ORIGINAL

(Les parties chiffrées dans Toriginal sont entre [ ] ).

Monsieur d'Esneval, le millord Hamilton * présent porteur, estant venu prendre congé de moy, sur l'occasion du veoyaige qu'il va faire par delà [où, à ce qu'il m'a faict entendre mon nepveu le roy d'Escosse, Ta mandé par lettres escriptes de sa main, sans que, par icelle, il en ait rien retenu ou retardé, pour ce qu'il sçait qu'il est catholique et serviteur de ma bonne seur la royne d'Escosse, sa mère], je luy ay faict toutes les bonnes démonstrations qu'il m'a esté possible de l'amityé ferme et sincère, que je porte à mon nepveu, le roy d'Escosse, son souverain, comme j'espère qu'il le luy tesmoignera, mais encores Tay-je davantaige accompaigné de mes lettres que j'escriptz à mon dict nepveu, le roy d'Escosse, dont je vous envoyé le double, pour confirmation plus ample du désir et affection, que j'ay que nous continuions constamment en la bonne alliance, voisinance et intelligence qui a tousjours esté entre mes prédécesseurs et les siens. En quoy, j'estime que le dict millord Claude Hamilton fera tous bons offices^ selon la recommandation que je luy en ay faicte; [parce que je say que le millord Allebrocq, son frère, qui a, pour le présent, beaucoup de part près de mon nepveu le roy d'Escosse, peûlt grandement servir à cela, j'ay pensé qu'il est très bon de l'y dis-

1. Claude Hamilton était un des fils du duc de Ghâtellerault , ancien régent de d'Ecosse. Son frère , dont le nom est toujours altéré dans les lettres françaises, était J. Hamilton, lord d'Arbroath.

poser, et attirer le plus que faire se pourra, et, si vous trouvez qu'il y ait bonne inclination, vous lui ferez présent de ma part d'un anneau de cinq cens escuz, que je vous envoyé à cest effect, que vous luy présenterez, sans qu'il soyt sceu de personne, pour une souvenance de moy. Sy vous ne le trouviez de vollunté, et que Tanneau ne servist de rien, vous retiendrez devers vous le dict anneau, sans luy en faire présent, et vous ayderez du dict millord Hamilton en ce que vous verrez qu'il aura moyen de favoriser le bien de mes affaires et service par delà, qui n'est aultre que celuy mesme de mon nepveu, le roy d'Escosse, et de tout ce qui luy touche. J'ay faict présent au dict mylord Claude de cinq cens escuz, pour luy ayder à fayre son voiage, affin de le rendre plus aflfectionné, en ce qu'il peult, pour vous assister en mon service par delà.]

Priant Dieu monsieur d'Esneval, vous avoir en sa saincte et digne garde. Escript à Paris le pénultième jour de janvier 1586. [HENRY.

PINART

A la suite de cette lettre se trouve un billet chiffré dont voici la traduction :

[Je pensois envoier l'anneau mentionné en ceste lettre; je ne l'ay peu, pour ce que le prix n'en est encores faict. Par ainsy, n'en parlez point au millord Albrocque. Je ne veulx oublyer néangmoings de vous dire que j''ay faict bailler cinq cens escuz en or au dictmilord Claude pour faire son voiage. Escript à Paris le pénultième jour de jaiivier 1586-.]