PREUVE XCVII
1535, 4 mai. — Quittance de Richard Contault, garde des joyaux de feue Marguerite d'Autriche, pour dépenses relatives aux obsèques et aux collections de l’archiduchesse.
{Orig. parch. Arch. Nord, B 2391, n° 83885).
Je Richard Contault, jadis garde joyaulx de feue tres noble memoire Madame Marguerite, archiducesse d’Austrice, ducesse et contesse de Bourgoingne, douaigiere de Savoie etc., confesse avoir receu de Pierre Damant, commis a tenir le compte de l'execution du testament de madicte feuc dame, la somme de huit cens trois livres treze solz du pris de quarante gros monnoie de Flandres chascune livre que, par ordonnance de messeigneurs les executeurs du testament de madicte feue dame il m'a paié, baillé et delivré contant pour mon rembourcement de semblable somme que de leur sceu et ordonnance j’ay frayée et desbourcéce ainsi que s'ensuit :
Premiers, que j'ay paié a Jacques Reinau le brodeur, demeurant a Bruxelles, pour avoir fait et livrer les parties de brodures et taillures suivantes, lesquelles sont estées richement faictes et ont servy sur les pales volans et pales couchans mis et pourtéz sur Je corps d’icelledicte dame jusques au cloistre de l’Anunciade lez la Porte des asnes a Bruges, ou elle fut enterrée :
Assavoir une grande double lozenge et quatre doubles escussons aux armes et quartiers d’icelle feue dame, portéz devant le corps par cinq gentilzhommes ; sept lozenges de mesme brodure qui ont servi sur le pale couchant de drap d’or; une grande lozenge de taillure, avec quatre aultres petites de mesme, qui ont servy au pale volant de drap d'or avec huit escussons de mesmes ayans servy aux goutieres d'icellui pale ; aultre grande lozenge, quatre meindres avec huit escussons, qui ont semblablement servy au pale volant de velours noir, pour toutes ces parties ensemble IH°XL livres.
Item, pour le ferraige de deux gittes ou cielz de bois faiz pour lesdicts deux pales volans par dix haultz bastons, comprins deux faiz de crue, avec les wiis et clefz d'icelles pour pourter lesdicts pales, pour le ferrement de cinq bastons pour pourter ladicto grande double lozenge et lesdicts quatre quartiers, comprins le ferrement d'un grant coffre ou layette de bois faicte pour repourter lesdictes brodures par les champs, avec aussi le bois des huit lattes pour lesdictes deux gittes, VIII 1. X s.
Item, pour trois wys de crue servans ausdicts bastons des pales volans pour, si aulcunes des aultres se fussent rompues par les champs, et pour avoir mis quelque ferraige de plus audict coffre de bois, X s.
Item, pour l'achat de cinq quartiers de drap noir pour en couvrir les cinq bastons csquelz l'on pourtoit lesdicts doubles lozenges et quatre quartiers, XVII s. VI d.
Item, pour six grandes douzainnes d’esguillettes pour d'icelles attaicher lesdicts pales volans de drap d’or et velour noir, XIII s.
Item, pour deux grandz sacz de canevache pour y mectre et pourter par les champs les bastons et gistes servans ausdicts pales volans, a cause qu'ilz estoient couvers de tafftaf noir, y comprins la façond d’iceulx sacqz XVIITs. IX d.
Item, pour cincq quartiers et demy de taftaf noir emploiéz a la doublure de la quatriome gouttiere du pale volant de velour noir qui se pourtoit sur le corps par les gentizhommes, XXX VIII s. VI d.
Item, pour quatre aulnes et demye de franges de soye noire emploiées esdictes goutieres, pesans six onces et demye a IX s. l'once, LVIIT s. VI d.
Item, pour trois onces ung quart demy d’aultres franges de soye noire emploiées a la quatrieme goutiere dudict docelet volant de drap d'or, qui aussi s’est pourté sur le corps par lesdicts gentilzhommes, a IX s. l'once, XXIX s.IX d.
Item, pour huit pippes et demye d'or de Cipre emploié en franges a ladicte goutiere du pale volant de drap d'or, a XVI s. la pippe, VI 1. XVISs.
Item, pour la façon desdictes franges d'or, VIII s. VI d.
