COMENT SE COMBATI MACAIRES A AUBERI

Quant la roïne a véu cel estor ,

A grant merveille ot ele grant paor.

Dont Dieu reclaime , l'umaine criator ,

Macaire.

E la verçene polçele qi le faça secor.

En le gran boscho, en le maior erbor,

Ela se fiçe et à dol et à plor.

E quant Machariooit morto cil valvasor, Elo reguarde environ et intor;

Quant no la trove , el oit gran tristor,

De ço q’el oit fato el oit gran dolor.

El laso Albaris çasando à l’arbor,

Près la fontane de la verde color ;

Arer retorne à la cort l’inperaor.

Ne cuita qe hom le saça ni grant ni menor. E la raine s’en vait cun gran paor Parme cel bois menando gran dolor.

Deo la condue qe fa naser le flor !

D’ele lairon trosqa un altro jor Como en le bois duro gran Iangor.