AU MESNIL, LIEUTENANT DE MA VENERYE

esnil, je me sentirois trop ingrat, et penserois estre reprins d’oultrecuidance sy en ce petit traicté que je veulx faire de la Chasse du Cerf, deuant que personne commance à le lire , je n’aduouois et confessois que j'ay appris de vous ce peu que j’en sçay. Pour tesmoignage de quoy j’ay voulu le vous addresser, asseuré que vous prendrez aultant de plaisir à voir le narré de vostre disciple, comme faict le jardinier à recueillir le premier fruict de l’arbre qu’il a plancté, lequel s’il congnoist n’auoir si bon goust qu’il doibt tout ainsy qu’il prend bien la peyne de l’anter et reanter jusques à ce qu’il l’ayt rendu parfaict. Je vous prie aussy, Mesnil, vouloir corriger et limer, ce qui sera de mal dans ce mien traicté, lequel si d'auanture est si accomply

qu’il n’y ayt que redire et changer, la gloire en sera premièrement à vous de m’auoir si bien instruict , et puis à moy d’auoir si bien retenu. Doncques estant appris d’un si bon maistre, je me hazarderay à le commancer, vous priant l’accepter d’aussy bon cœur que je le vous présente et desdie.

Charles.