POLOGNE. DÉSORDRES COMMIS PAR LES GENS DE GUERRE

L'an mil cinq cens soixante et quatorze, se continuoit la charte des vivres et signamment des grains et du vin quasi aussi grande que l'année passée, combien que la famine feust cessée et qu'il n'y eust plus d'estrangers en ce pays. Depuis la moisson de l'an dernier passé, le blé froment ne fut baillé à meilleur marché que de 28 s. le bichet ou boisseau, mesure de Provins, le métail que de 22, le seigle que de 17 1/2, l'orge que de 12 à i5, et l'avène que de 7 et 8; et se continua à ce pris jusques après la my-apvril, que lesditz grains commencèrent à rabaisser, c'est-à-dire à devenir à meilleur marché de mieux en mieux, et advint que, au mois de juin de ceste présente année, le blé froment avant la moisson ne valloit plus que 20 s. le boisseau, qui es mois de janvier, febvrier et mars en avoit valu 28, comme dit est , et les aullres grains furent ravalez au pris le pris.

Qui fut cause que lcgrain fut si cher après la moisson de l'an dernier passé et au commencement de ceste-cy, fut la stérilité des terres de la Brie, dont partie, à cause des guerres des années précédentes, estoit demourée en pieux et sans labourer, et l'aultre partie qui fut labourée fut d'un si petit rapport de gerbes, que, si n'eust esté la grenaison que Dieu y envoya, elles n'eussent valu les semences qu'on

1574. y avoit mis. Mais, en si peu de gerbes qu'on recueillit en ia moisson de ceste dernière année, la grenaison y fut si grande que le cent de gerbes faisoient 20 et 22 boisseaux, et aucunes 3 septiers. Les avènes ne se trouvèrent si grenées que les aultres grains, parquoy demourèrent en leur charte.

Le pays de Cbainpaigne et la valée de la rivière de Seine avoient recueilly des seigles et métaux à plène année, qui fut cause d'empescher plus grande charte; car ilz menèrent vendre leurs grains es villes et marchez de la Brie, comme Villenauxe, Provins, Nangis, Emmillis, Rozay, Columiers, Bazoches, la Ferté-Gaucher, Montmirail et Courgivost, où ilz vendirent bien et eurent bonne délivrance. Les laboureurs et aultres gens de Méry-sus-Seyne , de Sainct-Cyr et les environs amenèrent toute ceste année, jusques à la moisson et depuis la moisson de l'an dernier, vendre du grain par chascun jour de la sepmaine en la ville de Provins, et en trouvoient délivrance aussitost qu'ilz estoient arrivez; sans lesquelz, eust esté le grain aussi cher et plus audit Provins que fan dernier passé.

Justice ne mist poinct de taxe au grain depuis la moisson de l'an dernier, comme elle avoit faict devant, au temps de la famine, el laissa la liberté à un chascun de vendre son grain ce qu'il pouvoit.

Les grains qui estoient en terre en ceste' année sembloient fort beaux en herbe et en tuyau, et espéroit-on de faire en la moisson prochaine de ceste année cuyllette de tous grains, qui se trouvèrent exemptz de brouyne en ceste ditte année.

Fault notter que, dès l'an i53G ou dès auparavant, les bledz fromens en tous pays, par punition de Dieu, par chascune année estoient brouynez, les aucuns plus, les aultres moins, et prenoient ce mal en espiant et florissant, et estoit le grain des espis qui estoient touchez de ce mal noir comme charbon, aysé à escraser, ayant l'escorce comme pourrie ; et estoit la farine dudit grain noire entièrement et de maulvaise odeur, et se mettoient telz grains en poussière en les battant à la grange comme poussier, qui infectoit et noircissoit l'aultre grain qui n'avoit poinct de mal. Et par aucunes années estoient les grains fro-

mens moytié gastez de ceste bruyne, aultres années moins. Le pain 1574. que Ton faisoit de telz fromens bruynés sans les laver estoit aussi finement noir que de bonne encre ou tinture de drap noir, amer à manger et de maulvais goust; par quoy estoit nécessaire à ceux qui en vouloient faire de beau pain, comme boulangers ou aultres, de le laver en belle eaue claire. Ceste malédiction ou punition dura quasi par tous les ans, depuis ledit temps de Tan 1 536 jusques à l'an 1570, qu'elle cessa par le changement des semences que firent les laboureurs de la Brie ; lesquelz , pour eux désanger de ceste bruyne , allèrent achepter des semences en la ville de Meaux en Brie, pour avoir des bledz de la France qui n'estoient subjectz à ceste maladie. Une chose admirable estoit aux grains : il se trouvoit des espis tous entiers gastez de ceste bruyne, aultres ne festoient que à moytié, en aultres n'y avoit de gasté que une maille, en aultres rien; et ne sceurent jamais dire les hommes les plus expertz qui fussent au pays d'où ou par quel moyen provenoit cela. Aucuns disoient ce provenir des pluyes froides qu'il povoit faire au temps que les fromens espioient. Les aultres disoient ce provenir des rousées froides qu'il faisoit en telle saison. Mais les plus saiges et expérimentez ont jugé ce provenir de punition divine , qui présageoit la poriture et esbloyssement qui sont advenuz et qu'on a veus en France es cœurs et cerveaux des hommes, qui se sont bruynez et desvoyez de la fidelle et catholicque religion, pour suyvre la prétendue réformée huguenoticque , qui est pourrie et bruynée, et qui a tasché à corrumpre les fidelles, qui sont comme le bon grain, plusieurs desquelz ayant esté noircys et soulliez de la noircisure des brouynez, il a fallu les laver de bonne eau vive, qui est la vraye parolle de Dieu, pour en faire de beau pain. Il n'estoit aucune nouvelle de laditte bruyne es bledz fromens de la Brie et de ce pays françoys avant laditte année 1 536 ou quelque peu devant, comme l'ay ouy dire aux anciens de ce temps-là qui ont vescu depuis; et furent moult esmerveillez lesditz anciens de veoir telle punition sur les bledz à. la fin de leur temps, ce qu'ilz n'avoient jamais veu ny ouy dire à leurs prédécesseurs et pères.

1574. Depuis l'an 1 670, on a veu peu de ceste bruyne aux bledz fromens et signamment en la moisson de Tannée dernière , et n'y eut nulle déchette sur iceux, dont bien en advint pour le peu qu'on en recueillit. Mais, quant au regard de la moisson de ceste présente année, y eut une grosse perte et décbette sur les bledz froniens, non par la bruyne acoustumée, mais par ung aultre noveau accident, non acoustumé d'estre veu sur les grains, qui fut une aridité qui sécheale grain dedans l'espy, incontinent après qu'ilz fromens furent espiez et bors de fleur, et ne grossit oncques plus le grain dedans ledit espy et demoura gresle et maigre, sec et deur à merveille, sans moesle ne farine. Cest accident advint sur lesditz grains par petites pluyes , qui tomboient d'en hault par nuages et par divers climatz non à tire, en plain jour, le soleil luysant et donnant sa clarté et chaleur pardedans lesditz nuages; et appella-t-on cest accident manne, et dist-on lesditz bledz fromens frappez de ce mal estre maniiez. Ceste manne ne tomba tout à tire, ains seullement par climatz et contrées, voire mesme en un champ de dix arpens, auquel y avoit quelque rive, ou quelque bout ou millieu qui s'en sentoient par seillons et non à tire. Et receurent les laboureurs grosse perte de ceste manne; le feurre ou tuyau des bledz qui estoit arrousé de ceste pluye de manne devenoit noir sur le pied et tacheté de diverses couleurs, et si meschant rpie les bestes n'en vouloient manger ni verd ni sec, si ce n'estoit par grande faim qu'elles ' avoient, et ne leur prouffitoit de rien pour leur nourriture; et advint ce depuis la my-juin.

Ceux qui avoient prins à la chandelle des terres emblavées ou les dixmes des parroisses, les bledz estans encores en tuyau, demandèrent diminution du pris ou quantité de grain qu'ilz estoient tenus d'en rendre, veu l'inconvénient advenu par laditte manne; et firent adjourner pardevant les juges leurs bailleurs pour avoir diminution. Et fut la cause contestée devant les juges, jusques à ordonner que visitation se feroit sur lesditz grains par gens expérimentez pour en faire leur rapport. Et pour ce faire, esleurent hommes les bailleurs et preneurs desdites dixmes et terres emblavées, qui se transportèrent- sur les champs

et firent laditte visitation; et toutesfois ne se purent accorder iesditz ]5~k. visiteurs, ne dire d'où provenoit ce malheur. Les ungs disoient qu'il provenoit des pluyes qui estoient tombées du ciel durant la chaleur et la lueur du soleil, et combien que ce qui tomboit d'en hault feust de l'eau naturelle, ce sembloit, à la vérité, elle estoit viciée et malfaisante où elle tomboit, et ne ialloit se mettre à l'esbruy pour telle pluye, qui ne duroit demy quart d'heure à chascune foys, voyre beaucoup moins, et si ne tomboit que çà et là une goutte et non à tire, qui estoit la cause que un espy estoit gasté et faultre non, en un espy la moytié ou un tiers ou un quart, et le reste n'avoit poinct de mal. Les aultres disoient ceste manne provenir de la marne qu'on avoit mise es terres, qui n'avoit esté amortie par fiens et amendement de bestes, à cause de quoy elle rendoit une chaleur de terre qui causoit l'aridité qui estoit au grain et desséchoit ainsi le feurre et le rendoit noyr. Toutesfois, il me semble que ceux qui furent d'opinion que laditte manne provenoit de la pluye susditte, si pluye la fault appeller plutôt que de la marne qu'on avoit mise es terres, avoient la meilleure oppinion; car il se trouva des grains gastez de cest accident es terres qui oncques n'avoient du vivant des hommes esté marnées. Bien est vray qu'en plusieurs terres, marnées de quatre et cinq ans et plus auparavant, y estoient en plusieurs endioictz les grains plus domagez qu'es terres qui n'avoient esté marnées. Les commissaires députez à la visitation desditz grains convinrent tous de la perte qui y estoit, et n'estoient qu'en difficulté de la cause d'icelle perte. Les bailleurs rabaissèrent de quelque quantité de leur ferme, et s'en accordèrent avec les preneurs de gré à gré, et n'atendirent que les juges leur rendissent sentence.

