DOCUMENT IV, PAGE

Avant d'entreprendre un deuxième voyage en terre sainte monseigneur André de Vitré fit son testament et désigna pour ses exécuteurs Jean Gicquel, èvêque de Rennes, Bonnable de Bougé, etc.

Année 12/j8.

En après demeura ledit monseigneur André en repos, jusques en l'an 12^8, et eut cinq filles en ladite Thomasse, sa femme; c'est à scavoir : Jeanne, Philippe, Eustace, Alix et Marguerite ; ladite Marguerite fut femme de monseigneur Foulques, seigneur de Mathefelon. Mais en celui an 12/|8 fut grand mouvement de chrestiens, pour aller au secours de la terre saincte, et se croisèrent le roy Louis de France, Charles comte d'Angers, son frère, et grand nombre d'autres comtes, barons et autres nobles, pour faire ce voyage. Et adonc fut ledit monseigneur André mandé y retourner : si ordonna les choses qui luy estoient nécessaires pour son voyage. Et entre autres choses fit ses ordonnances testamentaires, et donna à Thomasse, sa femme, sa terre de Chastillon en douaire; et aussi constitua Philippe, sa fille, son héritière principalle, s'y il n'avoit hoir masle procréé en mariage, ce qu'il espéroit advenir, car ladite Thomasse estoit grosse d'enfant. Aussi ordonna ses debtes estre loyalement payées, et ses

amandemens faicts ; et commanda que nulle corvée ne fust payée, ny faite en la terre de Vitré, disant qu'elles ne le debvoient estre de droïct. Et nomma ses exécuteurs monseigneur Jean (Gicquel), evesque de Rennes, monseigneur Bonnables de Rougé, monseigneur Robert de Vitré, son frère, Frère Richard, prieur de Dinan, Jean, abbé du Tronchet, et autres. Et fist ses dites ordonnances au mois de juin, audit an 1248, le mercredy prochain dexant la feste monseigneur Sainct-Jean-Baptiste, duquel jour il print son chemin à aller faire ledit voyage.

Histoire de Bretagne, par Le Baud. — Les Chroniques de Vitré, p. 44.