Le xxve dud. moys, trespassa Budé, jadiz eslu de Gisors

79. Soit noté que le vingt-troysiesme dud. moys d'aoust, lors la ville de Paris estant fort assaillie de peste, m'en allay à la Granche Bastelliere, tant pour obvier au dengier que pour prandre garde sur les grains estant en icelle, appartenans à Jacques Picart, qui debvoit entièrement aux enffans feu maistre Jehan Vivien, desquelz ay la charge, toute la moison de Tannée Ve XXI, mais ce fust en la mal heure, car ma femme, le sextiesme jour, y prinst le mal de peste, qui fust à ung dimanche dernier jour d'aoust,

1. C'est Guillaume Bonneuil, dont on trouve déjà le nom avec le titre de général des monnaies dans le registre de la cour des monnaies de l'an 1497; le 10 avril de cette année, il revenait d'une chevauchée en Picardie avec Germain de Marie. (Arch. nat., Zlb 7 à la date et passim.) Nous n'avons pas trouvé le nom de sa femme.

laquelle malade [sic] ne dura que troys jours et mourut le mercredi troisiesme jour septembre, à unne heure aspres mynuit, aud. lieu de la Granche. Je prie à Dieu qu'il aist fait pardon et mercy à sa pouvre ame.

80. Maistre Huges le Blanc, greffier du Four PEvesque, trèspassa le xxve jour d'aoust.

81. Le xxvie jour dud. moys, mourut maistre Francoys Picquet, procureur ou Chastellet.

82. Le xxrxe mourut la vefve de Lantier, mère de feu maistre Jehan Detalier, advocat.

83. Aud. temps allèrent de vie à trespas maistres Jacques Linscelme, Lourdet ' et plusieurs aultres, et tous de peste.

84. Est à noter que durant ce temps, en la ville de Paris, regnoit une mervileuse et dengereuse peste, en façon que l'on dissoit que en l'ostel Dieu de lad. ville trespasserent plus de douze vings personnes en trois jours. Au cymetiere des Sainctz Innocenz, pour ung jour furent enterrés plus de quarente, mais communément estoient enterrez xxvm ou xxx persones, qui estoit gros nombre en deux ou troys moys, sans compter ne nombrer des aultres esglisses. L'on dissoit que principalement la mort c'estoit tournée sur les pauvrez, en manière que des crocheteurs, gaigne deniers de Paris, qui auparavant la fortune estoient à Paris en grant nombre, ne demoura que bien peu, combien que auparavant ce feussent en nombre extiméz de sept à huyt cens. Au regard du quartier des Petiz Champs, tout le pays feust nestoié de pauvres gens qui auparavant y habitoient en grant nombre. A brief parler, ceste année peult estre dicte et appellée la grant mortalité, laquelle ne fust pas seullement en la ville de Paris , mais par tout le reaulme de France et mesmement en Normandie et en la ville de Rouan. Dieu le créateur aist pitié de leurs âmes !

85. En ce temps, qui fust le lundy prumier jour de septembre, le filz de mons. le général de Normandie fust marié à la fille de feu mons. Ponche.