Nonobstant la déchette dessusditte qui fut es bledz de la moisson de ceste présente année , ne laissa le froment de revenir à meilleur marché que devant, et fut son pris commun depuis laditte moisson jusques au reste de ceste année à 1 2 s. et 6 den. pour le plus cher, et les aultres menus grains au dessoubz..

Le vin se continua tousjours en sa charte, et estoit le pris commun

1574. du vin pruvinois et des environs à 2 5 et 3o liv. la queue, celuy de Villenauxe à ho et 5o liv. la queue; et qui empeschea qu'il ne revînt à meilleur marché comme avoit faict le grain, fut la gelée du moys d'apvril , qui gasta les vignes en ceste année comme en la précédente , mais non tant, et ne furent lesdittes vignes qu'à moytié gelées, et estoit icy pour la trois et quatriesme année que lesdittes vignes avoient esté gelées depuis l'an 1670, et depuis l'an 1 56/i sept fois, en y comprenant ceste présente.

Au mois de janvier, Disiau, dit Satan, assassin, voleur et pillard, homme d'une force extraordinaire , est roué à Provins sur la place des Changes. — Un jeune homme, son complice, est pendu dans la même ville. — Au mois d'avril, un maréchal, de Marcilly, est pendu devant la porte de sa maison, pour avoir tué et volé un marchand passant, qu'il avait logé chez lui et qu'il enterra dans sa cave. — Davesne, compagnon de l'assassin Brouillard, qui s'était échappé des prisons en 1571, est repris, acquitté d'abord, puis condamné et pendu.

Au mois de febvrier de ceste présente année, fut publié ung édict du roy par lequel toutes monnoyes blanches des pays estranges furent entièrement descriées et les aultres rabaissées à plus petit pris qu'on ne les mettoit de main à aultre par la France. Les philippedalles, les jocondalles, marquées au coing et marque du roy Phihppes d'Espagne, furent réduittes à moins de pris que les marchans ne leur avoient baillé cours, à 2 s. et 6 d. pour le moins sur le franc du roy. Les karolus disains de la marque de Besançon, de Lorraine, de Metz, de Genefve et de Savoye furent par iceluy édict descriez entièrement, et fut ordonné qu'ilz seroient mis au billon, pour estre portez es maisons des monoyes de France , et là estre refonduz , pour en faire monoye de la marque du roy et coing de France , et en repeupler le pays françoys, qui en estoit du tout dessaisy; et ne voyoit-on plus aultre monoye blanche avoir cours par la France que lesdittes monoyes estranges. Pour desquelles désanger laditte France, le roy feit prendre de sa monoye en ses receptes par chascun bailliage et la feit mettre es mains de certains marchans de chascunc ville, qui par justice

feurent establis commissaires pour changer lesditz karolus et disains 1574. estranges à laditte monoye de France, et les recevoient à l'once, et sçavoient combien de monoye de roy ilz debvoient bailler pour chascune once; et estoient les karolus à l'espée et de Metz à plus hault pris l'once que ceux de Besançon, de Genefve et de Savoye, et si n'ay retenu à quel pris estoit l'once de chascûn, et selon ce que récitèrent ceux qui en avoient charge, chascun karolus revenoit à 8 deniers de la monoye du roy l'un portant l'aultre. Les hommes de Provins qui furent par justice establis furent Jehan Garnier, sergent royal au bailliage dudit Provins et Nie. Thomassin, dict Hapechair, tanneur, marchans, lesquelz par- deux ou trois samedys tinrent bureau ouvert en la maison et ouvroir de Noël Brancheu, dict Fornot, demourant en la paroisse de Stc-Croix, en la grande rue, assez près du pilory, pour changer lesditz karolus. Les pauvres gens des villes et villages se retirèrent là pour changer ce qu'ilz en avoient et en portèrent la perte; car ilz n'en eussent sceu que faire aultrement, d'aultant que, depuis la publication dudit édict, on n'en eust pas sceu mettre un pour quelque temps. Les riches gens qui avoient monoyes de roy ne changèrent ce qu'ilz en avoient, ains les gardèrent, en attendant quelle fin en pourroit estre par après; les aultres les baillèrent aux marchans qui trafficquoient es pays de Lorraine et de Bourgongne, où elles avoient cours , à change d'aultre marchandise , et n'y eut que les pauvres gens qui en portassent l'intérest.

Après que les marchans de la ville de Troye en Champaigne sceurent que le roy avoit descrié et rabaissé lesdittes monnoyes estrangères, ilz allèrent parler à luy, et luy faire remonstrance que leur ville et pays de Champaigne, comme aussi toute la Lorraine et la duché de Bourgongne estoient remplies de ceste monnoye et non d'aultre, et qu'il n'estoit possible d'en dépeupler lesditz pays, sinon avec la ruyne d'iceulx, si son édict avoit lieu, et qu'ilz fussent contrainetz de le garder à langeur; et, pour ce, le prièrent d'avoir esgard à leurs remonstrances, et qu'ilz peussent trafficquer les ungs avec les aultres avec ceste monoye, et que son édict n'eust poinct de lieu en leur endroict. Lesquelz

1574. n'eurent aultre response de S. M. qu'il vouloit et entendoit que son édict feust publié, gardé et observé par tout son royaume et pays de son obéissance, et au reste qu'ilz advisassent à s'accommoder au mieux qu'ilz pourroient.

Cest édict ne fut gardé en ce pays l'espace de six sepmaines, et recommença-on à remettre de main à aultre lesdittes monoyes blanches, karolus et aultres estrangères, qui fut un gros mal pour les gens simples des villes et villages, lesquelz ne manioyent aultre argent, sans qu'ilz s'en sceussent ayder au payement de leurs tailles, d'aultant que les collecteurs et receveurs d'icelles n'en eussent pas pris un pour quelque pris que ce feust, s'ilz n'estoient assurez de gangner dessus, en fournissant es receptes du roy de la monoye de son coing de France au lieu desditz karolus; et où les pauvres gens ne se pouvoient accommoder desdittes monoyes estranges avec les collecteurs, estoient en grosse peine d'en cercber d'aultrés de la forge de France où ilz pouvoient pour le payement desdittes leurs tailles. Et demoura ce mal par la France jusques à quelques années après , avant que le roy donnas! aultre ordre , et par ce moyen souffrirent double dommage et perte les pauvres gens, qui avoient beaucoup perdu à changer ce qu'ilz en avoient et eurent encores une aultre perte à retrouver de la monnoye du roy pour le payement de leur taille , par faulte de guarder iceluy édict. Et cognoist-on par cela qu'en toutes choses n'y a jamais que le pauvre commun de foullé et qui endure toute perte.

Par cest édict du roy qui descrioit lesdittes monnoyes estrangères, S. M. donna plus grand cours à celles de son royaume et de la forge et coin de France. Il haulsa les escuz au soleil d'un sou tournois; l'escu, qui auparavant estoit à 57 s. t., fut mis à 58; les pistoletz d'Espagne, qui estoient à 55, furent par luy mis à 56; les testons de France, qui estoient à 12s., furent par cest édict mis à 1 2 s. 6 d. t.; et faisoit le roy ce pour faire desbourser la monnoye de la marque de son royaume, qui estoit entièrement cachée es coffres des riches gens, et pour faire revenir celle qui estoit es mains des marchans estrangers qui trafficquoient en France, tant par mer que par terre.

Toulesfois, pour ceste haulse, les riches gens ne volurent descoffrer 1574 leur monnoye françoise, espérant que le roy seroit côntrainct de la haulser à plus hault pris, s'il vouloit en avoir et luy bailler cours entier par son royaume, ce que finalement fut côntrainct de faire, mais non si tost.

