Ici un mot que nous n'avons pu lire

2. Le registre criminel de cette date manque. Rien au conseil touchant cette affaire entre le 25 janvier et le 10 février. Voy. la note du paragraphe 299.

grant nombre et furent en divers pelerinaiges par les champs et ceulx de Paris n1en firent pas moyns, car ceulx de Paris alloient à Nostre Dame des Vertux, Bralloige (?) et aultres beaux lieux, et la nuict l'on pençoit pour certain que toutes les vignes feussent gellés la nuict du lundy et mardy car les gros glaçons pendoient aux bourjons et grappes. Toutesfoys, miraculeusement, ancy qu'il est tout véritable, tous les matins survenoit ung broillas qui faissoit cheoir toute la glace et gellée. Toutesfoys, ilz furent gelées en oucuns lieux en partie et mesmement au villaige d'Icy, dont pour regracier et remercier Dieu, le mecredy sixiesme avril, furent processions générales à S. Martin des Champs et de mémoire d'homme ne fut autant veu de peuple pour une procession et lad. journée il pleut et après se mist au beau. Dieu en soit regracié. Et encores depuys se mist le temps au froict, mesmement après la faiste de Pasques que Ton dissoit Ve XXX, au moyen de quoy de rechief et en continuant, toutes les églises de Paris et des villaiges circunvoisins firent continuelles processions, et est certain que, sans la grand grâce de N. S., tout universallement estoit perdu. Dieu nous fist miracle tout évident et fust ceste année dicte et jugée année des miracles.

De l'an V<= XXX.

421. Le jeudy xxie avril après Pasques, la nuict entre le mecredy jour précèdent et led. jour de jeudy, entre une et deux heures de nuict, fut perpétré ung mervilleus et piteux cas, car

ung nommé , prebstre, demourant auprès du villaige de

Meru, fignant par bon zelle apporter lettres au curé dud. lieu de Meru, demourant au colliege d'Autun, homme bien estimé, où il arriva le mecredi au seoir, et, après avoir esté receu joieusement par led. curé, auquel il délivra les lettres, le fist soupper en sa chambre et après soupper par bonne amour le fist coucher en la couchette de sa chambre avec son serviteur, et [led.] prebstre, meu et persuadé de Pennemy, print ung gleive qu'il avoit apporté, et en bailla ung coup en la gorge du serviteur qui estoit couché avec luy en la couchette, duquel coup mortel commença à crier led. serviteur : à l'aide ! au meutrier ! et à ce cry se leva le pauvre curé, ou se cuydant saulver ou cuydant ayder à son serviteur,

mais le méchant meurtrier , prebstre va audevant et luy

bailla huyt ou dix coup mortelz les unz à la teste, au bras et au travers du corps et luy couppa la moictié de la main et une partie

DE Me NICOLAS VERSORIS. 125

du pied et le laissa mort en sa chambre et, pendant qu'il faissoit ce cas piteux et horrible, le serviteur navré à mort, ancy que dit est, eschappa de la chambre et s'en va mourir en dix ou douze piedz de la chambre. Ce fait, le méchant meurtrier, après avoir laissé son petit braquemart et pour l'émeutte et cry du peuple de la rue qui estoit effrayé du cry du serviteur et dud. curé de Meru, sort de la chambre et frame (sic) l'huis après luy et secuyde saulver au buche[r] du colliege, mais [par] le peuple, furieux et enflambé, fut le meutrier trouvé et mené prisonier au Chastellet de Paris et interrogué ne voullut riens confesser, néanmoins par vehemens indices fut jugé avoir commis ledit cas et fut envoyé à mess, les gens d'esglise pour faire son procès et le desgrader, se mestier est, et chargez de par la court dans huytaine de faire et parfaire son procès.

En ensuivant ce et sa confession sur ce oye, qui confessa le cas, fut le mardy troisiesme jour may, jour S. Croix, desgradé verbalement, les cerimoniez sur ce bien gardez et le jour sequant, qui fut le mecredy quattriesme dud. moys, fut actuelement dégradé au parvy Nostre Dame par mons. de Paris, acompaigné de deux evesques, c'est asçavoir révérend père en Dieu mess. les evesques de Brou, jadis abbé de S. Magloire1, et l'evesque [de Bellinas], abbé de S. Geneviefve2, les choses requises bien gardez et, ce fait, fut délaissé entre les mains de la justice séculière, qui fut le lieutenant criminei, maistre Jehan Morin, qui

i. Guy de Montmirail, abbé de Notre-Dame de Montebourg, au diocèse de Coutances, abbé de Saint-Magloire de Paris, de 1493 à i525, nommé par Clément VII évêque de Mégare in partibus, le 27 avril i52Ô, mort avant le 17 juillet 1542 (Gall. Christ., t. VII, col. 324). On ne voit pas pourquoi Versoris donne à ce prélat le titre d'évêque de Brou. Le registre capitulaire de Notre-Dame relate la cérémonie de la dégradation, dont il fixe la date au 4 mai et non au 3, jour où la sentence aurait été rendue par l'évêque de Paris, en présence de six autres évêques, non nommés, et de plusieurs prélats. Le chapitre, consulté sur le cérémonial, décida que, le lendemain 4, un échafaud serait dressé devant le grand portail de la cathédrale, que la cloche serait seulement tintée, de façon qu'il n'y eût pas un trop grand concours de spectateurs, et qu'il serait interdit à maître Jean Garbet, clerc de la fabrique et sonneur des grandes cloches, de laisser pénétrer personne dans les galeries des tours pour éviter les dégradations. (Arch. nat., LL 240, p. 240.)

