ANECDOTES. FAITS DIVERS

L'an mil cinq cent soixante et seize, le 1" janvier, le marquis du Maine ou de Mayenne, dont le marquisat avait été érigé en duché, et qui venait d'être chargé de la conduite de l'armée royale à la place du duc de Guise, son frère, dirige ses troupes sur la Lorraine, pour faire tète aux reîtres, qui s'avançaient au nombre de dix-huit à vingt mille hommes. Henri III envoie à leur rencontre M. de Biron, pour les détourner d'entrer en France, en leur faisant connaître la trêve conclue entre le roi et le duc d'Alençon. Le prince de Condé répond que, si le duc d'Alençon est d'accord avec le roi, lui, Condé, ne l'est pas. M. de Biron ayant échoué, M. de la Noue est envoyé pour renouer les négociations, sans réussir davantage.

M. de Bouy, qui était allé au camp des reîtres, revient en annonçant leur prochaine arrivée dans la Brie. Il fait fortifier son château et creuser les fossés par les habitants. — Un prêtre de Bouy, nommé Edme Robinot, lui donne tout son bien pour en priver ses parents. — M. de Bouy s'efforce en vain de toucher aux biens et au revenu du prieuré de Chalautre-la-Petite.

Le prince de Condé refuse de faire retirer les reîtres; plusieurs seigneurs de 1570. la Brie, Besancourt, Talan, Brunfay et Rochepot l'abandonnent. — Le duc d'Alençon est tenu par les rebelles de son parti dans une grande sujétion, à laquelle il tente vainement d'échapper. Ils le forcent à leur communiquer toutes les dépèches, et ne laissent sa mère s'entretenir avec lui qu'en leur présence et à haute voix. Une fois qu'elle lui parlait bas : « Madame, lui dirent-ils, parlez hault. que chascun vous entende ; il ne fault poinct icy s'acouter (se parler à l'oreille). ï

Laditte dame royne poursuivent fort la paix, et pour ce faire alloit de l'ung à l'aultre, tantost au roy, tantost audit seigneur, et estoit le bruict tout commung par la France cruelle seulle porloit le feu et l'eau, la paix et la guerre, quand elle vouloit. Durant les menées qu'elle faisoit, tousjours se parloit de trêve entre ledit sieur duc et le roy, en attendant la conclusion de la paix; et n'y avoit que les reistres que conduisoit le prince de Condé qui cheminassent. Quant aux trouppes qui estoient avec mondit seigneur et au camp du roy que commandoit mons. de Monpencier, qui estoient assez prez les ungs des aultres, ne faisoient courses ni entreprises , en attendant la conclusion de la paix, qui tousjours se poursuyvoit.

Pour laquelle paix avoir de Dieu, toutes les villes de ce pays se mettoient en debvoir de la demander par dévostes prières , par pérégrinations et processions tant généralles que particulières. Aux processions et prières publicques qu'on faisoit en la ville de Paris y assistoient le roy et la royne sa femme, en grande dévotion, ce semblent, et furent lesdittes processions continuées par chascun jour jusques à la publication de la paix.

Le peuple de France eust sceu meilleur gré au roy, s'il fust allé à la guerre en propre personne , qu'il ne faisoit de le veoir aller et d'ouvr dire qu'il alloit à la procession; car sa présence en laditte guerre eust servy de mille hommes; mais n'en vouloit ouyr parler, et avoit - bien changé de condition depuis qu'il fut roy. Du vivant du feu roy son frère, il avoit tousjours le harnois sur le dos et les armes au poing, pour deffendre la vraye religion catholicque et romaine, la coronne et le royaume contre tous rebelles huguenotz et aultres qui

io4

1576. les suyvoient; mais depuis qu'il fut roy de France, n'en volut plus manger. Il n'en estoit pas trop à blasmer, par les grands troubles qui estoient au royaume; car luy et son conseil doubtoient que, s'il alloit en personne à laditte guerre, il n'en fust possible revenu qu'il n'eust esté mort ou prisonnier, veu la grande inimitié que luy portoient lesdis rebelles. Pour le tourment que le peuple des villages enduroit par la guerre, estoit S. M. souhaitée morte ou en Poullon°ne et n'en challoit-on, ne comment il ne laissoit de prendre ses plaisirs mondains, nonobstant si grands troubles. Et furent aulcuns du royaume si téméraires de faire comparaison de luy à ung Hélagabale. Hélagabale jadis fut ung homme remply de toute paillardise et meschanceté , qui n'avoit aulcune honte ni compassion du mal de la république. Il fut blasmé de laisser le maniement de la paix à sa mère, veu qu'il eust esté bon mestier que de plus sages hommes s'en fussent meslez.

