D. Bernardin de Mendoza

a faict de luy par de là, sans l'avoir voullu ouyr ny donner audience , au lieu (bien loin) qu*ilz cherchent à se raconimoder avec le roy d'Espagne, et le satisfaire en ce qu'il prétendoict [qu'il] luy avoict esté faict tort par deçà. Sur quoy je me persuade que la royne d'Angleterre recherchera et fera plus d'estat de voz amytiez qu'elle ne fist jamais , dont elle me tint l'aultre jour tant d'honnestes propos et du plaisir infiny qu'elle avoict de la santé de Vostre Majesté et de mon dict seigneur, qui luy estoict, comme elle me dist, plus chère que la sienne, et me veult touzjours mettre sur les affaires du Pays-Bas pour secourir ceulx des estatzS ou autrement qu'ilz seront perduz et se remetteront en peu de jours du tout en l'obéissance du roy d'Espagne, et m'a dict en avoir escript à monseigneur vostre filz , et semble , sy elle a le cœur semblable à la parole, qu'elle vouldroict contribuer en sa part, mais je en croirai les effectz; car elle regarde et ses conseilliers à ce qui leur est utille , et de leur volonté bien souvent mal fondée, et non à une aultre chose.

MICHEL DE CASTELNAU A HENRI HI

26 avril 1584.

Sire, depuis avoir faict une despesche à Vostre Majesté sur les nouvelles que les contes d'Angiis , de Mare , de Gohory et leurs partizans, auroient voullu prendre et se saisir de leur roy d'Escosse , puissamment aydez de la faveur et appiiy de l'Angleterre, et qu'ilz, ayant faiUy de l'exécuter, se seroient voullu assembler à Saint-Jehanston et là induire les peuples d'Escosse, la noblesse, les mynistres et touttes sortes de gens pour pren-

1 . Peuples des Provinces-Unies , gouvernés par une Assemblée appelée les états généraux.

dre ung malcontentement de leur Roy, et luy atacher une guerre civille , et le contr^ûndre de s'accorder à leurs vollontez , mais ilz n'ont pas eu le moien d'exécuter ny l'un ny l'aultre , comme j'entens que les nouvelles en sont venues ce matin fort segretement; ce qui les empesche bien par deçà. J'ai veu oest après disner la royne d'Angleterre, de laquelle je eu ay bien tiré quelque chose en ces motz : le roy d'Escosse faisoict des levées et se voulloict exercer à la guerre contre ses subjectz , les chasser et banir de son royaulme, confisquer leurs biens par mauvais conseil , croire celuy de la Royne sa mère , qui ne voulloict que les extrémitez, et plusieurs aultres plainctes. Je luy ay proposé de me laisser aller par de là avec quelque ung de son conseil , bien saige et advizé , qui marchast de bon pied par son commendement, pour aller apaiser tous ces dififerandz. Elle m'a dict que , dedans trois ou quatre jours , elle attendoict ung gentilhomme qui venoict d'Escosse, et que, suyvant les nouvelles qu'il apporteroict, elle y adviseroiçt avec son conseil ; puys m'a dict qu'ung jeune gentilhomme Jehan Ceton (Seatoun), estoict retourné d'Espagne et [estoict] fllz de millort de Ceton , qui est en France. Le dict jeune Ceton avoict apporté de sy agréables nouvelles au dict roy d'Escosse, que jour et nuict il estoict en son cabinet ; que elle ne doubtoict poinct qu'il n'espérast ayde, apuy, argent, faveur et allience de ce costé là; ce qui vous importoict aultant comme à elle.

Et avons parlé longuement sur touttes ces choses là; puis elle m'a dict n'avoir jamais esté sy contente de Vostre Majesté, en me piyant de la tenir en vostre bonne grâce , et force honnestes propos, où je l'aybien satisfaicte , que elle n'aura jamais prince ny amy plus sincère en son amytié que Vostre Majesté, dont elle monstre estrefort contente. Puys, elle m'a fort longuement et amplement parlé et pryé de vous escripre pour ayder en quelque chose ceulx des Estatz de Flandres contre le roy d'Espagne, ou , pour le moings , leur prester quelque faveur pour faire ung accord, qui leur soict advantageux , sy tant est que monseigneur vostre frère se veuille déporter de ces entre-

prinses par de là, et faire tous deulz conjoinctement que le dict roy d'Espagne ne soict pas le supérieur par force et qu'il aict touzjours des armes au dict Pays-Bas pour fascher le premier de vous deulx que il luy plaira, et m*a pryé de vous en escripre en toute diligence et supplier Vostre Majesté de m'envoyer en bref ung mot de responce, d'aultant que, sy il n'y estoict remédié promptement, les pauvres gens seroient perduz, et le dict roy d'Espagne se rendroict de cela plus superbe et insolent que de chose du monde. Ce que la dicte Royne craint plus que jamais, ayant, comme j'en puys asseurer Vostre Majesté, recherché de rentrer en l'amytié du dict roy d'Espagne et le contenter en ce qui luy plairoict, pourveuseullement qu'il vouUust faire quelque peu de démonstration de dézavouer le dict sieur don Bernardin de Mandosse, qui estoict par deçà son ambassadeur, mais tant s'en fault qu'il luy a escript une feuille de papier de sa main pour advouer tout ce qu'il a faict en ce royaulme, luy promectant grandes rescompances et luy a envoyé argent et tout ce qu'il avoict demandé, et, xv jours avant qu'il fust licentié par deçà [il] avoict receu huic mil doubles pour seureté, et le dict roy d'Espagne n'a voullu veoir ny les lettres de la royue d'Angleterre ny celluy qu'elle luy avoict envoyé; mais en a faict moings de cas que d'un vallet, et est ainsy retourné très-mal contant d'Espagne, et sans grande espérance de pouvoir acommoder les affiiires de ce costé là; qui est cause que la Royne recherchera avec plus de soing de conserver l'amytié de Vostre Majesté , qu'elle ne fit jamais, coname je luy ay bien faict veoir qu'elle en a besoing. Mais pour en dire la vérité à Vostre Majesté, le naturel des Anglois est de proposer beaucoup, et de monstrer de belles apparences; mais quand ce vient à l'effect, je n'y trouve pas grand fondement, selon que je les ay congneuz depuis xxv ans que je les ay pratiquez en assez d'occasions, mais ilz disent que les variations, qui premièrement arryvent de leurs voisins et de ceulx qui ont affaire à eulx, en sont cause, et avons eu assez d'estroictes conférances la dicte Royne et moy sur cela.

