COMME JL FAULT HAULSER LE NEZ A SON CHIEN
Vous auez veu par les deux derniers chappitres comme je desire que par l’espace d’vn mois l’on commance à faire assentir au jeune Chien ce qu’il fault que tout le reste de sa vie il subie. Or
DU CERF
voyant qu’il a bon commancement , et pour le matin il a le nez si bon que l’on luy peult desirer, se rabatant de toutes voyes, ne laissant rien passer qu’il n’en face de démonstration, il ne reste plus qu’à luy liaulser le nez et luy apprendre à chasser voyes de tiault temps *. Pour ce faire fault estre en pais commode, et que le Yeneur continue à se leuer matin, il ne luy est plus besoing d’entrer dedans les tailles, mais seulement sur le bord, dedans quelque chemin qui séparé les dictes tailles d’auec les landes. Puis en mettant son Chien deuant dedans le dict chemin de la façon que j’ay descrit cy dessus, doibt cheminer le long d’iceluy selon qu’il congnoit le pais, jusques à ce que son Chien se vienne à rabatre. Or son Chien se rabatant fault qu’il considéré de quel temps sont les voyes dont son Chien se rabat,' si ce sont voyes qui entrent dedans le fort, fault qu’il ayt le jugement de congnoistre que c'est comme la beste vient de faire sa nuict, ces voyes là communément ne sont pas de hault temps, si le Yeneur faisoit suivre le droict à son Chien il ne luy apprendrait par là à sehaulserle nez, parquoy il est hesoing luy faire suiure le contrepied, cela sert que le jeune Chien ayant sentiment des voyes qui ne font qu’aller, luy donne plus grande chaleur et courage en suiure, et les voyes ne se haulsant de temps que peu à peu, il s’accoustume aussy peu. à peu à se haulser le nez, car à la fin de la suite on trouuera que les voyes sont
Voyes de hault temps, voies vieilles de quelques heures.
haulsées de beaucoup plus hault temps. Or si d’auanture la beste avoit faict sa nuict si longue et si difficile à desfaire que l’on demeuras! si long temps apres que le Chien ne peult plus dresser les voyes, fault alors comme on se trouue dedans les landes, faire faire enceinte à son Chien non que par cela on ayt espoir de pouuoir retrouuer le contrepied, et le pousser dauantage : mais en ramenant son Chien et le rapprochant du fort, et non pas tout contre, faire qu’il se puisse rabatre des voyes dont il aura desia suivi : et s’en rabatant lors fault prendre le droict, et dressant les voyes dedans la brande, les pousser jusques dedans le fort, et estant là, à cause que lesdictes voyes sont haulsées de temps, cependant que Ton suit, je trouue bon que le Veneur les pousse tousiours jusques à ce qu’il vienne à lancer la beste : cela est cause que le jeune Chien ayant suivi le contrepied et senti des voyes de hault temps de la beste qu’il suivoit, et puis apres que il en a eu le plaisir, la lançant, n’ayant jugement decongnoistre que ce sont les mesmes voyes qu’il a poussées, sur lesquelles l’on l’a remis, il pense qu’ayant trouué quelque retour il l’a par ce moyen renouvellée. Voyla la façon comme il me semble qu’il fault faire suivre le contrepied d’vne beste à un jeune Chien que l’on veult dresser : cela n’est pas la seule façon de laquelle je me vouldrois , ayder pour apprendre à mon Chien à suiure de hault temps, ains seulement pource que c’est chose qui arrive souuent, je l’ay bien voulu descrire, si est ce qu’elle sert et est necessaire d’apprendre à son Chien.
DU CERF
Pareillement l’on peult faire suiure le contrepied à son Chien, comme s’il vient à rabatre des voyes sortant du fort, le Veneur doibt juger que ce sont les voyes de la beste par lesquelles elle va au gaignage : par là doibt congnoistre que le nez de son Chien va se haulsant. Tout Chien qui se rabat de quelques voyes que ce soit sans que l’on luy monstre, la faulte vient du Veneur quand il ne les peult dresser. Doncques quand vostre Chien se rabat de quelques voyes, il vous demonstre qu’il les peult suiure, lors luy fault faire chere, en le rebaudissant de la manière que j’ay dict au cbappitre preceddent, puis le tenant de court le laisser suiure en parlant tousiours à luy et luy monstrant que vous auez contantement de ce qu’il faict en jectant l’œil souuent à terre, fault regarder s’il dresse justement sur les voyes. Il fault considérer aussy de la façon de quoy il suit, car les Limiers ont deux façons de suiure, l’vne qui est la plus belle et la plus à louer est quand ilz vont le nez hault en le mettant quelque fois en terre , la queue sur l’escbine : les aultres tenant plus du Regnard fourrent ordinairement’ le nez contre terre, et laissant pendre la queue sur les jarretz vont japillant et grondant sur les voyes qu’ilz suiuent. Je dis cecy pour ce que selon que le Veneur voit que son Chien chasse, il est besoing qu’il luy apprenne le mestier qu’il veult qu’il sçache : car si c’est vn Chien qui chasse brauement, il est necessaire que le Veneur tienne son traict court, à cause que ayant le nez hault de terre, s’il luy bailloit beaucoup de traict il
pourroit quelque fois sortir hors des voyes : au contraire si c’est vn Chien qui prenne plaisir à assentir souuent la beste qu’il suit, fault qu’il luy baille d’auantage de traict pour luy donner moyen et loisir de ce faire. Or pour revenir à mon premier propos, le Veneur doibt regarder souuent si la beste va a luy, et voyant qu’il dresse le doibt tousiours suiure en luy faisant feste, et souuent le tenir court, et en luy battant sur le flanc, luy monstrer tousiours que l’on a agréable ce qu’il faict. Si le Veneur voit que son Chien dresse les voyes sans peyne c’est chose bonne, qu’il luy accoustume à faire enceinte dedans les landes. Et partant je desire que laissant les voyes et brisant où il en demeure, voyant où la beste a la teste dressée, il face l’enceinte de ce costé là, pour accoustumer son Chien à s’en rabatre ; il est plus difficile à un Chien de se rabatre de voyes dedans les landes, que quand il en a vn coup assenti, les dresser. Partantje dis qu’il luy fault apprendre de bonne heure à ce faire. Or quand il s’en vient à rabatre de nouueau luy fault faire feste et poussant les voyes, faire tant par les moyens que j’ay dictz cy deuant, qu’il mette la beste que l’on suit à couuert, puis comme l’on voit qu’elle est entrée dedans le fort .
