LIVRE DE RAISON DE N. VERSORIS

429. Ma seur Radegonde Versoris, femme de mon frère Jehan Basanier, alla de vie à trespas le samedy xxe jour aoust, et fut portée en terre au cymetiere des Sainctz Innocens, le dimanche xxie dud. moys. Dieu par sa grâce luy face pardon et mercy ! Ce fut grant donmaige.

430. Le mecredy, dernier jour aoust, veuille de S. Leu S. Gilles, fut né Gilles Versoris, mon filz, et en acoucha sa mère entre six et sept heures du seoir et eust pour parrains mons. des Moulins son père grant, maistre Loys Chivot, mon beau frère et ma seur Guillemete, femme de maistre Anthoine Martin, mon beau frère.

43 1. Madame la Gillebarde fut portée en terre le jour de la Nativité Nostre Dame, qui est le vrir3 jour septembre. Dieu luy face mercy ! elle [estoit] femme de bien et d'honneur et estimée grant riche femme.

432. Le jeudy xme octobre fut mis en terre maistre Sebastien Julien, procureur au Chastellet de Paris, homme de bien. Deux ou trois jours auparavant fut aussy porté en terre Pierre Furet, maistre forbisseur d^spée.

433. Grusseteau, procureur, fut mis en terre le dimanche devant la Toussaintz.