PREUVE XCVI

1532, 12 juin, Brou. — Récépissé par les religieux de Brou des reliques apportées par Claude de Boisset, et provenant d’un don fait au couvent par feue Marguerite d'Autriche.

{Original notarié sur parchemin. Arch. Nord B 20047, n° 19959).

Ipsi domini prior et religiosi prenominati... confitentur et publice recognoscunt pro se et suis in dicto monasterio successoribus perpetuo quibuscumque habuisse et realiter recepissse de predictis exequutoribus, per manus prefati domini archidiaconi, ea que sequuntur :

Et primo unam pixidem seu unum alabastrum ligneum in quo sunt sancte reliquie de veste, videlicet capillis et sotulari Beate Marie Virginis et alie reliquie quamplurimorum sanctorum et sanctarum. Et hujusmodi reliquie sunt inferius petiis papireis involute.

Erat insuper in eodem alabastro una crux aurea latitudinis quoad transversum trium digitorum vel circa et consimilis altitudinis, cum sua clausura aurea consimilis quantitatis in qua est, quantum contineri potest, de Cruce Domini Nostri Jhesu Christi.

Erat insuper in ea pixide unum alabastrum cristallinum longum in altitudine quatuor digitorum vel circa, in quo sunt alique sancte reliquie.

Item, habuisse confitentur et habere unum angelum aureum cum suo pedoe argenteo deaurato tamen, circa quem pedem sunt affixe sex gemme seu lapides preciosi dictus itaque angelus in manu dextera tenet incensum aureum et in manu sinistra crucem auream consimilis altitudinis angeli ; in summo cujus crucis, et subtus transversum quantum continet ipsum transversum est de precioso ligno dicte Crucis Domini Nostri Jhesu Christi, cruxque ipsa munitur octo gemmis et novem margaritis grossIs.

Item, habuisse et habere prout supra confitentur unum pulcherrime structure argenteum tabernaculum ponderis quater viginti marcharum, trium oncziarum et quindecim esterlinorum habetque ipsum tabernaculum in parte anteriori duas portas argenteas claudentes et infra sunt fenestre seu separaciones ant cellule ad reponendum predictas sanctas reliquias, et habet hujusmodi tabernaculum a parte posteriori portam claudentem rotondum.

Item, habuisse et habere confitentur novem tappeta seu novem pecias tapisserie magnas et largas in quibus confecta sunt arma predecessorum seu genealogia prelibate quondam domine Margarite ex armis ibidem contextis dignoscitur, quequidem pecie sunt nove noviterque composite.

Preterea habuisse et habere confitentur prenominati dominus prior et religiosi octodecim ymaginum tabulas que sequuntur : Et primo, unam in qua depicta est ymago Domini Nostri Jhesu Christi prout captus fuit a Judeis.

Item, tabula in qua est depicta ymago ipsius Domini Nostri ad formam Ecce homo, que verba sunt pendentia in ejus collo et in alia manuum tenet flagellum et in altera harundinem, et fondus ejus est colore rubeo depictus.

Item, aliam tabulam in qua est caput quod fertur esse depictum ad veram effigiem Christi, et in duobus lateribus ejusdem tabule scriptum est litteris aureis, et est ipsa tabula vitro clausa et fermata.

Item, tabulam in qua depicta est ymago Katerine virginis, de pietate et in qua sunt sex ymagines depicte.

Item, tabulam ymaginis ejusdem Virginis Marie habentem tabernaculum quod dicitur factum ad formam massonerie, cum sua clausura duarum portarum in quibus est una oratio que incipit: Virgo decus etc., litteris aureis scriptum.

Item, tabulam picture representantis Dominum Nostrum Jhesum Christum euntem ad mortem, bajulantem crucem suam, cujus anguli seu extrema sunt deaurata.

Item, tabulam Bcate Marie Virginis tenentis puerum suum nudum ante se habetque ipsa tabula duas portas claudentes, in una est pictura unius angeli extendentis manum cum sSpata et in alia porta est pictura unius angeli presentantis unum carthusiensem orantem.

Item, tabulam unam parvam in qua picta est ymago sancti Francisci, in cujus pede scriptum est Sancle Francisre ora pro nobis.

Item, tabulam in qua depicta est ymago sancti Anthoni tenentis librum unum habentisque subtus ejus brachio baculum seu substentorium, cum pluribus figuris.

Item, tabulam picturarum figurarum ymaginumque Bcate Marie, sancti Johannis et sancte Clare et ab extra sunt figure Ade et Eve.

Item, tabulam in qua depicta est ymago sancti Anthonti cum clamide suo ceruleo simili colori et prope se habet pictum crucifixum tenetque manus suas closas et hec in tela sunt.

Item, aliam tabulam ymaginis Christi in habitu rubeo tenentis baculum, habentis coronam in capite spinarum.

Item, tabulam antiquam in qua est depicta Passio Christi cum aliis ministeriis /sic/.

Item, tabulam broderie ymaginis Christ infra torcular existenlis, in cujus corona sunt margarite et in parte inferiori sunt figure Paradisi et Inferni necnon caput mortui tenentis intra dentes unum os[sum|].

Item, aliam tabulam ejusdem artis broderie ymaginum beate Marie etsancte Anne cujus extreme termimantur margaritis.

Item, aliam tabulam ejudem arts broderie in qua est ymago capitis Christi cum corona spinarum confecta filis aureis et argenteis [cum] claudentibus duabus portis et duplatur ex duobus lateribus satino nigro, in alteraque portarum scriptum est Vere langores noslros etc.

Item, tabulam aliam in qua picta est ymago beate Marie Virginis in tabernaculo massonnerie unacum cetcris aliis tabulis predictis.

Item, aliam tabulam Domine Nostre tenentis puerum suum, que pictura esse videtur quasi viventis.

Et de quibus jocalibus, ornamentis ct rebus preexpressatis prenominati dominus prior et religiosi merito contentuntur, et prelibatam Magestatem Imperialem heredem, dictos dominos exequutores et archidiaconum ac omnes quos concernit et concernere poterit in futurum, ipso domino archidiacono mecum notario ad opus eorumdem stipulantibus et acceptantibus quittaverunt et quittant.

Actum et datum in capitulo et loco ubi solet teneri capitulum ipsius monasterii de Brouz.….. (1).

(1) Il semble, d'après les renseignements donnés par Baux (Histoire église Brou, 1854, page 263) que, lors du récolement du couvent effectué en 1659, au moment de la substitution de la Congrégation de France à celle de Lombardie, une partie des objets reçus en 1532 n'était peut-être plus conservée à Brou.