LETTRE A CATHERINE DE MÉDICIS
(17 juin 1575.)
Madame, je diffère jusques à quatre ou cinq jours d'icy pour occasion bien bonne et digne de considération de vous mander
Testât où j'ay trouvé ceste demière fois en ceste court les choses de deçà, et celluy auquel je les ay disposées , et celluy où j'espère qu'elles continueront, et pour le présent je ne diray à Vostre Majesté sinon cella mesme qu'elle trouvera desduict asses par le menu en la lettre du roy son filz, que, pour obvier à redictes et ne luy donner ennuy, je ne les veulx estendre davantaige en la présante, laquelle pour aultant demeurera ainsy briefve attandant mes prochaines qui seront plus amples, et qui vous donront, madame, bon compte de tout le surplus que pourrez désirer sçavoir de deçà tenant ce pendant le mieulz que je puys ce lieu bien préparé et en bon estât à mon successeur, contre lequel je ne puys cesser de vous suplier très-humblement que le veuillez haster et luy commander d'abréger doresnavant sa trop insuportable longueur, et je suplieray le Créateur, après avoir très-humblement baysé les mains de Vostre Majesté, qu'il vous doinct, etc.
De Londres, ce XVII"* jour de juing 1575.
Sur la closture de ceste dépesche est arrivée celle de Voz Majestez du IIIP et du VII* du présent en mesme temps qu'on commançoit à faire courir ung fâcheux bruict de l'indisposition du roy vostre filz. Je loue et remercye Dieu de bon cueur de sa convalescence.
LA MOTHE-FÉNELON A CATHERINE DE MÉDICIS
(26 juin 1575.)
Madame, j'espère que par le contenu de la lettre que j'escriptz présantement au roy vostre filz et par l'instruction que j'ay baillée au sieur de Vassal présent pourteur de plusieurs choses de ce lieu, Vostre Majesté pourra bien cognoistre si j'ay
rien comprins de celles que l'Italien Jacomo peult avoir naguières aportées de delà, qui mettray peyne d'y pénétrer davantaige, afin que de jour en jour je vous en puysse donner plus d'éclaircissement, et ne veulx en ceste lettre vous allonger les propos que j'ay mis en celle du Roy et en la dicte instruction; car ce ne seroit que vous ennuyer, et vous suplieray , madame, très-humblement que veuillez considérer les dicts propos et les bien peser, et m'y faire bien tost une bonne et bien fondée responce pour en donner quelque satisfaction par deçà. Je ne vous ramantevray (rappellerai) aussy rien de la faveur et bon trettement qu'il fauldra faire à ce mylord qui aportera bien tost la Jartière au Roy; car je m'asseure que Vostre Majesté n'obliera rien de ce qui s'y debvra faire ou ordonner et continueray au reste de vous escripre de toutes occurrances d'icy le plus souvant que j e pourray tant que j e y seray , qui fay s estât, madame, comment que soit, d'en partyr environ la myjuillet; car il ne me reste ny puissance ny santé ny moyen aulcun d'y demeurer davantaige; aussi ne m'y a l'on donné d'argent en l'espargne que jusques à la my-may passé , et je y auray esté deux mois davantaige avec ce que ceulx à qui j'ay baillé en ceste ville mes assignations de l'année passée et qui m'y ont advancé plus de trois mil escuz, dont m'y court ung gros intérest, n'en peuvent estre payés du sieur Sardini; qui ne me puys assez esmerveiller, madame, conune Vostre Majesté souffre que mon successeur me face tant languyr icy , au hazard de vostre service, vous supliant très-humblement luy commander qu'il ne faille de s'y randre résoluement, sinon à la fin de ce mois, au moins au commancement du prochain, et je suplieray le Créateur, après avoir très-humblement baysé les mains de Vostre Majesté, qu'il vous doinct, etc.
De Londres , ce XXVI"* jour de juing 1S75.
