COMME II, FAULT COMMANCER A DRESSER YN LIMIER
La plus propre saison de l’année pour dresser vn Limier est depuis la fin du mois d’Aoust jusques à la fin de Novembre, pour deux raisons. L’vne que les chaleurs estans moindres n’ostent le sentiment des voyes par où vne beste a passé. L’aultre que la terre estant plus molle celuy qui meine le Chien a plus de jugement et congnoissance de ce qu’il suit. Celuy doncques qui a enuye de dresser vn Chien, je luy conseille en ceste saison de se loger en quelque pais de buissons où il n’y ayt quantité de bestes. Car pour dresser vn Chien il fault deux choses : P vne qu’il ne trouue grande variété et changement de voyes, l’aultre que en faisant suite iltrauerse des campagnes et des pelouses, cela faict le nez au Chien meilleur, et luy apprent à moings balancer dedans les voyes, et en le tenant ferme dedans le traict, à si bien pourchasser ce que son maistre desire, qu’il luy donne contantement. Le Veneur se doiht leuer matin apres qu’il a recongneu, le pais où les bestes se tiennent, je dis recongneu afïin que menant son jeune Chien qui n’a jamais de rien assenti, il ne l’ennuye deuant qu’il rencontre d’aulcune chose, et que si possible est peu
de temps apres qu’il Ta mis deuant il trouue voye dont il se puisse rabatre 1 . Communément les jeunes Chiens au commancement qu’on leur apprent le mestier ne veulent que se jouer à leur maistre, et ne vouldroient faire aultre chose, mais le Veneur qui le meine doiht doulcement sans le rudoyer en disant : Va oultre, et le poussant de la main en auant le faire tousiours cheminer deuant soy, il ne doibt aller que par dedans quelque chemin où aysement il puisse voir ce qu’il passe. Quand le Veneur vient à rencontrer de beste allant de temps, dont son Chien se puisse rahatre, ce qu’il peult congnoistre quand il voit que la terre est remuée de frais, que la rosée est abatue et que l’herbe est encores foulée dedans les voyes, à ceste heure là doibt prendre son Chien par la hotte 9 en disant : Tien, voyle cy aller là, garre à toy, luy monstrant par signe et batant de la main dedans les voyes tant qu’il en assente, et s’il voit que son Chien se rabat en jouant de la queue et hoignant dedans les voyes, le doibt flatter en luy batant de la mam sur le flanc, disant : Apres compaignon, apres là, apres doncques, et le nommant par son nom, comme voile cy aller, Rigault, là voyle cy aller, Valet: tantostle rebatre sur le flanc, puis luy cracher dans la gueulle, de façon qu’il puisse congnoistre que vous auez agréable ce qu’il faict. Or pour ce commancement là n’est
i Rabatre. On dit que le chien rabat lorsqu’il tombe sur des voies de bon temps et qu’il en donne connaissance au veneur.
1 Botte, large collier suivi d’un trait, que l’on passe au cou du limier pour faire le bois.
DU CE KF
besoing luy faire de grandes suites : mais en continuant tous les matins peu à peu raccoustumer de dresser des voyes1 de plus hault temps. Il est bien vray que tous Chiens n’ayans jamais rien veu ne se rabatent pas de ceste façon : et à ceulx qui ne se veulent rabatre d’eux mesmes est besoing de mener vn vieulx Chien auec eulx : et comme le vieulx Chien se rabat, fault tenir le jeune derrière jusques à ce que la beste que l’on suit soit lancée. Les voyes estans renouuellées, ayant trouué ressuées ou reposées de ce que vous suiuez, en retirant vostre vieulx Chien fault pousser le jeune deuant en le rebaudissant des termes que j’ay dictz cy dessus. J’ay veu Chien si fou et obstiné qu’il a demeuré plus de huict jours auant que de vouloir assentir de nulle beste, encores qu’il feust de bonne race : et à ceulx là fault il continuer jusques à ce que vous voyez que par les signes que j’ay dictz cy dessus, il veuille assentir de ce qu’on desire. Comme par le trauail vous avez appris ces premiers principes à vostre Chien et qu’il commance à dresser, fault en le corrigeant doulcement luy apprendre ce qu’il doibt sçauoir pour bien faire suite et enceinte apres vne beste, ainsy que je diray au chappitre qui s’ensuit.
