Cf. dans la correspondance imprimée , t. VI , p. 4â

second serment ce s^oit chose du tout impertinante, et plus que le dict traicté ne requiert, et que ce seroit aussi mectre en doubte la force du premier serment, duquel le premier traicté dépend et a prins rigueur.

Pour la seconde, Sa Majesté est contante d'escripre ses lettres à Teffect requis.

Quant à la troysiesme , Sa Majesté a fort bonne envye que le commerce entre les subjectz des deux royaulmes.soit estably suyvant le traicté, mais elle trouve que ses subjectz n'ont pas trop de volonté, à l'occasion des pilleryes et oultrages qui leur sont assiduellement faictz par les subjectz du Roy, dont ilz ne peuvent avoir ny raison ny justice , selon que porte l'amityé d'entre Leurs deux Majestez, qu'aussi pour le regard des troubles d'iceluy royaulme à présent. Sa Majesté pense néantmoins que s'il plaisoit au Roy de faire offre soubz ses lettres patantes de telles villes qui seront les plus propres et commodes au trafficq de ses subjectz, et leur pourvoir de quelques bonnes franchises et privilèges , Uz pourront estre plus aysément induictz à l'establissement du dict conmierce.

Et plus bas est escript :

Par Sa Majesté, en son conseil privé.

Signé : Franc. Walsingham.

LA MOTHE-FÉNELON A CATHERINE DE MÉDICIS

(Londres, 7 juin 1575.)

Madame, j'ay eu très-grand plaisir de recepvoir ime si ample et si bien accomplye dépesche, comme celle qu'il a pieu à Voz Majestez me faire du vingt-troysiesme du passé , en laquelle me semble que j'ay de quoy pouvoir donner demain à ceste princesse beaucoup de tesmoignage de vostrehonneste persévérance vers elle, et du désir qu'avez qu'elle persévère de mesme vers vous, chose que je mectray peyne de la luy faire trouver

bonne et priser àultant qu'il tae sera possible, comme j*espère qu'elle en prendra beaucoup de contantement, et la rendray au reste bien capable des amples responces et des bonnes satisfactions qu'avez offertes à voz subjectz sur tous les articles de leurs demandes, et n'obmectray tant que je seray icy de faire tout ce que j'estimeray pouvoir servir à la retenir bien disposée vers Voz Très-Chrestiennes Majestez, attendant l'arrivée de mon successeur, lequel tarde par trop, et remectray de vous escripre de toutes aultres choses plus amplement par mes premières pour ne faire ceste-cy plus longue , que pour prier en cest endroict le Créateur, après avoir très-humblement baisé les mains de Vostre Majesté, qu'il vous doinct, etc.

De Londres, ce VU""" jour de juing 1^7 S.

LETTRE DU 17 JUIN A HENRI m.

(Cette lettre a été imprimée dans la Correspondance diplomatique de La Mothe-Fénelon, t YI, p. 448 et suiv. ; mais le post-scriptum suivant est inédit.)

Despuys ce dessus est arrivée la dépesche de Voz Majestez du IIP et du VIP du présent, sur laquelle j'yray trouver ceste princesse le plustost que je pourray , et loue Dieu de bon cueur de quoy vostre indisposition n'a esté telle ny si dangereuse comme l'on le publioit desjà icy. Dieu veuille conserver vostre santé.