Led. jour, mons. de Beaune, dit S. Blancet, qui de tout

dominus noster rex Francorum Franciscu», hujus nominis primus, cum maximo apparatu et comitiva prelatorum et nobilium, inter quos erat Rex Navarre, ac eciam cum dominis ambasiatoribus Régis Anglie, venit ad ecclesiam Parisiensem et missam solemnem, quam dixit episcopus Ambianensis (François d'Haï win), audivit; qua dicta, corpus Christi dévote recepit, pacemque seu tractatum pacis inite inter cum et dictos ambasiatores firmavit. » (Reg. cap. de N.-D., LL 23g, p. 5io.)

DE Me NICOLAS VERSORIS. Io5

son temps c'estoit meslé des finences du reaulme et avoit entretenu et gouverné pasiblement plusieurs roys, c'est asçavoir le petit roy Charles VIII, et Loys douziesme et mesmement Françoys premier de ce nom, après que l'on fust adverty qu'il avoit robe ou malprins gros deniers au Roy appartenans et fait et commis plusieurs traficques deshonnestes, veu mesmement la qualité du personaige, qui estoit estimé et de tous prisé et aussy considéré son grant sçavoir et son grant aage, son procès bien au long fait par mons. le premier président et aultres grant personaiges du reaulme, pour lequel faire y mirent biendemy an sans oucune discontinuation, fust condempné estre pendu au gibet de Monfaucon et tous ses biens dont il avoit à milliers confisqués au Roy. Toutesfoys, aud. jour, après que l'on luy eust prononcé son jugement, se porta pour appellant. Ce fait, led. s. président et aultres déléguez du Roy ' se assamblerent en leur conseil pour adviser en diligence si, non obstant l'appel, il passeroit oultre, car desjà le lieutenant criminel, acompaigné du s. Degoys et les archiers, orbalestriers et hacquebutiers estoient revestuz de leurs costez et fort bien en ordre et le peuple assamblé en nombre innumerable. Finablement furent lesd. s. juges déléguez de conseil et advis de ne passer oultre au préjudice dud. appel et hastivement envoyèrent au Roy, qui lors estoit avec le cardinal d'Ior[t], Anglois en la ville d'Amyens, pour sur ce avoir son advys. Finablement le Roy et ma dame en poste envoyèrent faire exécuter led. s. de S. Blancet, non obstant l'appel par luy interjecté, et arriva led. poste garnv de lettres et mandement du Roy le lundy douziesme jour aoust et led. jour, de rellevée, led. s. de S. Blancet, après qu'il fust défait et devestu de l'orde de chevallerie, fust mené du chasteau de la Bastille, luy estant sur sa mulle, la teste nuée, ayant assez longue barbe toute blanche, à son costé le lieutenant criminel et d'aultre le 2 s. Degoys, prevost forin de la ville de Paris, acompaig[n]é des orbalestriers, archiers, hacquebutiers et sergens, qui y estoient de tout leur nombre, dud. chasteau de la Bastille fust mené par la grant rue S. Anthoine et delà à porte de Paris, où luy fust fait son cry fort inhomineulx, c'est asçavoir pour les pilleries et larrecins commis des deniers du Roy et icy et delà fust mené par la grant rue S. Denis au gibet de Paris, ou,

i. Il y a dans le texte et aultres ses délégué^ du Roy. 2. On lit dans le texte de.

IOÔ LIVRE DE FAISON

après qu'il eust fait plusieurs oraisons et prins moût sagement sa mort et fortune en pacience, finablement fust pendu et estranglé, auquel exploict de justice fuz présent, et fust pendu en ung saiz ou jacquette de velour tané. En grant difficulté sçaroit Ton pence[r] le monde qui fust présent, lequel avoit mervileuse pitié et compation dud. s., car, combien voirement que Ton sceut son procès avoir esté bien et justement fait, toutesfoys, parce que, pendant qu'il estoit en si gros honneur, administrant toutes les grosses charges du reaulme, il estoit fort saige, humble et gracieux aux gentilhomes et au peuple qui avoit affaire à luy, et aussy à la vérité il estoit homme prudent, saige et de grant conduicte, mais l'advarice et désir d'avoir biens à foisson fust cause de l'exerquer (?) et de perdre congnoiscance de raison. Il avoit eu plusieurs beaux enffans, deulx desquelz auroit esté evesques, c'est asçavoir, l'un evesque de Lautrigne qui ja estoit decedé 1 et l'autre archevêque de Tours, lequel, voyant son père prisonier, auquel l'on fessoit son procès, d'ennuyé et merancolie alla de vie à trespas. L'autre de ses filz estoit l'un des quattre generaulx de France, lequel, oye la condempnation de son père, se rettira et saulva hors du reaulme 2. Ne se convient esbahir se je descript quelque peu longuement la fortune dud. S. Blancet, car de mon temps je l'ai veu 3 estre estimé quasi roy en France, et tout ce que dit et fait estoit par luy n'estoit contredit, non plus que du roy. Dieu nostre seigneur par sa grâce et miséricorde face pardon à l'ame ! Il fust fort plainct et regreté du peuple, lequel eust bien voullu qu'il eust pieu au Roy le saulver. De ceste histoire est bien congnu et entendu l'instabilité et mutation de fortune et aussy que service de seigneur n'est pas heritaige ne grâce éternelle.

359. L'arrest du procès criminel fait à l'encontre de mess. Jacques de Beaulne, chevalier, seigneur baron de S. Blancey, viconte de Tours, consillier et chamberlan du Roy n. s., bailly et gouverneur de Thouraine :

« Veu par les juges ordonnez par le Roy sur le procès criminel fait contre messire Jacques de Beaulne, chevalier, seigneur baron de Samblancay, viconte de Tours, consillier et chamberlan du