1 Dresser la voye. C’est faire rabattre un ou quelques chiens découplés pour indiquer la voie à des chiens frais que l’on veut découpler sur le pas de l’animal de chasse. •
CHAPPITRE XXVIIIe-
COMME IL FAULT APPRENDRE AU LIMIER A SE RABATRE d’vN CERF ET FAIRE SUITE.
Après que le Veneur a accoustumé son Chien àsuiure vnebeste, il doibt penser qu’il a plus d’enuye de retourner au bois qu’il n’a volonté l’y mener, et comme vne jeunesse n’est que trop bouillante en toutes ses actions et mesmement aux exercices ausquelz elle se delecte et prent plaisir, sans auoir considération que les choses modérées ont plus de durée que celles qui se font auec violance, le jeune Chien qui tient de ce naturel ne desire rien tant que retourner où son maistre luy a premièrement donné plaisir et contantement : de sorte que le Veneur ne doibt plus mener auec luy vn aultre Chien comme il a faict au commancement, tant pour ce que le jeune Chien voyant aultre Limier ne faict que se debatre et mettre tousiours de plus en plus en furie, que par ce qu’il quitte le plus souuent les voyes pour voir si l’aultre les a deuant luy, d’aultant qu’il n’est pas seur et asseuré de ce qu’il faict. Doncques le Veneur en continuant de se leuer matin trois ou quatre fois la semaine, doibt mener son Chien- au bois et auant que de le mettre deuant, le prendre par la botte, luy cra-
DU CERF
cher dedans la gueulle, et le battant sur le flanc luy faire feste, puis le laisser aller en disant : Va oultre, et encores qu’il aille de grande roideur et secousse , qu’il se donne dedans le traict : pour cela ne le tanser ny le rabrouer, de sorte qu’il ayt craincte de ce qu’on luy faict. Il est necessaire que l’endroict par où vous mettez vostre Chien deuant, soit quelque chemin dedans des tailles ou sur le bort d’icelles. La raison est que la principalle chose que doibt apprendre vn Chien pour bien se rabatre, c’est de ne laisser passer ny couler faulx fuyantes ny nulles sentes sans y mettre le nez : et jour ce faire, toutes celles que le Veneur peult apperceuoir, il se doibt arrester, et en tirant son Chien doulcement sans le rudoyer, en luy disant : Tien là, garre à toy , faire tant auec telz propos ou semblables qu’il s’amuse à chasque faulx fuyante et y mette le nez. Le Veneur expert desire que son Chien ne laisse passer nulle voye qu’il n’y mette le nez , et si l’on voit à la contenance du Chien que la beste n’y passe et qu’aussy l’œil le vous juge ainsy, en marchant plus auant disant : Va oultre au Chien, sans se plus amuser là, passer son chemin auant. Quand vostre Chien se vient à rabatre desvoyes de temps, il luy fault apprendre à la dresser : vous pouuez congnoistre s’il le faict, quand il en rabat chauldement. Mesmement à vn jeune Chien, il luy fault doncques apprendre à se rabatre d’vne part et d’aultre du chemin : et comme il s’est rabatu et qu’il desire dresser les voyes d’vn costé en luy disant : Tien, voyle cy Reuari, le faire retourner de l’aultre costé du chemin, et luy faire as-
