Mot illisible
[l']avoit eu le ix<* avril dernier passé. Dieu luy face mercy et pardon à Pâme !
65. Monsieur de Lautier, advocat en la court, home savant, honneste et bien renommé, mourut le dix-neufviesme jour juing.
66. Soit noté que ce temps le blé estoit fort cher au moyen du temps qui estoit fort pluvieux et acquaticque et contraires aux blés qui encores estoient sur les terres, en manière que l'on ne pouvoit faire ne acchever Paoust, pour raison de quoy le vendredy, xrne jour juing fust descenduee la chasse madame saincte Geneviefve, tant pour la disposition du temps que pour appaiser les guerres et couraiges des princes.
67. Le troysiesme jour juillet, maistre André Desasses, consillier du Roy en sa court de Parlement, fust enterré à Saint-Germain et fut gardé mort par commune renommée trois ou quattre jours pour saulver l'office pour son filz, duquel finablement fust pourveu 1 .
68. Le jeudy xvne dud. moys, trespassa le filz de Jacques Pèlerin, cousin de Marie Regnart, ma femme.
69. Maistre Ytasse Boette, procureur en la court, trespassa le troysiesme jour d'aoust.
1. On lit dans le registre du conseil du Parlement à la date du 3 juillet i522 : « Ce jour les parens et amys de feu Me André Dezasses, en son vivant conseiller céans, ont prié la court convoyer son corps de sa maison en l'église Saint-Germain-PAuxerrois, où il sera inhumé à troys heures après disner, et demain à neuf heures matin assister à son service. » (Reg. du Pari., Xia 1524, f. 285 v°.) Claude Desasses (telle est l'orthographe la plus ordinaire), son fils, fut reçu conseiller à sa place le 28 août suivant. « Interrogé par serment s'il avoit baillé, faict bailler par luy ne par autre or,
argent ou autre chose équipollent a déclaré que, au moyen de la resi-
gnacion à luy faicte par feu Mc André Dezasses, son père, il obtint don du roy dud. office, et depuis fut adverty de son trespas et derechief en eust don dudit seigneur comme vaccant par le trespas dudit deiunct, et a demouré en ce propos l'espace de unze jours, attendant ses lettres, lesquelles luy ont esté baillées expédiées du jour du trespas dud. defunct. Toutesfoys dit que on luy a remonstré le plaisir que le Roy luy avoit faict et les grans affaires qu'il a de présent et qu'il failloit qu'il prestast aud. seigneur la somme de troys mil escuz, ce qu'il a faict, et espère en estre remboursé, car le Roy de Navarre le luy a promis ainsi le faire, et d'en faire poursuicte envers le Roy, etc. » (Xia 1524, f. 3j5.) On voit que la rumeur publique dont Versoris s'est fait l'écho n'était pas fondée. Claude Dezasses fut depuis, par arrêts du 14 août et du 7 septembre 1527, suspendu de sa charge de conseiller, placé sous la surveillance d'un huissier de lar cour et condamné à des dommages-intérêts envers une partie à laquelle il avait fait tort. (Bibl. nat., Dupuy 21 5, f. 63.)
DE M" NICOLAS VERSORIS. 23
70. Mourut samblablement aud. jour la femme de mons. Bon Œul, gênerai des monnoys du Roy'.
7 1 . Plus trespassa maistre Charles Poucet, advocat ou Chastellet de Paris, le ime jour aoust, homme bien renommé et de bonne consience.
72. Brigalier, marchant et bourgoys de Paris, trespassa le douziesme jour dud. moys.
73. Maistre Jehan Sevin, procureur en la court de Parlement, alla de vie a trespas le xvrrre jour d'aoust.
74. Nota que an ce temps le blé fust à grant marché au moyen de la bonne année qu'il plust à Dieu nous donner et envoyer dont il soit remercié. En manière que le septier de blé froment, qui avoit esté vendu six et sept livres aux halles, fust vendu peu de temps après xxrr et xxrrn solz par. du meilleur, et le mesteil, qui auparavant avoit esté vendu trois livres dix solz tour, le septier, a présent estoit seullement vendu dix solz et huyt solz par., et le pain blanc, qui, vendu auparavant l'aoust estoit ung blanc, à présent plus grant beaucoup n'estoit vendu que deux den. tour.
75. Le xxie jour dud. moys d'aoust, trespassa maistre Jehan Poussepin, procureur au Chastellet, homme de bien et bon praticien.
76. Le xxne dud. moys, Opportune, fille de maistre Pierre Basanier, cousine de ma femme, trespassa de peste.
77. Le xxme jour dud. moys, alla de vie à trespas la Piloise, femme de maistre Guillaume Voesin, procureur aux comptes.