Le reste de l'hiver de ceste présente année , depuis le commencement du moys de janvier jusques au printemps, fut assez modéré, sans faire fort froict, comme aussi fut le printemps en son commencement; lequel, par le moys de mars, fut froict modérément jusques au 20e jour, qu'il se changea en meilleure douceur et chaleur modérée, jusques au 2 4e jour dudit moys au soir. Auquel jour, entre les 5 et 6 heures du soir, remonsta le soleil à soulare, qui refroidit un peu le temps, mais non trop, ce sembloit. Au moyen duquel vent, se chargèrent les nuées de l'air de noires vapeurs, qui se convertirent en neige, qui commença à tomber sur la terre ce mesme soir, environ l'heure de huict heures, et continua toute la nuict, jusques au lendemain quatre et cinq heures du matin, qui estoit le jour de la N.-D. en mars, 2 0e jour dudit moys. Il y avoit sur la terre de la neige es moindres et plus platz lieux qui fussent la haulteur de 3 pieds de roy: en plusieurs aultres lieux des vallées et pied des montaignes, y en avoit la haulteur de 4 et 5 pieds où le vent l'avoit chassée. Elle commença à fondre un peu dès ledit jour de la N.-D., mais ne s'en diminua guères; elle fut trois jours entiers sur la terre, es platz pays, avant qu'elle feust entièrement fondue, et aux montaignes qui n'avoient le soleil à plain, y eut de laditte neige plus de huict jours après, avant qu'elle feust entièrement fondue. Laditte neige morfondit tellement la terre, qu'elle ne se peut eschauffer qu'il ne feust bien tard et ne jetta sa sève qu'avec peine. Les grains qui estoient en terre ne purent depuis fortifier ni augmenter qu'avec difficulté, et ne recueillit-on tant de gerbes en la moisson qu'on eust faict; car les bledz ne purent tasser ni monter qu'à demy. Ceste neige entretint le temps en froidure et gelées blanches quasi par tout le moys d'apvril, qui endommagea les vignes, comme nous avons dict ci-dessus. Les plus anciens admi-

1 574. rèrent une telle neige sur la terre, veu la saison et de ce qu'elle fut si tardive à fonche; et disoient oncques n'en avoir veu le semblable audit moys de mars, sur la fin, et si n'avoient ouy dire à leurs pères qu'il feust aultant advenu de leur temps. Les arbres, qui en partie estoient floris et fort boutonnez, n'eurent aucun mal de ceste neige, et croy qu'il n'y eût fleur ny bouton de poiriers, pommiers, cerisiers et pruniers qui eussent aucun mal, et recueillit-on en ceste année tant de fruictz que rien plus, qui fournit bien proprement à la norriture des pauvres gens, qui estoient si abarassez de la charte qu'ilz n'y povoient plus fournir. Lesquelz avec un peu de pain se nourrirent en attendant la moisson des poires de hastiveau, des cerises et merises, qui leur vinrent à grand soulagement. Les febves qui estoient plantées en terre au jour de laditte neige et devant, furent plus de la moytié pourries en la terre, et ne recueillit-on ceste année beaucoup de febves, qui fut à la confusion du pauvre peuple. Lequel, après avoir gangné la moisson, commença à se resjouyr, d'aultant que le froment, qui au meilleur marché avoit tousjours valu 20 s. et plus, depuis le moys d'apvril de l'an dernier jusques au moys d'aoust de ceste-ci, revint à 1 2 s. 6 d. le boisseau, comme nous avons dict au commencement de ceste année, et si ne fut la moisson de ceste ditte présente année si copieuse en gerbes qu'elle eust esté sans laditte neige de la N.-D. en mars; mais la germinaison fut bonne et quasi aussi grande qu'en la moisson de l'an dernier passé.

Fr. Angenost, Nie. de Ville, A. Bourdier, A. Bureau, achètent du roi, moyennant 1200 livres chacun, des charges de conseiller au présidial de Provins; on leur assure 1 00 ou 120 livres de gages par an ; joints au président, à Fr. Taupin , lieutenant général, à Cl. Thibault, ancien conseiller, et à N. Poullet, lieutenant criminel, qui fut aussi conseiller, ils complètent le présidial. — Nie. de Ville, qui avait vendu son état de garde des sceaux aux contrats pour acheter celui de conseiller, se fait pourvoir en même temps de la charge nouvellement établie de lieutenant particulier au bailliage. — Les procureurs des cours de justice sont astreints à payer une somme d'argent au fisc, et leurs états sont érigés en offices, qu'il leur est permis de vendre moyennant retenue du quart denier sur le prix. Les procureurs de Provins sont taxés à ko écus. Leurs offices se ven-

dirent depuis lors 80, 100 et 120 écus. Il fût question aussi d'ériger en office 1574. les états d'avocat; mais celte idée n'eut pas de suite. — Le roi crée dans ses bailliages des sergents et des notaires en sus des anciens; quatre nouveaux notaires et quatre sergents sont institués à Provins.

Il nous fault reprendre la conjuration et rébellion des princes de Bourbon et leurs adbérens.

Les conjurez, après avoir remis sus leur perverse intention, voyans que le roy faisoit assez long séjour au lieu de S'-Germain-en-Laye , et qu'il se délibérait d'y faire sespasques, rassemblèrent les huguenotz et aultres de leur faction, qu'ilz depuis nommèrent les catholicques associez, jusques au nombre de 5, 000 chevaux et hommes bien armez , soubz la conduitte du baron de la Noë de Bretaigne, lors seigneur du Plaissié-aux-Tornelles, à cause de sa femme; ilz les firent approcher par tous endroictz en petites bandes es environs du chasteau de S'-Germain, et les firent loger à A, 5, 6 et 7 lieues loin, pour s'attendre les ungs les aultres, dissimulans leur pernicieuse entreprise par simulations telles qu'ilz pouvoient , et monstrant seullement contenance de gens de court et non de gens de guerre l.

Or estoit avec le roy le baron de la Noë2, qui, connue Judas, dissimuloit et monstroit la contenance de loyal et fidelle serviteur de S. M. pour le pardon que saditte majesté luy avoit faict en l'an 1672, après la sédition et massacre fait à Paris. Lequel, avec ses complices et aultres soubz l'auctorité desquelz ilz branloient, n'attendoit que l'heure opportune et commode de livrer le roy es mains de ses gens et le mettre à leur advantage, pour en faire ce qu'il et les siens avoient

1 Discours de V entreprise de S'-Germam. conspirent contre le roy et son estât. i574,

(Arcbiv. cur. de l'hist. de France, t. VIII, in-. 8. — Voy. aussi deThou, Histoire um-

p. io5; on y trouve les déclarations du duc verselle, 1. LVII.

d'Alençon et du roi de Navarre du 2 h, mars 2 H y a là une erreur évidente. La Noue

i574.)— Avertissement ou épistre a MM. de était en Poitou , ou il devait prendre l'of-

Puris et autres catholiques de France, sur les fensive dans la nuit du mardi gras. Peut-

desseings d'aucuns rebelles et séditieux na- être Cl. Haton a-t-il fait confusion avec

guères descouvers, lesquels, soubs couleur et Latin, sieur de la Nocle, qui conspirait à

prétexte qu'ils disent en vouloir aux ecclé- Saint-Germain avec les Montmorency.

siastiques et vouloir réformer le royaume, (Voy. d'Aubigné et de Thou.)

1574. volunté d'en faire, trahison qu'il eust mise à fin, sans l'advertissement qu'on en donna à mons. le card. de Lorraine, qui avoit hommes de toutes partz pour découvrir la vérité de telle entreprinse. En l'advertissement que l'on donna audit cardinal, n'y fut nommé ledit de la Noë, qui fut la cause qu'on ne l'arresta prisonnier et qu'on ne se douhtoit de sa personne, sinon par suspicion non probable ; aussi il se saulva avec congé du roy, de la présence duquel et de sa court s'absenta pour aller à ses gens et les faire reculler plus loing, en attendant que les temporiseurs qui gouvernoient S. M. qui estoient de la faction, luy feroient oublier ce que luy en avoit dict ledit cardinal lorrain. Auquel cardinal ne volut croire saditte majesté, disant qu'il ne croyoit que homme de son royaume osast plus attenter contre sa personne, veu que les princes de Bourbon, le roy de Navarre et le prince de Condé, s'estoient réduiclz avec luy, de la foy desquelz il n'avoit argument ni couverture de doubter; et que, s'il y avoit quelque entreprinse, que c'estoit plustost contre luy cardinal que contre nul aultre de sa court, et que ce néantmoins nul du royaume n'atenteroit contre luy cardinal pour luy mal faire, tant qu'il demoureroit avec S. M. A laquelle majesté fit response ledit cardinal, que véritablement l'assemblée rebelle estoit pour faire tort à sa personne royalle comme à luy, ainsi que le redoublement des messages qu'on luy envoyoit en portoient plus que certain tesmoignage, et qu'au surplus il estoit temps qu'ilz deslogeassent dudit lieu de S'-Germain pour eux saulver en la ville de Paris. Le roy ne se faisoit que rire de telles novelles, et, voyant ledit cardinal en délibération de fuyr, se mocquoit de luy, disant qu'il resembloit les anguilles de Melun, lesquelles cryent avant qu'on les escorche. Pour lesquelz dires royaux, ne volut plus arrester audit S'-Germain ledit cardinal, qui, en habit dissimulé, print la poste et s'alla saulver à Paris, laissant le roy audit lieu de S'-Germain.

