PREUVE XXXIV

[1509], 13 septembre, « Chastelneuf ». — Lettre d'André de Burgo à Marguerite d'Autriche concernant le projet de mariage du duc de Savoie avec Jeanne, reine de Naples.

{Orig. Arch. Nord, B 18830, n° 25861/.

Madame...

Je croy, Madame, que vous sçavéz a quel terme sont les pratiques du mariage du duc de Savoye avec la niepse du roy d’Arragon, Jenne, royenne de Naples. J'ay sceu pour vray ce matin par la bouche dudict ambassadeur [du roi d’Arragon] la chose estre en ces tormes que ledict duc de Savoye luy demande trois cens mille escuz pour dot et que ledict seigneur roy d’Arragon estoit /sic/ ne luy en avoit offert [que] deux cens milles, lesquelx icellui duc a reffusé, me remonstrant ledict ambassadeur estre chose hors de toute raison et que riens ne s’en feroit, et que du surplus il ne se vouloit obligé que en cas que sa femme mourit avant luy sans hoirs de son corps, rendre sa dot a ses heritiers; et pour ce qu'il le m'a dit en secret, je vous prie a le garder aussi secret.

À Chastelneuf, ce XIII° jour de septembre.

Vostre tres humble et obeissant serviteur.

Signé : ANDREA DA BURGo.