Et diray davantaige à Vostre Majesté que , sy elle pouvoict estre asseurée de l'Escosse , dont elle craint tost ou tart tout son mal, elle ne se souciroict de prince de la crestienté. Et, pour les protestans, avec lesquelz elle est touzjours conseillée de faire ligue, j'estime que la crainte qu'elle aura d'offenser Vostre Majesté, la retiendra d'y entrer trop avant, mais [elle] remettra aux princes de la Germanye et aux huguenotz de la conclure , et lors elle contribuera, en sa part, en cela, où elle sera et ses subjetez cotizez. Mais j'auray les yeulx ouvertz à tout cela, et feray seuUement ce brouillon à la haste, que j 'envoyé par mon segrétaire, pour atrapper au passage de la mer mon aultre despesche , n'ayant ozé despescher ung courrier de Vostre Majesté, comme il en eust esté bien besoing. Car ilz sont icy sy exaltez à fouiller et à regarder tous les pacquetz et despesches, que, la plusparct, ilz les voient, sy je ne les envoyé par quelque gentilhomme exprès, jusqu'à Calais ou à Dieppe, sachant qu'ilz ont faict contrefaire mes cachetz, mais s'ilz ont veu ce que j'ay escript à Vostre Majesté , ilz y auront trouvé la vérité , et que je leur faictz quelquesfois de meilleurs offices pour adoulcir les choses qu'ilz n'en donnent occasion. Toutesfois, c'est l'office d'ung ambassadeur de remédier plustost à quelque mal que de l'augmenter, comme j'ay touzjours faict et feray pendant que je congnoistray vostre sy bonne intention envers la dicte royne d'Angleterre, qui me veult fort asseurer estre très-contente de Vostre Majesté, comme elle en a bonne occasion , et sy les carosses qui avoient esté commencés se pouvoient achever, et les envoyer, et les muUetz de litière , le présent seroict encores très à propos. Cependant j'espère de maintenir les choses en tel estât pour cette isle , où je comprends l'Escosse , que Vostre Majesté en aura contentement , et de mes très-fidèles services, en pryant Dieu ,

Sire, qu'il donne à votre loyale bonté, en très-parfaîcte santé, très-heureuse et longue vye.

De Londres, ce xxvj' apvril 1684.

MICHEL DE CASTELNAU A HENRI m.

11 mai 1584.

Sire, depuis la dernière despeche que j'ay faicte à Vostre Majesté sur les affaires d*Escosse, je en ay eu nouvelles que, envyron le xxvnj* d'apvril, le roy d'Escosse ayant évitté à la surprinse que ses subjectz luy avoient vouUu faire, à la fin pour ne l'avoir peu exécuter comme ilz desiroient , et voyant que le dict roy d'Escosse avoict assemblé des gens et proceddoict envers eulx par proclamation et voyes rigoureuses, ilz offrirent de s'en aller et partir Ijors d'Escosse, disant toutesfois • que il leur déplaisoict de veoir leur Roy sy mal conseillé que de traicter ainsy les seigneurs et la noblesse de son pays; que les voulloict chasser et banir, confisquer leurs biens et aultres rigueurs. Sur cela le conte de Gohory, qui est celluy qui conduisoict l'entreprinse, avoict mandé au dict roy d'Escosse qu'il se retireroict le premier hors du royaulme d'Escosse et leveroict tous les soubsons qu'il avoict de hiy ; et, sur cela, estant près de s'embarquer à Dondi (Dundee), le coUonel Stuart y est arryvé avec quelque nombre de quevallerye, et a prins et atrappé le dict conte de Gohory, et donné l'alarme sy cbaulde à ses compagnons, que incontynant ilz se sont esmeuz, assemblez et prins les armes avec telles clameurs qu'ilz ont excité les peuples d'Escosse, la noblesse [et] les mynistres à prendre leur party, disant et publiant que l'on [les] voulloict tous ruyner tant es corps et biens que la religion. Par quoy^ il leur falloict mettre ensemble et prendre courage de résister à leurs ennemys. Sur cela ont marché droict en la ville d'Esterlin (Stirling) qu'ils ont prinse, et s'y est trouvé dès le xxix* et trantième du mois d'apvril plus de deulx mil cinq cens chevaulx^ selon la façon du

DE MICHEL DE CASTELNAU. 30i

pays, et [se] renforcent tous les jours. Mais le chasteau du dict Esterlin, où commande le frère du nouveau conte d'Aran, tient encores. Cependant le roy d*£scosse, qui est à Lislebon (Lisle* bourg, maintenant partie d*£dimbourg) , se trouve , comme je Tay prédict, au danger, s'il ne luy arrive pys, d'une guerre civile, et que ceulx qu'il avoict assemblez, tant par faulte d'argent, que pour l'inconstance, qui est avec ceulx de ceste nation, ne l'abandonnent et.ne se retirent au dict Esterlin pour la pluspart vers ses ennemys, ou que, s'il se mestoict en campagne, il ne fust trahy et délaissé, comme l'ont esté les roys ses prédécesseurs, en plusieurs guerres qu'ilz ont entreprinses, dont la Royne sa mère, vostre belle-soeur, faict encore la pénitance, et laquelle, perdant son filz , en quelque sorte que ce fust, comme est le desseing de ses ennemys de l'atraper, elle pourroict bien faire estât de le suyvre bientost après. Sy la royne d'An^eterre m'eust voullu laisser aller, j'eusse prins sur ma vye d'apaizer tous ces diflFérans en six jours. Car le dict conte de Gohory et tous ses partizans, congnoissant , comme j'ay faict aultrefois , tel accord pour leurs pères, desiroient grandement mon voiage par de là, et les eusse tous envolez en France, en Allemaigne,. Suisse ou à Genefve , se pourmener pour ung an ou quelque temps , pendant que Vostre Majesté eust moienné leur accord avec la royne d'Escosse ; [le Roy] feust demeuré asseuré, et la royne d'Angleterre eust perdu toutes ces praticques de ce costé là, qu'elle entretiendra touzjours, tant qu'elle aura ung homme à son commandement au dict Escosse, et un escu pour leur bailler ; qui est cause qu'elle a temporizé à me laisser aller, sçaichant la créance particullière que je puis avoir avec les ungs et les aultres. Je luy ay remonstré ces jours icy que, sy le roy d'Escosse avoict mal par ses subjectz ou qu'il leur en fist, l'on luy importeroict la coulpe pour n'avoir voullu envoler quelques ungs des siens avecques moy pour apaiser ses diflférans. Elle dict touzjours qu'il faudera veoir.