sentir les voyes aultant d’un costé que d’aultre, cela sert à oster bien soutient les Veneurs hors de peyne : car comme vn Chien est dressé de ceste façon, il monstre à son maistre, quand il se rabat des deux costez du chemin que ce sont voyes de temps dont il peult aller apres : et ne se rahatant que d’vn costé monstre que ce sont haultes erres 1 qu’il aura grand peyne à dresser, ou que c’est de peur de suraller selon ce que l’on luy a monstré de jeunesse comme j’ay dict cy dessus. Il sert aussy en ce que cependant que le Chien passe d’vn costé et d’aultre du chemin, le Veneur a loisir regarder à terre dans le chemin où c’est que son Chien se rabat, si c’est de beste digne d’estre suiuie. Or apres que le jeune Chien s’en est ainsy rabatu, si le Veneur voit que ce soit de beste qui luy plaise, encores que ce ne soit Cerfz, se doibt mettre apres en disant, Apres, voyle cy aller, Valet, voyle cy aller là, là Valet, là, et doibt faire suiure son Chien jusques à ce qu’il trouue des tailles fortes, haultes et espoisses, et estant là arriué doibt racourcir le traict de son Chien, et en le prenant par la botte luy faire feste comme j’ay dict cy dessus : puis luy rebaillant un petit de traict, le tenir dessus, jusques à ce qu’il ayt brisé tant hault que bas : et que les brisées qu’il faict illes face deuant son Chien , que celles qu’iljecte les jecte aussy deuant luy, cela sert que le Chien congnoit
1 Haultes erres, voies de. la veille au soir ou de la matinée, voies que le cerf trace lorsqu’il a vent du trait, quand le veneur le détourne le matin et qu’il quitte l’enceinte ou qu’il fait de longues fuites.
DU CERF
le lieu jusques où il a poussé les voyes de la beste qu’il a suiuie , afïin qu’il en ay t plus de souuenance et congnoissance : et comme vous auez brisé en faisant encores feste à vostre Chien, le fault retirer jusques au premier chemin ou sente battue que vous pourrez trouuer : puis en luy faisant feste et le mettant deuant de la façon que j’ay cy dessus dict, tourner de chemin en chemin au lieu où vous pensez que la beste puisse demeurer, et faire en sorte que vostre Chien se tienne tousiours plustost du costé du chemin où c’est que demeure la beste en allant deuant, non qu’il n’eust sentiment aussy tost d’vn costé que d’aultre : mais c'est vne vieille maxime qu’il fault observer. Je diray que pour dresser un jeune Chien il est bon et necessaire de prendre son enceinte courte. Les raisons sont que la faisant petite le jeune Chien à moings de loisir de perdre la souvenance et sentiment des voyes qu’il a suiuies, et quand bien il trouueroit la beste passée, c’est chose que tout Veneur doibt désirer qu’un jeune Chien apprenne à faire enceinte et à se rabatre souuent de la beste qu’il a cotnmancé à suiure, et si en prenant le deuant il la trouue passée, en rabatant son Chien luy doiht faire feste, et poursuiure encores à faire nouvelle enceinte, comme j’ay dict cy dessus, qhatre, cinq, et six fois auant 1 comme il trouve la beste passée : faire faire souuent enceinte à son Chien, c’est le rendre plus diligent. Apres qu’auez faict plusieurs enceintes, encores que le Cerf
