IJ 46 — M7Î

« Quelo traitor qi m’avoie acusé « Moi vene arer, molto ben armé ,

« Cun quel çivaler qi m’avoia amené ,

« Si ms l’oncis cun li dardo amolé.

« Quando ço vi , tuta fu spaventé ,

« Si m’en foçi in la selva ramé ,

« E questo hom liqual me ven daré « A l’insua del bois eo si l’atroyé , a Unde el m’oit trosqua qui compagné.

« Et in tal lois eo sonto arivé « Donde eo son servia e honoré ,

« E questo est por la vestra bonté.

« Unde çentil rois, e vos prego por Dé , « Qe je non sia par vos abandoné « Tant qe à mon per elo joia mandé,

« Qe à grant honor m’ayoia marié.

« Par moi mandera çivaler aprisé.

« E v’o dito de moi tota la vérité. »

Quando Ii rois l’intende , tuto fo trapensé , El voit ben q’ela dis vérité ,

E soit qe est raina de la cresteneté ,

De Costantinopoli fila de l’inperé.

Molto altament li avoit encliné.

« Dama , fait il , vu siés ben trové !

cc Vu ne serés in tel lois ostalé <r O vu serés servia e honoré « Tanto qe à vestre per el sera envoié ;

« De ves afaire ben li sera conté. »