DE LA

CHAPPITRE PREMIER

COMME IL FAULT PEUPLER LES FORESTZ OU IL n’y A POINCT DE BESTES.

vis que j’ay entrepris d’escrire par le menu les façons et maniérés, comme il fault chasser et prendre les Gerfz à force, de leur condition et nature , je veulx commancer, par ce qu’il me semble qu’ont obmis tous ceulx qui ont escript par cy-deuant de telle matière, c’est assauoir de la façon qu’il fault peupler vne forest, où il n’y a poinct de Gerfz ; car s’il n’y auoit des Cerfz , pour néant l’on apprendroit à estre Ve-

neur. Doncques qui la veult peupler, fault selon la grandeur d’icelle faire vne quantité de parez de pallis, de quinze, vingt, et vingt-cinq arpens le plus grand, et mettre dans iceulx la plus grande quantité de Bisches que l’on peult trouuer, et encores qu’il n’y ayt gueres de Cerfz , il n’y a pas danger : toutesfois il fault y en mettre quelques vns , car ce qui rend les forestz peuplées , est quand les Cerfz entrent en rut, ilz vont chercher le pais où ilz ont le sentiment des Bisches. A ceste cause , comme se vient le temps du rut , fault faire des ouuertures et brèches ausdicts parez : par lesquelles les bestes puissent sortir et commancer à hanter la forest, les Cerfz ayans le vent des bestes ne faillent d’y venir. Il est bien vray qu’apres le rut ilz s’en retournent aux buissons dont ilz sont partis, mais pour le moings ilz laissent les bestes plaines , et les fans qui en sortent ne congnoissent que les forestz où ilz sont nez et nourris , par ainsy lesdictes forestz demeurent peuplées. Je ne ne dis cecy sans exemple : car les bois de Merlou qui sont à Monsieur le Mareschal Danuille, ceulx du bois de Mallesherbes qui sont aux Antragues,de Chancheurie qui appartiennent à Monsieur de Lude , et de ma forest de Lyons n’ont esté peuplez d’aultre façon. Il est vray que l’on tient pour chose seure en Allemaigne , y auoir vne sorte d’vnguent , duquel quand on frotte les arbres d’une forest , vingt lieues à l’entour, les bestes y accourent. Mais pour ce que c’est chose que je n’ay veue ny expérimentée, je n’en parleray plus auant.

DU CERF

CHAPPITRE IIe*

Pour escrire 1 par le menu comme il appartient la nature du Cerf, il fault commancer par où il se faict et crée. Gomme se vient sur* la My-septembre , mesmement si les brouillars s’aduancent , les Cerfz commancent à rere2apres lesBisches, c’est à dire , font un cry et hurlement , qui rend tesmoignage qu’ilz entrent en chaleur, ne plus ne moings que les chevaulx font à la saison de leur monte. Hz demeurent enuiron sept ou huict jours , auant que les hestes les veuillent endurer, car ilz sont plustost en rut que les Bisches , et de force de les suiure les y mettent ; les sept ou huict jours passez , ilz entrent dans le fort de leur rut , et ne demeurent en aulcune place , ains ne font que cheminer et muser, qui veult dire, mettre le nez en terre, et sentir par où les Bisches ont passé , et les poussent et chassent de ceste maniéré deuant eulx. Ilz tiennent du naturel des hommes, car pour l’amour ilz se battent, dont il ad-

1 Edition de 1625 : descrire.

2 Raire.

nient souuent qu’il s’en tue quelques vns , et sont alors si transportez qu’ilz laissent approcher les hommes d’eulx , sans monstrer d’en auoir peur. Ilz tiennent leur rut communément au soir, et diriez que c’est vn tournoy. Car les Bisches s’assemblent à la plus belle et plus spacieuse place de la forest , et le plus souuent où il y a des mares , esquelles les Gerfz se souillent pour se rafreschir apres auoir bien combattu. Le plus grand Cerf est celuy qui tient le camp , comme vn tenant. Il est auec toutes ses Bisches , et les tient toutes à vn troupeau , tout ainsy qu’un Berger faict ses moutons. Si quelqu’vne s’escarte,'il la va chercher, comme s’il en auoit la charge. Si quelqu’aultre Cerf se présente pour ruter, il ne fault poinct de l’attacquer et assaillir de si grande furie et roideur, qu’ilz se prennent et meslent bien souuent les testes si fort qu’ilz ne les peuuent desfaire, et meurent ainsy. Qu’ainsy soit, j’ay des testes dans mon cabinet de Fontainebleau, qui sont si meslées de ceste façon que à présent elles ne peuuent encores estre desfaictes. Si durant ce combat il arriue en ladicte place quelque jeune Cerf, qui par craincte des plus vieulx n’ayt osé approcher desdictes bestes, il ne laisse perdre ceste occasion, et voyant que les aultres se battent et sont occupez ne fault à jouir de ses amours, ce qu’il faict comme à la desrobée. Or comme j’ay dict lesdictz Cerfz commancent leur rut à la My-septembre , et le finissent en la Myoctobre, toutesfois selon que l’Hyuer est. Car s’il aduance, ilz s’en retirent plustost, au contraire, s’il

DU CERF

retarde et que l’année soit fructueuse de gland Hz y demeurent dauantage, car le gland qui les eschauffe les y entretient. Mais quoi qui s’en soict , ilz ne passent la fin d’octobre , qu’ils n’en soient du tout hors. Les jeunes Gerfz s’y tiennent huict jours apres les aultres , pour ce que n’ayans la force pour résister aux plus vieulx , ils tiennent leur rut quand les aultres en sont hors et ne leur donnent aulcun empeschement.

CHAPPITRE IIIe.