EXTRAITS DES COMPTES DE CHARLES IX

TIRÉS DU TOME VIII DES ARCHIVES CURIEUSES DE J.’hISTOIRE DK FRANCE.

10 octobre 1572. A Robert du Ru, Gaillot du Biez, Alain Dubuisson Anglois, la somme de sept vingt six livres tournois dont Sa Maiesté leur a faict don en considération de ce qu’ils ont amené du pais d'Angleterre des dogues du dict pais, dont ils ont faict présent à Sa Maiesté de la part de la Royne. d’Angleterre, qui les luv a envoyez, et pour leur donner moyen d’eulx retourner au dict pais.

10 octobre 1572. A Guillaume de Haulsoy, pauvre laveur demeurant à Chaillot près les Bons hommes, vingtcinq livres tournois pour le récompenser d’une vache qui luv auroit esté tuée par les grands chiens du dict seigneur venant de la chasse du bois de Boulogne.

INTRODUCTION

14 octobre 1572. A Nicolas Audry, valet des grands lévriers du dict sieur, la somme de deux cens livres tournois en testons, à douze sols six deniers tournois piece, dont ce dict sieur luy a faict don en considération de ses services qu’il luy a faicts en son dict estât et pour le recompenser de quatre vaches à luy appartenant, que Sa Maiesté a faict estrangler par ses grands lévriers. Pour cecy par quittance du dict 1 deux cens livres tournois.

10 décembre 1572. A Du Fay, lieutenant en la prevosté de l’hostel, la somme de cinquante livres, pour luy donner moyen de supporter les frais et despens qu’il a faicts à la nourriture de certains nombres de lévriers, levrettes, mastins et aultres chiens de chasse qui se seroient trouvés en la ville de Meaux, appartenant aux habitants de la ville d’icelle, lesquels Sa Maiesté leur a faict oster pour les frustrer des moyens de chasser sur ses terres et iceux faict amener à Paris.

1 Charles IX dressait donc ses chiens au carnage vivant.