Lorsque ledit cardinal partit d'avec le roy, plus de mille chevaux ot hommes estoient jà logez à une lieue de S'-Germain, es environs de Poissy, qui attendoient leurs trouppes pour faire l'exploit; lesquelz, par le commandemenl dudit sieur delà Noë, se retirèrent devers les

trouppes séditieuses, pour oster le soubcon que le roy eust peu 157'.

prendre sur eux.

Le roy, voyant partir de sa court ledit cardinal etmons.de Guise, son nepveu, commença à doubter et prendre soubcon sur les advertissemens par eux donnez; toutesfois, faisant bonne mine, il contempla les gestes et manières de faire de tous les princes et seigneurs de sa court, et singulièrement de ceux desquelz il doubtoit, et, non content de ce, il ordonna aux plus féaux et loyaux seigneurs de sa suitte de diligemment et secrettement envoyer gens de toutes partz, pour s'informer du tout et sçavoir quelz gens il y avoit par les champs et soubz qui ilz cheminoient, et tant faire que la vérité du faict se peust cognoistre.

Ceux qui eurent ceste charge firent le debvoir de loyaux subjectz, et n'allèrent loin sans descouvrir le mal et cognoistre que c'estoit à S. M. qu'on en vouloit; mais ne sceurent sçavoir de la part de qui ceste séditieuse entreprinse se faisoit. En moins de vingt-quatre heures après le partement dudit cardinal et l'envoy des espies, S. M. receut sur les six heures du soir novelles certaines de ses gens qu'il estoit temps qu'il partist de S'-Germain pour se saulver à Paris, el qu'il n'atendist au lendemain, sur le hasard de sa vie, d'aultant qu'en divers lieux les séditieux avoient jà entreprins sur ses gardes, ' et s'estoient attacquez les ungs les aultres es portz et passages de la rivière de Seine, du costé devers Rouen, et mesme que la garnison que S. M. avoit posée dedans la ville de Mante sur Seine, pour la guarde de son corps, avoit fort à souffrir par les séditieux, qui taschoient avec faict d'armes de s'emparer de ce passage.

S. M., ayant de toutes parts et par divers messages receu telles novelles , quitta son soupper, qui estoit tout prest à manger, et , sans mener bruict, monta à cheval, courut la poste à Paris par le grand chemin, et n'osa passer par les bacs, de peur d'y trouver de l'empeschement; ayant toutesfois mandé au sieur de Guyse, qui estoit audit Paris, qu'il avec forces de gens allast au-devant de luy pour le saulver de ses ennemys. Ce que fit ledit sieur de Guyse bien iiasti-

157'i. vement, accompagné de quatre à cinq cens harquebusiers parisiens et de tout son train en bon ordre, qui par luy furent levez en ung quart d'heure.

Le roy, ayant à la rencontre mondit sieur de Guyse avec telle force, reprint ses sens et ne courut plus, ains chemina le pian pian pour attendre ses gardes ordinaires, qui le suyvoient en grand désordre, les ungs cheminans par un lieu, les aidtres par l'aultre, tenans divers chemins, ne sçachans certaines novelles de S. M.; lesquelz, rassemblez chascun à son adroict, furent remis en ordre de bataille pour escourter saditte majesté, qui entra en son chasteau du Louvre à Paris, environ les dix heures du soir, au grand esbayssement du peuple parisien.

S. M. avoit faict partir de S'-Germain quant et luy la reyne sa" femme, laquelle, par son conseil, print le chemin de la rivière par les ports et bacs d'icelle, qui luy sembla estre le chemin le plus seur pour elle et tout le train. Elle fut suyvie de la reyne mère, du roy de Navarre, de la reyne sa femme, de M. d'Alençon et du reste de la court. Lesquelz, pour dissimuler, ne volurent arrester audit S'-Germain, de peur que saditte majesté ne les print en suspicion (j'entens dire de ceux qui estoient cause de la présente rébellion et damnable * sédition), et ilz se rendirent tous au port de Nully, qui est le plus procbe de la vdle de Paris, pour attendre l'un l'aultre. Le train de chascun prince et princesse , après avoir troussé bagage audit Sl-Germain, cheminèrent toute la nuict pour gangner la ville de Paris, et sembloit à veoir courir chascun que son compagnon feust jà prins.

Au lendemain que le roy fut à Paris en seureté , il despeschea plu sieurs seigneurs et gentilhommes de sa maison, pour aller recognoistre les séditieux, et voir quelle contenance ilz tenoient, et, si faire se povoit, sçavoir soubz Tauctorité de qui ilz cheminoient. Mais la pluspart de ceux qui eurent ceste charge estoient des temporiseurs, qui nageoient, comme on dict, entre deux eaux, et qui sçavoient aultant de 1 entreprise que ceux qui la démenoient; lesquelz, pour s'aquitter de leur cbarge, allèrent tout lentement, n'ayans volonté d'y recognoistre

ny d'accuser homme de qualité qui y feust, affin de demeurer en la 1574; bonne grâce des deux parties, et qui, estans de retour vers le roy, luy firent entendre quilz n'avoient veu ne trouvé que de la racaille , gens ramassez' et incongnus, qui se retiroient par petites trouppes. Toutesfois, quelques-uns des plus loyaux à S. M. rapportèrent qu'esdittes trouppes séditieuses y avoit esté bien cognu et remarqué le seigneur de la Noë de Bretaigne. Les gens des troupes susdittes, se trouvans trompez encores une fois en leur entreprinse, se retirèrent, les ungs en leurs maisons, aultres à la Rochelle, et les aultres demeurèrent a tenir les champs, plusieurs desquelz estoient des ordonnances de S. M. Le tout bien temporisé et desguisé par les temporiseurs devant le roy, S. M. ne lit que rire de sa fuitte et de celle dudit cardinal; il dist quilz cardinal et luy estoient deux couartz , qui s'estoient espoventez de l'ombre de leurs corps , que l'imagination de leur esprit et d'aultres hommes aussi umbrageux que eux les avoit faict courir à la haste et devant les gens, et n'en fit aultre cas.

Mons. le duc d'Alençon, frère de S. M., voyant que le roy ne se faisoit que rire de sa fuitte, fut bien ayse. Toutesfois, pour ne monstrer au roy signe de soubçon, il déclara qu'il pensoit bien que l'amas d'hommes et de chevaux qu'on avoit veu assemblez ensemble, qui avoient esté cause de luy faire prendre la fuitte, ne s'estoient assemblez que pour quelque occasion qui luy sembloit n'estre pour le domage ni danger de S. M., mais trop bien pour le domage du cardinal de Lorraine, du seigneur de Guyse et aultres princes de leur maison de Lorraine; contre lesquelz, et signamment contre ledit sieur de Guyse, se courrousa ledit sieur duc, qui, en la présence de S. M.. frappa ou volut frapper ledit sieur de Guyse. De quoy fut mal content le roy, qui cogneut bien par cela qu'il n'estoit besoin à S. M. de se trop fier audit duc d'Alençon son frère, et qu'il avoit en mespris lesditz de Guyse, loyaux serviteurs et subjectz de la coronne françoise. S. M., pour éviter plus grand danger, ce luy sembloit, donna congé auxditz sieurs de Lorraine, de Guyse et à tous les princes de laditte maison, lesquelz, par commandement de saditte majesté ou d'eux-mesmes

157'i. sans commandement d'icelle, se retirèrent en leurs maisons et absentèrent la court, tant les cardinaux de Lorraine, de Guyse que tous les aultres leurs nepveux, et n'en demeura pas un à la suitte du roy, qui fut chose agréable audit sieur duc d'Alençon et à tous serviteurs ou conducteurs de la présente conspiration ou future rébellion

Faultnotter que, parles moys de janvier, febvrier et partie du moys de mars, le sieur de la Noë susdit, ayant offert son service aux chefz de la conspiration, estant en la maison de sa femme, au cbasteau du Plaissié aux Tornelles lez Provins, où il faisoit sa principalle demourance, praticqua hommes, tant de pied que de cheval, le plus secrettement qu'il peut, soy disant avoir charge de ce faire pour le service de nions le duc. Pour lesquelz ou aultres armer de toutes pièces à son plaisir, achepta à Provins armures, lances, espées, dagues, harquebuses, pistolles, pouldre à canon, plomb, cordes à feu et toute aultre munition de guerre, et quasi, par manière de parler, en dessaisit la ville de Provins; les habitans s'en étant aperceuz, en advertirent les gouverneurs et capitaines d'icelle, lesquelz, pour le soubcon qu'ilz prinrent de ce fait, entrèrent en mesfiance dudit de la Noë, et, de peur d'estre par luy et les siens surprins, se saisirent de leurs portes et murailles, firent guet nuict et jour, refusèrent à luy et aux siens l'entrée de leur ville et ne volurent souffrir qu'il en tirast aucune • commodité, du moins quant au faict de la guerre. De quoy irrité, ledit de la Noë alla former une plainte au roy et tira de S. M. lettres adressantes auxditz de Provins, par lesquelles saditte majesté leur mandoit qu'ils n'eussent doubte dudit de la Noë, d'aultant qu'il le réputoit et tenoit pour un de ses bons et loyaux subjectz, leur deffendant de ne luy refuser et à ceux de sa maison l'entrée et sortie de leur ville ni aucune chose que ce feust qu'il auroit achepté à son argent. Et furent ces lettres leues à plain jugement en un jour de plaiz; après la lecture desquelles et déclaration faicte dudit de la Noë , qui déclara ne vouloir rien faire ny attenter contre la ville, de laquelle il dist estre amy et bon voisin, luy furent et aux siens les portes ouvertes de nuict et de jour, et ne retourna-t-on plus.au guet; mais

seullement, sans sonner mot, se donnèrent de garde lesditz de Pro- 1574. vins d'une surprise qu'on eust peu faire sur eux à l'improviste.