Cependant les contes de Mare , d'Angus , de Glemmes et leurs partizans ont prins les armes , et m'a l'on assuré que les Hamil-

tons , qui sont plus simples que malitieuz , les prennent aussy, et entrent en Escosse pour se joindre avec les aultres ; ce qui ne peut estre que par le moien, conseil, faveur et ayde de la dicte royne d'Angleterre, qui augmente tous les jours de maulvaise volonté envers la royne et le roy d'Escosse, et ne pense jamais estre plus asseurée en son Estât pendant qu'ilz viveront. Toutesfois , s'ilz se peuvent maintenir et réunir leurs subjectz, la dicte Royne les recherchera d'amytié et de quelque honneste traité , et dissimulera par politique ce qu'elle n'a peu exécuter par les factions qu'elle a par de là. Voilà, sire, Testât où ilz sont à présent, Peult-estre que Dieu aussy les conservera, et [échapperont] aux praticques de leurs ennemys, où je ne fauldray de faire ce qu'il me sera possible pour les maintenir comme voz anciens amys et alliez.

J'ay reçu les lettres qu'il a pieu à Vostre Majesté m'escripre par le sieur Maron*, pour le faire passer vers la royne d'Escosse ; ce que j'ay obtenu avec toutes les peynes du monde , et n'a pas esté sans nous courrousser la dicte royne d'Angleterre et moy, qui ay eu de si fortes raisons [disant] qu'elle ne vous debvoict refuser si peu de chose, que, à la fin, elle l'a accordé. J'ay aussy préparé la dicte royne d'Escosse de tout le crédit que je puys avoir [sur] elle d'accorder la juste requeste de Vostre Majesté à M. le duc de Joieuse, vostre beau^frère, selon le désir que j'ay défaire quelque service agréable à Vostre Majesté, et mesmement pour chose qui luy est sy recommandée que la partie et les mérites de M. le duc de Joieuse , qui est fort estimé et honoré de ceulx qui ne l'ont jamais congneu que par sa bonne et loialle réputation.

Le sieur de Staffort ( Stafford , ambassadeur d'Elisabeth en France) , a mandé par deçà que monseigneur vostre frère estoict hors d'espérance de vyvre, et, depuys les nouvelles ont contynué que Dieu l'avoict voullu appeler. Sur quoy, il s'est faict de merveilleux discours , et s'est bien peu congnoistre ceulx qui

I. Voy. sur ce personnage les lettres de Marie Stuart à Castelnau, en clat« du 26 et 30 avril 1584. {Recueil Labanoff, 1845 , tome V, p. 453 et 457.)

luy portoient encores quelque affection ou non. Mais il ne m'a peu entrer en l'esprit qu'il soict mort, de sorte que, à mesure que l'on l'a vouUu publier, j'ay soubstenu le contraire, espérant que Dieu le vous conservera pour vous faire quelque bon service , comme il y est obligé, et selon la promesse qu'il a pieu à Vostre Majesté m'escripre qu'il vous en avoict faicte à vostre contentement, au logis de la Roy ne vostre bonne grand'mère, que Dieu ne vouldra tant affliger, s'il luy plest.

Quant à cette ligue protestante , de laquelle j'ay tant escript à Vostre' Majesté, elle, se bastit peu à peu ou par imagination ou par effect, estant arrivé, après l'ambassadeur de Danemark, un gros Allemand de la part de Casimir, bien accompagné, qui ofBre à la dicte royne d'Angleterre tout ce qui despendra jamais des moiens et du service de son maistre. L'on attend icy quelqu'ung de la part du roy de Navarre. L'Anglois, appelé Wade, qui fut en Espagne , a parlé à luy à son retour, et selon l'advis que j'en avois donné à Vostre Maj(Bsté, qui doibt estre adverty de ce qu'il aura traicté avec luy. 11 y a eu par deçà divers discours sur le dict roy de Navarre, qu'il se voulloict du tout remettre avec Vostre Majesté, et mesme jusques à aller à la messe, disant qu'il falloict s'accommoder au temps. C'est icy ung pays où ilz ont jusques à présent esté spectateurs, et faict les interprétatipns qu ilz ont vouUu sur les nouvelles estrangères, en taschant de chasser tout le mal de leur pays, et le rçjecter sur leurs voisins, qui sera l'endroict où je supplyray Dieu ,

Sire, qu'il donne à Vostre Majesté, etc.

Dç Londres, ce xj' de mai 1584.

IdCHEL DE CASTELNAU A HENRI m.

16 juillet 1584.

Sire, je n'ay pas estimé q\i*il feust nécessaire d'importuner Vostre Majesté des occurrences d'icy, depuis qu'il luy pleut m'advertir de la mort de feu monseigneur vostre frère, et comme la royne d'Angleterre l'a receue avec une telle démonstration de regret, que c'est choze mal aizée à croire à qui ne Tauroit veu. Elle s'est retirée de toutes les compagnies, sans qu^il y ait eu que trois femmes qui aient eu accès quelque temps à elle, et n'y a aulcun de ses conseillers qui luy ait oy parler. M'aiant donné audience pom* l'aller veoir à Richemont , elle envoya au devant de moy pour me faire honorablement recepvoir par le sieiu* de Walsinghan et aultres gentilshommes, qui me vinrent rencontrer, chacun me contant ses douleurs et l'ennuy qu'elle portoict. Le dict sieur de Walsinghan alla et retourna plusieurs fois entre elle et moy. A la fin, me rapporta comme il l'avoict laissée sy esplorée, sachant que j'estois habillé de deuil, et aussy en ceste maison oti s'estoient traict leurs plus secrètes amours, et en ma présence, qu'il n'estoict possible qu'elle me peult veoir. Par quoy elle me pryoict de l'excuser pour ce jour, et jusques àtemps qu'elle feust partie du dict Richemont, commandant à tous ceulz de sa court, tant ceulx amys de monseigneur vostre frère , que ceulx que luy avoient esté contraires, de ne se présenter devant elle de quelque temps en ceste maison; et, ainsy m'en retournai sans la veoir à ceste heure là. Depuis elle m'a presque tous les jours envoyé visiter, et moy elle, me mandant souvent qu'elle ne se pouvoict consoUer d'avoir perdu un tel amy, mais qu'elle avoict espérance que Vostre Majesté luy seroict touzjours bon frère et voisin.

