L'auteur a rayé moût piteuses et douloureuses

DE Me NICOLAS VERSOR1S. 103

Ve XXVII, mons. de Bourbon, qui auparavant ce, comme lieutenant de l'Empire, avoit subjugé tout le pays des Itales, pour et au nom de l'Empereur au reiste1 que le pape et mons. le s. Rence qui avoient encores une grosse armée dans la ville de Rome, saichant que led. s. Charles de Bourbon s'aprochoit fort pour les perdre et combatre et expugner la ville, avoient icelle à leur pouver munyee d'artillerie et gens d'armes, finablement arriva led. s. de Bourbon devant lad. ville de Rome, lequel, après qu'il eust congnu que les Romains et gens d'armes estoient délibérez de tenir et deffendre la ville, fist donner ung et deux assaulx où il ne gaigna guyeres que la perte et mort des gens, mais au troysiesme assault fust prinse lad. ville et led. s. de Bourbon à l'entrée de la ville frappé d'un coup d'artillerie par l'oruel 2 senestre, duquel coup le troysiesme jour alla de vie à trespas, mais au regard de la ville, elle fust toute pillée et arse et tuez plus de xl mille persones, qui est ung cas moût pitoiable, et mesmement les la[n]cequenez, que l'on dict suivre le party de Luter, ennemy des gens d'esglise, tuèrent et occirent tous les prebstres et gens d'esglise qu'ilz trouvoient. Dieu N. S. en veuille avoir les âmes ! Au regard du pape et du s. Rence et aultres bons cappitaines de guerre italiens, se rettirerent au chastel S. Ange, lesquelz sont encores à présent en grant dangier. Lad. prinse fust le sixiesme jour dud. moys de may.

34g. Le xxxie et dernier jour de may, à ung vendredy, fust descenduee la chasse madame saincte Geneviefve. La cause de la descendre fust pour les guerres et pour paix avoir, et mesmement pour la grant et continuelle pluye, qui avoit bien duré de six à sept sepmaines, en manière que tous les fruietz de la terre demouroient sans advancement, mais après la descente de la bonne dame commença à faire beau temps et chaulx ; nous en avyons bon mestier.

35o. Le dimanche ixe jour juing, jour de Pantecouste, le Roy et l'ambasade se trouvèrent à Nostre Dame de Paris, où jurèrent sur l'ostie sacrée, dont usa chacun d'eulx après, garder et observer certains accordz et convenances faictez avec led. Roy de France et le Roy d'Angleterre et y eust grosse manificence 3.

1. Ce mot n'a aucun sens, mais on ne peut en lire un autre plus intelligible; toute la phrase d'ailleurs est mal construite.