Ce refus faict par ceux de Provins tel que dessus intimida ledit de la Noë et craignit que lesditz de Provins n'allassent advertir le roy de ce qu'ilz avoient descouvert sur luy avant qu'il feust temps, et poui ce, quand luy et ceux de sa conjuration furent prestz de tout hasarder, enmena sa femme en lieu de seureté et serra ses meubles, en ordonnant de ses affaires domestiques au mieux qu'il peut.

Le roy, se voyant entre deiix et as, considéra quelque peu Testât de ses affaires et les jugea estre quelquement difficiles, si promptement n'y es'toit pourveu de quelque remède, et pour empescher les tumultes qui eussent peu advenir à sa court, ce luy sembloit, entre les princes après le partement des sieurs de Guyse, commanda aux gouverneurs des provinces de son royaume qu'ilz pendant certain temps par luy préfix^eussent chascun d'eux à se retirer en leurs gouvernemens, pour entendre à toutes affaires qui y pouvoient survenir au dommage de S. M. et du repos public. Ce commandement fut fort agréable aux chefs de la rébellion et fort propre pour l'exécution de leur entreprinse; car, comme il sera veu ci-après, ilz démoulèrent seulz avec S. M., et fut de leur conseil que le roy commanda ausditz gouverneurs qu'ilz se retirassent en leurs gouvernemens , pour plus aysément parvenir à leur faux dessein. Mons. le prince de Condé, catholique simulé depuis le massacre de Paris, en faisant bonne mine, fut des premiers qui prinrent congé du roy, pour s'en aller en son gouvernement de Piccardie , où il n'avoit oncques esté depuis la mort de son feu père, par la mort duquel il avoit esté faict de par le roy gouverneur du pays. Par ainsi, le roy demoura quasi seul, n'ayant plus court ni compagnie que de ses frères le roy de Navarre et mons. le duc d'Alençon, avec le train de leur mère. Lesquelz se retirèrent de la ville de Paris et s'en allèrent au bois de Vincène pour y faire leurs pasques.

Quelque peu de jours après que les gouverneurs des provinces furent en leurs gouvernemens, le roy leur commanda de mander aux

1574. baillifz et séneschaux qu'il/, incontinent fissent un enroulement et description des noms, surnoms et qualitez de tous les hommes de leurs bailliages et séneschaussées depuis l'âge de vingt ans jusques à soixante, et que de ce faict fissent procès-verbaux pour les envoyer à S. M. pendant certain temps par luy commandé.

Ce mandement receu par M. de Guyse, gouverneur de Champaigne et Brie, fut par luy envoyé aux baillifz et lieutenans des villes de son gouvernement pour y satisfaire, et adressa son mandement pour le bailliage de Provins à Me Franeoys Taupin, lieutenant général du bailliage de Provins, en l'absence du bailly.

Les plus clairvoyantz ne sçavoient que dire de cette description, ni juger pour quelle fin le roy faisoit faire cest enrollement. On jugeoit que S. M. vouloit mettre ordre à la gendarmerie de pied et casser tant de volleurs et mescbans hommes qui, soubz le nom de la guerre, pilloient, rançonnoient et ruynoient les gens dé» villages, et que de lors en avant il choisiroit hommes de chascune parroisse, qui seraient esleuz par les babilans, ydonnes à porter les armes, pour s'en servir aux despens desdittes parroisses, comme jadis se faisoit du vivant des roys Loys XIIe et Françoys Ier, qu'on appelloit francs archers.

Aultres jugeoient que S. M. vouloit faire une nouvelle armée des plus experts de chascune paroisse, et l'envoyer en Languedoc contre les huguenotz du pays qui faîsoient la guerre aux catholicques, poulies exterminer en peu de temps et ayder à nions, le mareschal de Damville , qui ne les pouvoit dompter.

Les aultres disoient que S. M. faisoit faire cette description pour incontinent lever hommes à moins de fraiz possible, et les envoyer courir sur les rebelles qui s'estoient eslevez et s'eslèveroient pour troubler le repos public.

Après que les ballys de Troye en Champaigne, de Sézane, Chasteau-Thiery et Meaux eurent faict le roolle et description des hommes de leurs bailliages, ilz firent commandement aux hommes des villages qui avoient le moyen d'achepter chascun une harquebuse, une livre rie pouldre à canon et une livre de plomb, balles du. calibre de leurs

harquebuses, et les tenir prestes en leurs maisons ou aultre lieu de 1574. seureté pour le service du roy, sous peine destre déclarez rebelles à S. M.; ce qui ne fut commandé au bailliage de Provins, ni faict, ains se contenta ledit lieutenant général dudit Provins de faire l'enrollement, sans commander qu'on acbeptast armes.

Les conjurez séditieux, tant buguenotz que les catholicques leurs adhérens, qu'ilz ont depuis nommez les catholicques associez, voyans l'enroollement des hommes qu'avoit commandé le roy estre faict, pensèrent qu'il ne se faisoit que pour leur dommage et pour leur courir sus, et, passionez de ce oultre mesure, déposèrent de leur esprit tout honneur, foy, charité et craincte de Dieu, et résolurent de massacrer le roy, et , pour prendre vengeance de la S'-Bartholomy, par feu et massacre, de tuer les catholicques de la ville de Paris, estans ' dans les églises au jour de Pasques et par les rues. Pour ayder à ceste misérable et exécrable affaire, entrèrent dedans le chasteau du boys de Vincène et la ville de Paris hommes desbauchez et des plus désespérez qui fussent en la conjuration, pour attendre l'heure résolue.

Comment ceste entreprinse fut descouverte, on en parla doublement. Aucuns disoient que ce fut par le moyen de certaines lettres missives, qui furent trouvées es poches d'un lacquetz de huguenot par les gardes des portes qui estoient le jour du grand vendredy de la garde audit Paris. Dedans lesquelles lettres, qui s'adressoient à des buguenotz de laditte ville qui estoient de la conspiration, y avoit certains caractères avec lettres alphabétiques, qui faisoient chascune leur mot, desquelles nul ne povoit bailler l'intelligence s'il n'estoit ou avoit esté huguenot et de laditte conspiration. Le lacquetz fut sans bruict serré prisonnier et n'eut le moyen de mander aucune novelle à ceux à qui il avoit charge de s'adresser, ni à ceux qui l'avoient envoyé. Ces lettres furent portées aux gouverneur et capitaines de laditte ville et mises sur le bureau de MM. les premier président , advocat et procureur du roy, ensemble les conseillers de la court de parlement, lesquelz appellèrent certains personnages qui aultresfois

1 57/i. avoient esté huguenotz conjurez et lors convertis à l'église catholicque, auxquelz ilz monstrèrent lesdittes lettres pour leur en donner l'interprétation; ce qu'ilz sceurent bien faire.

En même temps se présenta, comme l'on dist, ung gentilhomme au roy pour luy donner advertissement de se garder, faisant entendre à S. M. le meschant voloir des conjurez contre sa personne, selon ce qu'il en avoit entendu par quelques huguenotz de ses amys. Aultres disoient que ceste révélation fut faicle au roy par un huguenot de la conspiration , ung de ceux mesmes qui avoient promis de le massacrer, lequel en secret trouva moyen de faire le tout entendre à S. M. en luy demandant pardon.

Le roy, de toutes partz rendu certain d'une si abominahle trahison, * cogneut que le roy de Navarre son beau-frère, et M. le duc d'Alençon son frère, ne sçavoient non plus de ceste entreprinse que Judas ne faisoit de la mort de J.-C. ; dès le samedy au matin, vueille de Pasques, les feit serrer comme prisonniers en certain lieu du chasteau de Vincène , et leur osta toutes leurs gardes, qui ne fut sans grande sédition, où plusieurs furent tuez en la place par les gardes du roy. Lesditz sieurs de Navarre et d'Alencon se pensèrent excuser devant le roy; mais ne les volut escouter, et les emprisonna jusques ad ce que pleinement il feust informé des innocens et des coulpables. Et demeurèrent lesditz princes sans avoir aultres serviteurs pour leur service que ceux de S. M.