1 Imprimé de 1625 : autant.
ne demeure, pourueu qu’il aille en beau pais de fortz, l’on se doibt contanter et faire feste à son Chien, le retirant de la façon que j’ay dict cy deuant : s’il y a quelque maison près du lieu où auez jecté vos brisées, pour ne trauailler vostre Chien, l’on s’y doibt retirer pourluy donner quelque repos : apres y auoir demeuré vne heure ou deux, en reprenant vostre Chien etluy faisant feste, le fault ramener à ses brisées, où estant arriué fault mettre son Chien’deuant et disant : Va oultre, luy bailler du traict comme de trois ou quatre brasses : puis le tenant ferme dessus, luy demander : Là, va-il là, et en luy disant : A route, à route, le suiure, puis regarder à terre si la beste va à luy, et si elle y va, en disant : Voylecy, va auant, voyle cy, va auant, Valet, là, tu dis vray, là, le suiure : puis le tenant court ayant tousiours le pied aux dernieres voyes qu’auez peu voir, luy demander • Là, va-il là, et si vous voyez que en jappant et par sa contenance il monstre qu’il aille à luy en racourcissant le traict le rebaudissant tousiours s’approcher jusques tout contre luy, et en luy battant de la main sur le flanc luy faire feste en disant : Voile cy aller, Valet ; voyle cy aller là : puis lui rebailler le traict peu à peu, car si tout à vn coup luy laschiez, il y auroit danger que la force dont il iroit feust cause de le faire sortir de's voyes, aulcune fois il se retrouue des faulx fuyans ou sentiers dedans les fortz, les bestes les trouuans estans chassées, le plus communément rusent dedans iceulx et comme le plus parfaict homme du monde en quelque art que ce soit, ne peult que quelque fois il ne se mespreigne, ainsy
DU CERF
est il difficile que le Y eneur puisse tousiours voir tous les retours qu’vne teste" faict dedans telz pais et sentes, car s’il peultvoir le retourne fault qu’il laisse aller son Chien jusques au bout de la ruse, ains en le retirant disant : Tien, voyle cy, Reuari, retourner tout du long de la voye ou sente, en faisant mettre par son Chien le nez en toutes les coulées qu’il peult voir faire tant que son Chien retrouue le retour, comme aussy le Veneur n’ayant apperceu le retour, et estant allé jusques au bout de la ruse, voyant que son Chien demeure esbahi et estonné, ne sçachant plus que deuiennent les voyes, alors il doibt auant que retourner faire qu’au bout du chemin ou de la sente, ou bien de la ruse, en baillant dauantage de traict à son Chien, en disant : Là garre à toy, là mon amy, là Valet, faire que son Chien face comme vne petite enceinte au lieu où il a perdu les voyes, s’il trouue qu’elles passent, les luy faire dresser comme j’ay dict cy deuant, si aussy il ne les trouue poinct passées, il fault qu’il retourne et face comme j’ay dict, quand il commance à trouuer la ruse et entre dedans le chemin, et en faisant de ceste façon ne peult faillir qu’il ne trouue la beste passée, et que son Chien n’ayt plaisir, doncques ayant retrouué les voyes, son Chien s’en rabatant luy doibt de rechef encores faire feste et luy disant : Voyle cy, vouant à route compagnon, à route à luy, luy bailler du traict et le suiure : et comme communément les bestes qui n’ont eu effroy au matin ne vont guieres auant dedans le fort, ny ne font ordinairement de grandes ruses, il est aysc les lancer.
Doncques le Chien estant arriué à la reposée de labeste ne fault poinct de s’escrier , tant pour l’effroy qu’il a du bruict qu’il oyt de uant soy, comme aussy de l’ayse qu’il sent d’auoir renouuelé et rapproché ce qu’il suiuoit: lors le Veneur lui doibt faire feste, etluy faisant suiure seulement deux longueurs de traict le laisser en cest appétit, qui luy faict auoir souuenance et désir de retourner encores plus voluntiers vne aultre fois au bois pour donner plaisir à son maistre. Je ne diray poinct en ce chappitre comme il fault apprendre aux jeunes Chiens à passer les plaines et à chasser les voyes d’vne heste qui se deshusche d’vn buisson à aultre, pource que je desire qu’apres les premiers quinze jours que l’on a apprins les premiers principes à vn Chien on demeure l’espace de trois semaines à le faire suiure dedans les tailles pource qu’il prent sentiment tant par le pied comme par les portées, et il s’affine le nez. Puis au chappitre qui s’ensuit je diray comme il fault haulser le nez à vn Chien.
CHAPPITRE XXIXe.