Il survint ung grand bruict, environ le 8e jour dudit mois de janvier, de la mort dudit sieur duc et des mareschaux de Thoré et Méru, ses gouverneurs en la rébellion, et disoit-on qu'ilz tous trois avoient esté empoisonnez1. Il ne fut pas vray qu'ils fussent mortz, mais fut tenu pour certain qu'ilz furent empoisonnez; d'après ung petit livret intitulé, La vie de Katherine de Médicis , royne en France, ilz le furent par son moyen et commandement, mais furent garentis par le remède d'un contrepoison qu'ilz prindrent sur le champ. Quelques Italiens eurent la renommée d'avoir faict la composition du perfum qui les empoisonna, et pour ce disoit-on que ledit sieur duc haïssoit ceste nation plus que jamais, et par les articles qu'il mettoit en avant pour faire la paix, demandoit le bannissement desdis Italiens en général du royaume de France 2.

Depuis le 20e jour dudit moys de janvier jusques au ï 5, il feil de grans vens, principalement de nuict, parmy lesquelz, à certaines

1 Cette tentative d'empoisonnement au- nues durant le règne de Henry 111 (Corait eu lieu le 26 décembre 1675. (Voy. logne, 1666), p: i5.) le Journal des choses me*rjxoralies adve- 1 Voyez le même ouvrage , p. 10.

DE CLALjDE HATON. 827

heures, venoient de grosses nuées d'eau qu'il sembloit qu'on la jet- 1576 tast du ciel à seillée sur la terre; lesquelles finies, faisoit par après ung beau temps clair et serain, avec ung esclair fort soudain, en la manière qu'il faict quelquesfois au temps d'esté et de chaleur. Par quelque jour de laditte sepmaine, selon le rapport de plusieurs, fut veue en l'air l'effigie de trois hommes, qui se combattoient avec espées flamboyantes. Je n'ai veu ledit signe; mais ayant ouy tant de personnes dire qu'elles l'avoient veu, l'ai mis par escript. Les vens susditz enlevèrent le clocher et les cloches de l'église de Flaix et les jettèrent aux champs.

Nouveaux et inutiles efforts de Catherine de Médicis auprès du duc d'Alençon en faveur de la paix. — Premières escarmouches entre les troupes du duc et le corps d'armée du duc de Montpensier.

Mons. le prince de Condé et ses reistres, que nous avons laissé en Lorraine, prindrent leur chemin par les environs de Langres, vindrent passer la Seine à gué au dessus de Chastillon, et tirèrent par au dessus d'Auxerre, pour aller gangner le passage de la Loyre à la Chanté, ville qui tenoit pour les rebelles, et de là joindre le duc d'Alençon au pays de Berry, non loin de la ville de Bourges, où estoit ledit seigneur. Mons. le duc du Maine , qui , avec son camp , estoit allé au devant d'iceux reistres, ne les osa ou volut attacquer pour les empescher d'entrer en France et de joindre le camp des rebelles, pour ce qu'il n'estoit assez fort, et qu'il estoit empesché par le mandement de la royne; mais les costoya depuis Langres jusques auprès de la Charité, estans tousjours à quatre lieues loing l'ung de l'aultre. Par ainsi estoit ce pays de France mangé de toutes partz; et avoit le camp dudit sieur duc du Maine la renommée de faire plus de doma^e de ravissemens, rançonnemens et tous aultres maux que celuy desditz reistres , mettant le feu en aulcuns lieux.

La Champagne et la Brie sont remplies de voleurs qui, se disant gens de guerre, vont par troupes au son du tambour de village en village, rançonnent les habitants et dévalisent les passants sur les chemins. Le prévôt des maréchaux

îoi.

] 576. de Troyes, étant dans une hôtellerie de Sézanne, y rencontre le capitaine d'une de ces compagnies, logée aux faubourgs de la ville; il l'arrête et le fait pendre (21 janvier); une partie de la bande parvient à s'échapper, le reste est pris et exécuté à Troyes.

Le roy, voyant que les reistres et le prince de Condé arri voient à nions, le duc son frère, print argument que laditte venue luy seroit une juste occasion pour demander au peuple de France, paisible et obéissant, de l'argent tant qu'il voudroit, soubz couleur de lever des hommes pour faire la guerre. Aux Parisiens, leur demanda la somme de deux cens mille livres, pour payer trois mille Suisses, tant pour sa garde que pour la guerre (12 décembre 1 576). A la ville de Provins et à l'élection demanda la somme de trois mille cinq cens livres, qu'il obtint; et disoit par sa commission que c'estoit pour refaire le pont de Charenton, que les huguenotz avoient rompu dès l'an 1667, affin de fortiffier ce lieu pour la sûreté de la ville de Paris; auquel pont de Charenton ne fut faicte aulcune réparation pour ceste année. Messieurs de la ville de Paris , sur la demande à eulx faicte par le roy, se trouvèrent surchargez, et ne volurent payer icelle somme, que premièrement n'eussent faict une remontrance à S. M. de son meschant mesnage et des surcharges et grandes daces qu'il faisoit journellement sur eux et sur le royaume de France.