S. M. feit mener à la Conciergerie de Paris prisonniers deux des premiers maistres d'hostel de M. le duc d'Alencon, les sieurs de la Mosle et Conconas, avec le capitaine S'-Martin et plus de vingt-huict aultres personnes de la famille des dessusdictz princes, ou qui estoient à leur suitte; lesditz Conconas et la Mosle eurent les testes tranchées, les aultres furent pendus et estranglez1. Plus de cent aultres de la conjuration susditte furent prins dedans la ville de Paris. De ceste conjuration furent trouvez coulpables, oultre les princes susditz, M. le

' Procès criminel contre La Mole, Co- t. III, p. i5i, et Archiv. curieuses de l'hist. conas, etc. [Mémoires de V Estai de France , de France, t. VIII, p 127.)

prince de Coudé , qui estoit en son gouvernement de Piceardie , lequel , 157/1. sçachant l'emprisonnement de Monsieur, frère du roy, et du ro'y de Navarre, fendit le vent, et s'enfuit es Allemaignes, après lequel envoya le roy, pour tascher à l'arrester à quelque passage; mais ceux qui coururent après luy luy baillèrent tout loysir de passer oultre. La iuiict du jour de Pasques, arrivèrent à Provins, environ mynuict, les commis de par le roy, qui coururent la poste après luy, mais ne le trouvèrent en leur chemin.

Deux des enfants du connétable Anne de Montmorency, les sieurs de Thoré et de Méru, accusés de faire partie de la conspiration, prennent la fuite; le fils aîné, maréchal de Montmorency, et le maréchal de Cossé, sont arrêtés; des commissaires sont envoyés en Languedoc pour mettre la main sur le maréchal Damville, qui parvient à leur échapper, et se met en révolte contre le roi. La reine mère sollicite en vain la mise en liberté du duc d'Alençon et du roi de Navarre, et le pardon de la Môle et de Cocconas. Le bruit court par la France qu'elle était de la conspiration. — Révoltes dans les provinces. Le comte de Montgommery s'empare d'une partie de la Normandie, entre autres de Domfront et de Saint-Lô. M. de Matignon, envoyé contre lui, l'assiège dans Domfront, et le fait prisonnier. Montgommery se rend, espérant que la mort du roi le sauvera1.

Faidt notter que, dès environ huit ou dix jours après l'emprisonnement des princes et seigneurs susdictz , le roy tomba en maladie assez cruelle, et d'icelle pensa mourir, partie de courroux qu'il avoit de ce que ses plus proches parens s'estoient tant oubliez que d'entreprendre une telle conspiration contre luy et contre le repos public, partie aussi pour quelque pillule de meschante digestion qu'on luy donna, qu'on appelle un poison, ce que bien sçavoit ledit de Mongomery.

Le roy devint malade environ le 20e jour du mois d'apvril, lorsque

' Lettre de Charles IX à M. de Matignon comte de Montgommery, dedans le chasteau

1 5 mai 1574), pour lui recommander de de Domfront le jeudy 27 mai 151 'h.

prendre Montgommery et Guitry. (Bibl. (Archives curieuses de l'histoire de France,

imp. collect. Fontanieu, vol. 33i-333. — t. VIII, p. 223.) — Discours de la mort

Vov. aussi des lettres du roi écrites le à mai et exécution de Gabriel de Montgommery

à Matignon et àSarlaboz.) — La prinse du (Ibid. p. 239.)

1574. les grands troubles estoient à sa court et en sa maison, et pensa que sa maladie estoit un mal renforcé par poison. Il se fit purger par un contre-poison, pour recouvrer la santé, qui luy revint pour quelque quinze ou vingt jours, parle moyen de la grâce de Dieu et les prières de la royne sa femme et du dévost peuple catholicque de Paris et de la France. La royne sa femme, par neuf jours durant, toute descouverte par le visage , simplement vestue comme pauvre damoiselle , nue piedz, sans monture aulcune, accompagnée de grand nombre de pauvres enfans tant filz que filles, alloit en pellerinage du bois de Vincène es églises de la Sle-Cbapelle et N.-D. de Paris prier Dieu pour le recouvrement de la santé du roy et pour l'appaisement des troubles du royaume, et après s'en retournoit au bois de Vincène sans boire ne manger, en tel ordre et compagnie qu'elle estoit allée. Ses damoiselles suyvoient de loin , comme aussi les officiers de sa maison, priant Dieu pour la nécessité de S. M. Saditte majesté se recommanda aux prières de toutes personnes de son royaume et signamment aux prières du peuple parisien, auquel il portoit une singulière amytié, et réciprocquement le peuple à luy. Quanta moy, j'ay tousjours creu que tout le royaume prioit Dieu pour luy, tant les paisibles catholicques que les séditieux buguenotz ; les catbolicques ad ce que Dieu luy renvoyast la santé pour mettre paix en son royaume , et les séditieux ad ce que Dieu ou aultre l'ostast de ce monde et bientost. Et par ainsi, si Dieu n'eust esté plus que les hommes, il se feust trouvé bien empesebé de regarder à qui il eust volu complaire, parce que des deux costez y avoit gens de grand crédit qui le prioient.

Ayant par la miséricorde de Dieu recouvert sa santé , le roy persista à repurger les mesebans de sa suitte, et avoit volonté de n'y espargner homme, tant grand feust-il, qui se feust trouvé chargé de ceste tant abominable conjuration. Toutesfois, Dieu, qui permect tout advenir en la terre bien et mal , ne volut empescher que les malins , par l'ayde et persuasion de Satan, ne parvinssent à leur dessein pour saulver leurs vie et honneur, en exterminant la sienne par un aultre poison, qui luy fut donné; dont il se remist au lict de la mort, et oneques

n'en put eschapper. Entendoit toutesfois à commander aux présidons 1 574. et conseillers de la court de parlement qu'ilz, en diligence, toute aultre affaire cessée, fissent le procès des mareschaux de Monmorancy et de Cossé, pour les exécuter de mort telle qu'ilz en seroient trouvez coulpables; ce que voulaient et eussent faict lesditz présidens, s'ilz n'en eussent esté empeschez par aultres personnes des premiers du royaume, qui leur firent dire qu'ilz sur leurs vies se gardassent bien de ce faire, d'aultant qu'on les assuroit que S. M. estoit malade à la mort et qu'il ne vivroit plus guères de jours. Saditte majesté , se voyant plus malade que devant, manda aux archevesques et évesques de France qu'ilz déclarassent aux curez de leurs diocèses que S. M. se recommandoit à leurs prières et à celles de leurs parroissiens, les requérant que par dévostes processions et prières ilz volussent prier Dieu pour le recouvrement de sa santé, affin qu'il peust avant que mourir remettre en paix ce royaume et l'église catholicque d'iceluy. Ce que firent lesditz archevesques et évesques, et furent faictes processions généralles et particulières es villes et villages, esquelles assista tout le peuple catholicque, et lesquelles furent continuées jusques au lendemain de la feste de la Pentecoste , que l'on fut acertené de sa mort. Et morut le jour de la Pentecoste au bois de Vincène, le pénultième jour du moys de may1.

1 Le trespas et obsèques du très chresticn (ibid. p. 333); Extraits des comptes de dé-

roy de France Charles IX' de ce nom. (Arch. penses de Charles IX (ibid. p. 355). Voici

curieuses de l'histoire de France , t. VIII , son portrait , tracé par un contemporain :

p. 253. ) — Le vray discours des derniers p)us crue, ^ Nërojj| plus ruzé que Tiberei

pivpos mémorables du trespas du feu roy de HaY de ses subjectz, mocqué de l'estranger,

très bonne mémoire Charles IX. Lyon , Geof- Brave dans une chambre et couard au danger,

froy-Martin f 1 574 ). — Voyez sur Char- Mcsdisant de sa sœur, despit contre sa mère

* . , ... Envyeuk des haultz faictz du roy Henry sou frère ,

les IX, outre la notice de Brantôme : tlis- J, . e . . ,

Du plus jeune ennemy, lort prompt a se changer.

toire contenant un abrégé de la vie, mœurs Sans paroue> sans foy, synon à se vanger,

et vertus du roy très clirestien et débonnaire Exécrable jureur et public adultère,

Charles IX, vrayment piteux, propugnateur De l'église premier le domaine il vendit,

de la foy catholique et amateur des bons Et le sien et l'auUrny foUement despendit.

J J . , . Tout son règne ne fust qu'un horrible carnage.

esPrlts Par Arnaud Sorbin {Archtves De ,^as il peupla l'ordre des chevalliers,

curieuses de l'hist. de France, t. Mil , p. 2 7 1 ) ; La France d'ignorans prélatz et conseillers ,

Histoire de Charles IX, par Papire Masson Et mourut enfermé comme ung chien qui enrage.