2. Guillaume Le Duc, de Roissy, abbé de Sainte-Geneviève depuis le mois d'août 1 5 1 7, nommé évêque de Bellinas (Bellinensis) le 26 février i528, mort le 3 juillet i53y. {Gall. Christ., t. VII, col. 767.)

tost après le mena au Chastellet, où fut de rechief interrogué et confessa le cas, et fut incontinent condempné à avoir le poing coupé devant le colliège d'Authun où il avoit commis le crime et délia mené en Gresve pour estre pendu tout vif soubz les espaulles à une potence et là bruslé tout vif, dont il se porta pour appellant à la court et y fut mené le jour mesme de sa dégradation et de sad. condempnation le landemain, qui fut le jeudy cinquiesme may, par arrest de la court fut lad. sentence du lieutenant Morin

infirmée et en admendant icelle dit que led. Me Pierre ,

prebstre dégradé, seroit mené du Chastellet de Paris sur une claye attachée à ung tumbereau jusques au colliège d'Authun et là le poing couppé et délia pandu par les espaules seroit en l'air bruslé vif. Et fut led. arrest mis à exécution le jeudy ve may V^XXX1.

422. Durant ce temps, fut faicte fort grosses justices de plusieurs mauvais garçons prisoniers, tant pour la multitude estant es prisons que parce que il estoit bruit que la peste se estoit misse à la Conciergerie du Palays. Il n'estoit jour que il n'y en eust de panduz et estranglez et les aultres bruslez. Aussy, durant ce temps, furent faictz pugnitions de quelquelz habitens de Meaulx qui tenoient l'erreur de Luther et aultres aussy frapez de pareille maladie qui estoient d'Ivery près Paris, qui dissoient indiscrettement que il n'y avoit point de purgatoire et que sans cause estoit l'intercession des sainctz implorée et firent amende honnorable au parvy Nostre Dame.

423. Le samedy segond jour juillet, furent portez en terre mons. Brinon, greffier des generaulx de la justice, et enterré à S. Andry et maistre Crosson, notaire, fut enterré à S. Severin.

424. Le mardy cinquiesme juillet, à deux heures du matin, furent apportez lettres et nouvelles moût desirez et appelez du peuple, qui aussy estoient de grant joye et exultation. Fut la délivrance et réception des petiz enffans de France, estant en hostaige en Espaigne pour le Roy. De ceste tant bonne nouvelle fut le peuple de France tant resjouy et consolé, mesmement le peuple de Paris, que, tost incontinant k poste arrivé et le pacquet

1. Le curé de Méru s'appelait Antoine Comble. (Journal d'un bourgeois de Paris, p. 409.) Les registres du Châtelet, de l'omcialité et du Parlement criminel, où l'on aurait pu trouver les arrêts rendus dans cette affaire, n'ont pas été conservés.

DE Me NICOLAS VERSORIS. I 27

veu, le peuple, esmeu de dévotion et joye, incontinant le matin les nouvelles divulgez, furent sonnez toutes les cloches de Paris où à chacune parroisse fut dit et chanté Te Deum laudamus et ce jour fut faistoyé par toute la ville de Paris, furent fays les fueuz Papres disnée avec grant joye. Le matin, à huyt heures, toute la court, hostel de la ville et du peuple infiny fut à Nostre Dame de Paris pour faire chanter le Te Deum. Le vendredy de rechief, fut la court en procession à Nostre Dame et le dimanche furent faictez processions générales. Le mardy, qui fut la huytaine des nouvelles venuz, furent encores les feuz faiz tousjours en seigne de joye1.

425. Le mecredy xme jour juillet fut portée en terre le commissaire Mingot (?).

426. Le samedy xvie fut portée en terre la femme de feu mons. Poucet.

427. Le mardy xne juillet Ve XXX, Marion de la Haye ma chamberiere fut mariée à Jehan Chefdeville.

428. Mons. Saligot, greffier delà conservation fut porté en terre le mecredy xe aoust et fut enterré en Tesglise S. Gervais. Le bruit estoit qu'il avoit esté gardé après qu'il avoit esté mort, pour saulver son office, car Ton avoit envoyé jusques au pape pour en avoir par Tun des parens du deffunct provision et collation dud. bénéfice. Toutesfoys, de la partie de mons. le conservateur, qui estoit mons. de Meaulx, estoit soubstenu que au pape n'apartenoit la provision dud. beneiiee et de ce fut procès 2.

1. Le registre du conseil du Parlement (Xia i533, fol. 286 V, 290 et v° et 2g5), le registre capitulaire (LL 240, p. 287 et 290), et le registre du bureau de la ville (H. 1779, fol. 40), s'étendent assez longuement sur les cérémonies et réjouissances qui eurent lieu à Paris à l'occasion de la délivrance des enfants du roi. Mais ils n'apprennent pas grand'chose de plus que Versoris.

2. Mc Artus Salligot était depuis l'an i5o3 en possession de l'office de scribe de l'Université de Paris et premier notaire de la conservation de lad. Université. Quelques jours avant sa mort, il l'avait résigné en faveur de son gendre Me Jacques Boucher, conseiller du roi, maître ordinaire de ses comptes, qu'il voulait en effet faire pourvoir en cour de Rome, comme s'il se fût agi d'un bénéfice à la collation du pape. L'évêque de Meaux, conservateur des privilèges de l'Université, prétendait que le choix des titulaires à l'office de scribe rentrait dans ses attributions et en avait pourvu son parent Guillaume Briçonnet. Il eut gain de cause aux requêtes du Palais, et, en appel, au Parlement. Et cependant, soit que Guillaume Briçonnet se soit désisté, soit pour tout autre motif, ce fut Jacques Boucher