Voilà, sire, pour le particullier de la dicte royne d'Angleterre, comme elle s'est conduicte depuis qu'elle cntendict la mort de monseigneur vostre frère, lequel, à ce que j'entendz, avoict encores recommancé quelque praticque avec eue , plus de deux mois avant qu'il mourust, et luy avoict mandé que le premier voiage qu'il feroict, se seroict de la retourner veoir, et faire tout ce qui luy plairoict , ensemble luy diroict chose que ne vouldroict escripre , ne commettre à personne, et qui importeroict à son Estât. La Royne se souvient aussy des propos qu'elle et monseigneur vostre frère ont eus souvent ensemble et en ma présence , que l'ung ne vivroict pas longtemps après l'aultre, de sorte que cela et les aultres regretz d'avoir peussé faire une amictié avec luy, et d'avoir baillé son argent, et estre mal avec le roy d'Espagne, et n'avoir point d'amys asseurez, luy donnait beaucoup à pens^ à Testât de son royaulme, comme ses conseillers ne sont empeschez à aultre chose et à tenir les armes prestes , et les forces dudict royaulme, pom* quelque occasion qui se peult offrir, faisant les revues et monstres généralles, depuis l'aage de vingt ans jusques à cinquante et soixante, leur aiant ordonné capitaines et colonnelz aveq ces seigneurs du pays , pour lem* conduicte jusques aux lieux et frontières où ils auroient [ordre] de marcher, et servir.

Et pour le regard des affayres d'Ëscosse, selon que je l'ay mandé à Vostre Majesté, c'est la chose qui donne le plus de martel à la royne d'Angleterre, que de veoir ce jeune roy, vostre petit-nepveu, avec plus de prudence, prospérité et résoUution en toutes ses affaires qu'elle n'eust jamais pensé. Il a encores ces jours passez chassé sept ou huict des plus séditieux mynistres de son pais, qui sont en ceste ville, aussy estonnez que ces aultres rebelles, qui sont en la frontière du nord, avec bien peu d'espérance , de se pouvoir remettre par les armes et factions semblables, comme estoict bien leur intention, voiant que la dicte royne d'Angleterre ne leur oze apertement ayder, mais leur promect touzjours de moienner leur accord , en ce qu'elle pourra, qui n'estoict pas ce que demandoient les dicts rebelles.

Ils ont aussy esté assemblez pour résoudre sur mon voiage d'Escosse, pour achever le traicté de sa liberté, et donner raison à Vostre Majesté , pourquoy les choses avoient esté différées jusques à ceste heure, cependant que la dicte Royne avoict envoyé vers le dict roy d'Escosse ung ambassadeur nommé Davisdon (Davidson), pour sçavoir comme il desiroit procedder avec elle , et avoir agréable la liberté de la Royne sa mère , et quelle occasion il avoict eu de dire que l'on avoict ycy projeté leur ruyne en mesme temps , selon que la dicte royne d'Escosse en avoict aussy tenu quelques propos de son costé fort désagréables à la royne d'Angleterre. La mère et le filz se sont interprétez, disant que encores qu'ilz l'eussent entendu , ilz ne l'avoirait pas voullu croyre. De quoy la dicte royne d'Angleterre s'est contentée, et aussy que le dict roy d'Escosse a escript une lettre à la dicte royne d'Angleterre depuis quatre jours , contenant ces motz : « Que sy elle estoict informée que ce n'eust « touzjours esté son dezir et desseing de luy estre bon parent, « bon voisin, bon filleul , et qu'il ne la réputast comme sa mère, c il la prioict de ne le croire poinct , et , s'il plaisoict à la dicte c Royne se comporter envers luy de mesme, il feroict tout ce « qui luy plairoict, qui seroict le moien d'oster toutes occasions « de s'offenser de part et d'aultre ; par tel moien, luy promet- « teroict laisser toutes praticques et intelligences avec tous les « princes du monde, quelz qu'ilz soient, pour se gouverner et H conduyre à son contentement et voUonté. »

Le conseil de la dicte royne d'Angleterre a esté assemblé toute ceste sepmayne à résoudre ce qu'ilz avoient à faire avec le dict roy d'Escosse, et s'ilz renvoieroient les commissères à la dicte Royne sa mère, sy je ferois le voiage papr devers eulx , et mesmement sur ce qUe le dict conte d'Aran a aussy escript à la dicte royne d'Angleterre et au millord de Honzedon (Hunsdon), gouverneur de Barvic, qu'il oflfroict et asseuroict, sy la dicte royne d'Angleterre voulloict avoir patience et le recongnoistre et gratiffier de ses peines, il luy rendroict le dict roy d'Escosse, son maistre, du tout à sa dévotion, pour

ne £Edre alors que ce qu'il luy plairoict , mesme pour l'accord de ses subjectz, sans que Vostre Majesté, et la dicte royne d'Escosse sa mère l'en empeschassent, qui est ce que la royne d'Angleterre ayoict auparavant désiré, et ce qui luy a faict faire tant de remuemens au dict Ëscosse, et y chercher des partisans avec grande despence. Mais , considérant que le dict conte d'Âran avoict aultrefois prins lem* argent, et les avoict trompés , du temps du duc de Lenox S et que les déportemens du dict roy d'Escosse estoient tous aultres que ce qu'ilz en sçavoient à présent, et qu'il se conduisoict du tout par le conseil de la royne sa mère, en faveur de laquelle il avoict encores depuis peu faict deffendre toutes les croniques et livres [de] Bucanan, et tous les aultres libelles diffamatoires faictz contre elle, et sur pegne (peine) de la vye, que aulcun Ëscossois n'en retinst fragmant ny exemplaire , qui n'eust à Taporter pour le faire brusler ; les plus prudens de ce conseil estiment que le dict roy d'Escosse et le conte d'Aran ont escript telles lettres pour quelque tromperie, dissimulation plustost que pour son bon effect. Cela est cause qu'ilz ont oppiné que la dicte royne d'Angleterre ne debvoict mesprizer l'honnorable offre de Vostre Majesté , de se vouloir rendre médiateur avec la dicte royne d'Angleterre, d'un bon accord, selon la charge qu'il vous a pieu m'en donner , ensemble de pourchasser la liberté de la dicte royne d'Escosse , comme chose honnorable à la dicte royne d'Angleterre , et qu'elle en soict priée et requise par Vostre dicte Majesté. Ce qu'elle a encores dernièrement désiré, et pensoict que M. le vicomte Pinard deust venir à cest effect, et faire le voiage en Escosse avecques moy. Toutesfois, puisque le dict conte d'Aran avoict faict de telles offres, il falloict encores l'esprouver à ce coup ycy et entendre les moiens qu'il avoict d'effectuer ces promesses. Ce que le dict sieur de Honsedon avoict charge de congnoistre, estant à Barvic, où il s'en va dès demain en dilligence poiu* cest effect , et , estant

1. Aran avait été opposé par les Anglais à Lennox; il avait reçu leur argent et s'était ensuite entendu avec Lennox pour faire périr Morton.

