CONTRAT DE MARIAGE DE ROBERT

Marie Vallée, ses héritiers et aians cause et où icelle somme de mil livres t. ne sera emploiée alors de la dissollution dudit mariage, ladite Marie la prendra sur les biens dudit Myron, futur espoux, sans toucher au fait de la communauté pour le regard du droict d'icelle Marie et les siens et advenant que icelluy M^ Robert décedde avant ladite Marie Vallée sans enfans vivans lors de ladite dissolution, sera en l'option dicelle Marie de soy tenir et accepter ladite communaulté, et acceptant elle aura, tiendra et luy appartiendra et demeureront à tousjours tous et chacun les vestemens, bacgues et joyaulx d'icelle Marie Vallée jusques à la somme de huict cens livres tournois une fois paiée pour iceulx vestemens, bacgues et joyaux par préciput et avant faire aucun partage des biens meubles délaissez par ledit decedz ou bien pourra icelle Marie renoncer à la dite communaulté et en ce faisant elle prendra tout ce qu'elle aura apporté pour raison dudit mariage, ses ditz habillemens, bacgues et joiaulx jusques à ladite somme de huit cens livres pour iceulx bacgues, habillemens et joiaulx, aussy elle prendra son douaire telquc sy après est déclaré sans qu'elle soit tenue d'aucunes debtcs, soient qu'elle aient esté convenues et contractées auparavant ou constant ledit mariage, aussy que ou ladite Marie Vallée yra de de vie à trespas auparavant ledit M*" Robert Myron, son futur espoux, sans enfans procréez de leur dit mariage vivant à ladite dissolution sera tenu au choix et option des héritiers d'icelle Marie, d'accepter et prendre ladite communaulté, en ce cas ledit Myron auparavant et par préciput aura et prendra tous et chascun ses habitez et chevaulx avecq tous les habitz, joiaux et bacgues desdits futurs époux qu'ilz auront alors de ladite dissolution jusques à la pareille somme de huict cens livres tournois pour iceulx habictz, bacgues et joiaulx sans que après ilz puissent estre comprins au partaige des meubles d'entre ledit futur espoux et les héritiers de ladite Marie. Et au regard des autres meubles et conquetz, il en sera fait bon et loial inventaire et prisée et icellui faicl et conclud joira ledit M^ Robert Myron de la moitié à luy afTéranl pour sa moitié en propriété et de l'autre moictié en usuffruict sa vie durant, laquelle moitié incontinent ledit trespas direllui Myron advenu ses héritiers seront tenus rendre aux héritiers de ladite Marie. Et au regard de ladite somme de mil livres tournois qu'il est tenu emploier en propre sera tenu la rendre aux héritiers d'icelle Marie ou l'employ qui en sera faict, si faict a esté incontinent ledit decez advenu. Et pour consommation dudit mariage ledit M" Robert Myron a doué et doue ladite Marie Vallée, sa future espouze, de la somme de cent livres tournois de rente viagère chacun an paiable de six mois en six mois par moictié incontinent que ledit douaire aura lieu lesquelles cent livres de rente seront rachrptables de douze cens livres t. laquelle somme de douze cens livres demourera propre à ladite Marie et les siens au cas que ladite rente soit racheptée. Outre par ledit mariage faisant que autrement n'eust esté faict est accordé et accordent que lesdits futurs espoux l'un d'eulx,