ORIGINAL

Le roy ayant esté naguères adverty que les affaires xi*Escosse^ estoient en trouble et combustion , et qu'il y est advenu ung grand changement , a advisé oultre l'instruction qu'il a déjà faict bailler au sieur baron d'Esneval , vidame de Normandie, gentilhomme ordinaire de la chambre de Sa Majesté, etcappitaine de cent chevaulx légers, de luy bailler encores la présente sur ce qu'il aura à faire , et s'entremectre de la part de sa dicte Majesté pour la paciification des dicts troubles d'Ëscosse.

Après avoir présenté au roy du dict pais les lettres que sa dicte Majesté luy escript sur ce , il luy dira que n'ayant icelle sa dicte Majesté moindre soing et sollicitude du bien des affaires du dict royaume d'Ëscosse, que des siens propres, pour Y antienne amytié , alliance et voisinance qui ont tousjours esté entre la France et VEscosse^ elle Ta chargé d'intervenir, s'emploier et faire en son nom tous bons offices pour la paciffication et composition des dicts troubles, et réconcillier le dict sieur roy d'Ëscosse avec les contes , seigneurs , gentilzhommes et subjectz de son royaume, qui pourroient estre en divorce , et l'exhortera , de la part de sa dicte Majesté , de suivre la veoye doulce et s'accommoder, comme au plus salutaire advis et conseil que le dict sieur d'Ëscosse [puisse]

recepvoiFj qui est tel que celluy, que sa dicte Majesté désire pouvoir prendre et praticquer elle-mesme, laquelle ne recherche et appette rien tant que d'unyr tous ses subjectz en mesme volonté d'obéyssance , telle qu'ilz la luy doibvent naturellement , pour veoir en ses jours, et , durant son règne, ung ferme et asseuré repos, estant en son royaume.

Lé dict sieur d'Esneval visitera après les dicts contes et seigneurs d'Ëscosse de la part de Sa Majesté, et, après leur avoir présenté les lettres que, sur ce , elle leur escript, les exhortera de sa part à se souzbmettre à ce qui est de leur debvoir et obéyssance , comme ilz y sont divinement et humainement oblige envers le dict sieur roy leur souverain , nepveu de sa dicte Majesté et son bon amy , les disposant et persuadant de se conformer à toutes raisonnables conditions qui seront proposées , dont le dict sieur d'Esneval pourra faire telles bonnes et honnestes ouvertures qu'il verra y pouvoir servir : [sçavoir] que la personne du dict sieur roy d'Ëscosse ne soit constituée en aucun danger par la prise des armes; qu'il ait son auctorité libre et la plaine disposition de ses afiaires , comme il soulloit, et que chacun ait libre et seur accedz à luy, sans y estre intimide à l'occasion des gardes , qui sont à présent , ainsy que Ton dict, près et allentour de sa personne ; que le dict sieur roi oublye, de sa part, tout le maltallent qu'il pourvoict avoir pour les choses naguères advenues, et qu'il recoipve indifféremment les dicts sieurs contes, seigneurs et gentilzhommes , et, ses officiers tant présens que absens, en sa bonne grâce, leur départant ses faveurs et bon traictement accoustumé, asseurant le dict sieur d'Esneval , tant le dict sieur roy d'Ëscosse que les dicts contes et seigneurs , que sa dicte Majesté n'est mue à faire cette entreprise que de l'amitié qu'elle porte au dict sieur roy et à toute la nation Escossoise, de si longtemps lyée dUestroictes alliances avec les François; et puis entrera ledit sieur d'Esneval à prier et admonester les dicts contes, seigneurs et gentilzhommes, et aultres que besoing sera, à se monstrer aultant affectionnez envers sa dicte Ma-

jesté et la France , comme leurs prédécesseurs et eulz ont faict par le passé, avec asseurance qu'ilz n'auront et ne trouveront jamais ung plus ferme et solide appuy, que cestuy là, estant sa dicte Majesté très résolue d'entretenir et de ne se despartir jamais de Yamityé^ que ses prédécesseurs et elle orUj de très longue et très heureuze mémoire ^ avec les roys de la nation éCEscosse.

Et^ génerallement, le dict sieur d'Ësneval s'efforcera par toutes bonnes démonstrations et ofGlcieulx debvoir d'amityé et bienveillance de la part de sa dicte Majesté, de remectre bien le dict sieur roy et les dicts contes et seigneurs d'Escosse ensemble , et les retenir en l'amityé de sa dicte Majesté et de son royaume, selon hsantiens traictez d^ entre ces deux corannes qui sesonttousjours très bien trouvées de leur liaison et commune intelligence , et mesme le dict royaume d'Escosse , qui a assez de foys expérimenté et senty le fruict, utillité et conservation, qu'elle ne pouvoit attendre et espérer au milieu de ses plus grandz malayses et affligez affaires , ainsy qu'il est plus amplement desduict par l'aultre instruction baillée au dict sieur d'Ësneval, de laquelle il se servira, au: reste, pour ce qu'il aura à faire en sa charge.

Faict à Paris, le x?* jour de décembre 1585.

Henry.

PiNART.