MINUTE AUTOGRAPHE

Sire , rasseurance que vostre Majesté m*ha donnée. de son affection à l'entretien de Tantienne alliance qui est entre les royaulmes de France et d'Escosse , et , en cela , de correspondre à celle du roy très chrestien, son bon oncle, comme aussi à la recongnoissance du vray amour que V. M. congnoist que la sienne T. C. luy porte, pour le bon soing qu'elle ha touzjaurs eu es occurrences passées et ha encore d'elle-mesme, en ce qu'elle ha voulu m'envoier par devers elle pour y résider son ambassadeur, me rend d'autant plus soigneux, avec le commandement très exprès que j'en ay de S. M. , de faire auprès la vostre (V. M.) tous les bons debvoirs et offices qu'il me sera possible, et ne négliger aucune occurrence, qui se pourra présenter, concernant la continuation d'une si bonne amitié, mais éviter celles, qui y pourroient aporter quelque innovation, diminution ou altération. Â quoi désirant satisfaire, en tant qu'il est de mon debvoir, et principalement sur la venue de cest ambassadeur par devçrs V. M., entendant que c'est pour traitter et faire quelque nouvelle ligue entre elle et la royne sa maistresse, je ne puis moins que de désirer sçavoir si , en cela, il y va point de Tinterest particulier du roy, mon maistre, et se pourra faire ou passer aucune chose au préjudice

1 . Cette lettre n'est pas datée ; mais elle parle de l'arrivée de l'ambassadeur anglais en Ecosse, comme d'un fait récent. Or, Thomas Randolph arriva à Edimbourg au commencement du mois de mars 1586. La lettre de If. d'Esoeval doit donc se placer vers cette époque.

368 LETTRES DlPJLOMÂtlQUES.

des antiens traittés et bonne intelligence d*entre vos deux Majestés, et sur ce requérir la vostre (Y. M.) , comme je faictz très instamment, m*en vouloir faire desclaration pour, à la sienne très chrestienne, donner advisde ce qu'il luy plaira m'en dire, et récepvoir ses commendements, voulant toutesfois bien dire à vostre Majesté, que j'entends que le prétexte de ceste ligue, de laquelle elle est poursuivie et recherchée par la royne sa voisine, est principallement pris et fondé sur lefaict de la religion, et sur une imaginée oppinion, que touts les princes catholiques se seroient confédérés , soubs l'autorité du pape , pour la suppression de la religion contraire à la leur, non seulement en leurs royaulmes et Eststs, mais aussi en touts les autres royaulmes et pays, èsquels ils n'ont aucune prétention ne pouvoir, et combien que je vois que , à l'occasion de ce qui s'est , puis quelque temps , passé au royaulme de France , ceux qui veullent se prévaloir de vostre Majesté , et l'attirer en ligue, en ont principallement fait ceste conséquence , dont ils ont preoccuppé les affections des princes et seigneurs faisant profession de ceste religion , et entre autres V. M., et que, sur ce, je luy ay, cy-devant, bien au long discouru, et faict entendre ce qu'en cela est de l'intention du roi très chrestien , son bon oncle , et sçaichant combien l'amitié de S. M. T. C, luy est utille, et les moiens qu'elle a de l'aider dans ses affaires, faire despartir la vostre de ceste alliance si antienne , comme aussi ils s'efforcent encores la desjoindre d'avec la royne sa mère, et en ce faisant, luy faire perdre l'amitié maternelle qu'elle luy porte, et rendre vains et inutilles les grands moyens qu'elle ha pour l'advancement de la grandeur de Y. M., l'occasion se présentant pour, désert de tels appuis et moiens, disposer en après d'elle, à leur plaisir et volunté, non seulement, mais, quand et quand, Sire, vous faire compaignon de quelque mauvaise fortune qu'ils craignent , et encores l'embarquer dans une guerre contre qui ils voudront, et quand bon leur semblera, soubs un si spétieux prétexte. J'espère toutefois que V. M., avec la grande prudence, dont elle et

messieurs des Estats et de son conseil gouvernent heureuse* ment ce royaulme , sçaura très bien discerner le net de ceste leur intention , et , ne se laissant circonvenir, usera, en si importante occurence, du conseil qu'elle jug^a hiy estre, et à ce royaulme, le plus honorable, propre, utile et nécessaire, pour ne laisser le plus certain et asseuré, pour prendre l'incertain et suspect, ne se despartir de l'utUle pour s'adjoindre au préjudiciable.