Item, pour cinq onces ung quart de franges de soye noire emploiées a l’entour d'ung grant coussin de velour noir et aux quatre houppes d'icellui coussin fait pour pourter le chappeau archiducal cy apres escript, XLVIT s. II d.
Item, pour six pippes moins ung quart d’or de Cypre, a XVISs. la pippe, emploiées es franges et houppes dudict coussin, III]. XII s.
Item, pour la façon desdictes houppes et franges d’or, VIII s.
Item, pour avoir fait atlaicher une croix de damas blanc a ung pale couchant de drap d'or qui a reposer sur le corps avant que l'on feyt le service en l'eglise Sainct Pierre a Malines, Vs.
Item, pour la façon et doublure de Ja quatriesme goutiere du pale volant de velours noir et aultres ouvraiges en icelluy, VIII s.
Ilem, pour ovoir doubler et franger la quatriesme goutiere audict pale volant de drap d'or, VIS.
Item, pour avoir fait et doublé ung grant pale couchant de velours noir fait neuf pour laisser sur le corps au cloistre a Bruges et y avoir poser une croix de satin cramoisy dessus, XXXISs.
Item, pour avoir mis une aultre croix de satin cramoisy sur le grand pale couchant de drap d'or trait, X s.
Item, pour avoir mis deux aultres croix de satin cramoisy au dossal et devant d’autel de drap d'or frizé noir qui a servy pour le parement du grant autel du cueur ou les services funeraulx se sont faitz, et pour la façon du coussin de velours noir cy dessus escript, XI s.
Item, pour avoir fait couldre une grande croix de satin cramoisi sur ung pale couchant de vieux velour qui a servy sur le chariot ouquel estoit pourter le corps par les champs audict cloistre lez Bruges, et avoir fait couvrir et couldre de taftaf noir les huit bastons pour pourter lesdicts pales volans, XV s.
Item, pour l'achat de quatre aultres bastons achetéz pour pourter l'ung desdicts pales volans, lesquelz n’ont neantmoins servy a cause que Thoison d'or en avoit fait faire d’autres a Bruxelles, IX s.
Item, pour avoir fait soyer le bois des gittes des deux pales volans faiz a Malines, comprins la façon des pilliers et lambourdz de bois ayant servy a dresser le riche docelet d'orfevrye soubz lequel gisoit le corps deans l’eglise, XXX s.
Item, pour quatre grandes lattes de bois de chesne pour le gitte dudict docelet d'orfaverye, XLs.
Item, pour l’achat de quatre grandz pilliers sur lesquelz ledict riche docelet a reposé, en ce comprins quatre lambourdes ou faulx pilliers pour dresser ledict docelet, LIIII s.
Item, pour quatre paires de pentures de fer servant ausdicts piliers et faulx piliers, LX VI s.
Item, pour cinq cens de crochetz servans pour attacher sur les gittes dudict riche docelet d'orfaverye, XVII s. VI d.
Item, pour cordes et les avoir fait taindre noires pour servir a tendre lesdicts docelets, X VIII s. IX d.
Item, pour avoir eslargy des deux costéz le pale couchant d'or traict d'ung riche drap d'or a cause qu'il estoit trop estroict, XII s.
Item, pour la despence de mon aide qui a esté par deux fois dez Malines audict Bruxelles devers le garde joyaulx de l'Empereur et Thoison d'or pour le fait dudit service, X VIS.
Item, pour fillet noir pour couldre et couvrir les bastons desdicts pales volans, IIs.
Item, pour avoir de nouveau rataché les goutieres au pale volant de drap d’or qu'il convint deffaire pour y mectre les lozenges et escussons de brodures dessusdicts, VII s.
Item, pour avoir semblablement rataché les goutieres du pale volant de velour noir qu'il convint aussi deffaire pour y asseoir les lozenges et escussons de taillures, VIT s.
Item, pour avoir fait eslargy le pale couchant de drap d'or sur lequel estoit la croix de damas blanc et avoir mis en ce lieu une croix de satin cramoisy pour servir sur le corps, aux eglises par les champs, XITSs.
Item, pour l'achat de XXIX aulnes de toille noire a II s. IX d. l'aulne pour doubler le pale couchant de neuf velour laisser audict cloistre a Bruges, LXXIX s. IT d.