arryTé, mandera audict conte d'Âran, que s'il se veult trouver en quelque lieu avec commission de son maistre, bien ample pour accorder avec la royne d'Angleterre de tous les différends passez et de l'advenir, que le dict sieur Hondeson aura aussi pouvoir de samaistresse de faire le semblable, et doibt mander, en dilligence, ce qu'il aura trouvé, et en douze ou quinze jours au plus tard, pendant que la dicte royne d'Ëscosse sera aux bains , où [je] lui a (ay) faict obtenir licence d'aller avec beaucoup meilleur traictement que auparavant. Mais je feray encores ceste redicte à Vostre Majesté , sire , en cest endroict , que, si la dicte royne d'Angleterre se pouvoict accorder avec le dict roy d'Ëscosse et sa mère, elle le feroict très-vollontiers, voiant qu'elle ne l'a peu réduire soubz sa puissence par les aultres pralicques et intelligences qu'elle a touzjours eues et cherchées, avec les Escossois ses subjectz , qu'elle a trompés presque en toutes les promesses qu'ilz s'y sont faictes les imgs aux atdtres. Néantmoings, la dicte royne d'Angleterre et ceulx de son conseil veoient à présent par les apparences qui en sont, que le dict roy d'Ëscosse debvoict estre en bonne intelligence avec Vostre Majesté et la royne sa mère, qui sera cause qu'ils n'ozerontse fier de rien traicter avec luy que conjoinctement avec Vostre Majesté et la dicte royne d'Ëscosse, car ilz congnoissent touz les jours y avoir moings d'intelligence qu'ilz n'em*ent de longtemps. Quoy voyant, ilz cherchent de s'accorder et s'establir aultant avec Vostre Majesté que avec le dict roy d'Ëscosse, et craindront de vous offense, comme je les retiens en ceste peur le plus que je puis , et de rien traicter au dict Escosse sans vostre consentement, voiant la charge que Vostre Majesté m'en a donnée, et deubment en chose sy honorable que la liberté que la dicte royne d'Angleterre ne peiQt plus différer de venir à quelque accord, voiant que, son filz estant en âge, la captivité de sa mère ne sert plus de rien à la dicte royne d'Angleterre, chose qui a esté constatée par tous ceulx de son conseil, et qu'elle ne peult trouver meilleure occasion que celle-cy pour traicter seurement avec elle pour estre aussy le moien de s'es-

tablir avec Yostre Majesté et la dicte royne d'Escosse, sy son filz le désire. Sur cela il a esté dict aux commissaires qu'ilz se tinssent prests à partir bien tost avec moy, sy tost qu'ilz auroient des nouvelles du dict millord de Hondeson, et ont daventage advisé qu'il seroict meilleur pour la dicte royne d'Angleterre, avec le consentement de Voz Majestez et du roy d'Ëscosse , traicter de nouveau avec elle pour la renvoier avec le roy son filz , plus tost que la retenir en ce royaulme, et ne s'arrester au traicté de l'an passé , à la charge que la dicte royne et roy d'Escosse s'obligeront de ne rien attenter contre la dicte royne d'Angleterre et son Estât durant sa vye.

Laquelle est touzjours en délibération de vous envoier bien tost son ordre, et, auparavant quelques gentilzhommes, pour se contrister de la mort de feu monseigneur vostre frère. Il a esté proposé que ce seroict le sieur de Chedenay*, neupveu du conte de Lestre, qui a faict ces jours passez ung progrès et voiage en ses maisons et biens de ses parens avec grand recueil du pais , allant veoir ses amis , où il a esté tant honoré et caressé des seigneurs et de la noblesse , qu'il a esté traicté comme ung roy, dont la dicte royne d'Angleterre a eu grand soubson et malcontentement , et luy en a faict fort mauvais visage, luy disant qu'il vouUoict faire du roy. Il s'en est retiré de la court tout marry, et a eu pour quelques jours assez d'affaires, par le moien de ses amys, à se remettre et excuser, disant qu'il ne pouvoict pas empescher la bonne voUunté que l'on luy avoict monstrée , mais qu'il aymeroict mieux estre mort que d'avoir aucune faveur que pour le service de sa maistresse. De quoy elle s'est contentée. Le dict conte de Lestre a repris avec moy beaucoup de familiarité , et plus que il n'avoict faict depuis qu'il se persuada que tout son crédit luy estoict venu par le moien des François , pour rescompence de l'affection qu'il avoict

]. Philippe Sidney, un des écrivains les plus distingniés de cette époque. Zouch {Mémoires sur la vie et les écrits de Philippe Sidney , Tork, 1809), l'apprécie en ces termes : « Homme d'Ëtat , brave guerrier , poète savant . d'un sentiment profond et d'une imagination créatrice. *

portée à Vostre Majesté et à vostre couroime. H m'assenre souvent qiie, apiès le service de samaistresse , il est plus dédié au vostre que à prince du nionde. Il avoict librement conclud que son oppignon estoict que sa maistresse debvoict conjoinctement traicter les affaires d'Escosse avec Vostre Majesté , qui en avez usé sy honnorablement envers eHe , par la commission que vous m*avez donnée.

Mais j'ai encores présentement entendu que le dict roy d'Escosse prye de rechef la dicte royne d'Angleterre de luy envoler le dict nûUord de Hondeson ; ce qui l'a rendue contente en toutes choses. M'a l'on vouUu asseurer que, ce matin, il estoict venu nouvelles d'Escosse , qui portoient que le dict roy d'Escosse se plaignoict que son ambassadeur avoict trouvé de firoiddes et maigres ressources en vostre royaulme, et le sieur de Walsinghan , voyant cette dépesche, a dict à ung sien amy, que le dict roy d'Escosse ne pouvoict (pouvant) faire ses affaires en France, les voulloict faire en Angleterre, mais qu'il falloict veoir ce qu'il vouldroict dire, et sy à ce coup, il consentiroict et requerroict la liberté de la Royne sa mère , qui luy seroict accordée , s'il en avoict bonne vollunté , mais que , pour son aage , il savoict trop bien dissimuler, et que, suis ce qu'il a tasché de traicter avec le dict millord de Honsedon , la royne d'Angleterre estoict d'advis que nous partirions sans plus différer avec ces commissaires , pour aller trouver la mère et le filz , suyvant la charge que Vostre Majesté m'en a donnée, et que, de sa part, il estimoict le plus court chemin. Le dict sieur de Honsedon, qui ne debvoict partir que demain, part tout présentement, et fort désireux de s'entremectre avec le dict roy d'Escosse , et se mettre en sa bonne grâce par le consentement de la dicte royne d'Angleterre, et, à cest effect, entretient le dict conte d'Aran pour persuader au dict roy d'Escosse que ne doibt espérer d'aultre royaulme ny prince que de la royne d'Angleterre , de laquelle il sera héritier, et non sa mère , s'il se veult bien gouverner et croire le conseil de la dicte royne d'Angleterre et les bons amys qu'il a en ce royaulme. Voilà comme, en naatière

d'Estat y les choses changent à toutes heures , principallement avec les Ânglois et les Ëscossois, qui ne sont pas fort constans en leurs résollutions.

