MIRO>- ET MARIE VALLEE, 1556 O
leurs héritiers ou aians cause ne pourront demander aucun partage au survivant desditz Vallée et sa femme, soit de leurs propres meubles et de leurs conquestz immeubles, et audit cas que douaire ait lieu tel que dessus ledit M^ François Myron et demoiselle Genefvieve de Morvilliers, sa femme, de luy octorisée en ceste partie, promettent fournir et paier ledit douaire préfix de cent livres de rente viagère par chacun an durant la vie de ladite Marie racheptable comme dit est desdites douze cens livres et quant au surplus des autres articles et conditions cy dessus lesditz Myron et de Morvilliers, sa femme, ne y sont aucunement tenuz ny obligez par le présent traicté car ainsy a esté dict, convenu et accordé entre lesdites parties. Promectant lesdits M* Francoys Myron et sa femme à ladit ottorité et Robert Myron par leur foy pardevant ledit notaire non jamais aller ne venir contre le contenu cy-dessus en aucune manière ainçois la tenir, entretenir, paier, fournir, exécuter et accomplir ainsy que dessus est dict, et quant à ce et à rendre et paier tous coutz, fraiz, mises, dommages interestz et despens que sur ce s'en pourroient ensuivre lesquelz M^ François Myron et sa femme à ladite auctorité et Robert Myron en ont obligé et obligent à ladite Marie Vallée ses hoirs et aians cause et au porteur de ces lettres et soubzmis pour ce à la jurisdiction et contrainte deladite prevosté d'Orléans et toutes autres, eulx, leurs hoirs et ayans cause et tous leurs biens meubles et immeubles présens et advenir ou qu'ilz soient, renonçant à toutes choses généralement quelconques qu'ilz pourroient dire, alléguer ou proposer pour venir contre ces présentes et sont les présentes subgectes à insinuation suivant ledict du Roy. En tesmoing de ce nous à la rellation dudit notaire nous avons faict sceller du scel aux contractz de ladite prevosté ces dites présentes qui furent faictes et passées en présence de noble homme et saige M*" Jehan Aymery, conseiller et advocat du Roy en son grand Conseil, et M*^ Philbert Bault, Seigneur de Charentois, tosmoings. le dimanche vingt-ungniesme jour de juing l'an mil Vc cinquante-six, signé Mesnager.
Insinué judiciairement au siège du bailliage d'Orléans le 9 décembre 1580 à la requête de M* François Bernard, procureur des parties contractantes.
Les présentes apportées, lues, publiées et insinuées en jugement au parc civil du Chastelet de Paris le jeudi vingt sixiesme jour de janvier 1581, signé Dobillon et Drouart.
Insinué le mardi 14 février 1581 au 37'^ volumes des Insinuations du Châlelet. (Arc/i. nat., Y ITh f. 254M.
Confirmation de la donation mutuelle faite par lesd. Robert Mvron C*' au C*" privé, intend' des finances, et Marie \'alléc le 14 janvier 1560