Item, qu'il a paié a maistre Martin des Ableaux, orfevre de Madame, pour trois marcs trois onces treze estrelins demy d'argent par luy emploiéz au chappeau archiducal fait pour le service de madicte feue dame, au pris de LXIII s. l'once, tant pour l’argent, pour l'or entré en la dorure que pour façon, videlicet IITI** VII 1. IT. s. VI d.
Item, pour avoir fait racoustré et remis en estat le collier d'or garny de pierres precieuses et de perles qui avoit servy au decorement dudict chappeau, XXX s.
Item, pour achat d’une demye aulne de velours de grayne pour en faire le bonnet et edenture dudit chappeau archiducal, XXXIX s.
Item, pour ung quartier et demy de satin de Bruges rouge pour en doubler ledict bonnet, III s. VI d.
Item, pour vingt hermynes mises et emploiées a la fourrure dudict chappeau archiducal, LXIIT s.
Item, pour le sac de toille contonné dedans lequel a esté par les champs ledict chappeau, comprins la façon, XVI s. VI d.
Item, pour une custode de bois pour pourter ledict chappeau affin de mieulx le contregarder, III s. VI d.
Item, pour esguillettes de soye pour en attacher ledict chappeau sur le coussin de velour sur lequel il fut pourter, HIT s. VI d.
Item, pour cinq aulnes et demye de drap rouge, a neuf solz l’aulne, pour mectre entre le riche docelet d'orfavrerie cy devant declairé, affin d’estre mieulx contregarder par les champs, XLIX s. VI d.
Item, pour treze onces ung estrelin d'argent blanc pour commencer le chappeau archiducal, pour lesquelles icelluy maistre Martin l'orfevre n’a rabatu que XXX s. pour once, et il a esté acheté XXX s. VI d., pour ce icy de taire, VIS. VI d.
Item, pour le salaire de deux compaignons qui ont appourté toutes les tapisseries de feue Madame dez les chambres a Malines en mon office de garde joyaulx, pour illec estre gardées, II s. VI d.
Item, pour avoir fait laver et essuyer certaines albes, hamys et nappes retirées du clerc d'oratoire avec X VIII nappes et IX douzaines de serviettes retirées du gardes
linge de feue Madicte dame, qu'ilz n'estoient nettes pour le souldain partement du deul pour aller a Bruges, XX V s. VI d.
Item, pour avoir fait rattaché au pale couchant d'or traict qui avoit servy sur le corps de feue Madame, ung ciel de satin cramoisy et la bordure de mesmes qui y servoit auparavant, VIS.
Item, pour avoir fait attaché a ung docelet d'or frizé qui avoit servy au pale volant audict obseque, ung ciel de mesme drap d’or frangé, Vs.
Item, pour avoir remis en estat ung cyteal de deux draps d'or bordé d'ung large bord de velour cramoisy figuré, lequel drap d'or avoit servy pour eslargy des deux costetz ledict pale d’or couchant d’or traict, VIS.
Item, pour avoir cousu ensemble deux pandz de drap d'or, II s.
Item, pour avoir rataché ung drap d'or et demy doublé de velours cramoysy, lequel avoit aussi servy audict pale d'or traict, Vs.
Item, pour avoir recoulsu deux coussins de drap d'or frizé, II s.
Item, pour ung grant sacq de canevache contenant six aulnes qui a servy pour y mectre et pourter les pilliers de bois couvers de taftaf rouge qui servoient pour dresser et soubstenir le riche docelet d'orfevrye aux eglises, XIII s.
Item, pour bois et fagotz brusléz, tant en la librairie comme en l'office des joyaulx, depuis le trespas de Madicte feue dame pendant qu'il a fait temps moiste, XLSs.
Item, pour six livres de chandoilles qui sont esté bruslées oudict office des joyaulx depuis le trespas de Madicte feue dame, pour ce mesmes qu'il y a eu toutes les nuytz lumiere et deux compaignons couchant oudict office, VIII s.
Item, pour avoir fait blanchir deux grandes nappes damassées et XX VI serviettes de mesmes, lesquelles avoient servy le dernier voiage fait a Bruges, X s.
