PREUVE XCIII
[1528] (). — Memorandum sur la mission de [Jean de Tournay dit] Bonnes Nouvelles.
{Autographe de'Bonnes Nouvelles avec noles marginales de Guillaume Des Barres. Arch. Nord, B 19171, n° 44145).
Advertences pour la despesche de Bonnes nouvelles.
Premier, playra a Madame adviser a qui son plaisir sera commettre tenir sur les fons en son nom le nouveau né de monscigneur de Savoye, et quant que cela se pourra fayre, et en escripre a mondict seigneur son intention et comme il aura nom.
Plus, luy playra en escripre a madame de Savoye. Samblablement, a monseigneur de Painthievre ce que luy playra. En marge : Madame escripra a monseigneur de Maurienne aler lever sur les fons ce prince et lui fera delivrer argent par son tresorier de Bresse pour bailler a la Chambre jusques cent escuz et escripra que comptés revenir (?) visiter son filz qu'auret nom Philibert en cas que le prince de Piemont ayné filz n’ayt desja ce nom, soient faictes lettres a Monseigneur et a Madame ; il est satisfait quant a monseigneur de Pentievres.
À messeigneurs du Conseil et Chambre de Bourg. Premier, sur ce que les officiers lessent ruyner les places, lesquelles selon la teneur du contract doibvent estre maintenues pour les restituer en l’estat auquel on les baillast, leur escripre ce que bon luy en semblera.
Secondement, touchant les recongnoissances lesquelles selon le statut dominical se doybvent renouveller de XX ans en XX ans et pour ce que le tresorier prend tous les lauds dont on soloyt payer les commissaires, lesdictes recongnoissances demeurent a fayre, les fiefz se perdent, les tencmentiers changent, le tout au grand préjudice du patrimoyne ducal.
Tiercement, pour la consequence de non renouveller les recongnoissances, les gentilzhommes usurpent les jurisdictions la ou ilz n’en ont point. En marge : Madame, sur le raport du doyen de Poligny, a deu escripre a Monseigneur qu'elle vouloit envoier en Bresse quelqu'un et que apres, aviseroit sur ces articles pour fere response.
Aux freres de Brou: Pour leurs affayres, leur escripra ce qui luy playra. A maistre Loys [Van Boghem]: Qu'il ayt a reparer les gargoules qui moullent les volées (lire voutes) de l'eglise et qu’il ayt a poser les sepultures et les ymaiges en toute diligence. Semblablement, son intention de la chappelle que mondict seigneur veult fayre en Brou. En marge : Lettrez a maistre Loys et aultres comme hier fut conclud au conseil apres disné prendre les lettres de monseigneur l’aumonier (?) et ce qu'est icy dit.
Pour moy : Escripre a ceulx de Tournay qu'il ayent a me fayre raison des biens de ma sœur que les Angles tuerent ou aultrement, Elle me pourvoyera de justice. Et autant a monseigneur le gouverneur de Tournay mais plus gratieusement. Plus, me fayre ung saulfconduit pour moy troysieme avecq la clausule de lesser passer deux ronssins pour la litiere de Madame de Savoye.
Finablement que je me recommande tres humblement a sa bonne grace. Le
(1) Peut être déterminé par la date du mandement du 3 sept. 1528 (L.M. n° 34856 ; cf. 34854)
darnicr voiaige que je vins vers elle en ceste ville, il luy pleust me donner IIT° fl. par son escript au tresorier Vionet; Gaspard Guyot le me perdit et je n'en eulx jamais riens. Il luy playra m'avoir pour recommandé. Signé : Bonnes NouveLLes. En marge : Soit escript à ceulx des comptes que si un a cez III fl., que l'en les luy baille.