157/j. S. M., voyant sa maladie s'empirer et s'approcher de la mort, manda vers soy en sa chambre la royne sa mère et la royne sa femme , ausquelles il déclara la fin de ses jours, et les requist qu'elles priassent Dieu pour luy. 11 recommanda à sa mère sa femme, son enfant, qui estoit une petite fille aagée pour le plus de dix-huit moys ou deux ans , et le roy de Pollongne , son frère , auquel après sa mort la coronne de France appartenoit légitimement, pour la conservation de laquelle résigna entre les mains d'elle sa mère le royaume, pour et au nom dudit roy de Pollongne , et la constitua régente. Il pardonna à ses ennemys qui estoient cause de sa mort, et dist que, pour le regard de son intérest, qu'on ne leur meffist aucunement; mais que toutèsfois il se rapportoit à justice et aux ministres d'icelle d'en faire équitablement a la descharge de leur conscience, pour l'intérest de la républicque françoyse et le repos public qu'ilz avoient troublé, dont ilz avoient bien mérité la mort et signamment le conte de Mongomery, recommandant qu'on ne le laissast eschapper, de peur qu'il ne troublast encores une fois le royaume. Il feit approcher MM. le roy de Navarre et le duc d'Alençon et les pria de se comporter après sa mort en toute modestie; de n'empescher leur frère le roy de Pollongne en la jouissance du royaume de France; de quitter toute société et ligue faicte au domage de la France et du repos public; de n'empescher que justice feust faicte des coulpables qui avoient troublé et troubloient le royaume, etc. Aultres remonstrances leur furent par luy faictes sur l'occurrence des troubles . qu'on pourroit bien mettre par escript, si la qualité des personnes ne le deffendoit; il dist adieu à sa femme, se recommanda à elle vif et mort, et luy recommanda leur petit enfant, en la priant qu'elle luy servist de mère et de père tout ensemble1. S. M., après avoir recommandé ses affaires et celles du

(Bibi. imp. S'-Victor, 35g, loi. 65 r°.) — 2 février. (Biblioth. irapér. Colbert, a5a

Vovez aussi : Lettre du roy au prévost des p. agy.)

marchands et escheoins, sur le fmuv bruit ' La iille de Charles IX, née le 27 oc

qui couroit que le lendemain se devait renou- tobre 1572, mourut à l'âge de cinq ans

relier le massacrede la S'-Barthélemy. 167/1. et demi.

DE CLAUDE IIATON. 767

royaume à ceux à qui il appartenoit, ne volut plus parler ni ouyr 1574. parler des temporelles de ce monde, ains seullement des célestes de paradis, et commanda qu'on fist approcher de luy son confesseur, qui estoit un docteur nommé mons. de Ste-Foy, devant lequel se confessa à Dieu de ses péchez, desquelz lors et depuis eut une grande repentance, comme l'ont récité ceux qui se trouvèrent présens quand on luy administra le S'-Sacrement de l'autel. Il receut Nostre Seigneur d'une grande dévotion, en luy criant mercy, teste nue et les mains joinctes, de ses péchez, en faisant protestation de sa foy chrestienne et catholicque, et en déclarant qu'il n'avoit chose en sa conscience qui plus le trouhlast que la liberté qu'il avoit esté contrainct de donner aux huguenotz.

Tout à l'instant qu'il eut receu Nostre Seigneur, il, par une foiblesse. perdit la parolle et fut quasi une demye heure sans parler; la paroi le toutesfois luy revint avec la cognoissance de toutes choses, et singulièrement de ce qui appartenoit au salut de son âme, et demanda lors qu'on luy administrast le sacrement de l'extrème-onction, qui luy fut donnée après midy en bonne cognoissance. Il fit retirer ensuite de sa chambre sa femme et sa mère , et les requist qu'elles se retirassent en la chapelle du chasteau de Vincène pour là prier Dieu pour luy, et commanda audit sieur de S,e-Foy qu'il demourast avec luy pour luy parler de Dieu et du salut de son âme, et pour luy crier Jesas Maria, quand il verroit qu'il seroit à l'extrémité de sa vie. Il morut dès le soir, environ les sept à huit heures. Dieu luy face mercy! Il a esté le deuxiesme roy qui est mort pour avoir emprisonné et chastié les rebelles de la coronne de France, pour tascher à mettre son royaume en paix, depuis l'an 1 56o : le premier fut le petit roy François second de ce nom, son frère, lequel trespassa dix ou douze jours après qu'il eut faict emprisonner le feu prince de Condé, et luy, pour avoir faicl arrester les princes et seigneurs ci-dessus dietz.

La royne sa femme mena grand dueil de sa mort et non sans cause , car encores qu'elle feust de maison illustre, si est-ce qu'elle perdoit une grande auctorité et amytié qu'elle avoit en luy et par luy au

1574. royaume de France1. Elle le fit ouvrir et visiter par ses médecins et cirurgiens, pour veoir de quel accident il estoit mort en telle jeunesse, car il n'avoit encores trente ans2; et fut trouvé qu'il estoit mort d'une mort accélérée de poison qu'on luy avoit donné. Toutesfois la mère ne volut que ce rapport fust révélé publiquement, de peur qu'on ne jugeast mal au déshonneur de quelques personnes. Ceux qui entreprinrent d'excuser sa mort, pour dire qu'il n'avoit esté empoisonné, dirent qu'il s'estoit gasté de courir à la chasse et qu'il s'y estoit tout rompu les altères3; il estoit vray qu'il avoit fort aymé la chasse en son temps. 11 se trouva un de ses médecins qui fut d'avis qu'on l'avoit faict mourir par maulvais sort de vaudoysie, et qu'on avoit jette sur luy un charme ou quelque chose dont il avoit receu l'odeur violente, dont il avoit le foie tout bruslé, lequel, quand on y toucha, se mist tout en pouldre. Ce foie bruslé ne povoit estre advenu pour avoir beu grande quantité de vin , car il n'en beuvoit comme poinct; il n'en beuvoit à grand peine que une pinte le jour et moins, et encores mixtioné de la moitié d'eaue.

La mort de Charles IX ranime les troubles du royaume. Ce prince avait fait contre les blasphémateurs un édit rigoureux qu'il n'eut pas le temps de publier4. Il travaillait à réformer la justice et à diminuer les impôts dont le peuple était surchargé. Il marqua en ses derniers propos le regret qu'il avait du départ de son frère , le duc d'Anjou , pour le royaume de Pologne. — La reine mère se lait déclarer régente par le parlement de Paris5. Elle retient prisonniers le duc

' Elisabeth se relira a Vienne, et y mourut en 1692, à l'âge de trente-huit ans, dans un monastère qu'elle avait fait bâtir.

3 Charles IX avait, lorsqu'il mourul .

vingt-quatre ans moins vingt-huit jours.

3 Dans une lettre écrite le 3i mai îbjh à M. de Matignon, Catherine de Médicis dit que la maladie de Charles IX « a esté une grosse fièvre continue, causée d'une inflammation de polmons, que l'on estime luy estre procédé des viollens exercices

qu'il a faictz , et ayant esté ouvert après sa mort, l'on a trouvé toutes les aultres parties de son corps aussi seines et entière» qui se puisse veoir. » (Bibl. imp. Fontanieu, vol. 335-336.)

4 Déclaration contre les blasphémateurs. 24 octobre 1672. (Delamare, Truite de la police, 1. III, t. XVI, c. 2.)

5 Lettres patentes qui constituent la reine mère régente du royaume pendant la maladie du roi et jusqu'au retour du roi de Pologne. Vincennes, 3o mai ib"]&;

d'Alencon et le roi de Navarre, et fait garder étroitement les maréchaux de 1574, Montmorency et de Cossé. Elle envoie prévenir le roi de Pologne de la mort de Charles IX, et l'engage à hâter son retour en France pour occuper le trône.

Plusieurs personnes ont creu et tenu pour certain que, si laditte dame eust remis son filz M. le duc en liberté, le roy de Pollongne n'eust jamais rentré en France pour jouyr de son royaume, sinon à force d'armes, et que M. le duc s'en feust emparé à l'ayde et suasion des séditieux qui troubloient toutes choses soubz son nom et auctorité; et à ce faire tendoient lesditz séditieux et huguenotz; plusieurs desquelz, si tost qu'ilz sceurent la mort du roy, en toute diligence se trouvèrent es environs de Paris et du bois de Vincène le nombre de plus de mille chevaux et hommes, pour le penser enlever et l'enmener avec eux à la Rochelle , pour là s'assembler en armas pour usurper et retenir par force la jouissance du royaume. Entre les gentilzhommes de ce pays pruvinois, y alla armé de toutes pièces le seigneur du Buat, parroisse de Bannost-lez-Joy-1' Abbaye. Les rebelles se trouvèrent bien honteux, quand ilz virent les gardes qui estoient en armes à pied et à cheval es environs de Paris et dudit bois de Vincène, qui les hastèrent un peu de desloger plus tost qu'ilz n'eussent volu, et ne leur fut possible de sçavoir novelle de M. le duc.

La royne mère et les conseillers que la court de parlement luy avoit donné pour conducteurs mirent si bon ordre à tout que tous les gens d'armes qui tenoient les champs soubz le nom de la guerre. tant d'une part que de l'aultre en ce pays de Brie et de Champaigne , furent contrainctz de se retirer en leurs maisons ou au camp chascun de son party1, et envoya-on les prévostz des mareschaux après par les . champs, pour les contraindre de eux reserrer et de ne plus manger le pays.

registre au parlement le 3 juin. (Isambert, ' Ordonnance de la reine mère sur la .

Rec. des anciennes lois françaises , t. XIV, police et discipline des gens de guerre et

p. 262.) — Déclaration confirmative de sur la répression des excès commis par

ces lettres. Cracovie , 1 5 juin îb-jb; régis- eux. 167/1, juillet. (Isambert, lom. XT\

tré au parlement le 1 5 juillet. p. 266.)