Item, pour avoir fait pourter dez l'office des joyaulx certaines tapisseries pour en tendre le quartier de l'Empereur en la maison de madicte feue dame a Malines, pour sa premiere venue apres le trespas de madicte feue dame oudict hostel et les rapporter, et aussi pour avoir pourter les riches tapisseries, tant de drap d'or que aultres, dois ledict garde joyaulx en la Chambre des finances, pour les monstrer aux deputéz de l'Empereur affin de choisir ce que Sa Majesté vouloit retenir, VII s.
Item, pour le salaire d’ung pieton envoié de Malines a Gand devers monseigneur de Grantvelle pour le fait des papiers concernans les affaires de l'Empereur, estans chez feu maistre Guillaume Des Barres audict Malines, XII Ss.
Item, pour le remeinaige de trois coffres d'Anvers a Malines, esquelz avoit esté pourtée la vaisselle d'argent de feue Madame, que l’on a fait fondre a la Monnoie audict Anvers pour emploier au fait du testament de madicte dame, VISs.
Item, pour une neufve clef et avoir fait levé une sarrure en l'ung des huys de la librairie, II s.
Item, tant pour avoir fait faire deux coppies des inventoires des cabinetz et librairies a Malines, deux coppies de l'inventoire des baghes, joyaulx, vaisselle, riches tapisseries et aultres parties de Madicte feue dame, delivrées par messeigneurs les testamenteurs de madicte dame a la Majesté de l'Empereur, LXXIJIIT s.
Item, pour le louaige de quatre chariotz lesquelz ont amené de Malines a Bruxelles le reste des tapisseries et aultres choses de madicte feue dame que, a l'ordonnance de l'Empereur, ont esté delivrées a la Royne, en ce comprins l'amenaige des aornemens d'eglise amenëéz audict Bruxelles, pour les delivrer au pere confesseur du cloistre de l'Annunciade de lez la ville de Bruges, affin de les pourter et conduire audict cloistre, V 1. XVIIS. |
Item, pour le chargeaige et deschargeaige desdictes tapisseries et aultres parties
tant audict Malines que a Bruxelles et pour la despence du voiage que mon aïde a fait a aller querir lesdictes bagues, XIIII s. VI d.
Item, pour fagotz brusléz en la librairie durant ladicte année, XVII s. VI d.
Item, pour ramons pour servir en ladicte librairie, IT s.
Item, pour avoir envoié querre dez Bruxelles a Malines ung coffre estant aux cabinetz plain de linges et serviettes ouvréz a la mode d'Espaigne, duquel l'Empereur feyt don a la Royne, XIII s.
Item, pouv avoir, par ordonnance de l'Empereur, envoyé de Bruxelles a Malines querre deux perceforestz que Sa Majesté faisoit presté a la Royne, VII s. IT d.
Item, pour avoir renvoyé dudict Bruxelles a Malines lesdicts perceforestz, VIII s.
Item, pour avoir envoié querre dez Bruxelles a Malines la pourtraicture de feue Madame faicte en tapisserie, par ordonnance de monseigneur de Grantvelle, XIII s.
Item, pour despence faicte par Estienne Laullier, tant pour son chariaige que pour ses despens d’avoir esté dudict Bruxelles a Malines pour y repourté ledit tableau que l'Empereur avoit voulu veoir, X s.
Item, que j'ay encoires payé audict Estienne Lullier pour son chariaige et despence de bouche d'avoir pourté de Malines a Gand a l'Empereur ung riche tableau de diverses painctures enchassées en argent doré, ouquel voiage il vacquist six jours, Ls. |
Item, a lui pour avoir esté de Bruxelles a Malines querir ung grant chandelier d'argent qui estoit aux cabinetz audict Malines, pour ce que l'Empereur le vouloit veoir, et l'avoir repourter, XXIIIT s.
Item, pour avoir esté querre aultre tableau de paincture fait apres feue Madame pour la monstrer a l'Empereur, X s.
Item, audict Estienne pour, par ordonnance de messeigneurs les executeurs l’avoir cnvoié dudict Bruxelles a Malines pour visiter les tableaux de dovocion estans ausdicts cabinetz, lesquelz se devoient envoier au cloistre de Brouz, XII Ss.
Item, pour avoir fait changer les deux sarrures et locquetz desdicts cabinets, XII s. |
Item, pour le salaire de deux compaignons lesquelz ont couché de nuyt en l'office des joyaulx de Madicte feue dame durant les mois de fevrier et mars anno XXXI, stil de Romme, a cause que toutes Iles riches baghes de madicte feue dame y estoient, LX s.
