I. CONTRAT DE MARIAGE DE ROBERT MIRON ET MARIE VALLEE

A tous ceulx qui ces présentes lettres verront, Jehan de Mareau, escuyer, licentié ès-loix, Seigneur de Pully, garde de la prevosté d'Orléans, salut. Sçavoir faisons que en traictant le mariage d'entre Noble homme XP Robert Myron, Receveur général de l'augmentation de la soulde de la gendarmerie de la générallité de Languedoc, estably à Bourges, filz de Noble personne Messire François Myron, Conseiller et médecin du Roy, et de demoiselle Geneviefve de Morvilliers, sa femme, à la personne de Marie Vallée, fille de noble homme Messire Geoffroy Vallée, Seigneur de Chenailles. demeurant à Orléans, et dame Girarde Le Berruyer, sa femme, et avant les fiansailles ne soy promises en Sainte Eglise ont huy par devant Gilles Mesnager, notaire du Roy nostre Sire, au Châtelet d'Orléans, esté faictz et passez et accordez les traictez de mariage, dons, douaires, promesses et conventions qui ensuivent. C'est assavoir que ledit M^ Robert Myron en présence, advis, octorité et consentement de ses père et mère, nobles hommes M* Jean Myron, prieur commendataire de Saint-Pierre de Grez, et Gabriel Myron, Conseiller en parlement à Paris, ses frères, promect espouzer la dite Marie Vallée laquelle pareillement en présence, advis, ottorité et consentement de ses père et mère, promect espouzer le dit M* Robert Myron, si Dieu et Sainte Eglise sy accordent et consentent, et par ledit mariage faisant lesditz Vallée et sa femme ont paie et baillé audict M« Robert Myron qui a receu la somme de troys mil livres assavoir deux mil six cens quarante livres auparavant le jourd'huy. ainsi que présentement est apparu par deux repceuz dudit M* Robert et de luy signez et escriptz, l'un en datte du septiesme jour de may dernier de la somme de six cens livres et l'autre du vingt septiesme jour dudit mois de may de deux mil quarante livres lesquelz repceuz ledit Vallée a présentement baillez et renduz audit M'- Robert qui les a cancellez et l'outre plus des dites troys mil livres montant troys cens soixante livres t. ledit Vallée et sa femme ont paie comptant et manuellement en présence dudit notaire et des tesmoingz soubzignez audit AP Robert Miron et partant desdites troys mil livres icelluy M® Robei't s'est tenu et tient pour comptant et en a quitte lesditz Vallée et sadite femme et tous autres à qui quittance appartient et outre seront tenuz lesditz Vallée et sadite femme vestir leur dite fille bien et honnestement selon leur estât. Seront lesdits futurs espoux unys et commungs en tous biens meubles et conquestz immeubles. Que de ladite somme de troys mil livres t. ledit M"" Robort Myron, futur espoux, promect et sera tenu emploier la somme de mil livres t. en propres pour ladite