom de la victime, que Versoris n'a pas connu au moment même et qu'il a négligé de rechercher plus tard.

le deffunct avoit esté occis, de la mené en Gresve avec les aultres et bruslé tout vif. Lad. sentence fut confermée par arrest et fust telle la justice faicte le samedy sequant du meurtre au jour de la faiste S. Anne, le xxvie jour dud. moys de juillet. Cecy fait bien à noter, car la pugnition fust grosse, aussy le cas fust fort odieux, car il fust fait de guect apencé.

3i8. Le jeudy xvre jour aoust, furent cre[e]z prevost des marchans mons. le gênerai de Marie et sires Germain le Lièvre et

Pinel, marchans, eschevins, et perdirent leur brigue maistre

Pierre Lormier et maistre Mile Gedon, advocat '.

319. Le dimanche, xixe dud. moys, alla de vie à trespas damoiselle Magdel[a]ine Petit, femme démons, maistre [Pierre] Da[u]vet, maistre des requestes, femme habondant en gros biens 2.

320. Led. jour alla aussy de vie à trespas mons. Boge, advocat en la court, homme bien exstimé. Dieu luy face pardon.

32i. Le mardy, xxvnr2 jour dud. moys d'aoust, fust bruslé en Grève ung jeune homme attinct et convincu d'heresie, disciple et immitateur de la doctrine de Lutheur (sic), lequel voullut mourir sans confession, dissant qu'il ne convenoit se confesser que à Dieu seullement et non [à] homme prebstre, qui est pécheur comme luy, et oultre il avoit mal senti des sacremens de l'ostel.

322. Led. jour fust porté en terre à S. Severin le maistre du Chasteau, bedeau de la nacion de France, homme de bien exstimé.

323. Le xxie ou xxne jour septembre, alla de vie à trespas Lescarlatte, femme industrieuse à fournir, louer et prester tout mesnaige à faire gros bancquez, mesmement es bancquez des docteurs, regens et maistres de l'Université de Paris.

324. Le viie octobre, fust enterrée à S. Andry la femme de maistre ... Rivière, fille de mons. Chartier, advocat en la court3.

325. Le lundy vrne octobre, ma femme acoucha d'un filz. Pour le subict et hatif decez d'icelluy ne peult estre porté ne mené au fons, toutesfoys la bonté et miséricorde de Dieu, le créature louée, fust par la saige feme undoyé.

i. Versoris a rayé cette observation sur ces deux candidats.

2. Pierre Dauvet, chevalier, seigneur des Marets, reçu maître des Requêtes sur la résignation de son père, le 27 avril i5i5. Sa femme, Madeleine Petit, était fille d'Etienne Petit, notaire et secrétaire du roi, audiencier de la Chancellerie. (Blanchard, Généalogies des Maîtres des Requêtes, Paris, 1670, in-folio.)

3. Nous n'avons pas trouvé le prénom de Me Rivière. Ce g a été barré.

DE Me NICOLAS VERSORIS. g5

326. Le samedi, xiue jour dud. moys, condempné fust par maistre Jehan Morin, lieutenant de la prevosté de Paris, ung Nicolas Clereau, natif de Paris, soy entremectant de mestier de vinagrier, lequel accusé de plusieurs mertrez, ravissement, larrecinz et voileriez et prissonier es prissons de la Conciergerie détenu par led. Morin et eschappé par longue espace de temps, finablement fust de rechef reprins et condempné, comme dit est, à estre bruslé au marché en Grève. Fust lad. sentence confermée par arrest. Dieu luy face mercy. Il estoit estimé homme puissant, hardy et couraigeuz, aultrement estoit sugget à plusieurs vices.

327. Soit noté que ceste année Ve XXVI fust compectente en fruietz, c'est ascavoir en blez, lesquelz toutesfoys n'estoient pas de grant garde, et vins. Quant es aultres fruietz de pomes et de poires, s'en est trouvé bien peu.