Toutesfois le sieur de Walsinghan a aussi dict» quant àrluy, qu'il ofBroict gaiger que le sieur de Honsedon se trouveroict trompé mesmement, en ce qu'il pensoict détacher le roy d'Ës* cosse d'avec la Royne sa mère, et de Fallience de France, par le moien d'un trompeur tel que le conte d'Aran. Qui sera l'endroict où je supplieray Dieu,

Sire, qu'il donne à Vostre Royale Majesté, en très-parfaicte , etc.

Le xvj« juillet 1S84.

Sire, jeprendray en cest endroict la hardiesse, avec mes très-justes et précédentes requestres, de supplier Vostre Roialle Majesté de commander à messieurs de vos finances qu'ilz regardent à me faire paier ce qui m'est deub, suivant ce qu'il vous a pieu me mander estre vostre intention, affin de satisfaire à mes créanciers par deçà , et aux grandes despences que je y ay faicts pour le service de Vostre Majesté, et celuy de monseigneur vostre frère, suivant les exprès commandemens de Voz Majestez, et n'espargnerai rien, comme je n'ay faict pour tout ce qui a importé à vostre honneur et service.

MICHEL DE CASTELNAU A HENRI III

17 juillet 1584.

Sire , j'ay mandé à Vostre Majesté comme la royne d'Angleterre, vostre bonne sœur, avoict faict eslection du sieur de Chedenay, l'ung des plus accomplis gentilzhommes. de ce royaulme , pour l'envoier vers Voz Majestez se condoiloir de la mort ée feu monseigneur vostre frère. Il est filz du pair qui a

31 1 LETTRES DIPLOMATiaUES

esté visseroy ea Irlande, et nepveu de MM. les eontes de Lestre et de Warvic, de Bedfort, de la contesse de Sucez (Sussex), beau-frère du conte'de Pembroc, et allié des premiers d'Angleterre. Il a espouzé la fille seuUe du sieur Walsinghan et son héritière, en espérance d*estre ung jour des plus grandz seigneurs de ce royaulme. Il sera accompagné du conte d'Essex, du second filz de M. le grand trésorier d'Angleterre, du filz sàsné du millort de (roban (Gobham), et de plusieurs aultres gentilzhommes de bonne maison, jusques au nombre de soixante-cinq dievaulx, et doîbt [partir] y^s la fin de ceste septmaine pour aller trouver Voz Majestez partout où elles seront, et leur faire entendre les regretz de la Royne, sa maistresse, et ses bonnes volontez. J'entends que le dict sieur Chedenay, qui est fort advisé, [a] aussy quelque charge de sonder Voz Majeztez quelles seront leur affections et bonnes vollontez env^s la dicte Royne, sa maistresse, tant après la mort de monsieur vostre firère , que celle du prince d'Orange, que aultres occasions qui se présentent aujourd'huy , mesmement de donner quelque ayde et faveur à ceulx des Estats des Pais-Bas, soict soubz main, ou aultrement, pour ne les laisser subjuguer aux forces du roy d'Espaigne, et par conséquent le dict sieur Chedenay aura charge de bien considérer quelles seront voz oflfres et démonstrations d'amytiez envers la dicte Royne, sa maistresse, affin que, incontynant, elle vous renvoyé quelque seigneur avec son ordre, soict simplement pour le vous porter le plus honnorablement qu'eUe pourra , ou pour traicter quelque chose de plus particullier, et, suyvant cela, pourroict faire eslection de quelqu'un g propre à l'ung ou à l'aultre, et, parce que j'ay esté requis d'escripre à Vostre Majesté sur le voyage du dict sieur de Chedenay vers elle, j'ay esté aussy pryé luy faire toutte la recommandation que je pourrois, affin qu'il soict bien receu et accommodé des choses nécessaires en son voiage par où il passera , et spéciallem^it de chevaulx de poste , le nombre qu'il luy en sera besoing , et que je remettray à Vostre Majesté pour en donner le comman-

dément à qui il vous plaira , et le faire bien recepvoir en voz villes de Picardie par où il passera , auxquelles j'en ay escript , et à Mgr de Crevecœur, estimant, sire, que les courtoizies entre les grands princes et leurs mynistres sont touzjours des liens qui estraignent davantage Tamytié, [et] que celles qui seront faictes au dict sieur de Chedenay, qui est proche allié et parent de tous ceulx de ce conseil , ne seront que bien emploiez, semblablement aux principaulx qui l'accompagnent; qui est Tendroict où je prieray Dieu , Sire, qu'il donne, etc.

De Londres, ce zvij* juillet 1&84.

IflCHEL DE GAST^LNAU A HENRI UI.

28 juillet 1584.

Sire, j'ay veu la royne d'Angleterre depuis la dernière despesche que j'ai faicte à Vostre Majesté, pour luy donner advis du partement du sieur de Chedenay, qui se va condoulloir de la mort de feu monseigneur vostre frère, la dicte dame estant touzjours en aparence pleine de larmes et de regretz, me disant qu'elle estoict comme ime femme veufve, qui avoict perdu son mary , et que je savois bien que feu monseigneur estoict le sien, et qu'il n'avoict tenu à elle qu'ilz n'eussent vescu ensemble, avec plusieurs aultres telz propos , selon qu'elle est princesse qui se peult et sçait composer et transformer comme il luy plaist, et après ces tristes [paroles] et aultres discours semblables, me demanda mon opignon de ce qu'il falloict faire pour augmenter l'amictié avec Vostre Majesté et vostre royaulme, et sy l'eslection du dict sieui* de Chedenay seroict agréable à Voz Maj estez, s'excusant qu'elle ne les avoict plus tost envoyé visiter, et qu'elle redoubleroict cy après son