Ce que eux , craignant que V. M. ne se laisse (pas ) aller à leur désir, fardent et emmiellent ceste leur prétention de très belles espérances, ouvertures, ofires et belles paroles , sur lesquelles je me contenteray de la prier qu'il luy plaise se resouvenir de là response, qui autrefois a esté, à la royne sa mère, faicte en telle occasion , par la royne d'Angleterre, en laquelle, entre autres objections et refus, elle dist qu'elle sçavoit bien qu*U y m a beaucoup plus qui adorent le soleil levant que le soleil couchant y proverbe qui luy est encore assez commung, par où, elle advisée en ses affaires, donne à congnoistre qu'elle n'est pour vouloir desclarer son successeur à la couronne, avant que sa mort luy en ait du tout osté la succession, quelque démonstration qu'elle fasse envers V. M., à laquelle je remettray de considérer ce qui en peult éstre de plus, pour luy dire comme il n'y a du tout point d'apparence que, de son vivant , ses offres se puissent veoir effectuées , et V- M. en cela gratiffiée ; de plus , que la dicte dame royne seroict bien empeschée dé faire la royne vostre mère {son héritière], et , quand elle voudroit ou seroit pour le faire , qu'il y a aussi grande occasion de doubter si elle seule le pourroit exécuter et accomplir, n'estant si peu sçayant des affaires de ce pais là que je ne sçaiche très bien qu'il y en a qui, bien qu'injustement, prétendent toutesfois avoir meilleure part au royaulme d'Angleterre et à ceste belle suscession que V. M., lesquels y ont de longue main faict et ourdi leurs practiquês et moiens d'establissement. Aussi y a-t-il bien moins d'apparence que y. M. n'ayant offensé pas ung de ses voisins, il y en ait

370 LETTRES DiPLOllATIfiUES.

aucun qui voulûst luy faire la guerr» pour le seul prétexte de la religion» mais principallemeat le roy son bon (mc\e entièrement désireux de la prospérité de sa p^somie, bon et paisible estât de ses alEaires et du bien â*ell6 et de son royaulme , et n*est à alléguer ce qui s'est , conune j'ay dict à V. M., passé et se présente depuis quelque temps. En quoy, le roy T. C. , mon mabtre, n'est poussé que d'un saiact désir de yeoir tous ses subjects réunis à la religion, à leur propre bien et salut, et son royaulme restabU en son pristin bonheur et estât, n'estant les armées qui sont en son royaubne que pour contenir ceux qui vouldroient s'eslever, et par armes s'opposera ceste sienne intention, qui ne regarde, aucun de ses voisins et ne passe les limites de son royaubne, et moins la mer, si ce n'est pour le bien particullier de Y. M. et de son royaulme, tellement qu'elle n'ha occasion quelconque, asseavoir d'un costé d'entrer en deffiance de ses autres voisins et amis, pour entrer en aucune nouvelle ligue particulière avec ceux qui ibnt assés congnoistre que ce qu'ils font et traittent . n'est jamais que poiur leur particulier, ainsi qu'aiant jEailli ailleurs , ils s'adressent maintenant à Y 4 M> , de laquelle auparavant ils se sont bien desclarés n'avoir tant de soing, se souciant bien peu de l'intérest auquel elle pourra tomber, et , d'autre part, de s'arrester à ces ofCres et ouverture, dont l'effect est fort doubteux.

Toutesfois, Sire, si d'ailleurs le bien des affaires de Y. M. et de son royaulme requeroit qu'elle entrast en quelque nouvelle alliance avec ceste royne sa voisine, les roys, prédécesseurs du roy T. C. nion maistre et les vostres, Sire , par les traittés faicts entre eux , se sont pour eux et leurs successeurs réservé qu'il leur seroit loisible de faire et traitter paix et alliance avec les roys d'Angleterre , mais à cette condition expresse qu'Us s'y comprmdroient Vun Vautre purement et sans condition , et que , préalablement ils le feroient sçavoir l'un à l'autre pour accepter cest comprension , si bon leur sembloit, chose que les feus roys de France ont,

LETTRBS DIPLOMATIQUES. 87|

de leur part, fort religieusement observé, ainsi qu'il se veoit par les traittés qu'ils ont faicts tant avecques les rois d'Espagne que ceux d'Angleterre et mesme avec ceste royne à présent régnante; et ainsi outre ce que V. M. peut et doibt estre tant asseurée de l'amour du roy T. C, son bon oncle, envers elle, et qu'elle ne sçauroit se communîcquer envers aucun prince q\ii luy soit plus certain «ni qu'est et veust estre S. M. , ne duquel elle puisse recepvoir de meilleurs et plus sains conseils en ses affaires que d'elle , néantcâôins je ne puis et (ne) doibs , en ceste occurence , faillir d'avertir Y. M. de la condition de ces traittés si bien observée pour y satisfaire de son costé, à l'imitation de ses prédécesseurs rois , et principaUement sur ce que, si ceste ligue se f&isoit ainsi offensive et deffensive, selon ce que j'en puis sçavoir, S. M. T. C. n'y seroit ni particullièrement, ni pureniefnt et sans condition, entendue et comprise. En quoy, la vostre pourroit faire infraction des dicts traittés d'entre vos deux royaulmes , et encore en cela on auroit fait tomber Y. M. en terme de quelque changement de la bonne intelligence d'entre les deux Majestés vostres, et sur ce , je l'intéresse elle de sa réciprocque amitié et honneste debvoir, la priant ne vouloir ain^ se laisser circonvenir et passer outre à ceste ligue, sans premièrement en donner advis au roy son bon oncle , et adviser, si elle ha occasion d'en venir là, d'y comprendre S. M. sans aucune exception ne autre condition, comme elle y est obligée, (et pourvoir) à ce que Sa Majesté puisse à la vostre, comme à son*bon nepveu, sur ce donner son bon conseil, et aussy luy faire sçavoir, si elle voudra y estre comprise.

$7f LETTRES DIPLOMATIQUES.