DE LA NATURE DEL CORBELL

Uns oiseax est qui est apelés corbel. Phisiologes nos dist que sa nature est tele que tant que si corbellot sont sans plume, et porce qu’il ne sont noir et qu’il nel resamblent mie, ja ne les gardera ne paistera 2 ; ains ne vivent se de rosée non3, dusca dont4 qu’il sont vestu de plume qu’il resamblent lor père. Et si sont encore d’une autre nature : se il truevent I home mort, la première cose qu’il en mangue ce sont li oeil. Et par iluec entrait lacervèle; et com plus en trueve, miels en trait.

De ce dist Phisiologe, c’est li essamples de nos meisme. Quant Dex fist l’homme, il le fist et forma à sa samblance ; dont devons avoir de ses plumes et li resanbler de plumes ; ou 5 il ne nos conoistra nient plus, ne ne fera nient devant ce qu’il nos en verra vestu : c’est à dire que nos soions vestu d’aumônes, de humilité, de pitié, de pacience et de soffrance encontre 6 nostre proisme. Dont nos conistra Dex por ses fils par ces plumes, si comme li corbaus fait ses corbellès quant il les voit en plumes et li resambler.

Li corbaus qui trait les ex del omne qu’il trueve mort, c’est à entendre li bon pechières qui s’anme7 a trovée morte par les ex de son cors, par la covoitise des teriens biens ; et puis regarde o les ex de son cuer et o les ex de Pâme, la grant merchi de nostre Segnor ; et vait à confession et fait vraie penance, et despit8 tous les délis del monde. Cis trait les ex de le morte anme, et le fait revivre et veir les biens que Dex pramet à ses amis : c’est la vie permanable et joie pardurable. Phisiologes dit que confession et pénance trait les ex de covoitise tôt fors del cief, alsi ben com li corbaus fait al mort home.

1 Rien sur le corbeau dans R et S.

2 Nourrira; franc. paître, pâture, etc.

3 Si non (si ce n’est) de rosée.

4 Jusqu’à tant... lat. usque dum.

5 Ou bien, sinon.

6 Envers, à l'égard du prochain.

7 Son âme ; on trouve tantôt anme , tantôt arme , etc.

8 Méprise, lat. despicit.

BESTIAIRE LATIN