3i4 LETTRES DIPLOMATIQUES

affection envers elle, s'il leur plaisoict. Je Iny dis que ce seroict vous rendre seullement la pareille pour avoir touzjours [ainsi] usé les vostres en son endroict , sans y avoir manqué d'un seul poinct ; puis, me demanda sy Yostre Majesté ne vouldroict pas faire à présent plus estroicte ligue, et adviser aux afEsûres du Pais-Bas , et à secourir et ne laisser perdre ces pauvres peuples des Estatz , après la mort du prince d'Orange , par la tyrannie du roy d'Espagne. Je l'ay escoutée sur cela assez longuement, sans avoir, ce me sembloict, suffisante matière de luy respondre pour ne sçavoir l'intention présente de Vostre Majesté , où j'eusse eu poeur de faillir en quelque chose, luy disant plus ou moings que je n'ay de commandement et es affaires de telle importance, bien ai-je veu qu'il estoict à propos, voiant qu'elle me sondoict sur cela, de luy parler seullement que la Royne, vostre mère et la sienne de parfaicte amytié , avoict pourveu au faict de Cambray, comme l'aiant trouvé en la possession de monseigneur vostre frère, et pour ses aultres prétentions de Portugal. Mais la dicte royne d'Angleterre estimoict peu cela, au regret de veoir que le roy d'Espagne seroict pour subjuguer le tout en peu de temps. Par quoy elle seroict bien aize que Yoz Majestés y voulussent promptement adviser, que sy elle sçavoict vostre désir, elle donneroict charge au dict sieur de Chedenay et à son ambassadeur de vous en parler. Lors je luy ay allégué plusieurs exemples, et qu'elle voulloict esbaucher assez de matyères sans en conduyre aulcune à perfection , et que luy avoict tant veu faire de recherches et de ligues , mesmement avec voz subjectz et les protestans, et encores depuis peu avec le roy d'Espagne, que, sy elle y eust trouvé de la sincérité , elle s'y feust arrestée , et luy en dis encores beaucoup de particularitez, et les discours avec le sieur de Ségur, daventage en ses traictez de mariage, elle n'avoict jamais tasché qu'à vous précipiter et jetter à la guerre avec le roy d'Espagne, et vous laisser là; que, si elle eust eu aultre intention , elle n'eust pas refusé voz honnestes offres pour luy faire la guerre apertement ou soubz main. Mais elle me respondictà

DE MICHEL DE GASTELNAU. 3i5

cela qu'elle n'avoict jamais peu congnoistre que Vostre Majesté TouUust en rirai empescher la grandeur du dict roy d'Espagne, mesmement que elle oSrii de prester ses navires à la Royne vostre mère, ce qui lui augmenta la deffience (despense?}, et plusieurs aultres advis conformes à voz déportemens, mais je luy respondis à tout cela chose qu'elle ne pouvoict contredire, luy faisant clairement veoir qu'elle ne faisoict rien que pour alonger le temps et veoir où elle se pouroict atacher sans regarder à ses promesses, dont je ne faisois nul estât sans les effectz, que je n'avois encores poinct veuz , mais assez de desseins mal suivis , et mesmement pour vous empescher et oster, sy elle eust peu , toute allience d'Escosse , qui est de huict cents ans , avec vostre couronne, et, quand je l'en avois empeschée selon mon debvoir en ceste charge, elle faisoict faire des plainctes à Vostre Majesté de moy par son ambassadeur, lesquelles je sentois retourner à mon hozmeur, et que je sçavoia ce qu'elle cherchoict encores à présent pour vous oster la dicte aUience d'Escosse par le millord Hondeson , qu'elle avoict envoyé sans moy contre la promesse et résollution d'elle et de tout son conseil , qui estoict qu'elle ne traicterdct rien sans que j'y allasse , avec l'auctorité de Vostre Majesté conjoincte avec la sienne, pour y composer les choses amiablement , où elle recherchoict aujourd'huy le contraire, aiant envoyé argent ^t pensions , avec de très-grandes promesses au conte d'Aran, et [au] coUonel Stuard, pour les gaigner, et le roy d'Escosse sans Vostre Majesté ; laquelle [ligue] , toutesfbis , je ne vois pas , sy le roy d'Escosse n'est bien changé depuis envers Vostre dicte Majesté et la Koyne sa mère , ils puissent faire , et aussy que telles pratiques ne soient que pour luy remettre les troubles en son royaulme , le ruyner luy et la royne d'Escosse sa mère , comme le desseing en est prins , et vous retrancher, sire , par touz moiens , ceste amytié , et ce pendant me mener de jour à aultre de belles parolles et promesses, et m'avoir faict tenir prest jusques à ceste heure avec grande despence pour aller au dict Escosse, et promesse de renvoier les commissères à la royne

d*Escosse, [et] en vostre faveur , de mettre une honorable fin à sa longue prison de dix-sept ans. Mais je voy bien où la dicte royne d'Angleterre regarde, qui est que Vostre Majesté estant médiatrice en tel accord et padffication, la dicte dame seroict tenue et obligée de n'y entreprendre rien plus sans vous, et, par conséquent, de n'ozer plus rien atempter contre leur Royne. Sur cela, je dis à la dicte royne d'Angleterre que mon opignon seroict d'accorder les aiSaires d'Escosse, puis qu'il avoict esté ainsi résoUu et conclud, et oster toutes deffiences de ce costé là, et asseurer ce jeune Koy entre ses subjectz, et donner quelque satisfaction à la Royne sa mère, affîn d'imir voz royaulmes et subjectz par ce lien , d'asseurer amytié , qui seroict pour oster toutes jalousies et d^ences , et alors vous fortiffier tous trois contre qui que ce soict, ou pour faire aultre plus estroicte ligue, soict pour le Pays-Bas ou aultre occasion contre ceuk qui seroient voz ennemis et de la dicte Royne ou contre le roy d'Espagne, s'il voulloict entreprendre plus qu*il ne debvroict. Or, sire, ne sçachant quelle sera vostre intention d'entrer en plus estroicte ligne avec la dicte Royne , que celle que vous avez desjà, j'ay pensé qu'il estoict bon de la laisser en ces termes, afQn qu'elle se révolve à estimer que vostre amytié lUy est trèsHiécessaire, comme elle est. Car elle ne vous sçauroict, quand eUe vouldroict, faire aulcun mal, quel qu'il soict à présent, pendant que le dict roy d'Escosse la tiendra en bridde, comme il a faict jusques à ceste heure , et aussy qu'elle ait à me laisser passer vers luy et la Royne sa mère, comme il avoict esté accordé, et n'y traicter rien sans Vostre Majesté, comme les ungs et les aultres l'ont désiré, et le dict roy d'Escosse jusques à présent que la dicte royne d'Angleterre , [à ce qu'il] semble, vouldroict prendre img aullre cours qui luy sera bien malaizé, estimant que le millord de Hondeson se trouvera trompé, et qu'à la fin, ilz nous rechercheront quand le dict millord de Hondeson aura trouvé le contraire de ce qu'il pense ; synon que le dict roy d'Escosse eust quelque mauvaise satisfaction de Vostre Majesté par le sieur de Ceton (Seaton)^ son

DE MICHEL m CASTELNAU. 317

ambassadeur, comme je vous ay mandé qu'ilz en avoient quel* que advis par deçà, que Ton leur avoict mandé d'Escosse.

