Dans le texte : je le veu
DE Me NICOLAS VERSORIS. IO7
Roy n. s., bailly et gouverneur de Thouraine, prisonnier en la Bastille, informations, interrogatoires, confessions, confrontations de tesmoings, lettres, registres, estaz et aultres papiers, lettres de clericature dud. de Beaulne, cayers de deffense et justifications par luy baillez, le procès fait par devant les commissaires sur ce ordonnés, tant aux Montilz soubz Blays que en ceste ville de Paris, et aultres papiers par luy employez pour ses justifications, ensamble le procès mis par devers lesd. juges par dame Jehanne Ruzé, sa femme, et messire Guillaume de Beaulne, chevalier, gênerai de France, son filz, veue aussy la requeste présentée par ma dame mère du Roy, nostre seigneur, tendant à ce que le jugement qui seroit donné sur led. procès criminel fust sans préjudice de sa debte et sentence par elle obtenue et tout considéré, dit a esté, sans avoir regua.d à la lettre de clericature dud. Jacques de Beaulne, du priviliege de laquelle il a esté débouté, iceulx juges ont declairé et declairent led. Jacques de Beaulne estre attinct et convincu des larrecins, faulcetez, abuz, malversations et maies administrations es finances du Roy mencionnez aud. procès, et pour réparation desquelz crimes et delictz Pont declairé et declairent estre privé et privent de tous honneurs et estatz et oultre ont icelluy condempné estre pendu et estranglé à Monfaulcon, et tous ses biens, meubles et heritaiges, conficqués, sur lesquelz biens et confiscation sera prinse la somme de troys cens mil livre par., tant par exécution des sonmes des parties robées et mal prinses par led. de Beaulne sur lesd. finances du Roy n. s. et aultres doumaiges et interestz par luy faictz et commis en icelles, laquelle somme lesd. juges ont adjugé au Roy n. seigneur pour lad. restitution,, et ce sans préjudice de lad. debte prétendue par mad. dame mère du Roy n. s. Ancy signé : Bordier : et prononcé le neufviesme jour d'aoust mil Ve XXVII, vigille S. Laurens, et exécution faicte le lundi douziesme jour dud. mois d'aoust aud. lieu de Montfaucon *. »
3 60. Le xxvie aoust, fust mis en terre maistre Jehan le Grant, procureur au Chastellet de Paris, homme de bien sçavant en son estât et fort riche en biens. Dieu luy face pardon 2.
36 1. Le lundy segond jour septembre, fust procédé à l'élection
1. Les pièces du procès de Jacques de Beaune de Semblançay sont conservées aux Arch. nat., cartons J g58 et K 719-722.
