BALLADE INÉDITE DE LOUIS DUC D'ORLÉANS

IVous Loys, lilz de roy de France,

Duc d'Orliens, de Valoys, conte

De Bloys, de Beaumont, congnoissance

Soit à ceuls que pité surmonte

Et qui tous frans cuers vaint et dompte :

Qu'attendu la fragilité

D'Eustace et l'ancienneté,

Avec sa piteuse requeste,

Nous plaist qu'en yver et esté

Nous serve chaperon en teste.

Car trop li fait le feri grévance.

Quant sur la cervelle li monte,

Qui en son estomac s'avance :

Et aroit de raconter honte Comment toux et reume, sanz compte.

Le tiennent en adversité :

De son toussir est grand pité.

Et par quoy sa fin ne soit preste.

Nous plaist qu'en yver et esté Nous serve chaperon en teste.

Pour pité et pour remembrance Des services que droit raconte Que fait nous a e,n nostre enfance.

Dont nostre grâce lui est prompte, Sanz ce quenulzpource l'ahonte.

Voulons, pour garder sa santé, Qu'il n'ait ja chaperons oslé ; Mais en jours communs et en feste Nous plaist, qu'en yver et esté, Nous serve chaperon en teste.

l'envoy.

Chambellans, gens de nostre hosle.

Ne soit nulz de faire ahurté Chose villaine ou deshonneste Au dit Eustace, oultre son gré.

Ce que nous avons acordé Soit tenu : car sans arresté Voulons qu'en yver et esté Nous serve chaperon en teste.

Eustaclie Des Champs s'adressa aussi, dans les temps difficiles, a la généreuse protection du prince. On le voit par le rondeau suivant :