Sur la fin de ceste longue audience, la dicte royne d'Angleterre m'a usé de force belles paroUes concluant qu'elle désiroict phis estroicte amytié, s'il plaisoict à Vostre Majesté, dont le dict sieur de Chedenay (Sidney) et son ambassadeur auront charge de vous parler, et commenceront à esbaucher ceste affaire selon la disposition où ilz vous trouveront, sy c'est avec froideur, de n'en parler que peu, sy c'est avec plus de chaleur, faire le mesme (parler avec chaleur). Et après tout cela, le dict sieur de Chedenay m'est venu trouver pour me demander mon advis en toutes choses, et me prier d'escripre à Vostre Majesté qu'il avoict esté gentilhomme de la chan^Dre du feu Roy vostre frère, et que vous allant trouver à Venise, luy aviez faict cest honneur de le retenir en ceste qualité; ce qu'il estimoict à grand honneur. Je luy ay conseillé pour l'incommodité qu'il auroict par les postes , de retrancher du nombre de soixante chevauk. Ce que j'estime qu'il fera, et de quelques ungs des principaulx, qui debvoient aller avec luy, qui craignoient la challeur. Il m'a âussy prié de luy faire tous bons offices pour faire avoir son voiage agréable à Voz Majestez. Je luy ay dict que je n'en avois jamais faict d'aultres en tout ce qui touchoict sa maistresse et ses subjectz, et qu'il ne doibt poinct doubter qu'il ne vous fust sy très-agréable ; mais qu'il falloict traicter fidellement avec Vostre Majesté qui estôict pleine de sincérité et de rondeur, mais que, par deçà, il y avoict trop d'artifices, finesse et variations, lesquelles à la fin [je craignois] ne fussent appelées tromperies, dont je ne voulois plus estre mynistre. Le dict sieur de Chedenay m'a dict que, s'il plaisoict à Vostre Majesté de faire quelque chose de bon avec sa maistresse pour quelque plus estroicte ligue, les affaires d'Escosse se traicteroient par mesme moien, et ferois le voyage par devers eulx à vostre contentement pour oster toutes jalousies de ce costé là«

Sur quoy, mon oppignon seroict, sire, que Vostre Majesté

doibt bien fidre sentir aux ambassadeurs de la dicte Royne que la pensez avoir obligée de vous sçavoir beaucoup de gré de n'avoir vouUu envoyer au dict Ëscosse que conjoinct^uent avec elle pour y paciffîer les choses, sans prendre la voie de la mer, qui vous est libre quant il vous plaira. Âultrement , ilz vous vouldroient retrancher toutes intelligences, s'ilz pouvoient, comme c'a touzjours esté leur desseing, soict pour ruyner le roy d'Escosse , ou l'avoir sans vous à leur dévotion, en vous amusant de paroUes. Mais ce seront [les Escossois] voz plus certains et asseurez amys et alliez de sy longtemps par les roys voz prédécesseurs, qui serviront toujours de frain et bridde aux Ânglois , qui seront moins à craindre qu'ilz ne forent jamais, pendant que le dict roy d'Escosse les tiendra en crainte comme il faict. Mais s'il n'y prend garde et qu'il ne soict asseuré de quelque traicté par le moien et octorîté de Vostre Majesté , il se fera encores icy, comme Uz sont après , ung nouveau desseing pour le faire ruyner par ses propres subjectz et ceulx qui le gouvernent à présent. Ce que je remettray de faire ent^idre une aultre fois à Vostre Majesté, que supplye très-humblement encores img coup me voulloir estre sy bon maistre que je puisse sortir de la misère en laquelle je suis, et le commander à messieurs de voz finances , afin qu'ilz y prennent une résollution, et je prieray à jamais Dieu , Sire, qu'il donne à Vostre RoyaUe Grandeur , etc.

De Londres, le xxviij* juillet 1584.

MICHEL lŒ CASTELIUU A CATBERINE DE MÉDICIS.

28 août 1584.

Madame, en attendant que j'ay une finalle rézolution de la royue d'Angleterre et de ceulx de son conseil pour le voiage

d'Escosse, sur tout ce que j'en ay demièremeat escript à Vos Majestez par le controlleur 6effiencau(?}, jugeant qu*à la fm la dicte Royne seroict contrainte d'y venir pour veoir que ces praticques au dict Escosse alloient tout au rebours de ses debseings , et, selon que j'entens à présent, elle n'atend plus que une dernière nouvelle d*£scosse et du miUort de Hossedon pour me donner responce. Davantaige elle a ordonné le sieur de Sadlair (Sadler), l'un des plus vielz et prudens de son conseil estre prest à partir dedans trois ou quatre jours, pour s'en aller demeurer quinze jours ou trois sepmaynes avec la royne d'Ëscosse, pendant lesquelles le conte de Cherosbery viendra par deçà, tant pour faire la révérance à la dicte royne d'Angleterre, qu'il n'a veue il y a plus de dix ans, que pour adviser avec elle de ses moiens et de la liberté de la dicte royne d'Escosse, et de quelle façon ; où il ne fault pas que Voz Majestez perdent l'occasion d'intervenyr. Aussy me donna l'on desjà quelque espérance de pouvoir retourner avec le dict conte de Cherosbery, selon que la dicte royne d'Escosse le dezire, qui a chargé le dict conte de plusieurs grandes particullaritez pour dire à la dicte royne d'Angleterre. Sy les choses prennent ce cours là, conmie il semble que ce soict ime nécessité, il sera très-bon que le vicomte Pinard * s'en vienne, selon la despesche de Voz Majestez, qui sera bon d'estre très-ample pour tout ce qui pourroict [se] présenter en chose de telle impor^ tance, tant pour la liberté de la dicte royne d'Escosse, que le voiâge vers son filz, et aussy que c'est touzjoiu's l'intention de la dicte royne d'Angleterre d'estre pryée de la part de Voz Majestez, pour la liberté de la dicte royne d'Escosse. Quant elle en sera là, pour beaucoup de considérations que a sur cela la dicte royne d'Angleterre , et selon ce qui en sera rezoUu, je ne failleray d'en advertir en diligence Voz Majestez, pour envoyer le dict sieur vicomte Pinard, affin que nous fassions ce voiage au dict Escosse et ne laisser obliger la dicte royne