Le texte porte guery

tompe que le landemain se trouvassent aud. lieu S. Denis et que le Roy en voulloit guérir. Ced, jour de samedy, au mandemant du Roy, furent prins prisoniers à Paris plusieurs bons et honnestes bourgois. c'est asçavoir mess. Marlin, channoine et pénitencier de Paris, Bouchart, Duget, Boeleau, advocatzenlacourt*. La cause dud. emprisonement fust parce [que], le Roy estant es Espaignes prisonn[i]er, eulx, avec plusieurs aultres de bourgois de Paris, tiendrent en leur oppinion que il ne convenoit que les bourgois de Paris se obligassent chacun en particulier pour le payment de quelquelz grosses [sommes], à quoy ma dame la régente avoit chevy et composé avec les Angloys touchant les différons encians entre les Françoys et Anglois.

346. Le dimanche jour Pasques fleuris, le Roy fist son entrée à Paris, comme de novel revenu de captivité et après que tout le corps de la Ville et ses membres, la Court, Chastellet, toutes les esglises et mendians eurent esté jusques à luy séjournant à la Chapelle, luy fairent chacun endroit soy sa harange pour son bon retour. Arriva led. seigneur par la porte S. Denis où, venu devant Chastellet, tourna tout court et s'en alla loger aux Tornelles et, le landemain lundy, veinst oyr la messe à grant pompe à Nostre Dame.

De l'année V XXVII.

347. Le xxvne avril, commença ung temps après Pasques, que l'on comptoit Ve XXVII, mervileusement pluvieulx, lequel dura tout le temps du moys de may et porta moût grant préjudice aux biens de terre, car, au moyen de la moicteur de Pair, la rivière de Saine enffla en si grant sorte que elle gasta plusieurs biens de terres, comme blez, prez et aultres grains de mars. La rivière de S. Marceu, par les estangz crevez d'autour de Paris, enffla si grosse qu'elle abatist plusieurs bastimens de muraille et fist trébucher grant partie de la closture des relligieuses S. Marcel. De mémoire d'homme n'avoient esté si grosses les eaulx aud. temps.

348. Le xxve du moys de may, furent apportez moût piteuses et douloureuzes 2 nouvelles, c'est que le vie dud. moys may

r. L'auteur a réservé ici une ligne de blanc comme pour ajouter les noms d'autres prisonniers.