Item, pour mes vaccations et salaires d'avoir encoires excercé mon office depuis le premier jour du mois de jauvier X V°XX XI, stil de Romme, jusques au XX V° d'octobre ensuyvant oudict an, ayant fait toutes les delivrances de ce qu'estoit a ma charge tant a Malines que a Bruxelles a la Majesté de l'Empereur, a la Royne et a messeigneurs les testamenteurs que aultres, qui me sont esté ordonnéz solliciter d’avoir les inventoires qui avoient esté renouvelléz, tant des cabinetz que librairies, a mectre en ordre, par ordonnance de messeigneurs les testamenteurs, l’inventoire des baghes, joyauls, vaisselle et aultres choses que par iceulx testamenteurs avoient esté delivréz a ladicte Majesté de l'Empereur, a faire et dresser les comptes desdictes delivrances, aussi dresser les roolles des parties que j'ay, a l'ordonnance de mesdicts seigneurs les testamenteurs, exposées pour et a cause de mondict office et jusques audict XX V° d'octobre XV° trente ung que lofs je feiz la derniere delivrance a la Royne de ce que restoit en ma charge, ou sont comprins ITII*X VIIT jours entiers qui, au pris de unze solz par jour que sont seullement mes gaiges ordinaires que je souloie avoir de madicte feue dame, reviennent a CLXIII 1. X VIITS.
Item, pour les gaiges de Symon de Parenti, mon aide d'office, pour avoir exercé sondict office et m'assister depuis ledit premier jour de janvier XV°XXXI, stil de
Romme, jusques au XV° d'octobre ensuivant, a III s. par jour, que sont aussi les semblables gaiges qu’il avoit de madicte feue dame a cause de sondict office, videlicet LIX livres XII s.
Item, pour les gaiges de Estienne Laullier, jadis varlet de chambre de madicte feue dame, pour avoir conduict soubz moy le fait des cabinetz et librairies puis ledict premier jour de janvier XV'XXXI, sul de Romme, jusques ou premier d'octobre dudict an XX XI, a six sous par jour que sont semblables gaiges qu'il souloit avoir, reviennent ensemble a IT 1. XVII Ss.
Et pour mes vacations d'estre venu dez Malines a Bruxelles par quatre fois devers mesdicts seigneurs les executeurs du testament de madicte feue dame pour les poursuyr et sollicité d’estre deschargé de toutes choses par moy delivrées et rendre compte de tout ce que estoit a ma charge, quoy faisant j’ay mieulx vacqué de cinquante jours entiers que, a raison de trente solz par jour comprins chariages et logis, videlicet LXX V 1.
Revenans lesdictes parties ensemble a la dicte somme de huit cens trois livres treze sols dudit pris de XL gros, de laquelle somme de VIII 1. XIIIT s. des pris, monnoie et pour la cause susdicte, je suis contant et bien paié, et en quicte lesdicts seigneurs executeurs, ledict Pierre Damant et tous aultres qu'il appartiendra. Tesmoing mon seing manuel cy mis le quatriesme jour de may quinze cens trente cinq.
Signé : CONTAUT.
Nous Estienne Lullier, jadis varlet de chambre, et Symon de Parenty, jadis aide du garde joyaulx de feue Madame l’archiducesse d’Austrice, ducesse et contesse de Bourgoingne, douaigiere de Savoie etc, cuy Dieu absoille, certiffions a tous comme nous avons esté bien paié et contanté par les mains de maistre Richard Contault, garde joyaulx de madicte feue dame, de noz gaiges et traictemens depuis le trespas de madicte dame en ça contenuz et declairéz en la quictance cy dessus escripte, pour les causes et raisons illec dictes, assavoir a moy, ledit Estienne, la somme de quatre vingtz une livres dix huit solz de quarante gros monnoie de Flandres chascune livre, et a moy, ledict Simon, la somme de cinquante neuf livres douze solz du dict pris, dont nous tenons pour contans et bien satisfaictz et en quictons madicte feue dame, ledict maistres Richard Contault et tous aultres qu’il appartiendra. Tesmoing n0Z seings manuelz mis le quatriesme jour de may quinze cens trente cinq.
Signé : Estienne LULIER, S. DE PARENTY.