1574. Entre aultres, se trouva ung capitaine de volleurs duquel je n'ay retenù le nom, ayant une faulse commission soubz le nom du roy que luy avoit escripte et signée un des enfans de Provins , nommé Cornu , lequel estoit l'ung des beaux scribes qui fust de son temps, qui sçavoit assez proprement contrefaire escriptures et signatures, et qui, pour son salaire et récompense de ceste faulse commission, fut faict lieutenant de la compagnie dudit capitaine volleur. En vertu de laquelle, tant ledit capitaine que son lieutenant, se présentèrent aux juges de Montereau-fault-Yonne , de Bray, de Nogent-sur-Seine, de Provins, de Villenauxe-la-Grand, et aultres petites villes, bourgs fermez et marchez publics, et desditz juges eurent commission de sonner le tabourin, pour amasser soldatz qu'ilz disoient avoir charge de lever jusques au nombre de cinq cens et plus, pour le service du roy; et estoit ce au commencement du moys de may.

A ceste compagnie furent receuz tous les plus meschantz garneniens du pays, et n'en vouloient que de telz lesditz capitaine et son lieutenant; en moins de quinze jours, cette compagnie fut amplifiée de plus de 600 hommes de faict et aultant de harpail. Eesquelz, se voyans fortz à leur contentement, résolurent qu'il falloit faire son nrouflit et valoir le mestier. De rançonner, piller, voiler leurs hostes es villages et tous passans par les chemins, leur fut acte de vertu. Hz commencèrent à faire leur tournée auprès de Melun, et couppant pays par la Brie, s'allèrent rendre auprès de Meaux, pour prendre la rivière de Marne et monter amont jusques à Vertu et la tour de Mymaz, puis, traversant la Champaigne, se portèrent es environs de la ville de Troye et de là à Sens ou les environs, et regangnèrent la rivière de Seine au passage de Bray et Nogent; ilz feirent si bonne diligence, qu'ilz tinrent, tous les villages ou parroisses qui sont en la cincture et millieu du tour ci-dessus dict en peu de jours, d'aultant qu'ilz avoient haste d'aller, et ne couchoient que une nuict en un giste, affin qu'ilz eussent meilleure occasion d'avoir plus tost remply leurs bourses. Hz ou le capitaine rançonnoient par chascun jour tous les villages qui estoient à quatre lieues à l'entour de celuy où ilz vouloient loger, et

tiroient de chascun le plus qu'ilz pouvoient de l'argent, sans y res- 1574. pecter gentilhomme quelconque, s'il n'estoit de si grand crédit qu'il eust eu le moyen de amasser au son du tocsin les communes pour se ruer sur eux à ses périlz et fortunes.

Hz cerchoient s'ilz pouvoient de eux loger es villages et parroisses ou par les troubles précédens n'y en avoit poinct ou peu logé , affin d'y estre mieux traictez de vivres et de rançon. Tous bourgs fermez où ilz pensoient qu'il n'y avoit nombre d'habitans en suffisance pour leur résister, les forçoient pour les prendre et y loger.

Et, entre aultres, se présentèrent, lavigille delafestede l'Ascension N. S., devant le bourg de Songnolles, parroisse de Usines, bailliage de Provins, pour y loger et y faire les bulletins; ce que ne volurent permettre lesditz de Songnolles, ains rechassèrent les fourriers et fermèrent leurs portes. Arrivée que fut laditte trouppe, sommèrent les habitans de leur faire ouverture de par le roy et de les recevoir pour y loger, à quoy ne volurent obéyr les habitans; au refus desquelz, les assiégèrent lesditz volleurs, et fit un chascun de part et d'aultre le debvoir d'assaillir et de se deffendre. Les tenans, en eux deffendans, tuèrent quelque sept ou huict des assaillans et des plus hardis qui y fussent; mais à la fin, vincuspar le courage desditz assaillans, furent les tenans constrainctz de quitter le rempart et de prendre la fuitte.

Les assaillans, estans maistres des rempartz, firent ouverture des portes pour donner entrée facille à toute la trouppe; lesquelz en fureur se mirent à poursuyvre les vincus qui avoient prins la fuitte et en massacrèrent plus de une vingtaine, et en priment aultant prisonniers. Hz se logèrent à leur discrétion, et fourragèrent tout ce qu'ilz trouvèrent en chemin. Hz priment les filles et femmes qui n' avoient sceu fuyr et les violèrent sans honte , craincte ni discrétion. Hz pillèrent entièrement tous les meubles de chascun e maison qu'ilz trouvèrent dedans et y commirent des excès fort exécrables, jusques à tuer des petis enfans de dix ans et au-dessoubz. Ilz tuèrent le bestail qui estoit es maisons gros et menu, après l'avoir faict pourmener

]57/i. par les rues. Hz firent grande cruaulté aux hommes qu'ilz prirent prisonniers, les ayans liez fort estroictement pour en tirer tant plus de rançon. Hz, en deux jours et deux nuictz qu'ilz furent audit Songnolles, firent domage de plus de 6,000 livres t.

Hz eussent demouré audit bourg davantage, sans deux occasions qui les pressèrent de desloger. La première fut le ban que le rOy fit faire avant que mourir que toutes gens de guerre qui tenoient les champs eussent à aller en diligence au camp où il leur estoit mandé d'aller, et que, incontinent après le ban faict, s'il s'en trouvoitpar les villages, qu'on amassast le peuple au son du toxin, qu'on se ruast sus et qu'on les taiUast en pièces. L'aullre occasion fut la craincte qu'ilz eurent d'estre prins prisonniers léans des prévostz des mareschaux de Troye , qui en assez bon nombre et ordre de gens s'amassoient pour leur courre sus, et pour faire punition des énormitez qu'ilz avoient commis en plusieurs lieux des environs dudit Troye.

A l'instant et le jour mesme qu'ilz furent deslogez dudit Songnolles, ilz commencèrent à se desbander et à se retirer chascun à sa commodité , estans si chargez d'or, argent et aultres biens que rien plus. Les habitans à leurs talions allèrent à Provins crier à justice qu'on leur fist raison du tort qu'ilz leur avoient faict; et pour le vérifier, emmenèrent avec eux les lieutenans des prévostz des mareschaux,- de courte robbe et leurs archers, lesquelz informèrent des crimes et excès par eux commis. Mais cependant les friquerelles se saulvoient. Hz habitans de Songnolles se rendirent partie formelle contre tous de laditte compagnie qui seroient trouvez et appréhendez par justice, pour les faire exécuter par sentence de mort. Quelque deux jours après le partement desditz soldatz dudit Songnolles, y arrivèrent les prévostz des mareschaux de Troye, pour informer. Lesquelz furent bien receuz, et ayans ouy tesmoings et veu les relicques de leur malfaict, requirent les habitans de déléguer quelques ungs d'entre eulx des plus expertz et qui les pourroient recognoistre par les champs, pour les leur monstrer, et aussi pour aller à Paris avec eux former leur plaincte devant le roy; ce que firent lesditz habitans.

Ceux qui lurent déléguez pour ce faire, estans à Paris avec lesditz 1574. des mareschàux, recogneurent par les rues le lieutenant de laditte compagnie, qui estoit ledit Cornu de Provins, accompagné d'une douzaine de sa bande des mieux en ordre, habillez de velours et l'escu en bourse; sur lesquelz mirent la main lesditz mareschàux, qui les lièrent et escouplèrent en plaine rue deux à deux, et, sans en faire plus grand bruict, les firent cheminer devant eux le chemin de Troye, par Corbeil, Melun et de là par auprès de Sens, de peur qu'ilz ne trouvassent de l'empeschement sur les chemins, pour la cognoissance qu'avoit ledit Cornu en la ville de Provins.

Les parens duquel furent plus tost advertis de son emprisonnement qu'il ne fust à Troye, et pour le rachepter ou empescher de mourir au gibbet, dz composèrent aux prévostz des mareschàux de Provins et au heutenant de courte robbe, pour l'aller requérir et demander, et pour le ramener prisonnier à Provins, comme ayans les premiers informé de son faict. Auxquelz ne le volurent rendre ceux de Troye, lesditz de Songnolles l'empescheant, lesquelz sollicitèrent si bien leur affaire que en peu de jours devant leurs yeux les firent penche et estrangler à une potence en la place du marché au blé de laditte ville de Troye; et dès le jour mesme, par la permission de justice suyvant la sentence rendue, chargèrent les corps entiers dudit Cornu et un sien compaignon en une charrette et le menèrent en leur bourg dudit Songnolles, où le bourreau dudit Troye les alla attacher à chacune porte, à des potences de bois qui y furent dressées. Ledit Cornu fut mis à la porte du costé de Provins, pour ce qu'il en estoit, où il fut quelque deux ou trois jours avant qu'en estre despendu par quelqu'un à qui ses parens avoient donné argent pour ce faire; lequel, n'ayant le loysir de l'enterrer et de le transporter plus loing, le quitta soubz son gibbet. Quoy voyant, les habitans dudit Songnolles firent faire une chaîne de fer bien cramponnée et le firent ratacher et remonter à laditte potence, où il demoura pour enseigne à la veue de tous passans.

1574. Liste des prélats el dignitaires ecclésiastiques, gens de justice, gouverneurs, capitaines des portes, receveurs des tailles, élus, avocats, notaires, échevins, bourgeois et marchands notables de la ville de Provins et des environs.