Texte des remontrances de la ville de Paris1.

Pour le présent, le roy ne se vouloit payer en remonstrances, parce qu'il avoit à faire d'argent pour subvenir aux fraiz de la guerre, ce disoit-il; et toutesfois se plaignoient les gens de guerre qui alloient pour luy, qu'il ne leur bâilloit ung seul denier, et pour ce ne se fault esbayr s'ilz gens de guerre estoient volleurs, larrons et rançonneurs de villages et de pauvres gens.

Le roi de Navarre, qui était toujours demeuré à la cour depuis le massacre

1 Remontrances 1res humbles de la ville collect. Fontanieu, 1 57&-1 576) . el La de Paris et des bourgeois d'icelle au roy Popelinière, Histoire de France, I. II, fol. Henri 111, Van 1515, décemhrc ( Bibl. imp. 293.

de la Saint-Barthélémy, se décide à prendre la fuite. Le 5 février, il s'échappe 1570. de Senlis, où il était allé à la chasse, et gagne Alençon1.

La gendarmerie reprint les champs, et s'eccartèrent les gens du camp de nions, le duc du Maine jusques es environs de Sens, et fut grand bruict qu'il y vouloit faire séjour pour longtemps et là attendre l'ennemy. On fit approcher dudit Sens et de Paris toutes les compagnies de pied et de cheval qui n'estoient encore recettes au camp. Le i 7e jour du moys de febvrier, arriva es parroisses de Leschelles et de Sainct-Bris la compagnie du frère de la royne, femme du roy, et filz de nions, de Vaudémont, qu'on appelloit nions, de [Mercœur], qui estoit d'environ deux cens chevaux bien enharnachez , et environ aultant de chevaux de bagage. Au lendemain, t 8e jour dudit moys, passèrent par dedans la ville et les environs, c'est-à-dire le molin des Forges, Flégny et Roully, pour s'aller loger es parroisses de Vullaines, de Cucharmoy et de la Chapelle-Sl-Sulpice, où ne couchèrent que une nuict; et au lendemain 19e jour, au lieu d'aller à Paris ou au camp, reprindrent leur chemin pour aller loger à Goix, ce qu'ilz ne firent, pour ce qu'ilz de Goix, qui en toute diligence faisoient la closture de leur muraille, ne volurent souffrir que leurs fourriers fissent les éticqués et bulletins pour eux loger, ains les chassèrent avec menaces. Parquoy, pour ce jour, allèrent loger en la parroisse de Meelsur-Seine , à deux lieues loing dudit Goix , où ilz couchèrent deux nuictz et où ilz firent grand desroy. Hz tuèrent bœufz et vaches, principallement es maisons où ilz ne trouvèrent personne pour les traiter. Les bonnes gens des villages estoient si rebattuz d'avoir des gens d'armes par chacun jour, que, quand ilz oyoient parler ou qu'ilz appercevoient qu'il en venoit, habandonnoient leurs maisons et bestial de vaches, ains leur estoit assez de se saulver et leurs besles chevalines; et en deffault qu'ilz gens de guerre ne trouvèrent en plusieurs maisons personnes pour les traiter, ni autre bestial que des vaches, en tuèrent par la parroisse quelque cinq ou six pièces, ce qu'encores n'avoient

Voyez le récit de la fuite du roi de Navarre dans d'Aubigné, Histoire universelle, t. II, liv. II, p. i83 et suiv.

157(i. fait les aultres. Fault noter que plusieurs vivendiers suyvoient ceste compagnie susditte, qui menoient pain, vin, chair après eux pour leur vendre ou aux hostes où ilz estoient logez; et où ilz gens de guerre ne trouvoient les personnes es maisons, et si enicelles y avoit encores quelques meubles ou bestial, le prenoient et le bailloient ausdis vivendiers en payement. Hz domagèrent grandement les maisons vuydes. en rompant et bruslant les huys, fenestres, chevrons, couverture et aultres cloisons, cuves, baignoires, vaisseaux, et si enmenèrent plusieurs jumens, mesmement des maisons où ilz avoient esté bien traitez par les hostes et gens d'icelles , qui furent perdues.

Après y avoir esté deux jours et deux nuictz, deslogèrent assez matin, et avec petit hruict s'en allèrent recognoistre la ville de Goix, le 22e jour dudit moys, la surprindrent à clespourveu et y entrèrent, combien qu'à la porte par où ilz entrèrent y avoit deux hommes qui la gardoient et avoient levé les busches de leur pont; l'ung desquelz, avant que s'en fuyr, tira ung coup de harquebuse sans blesser personne. Lequel donné, entrèrent gens d'armes à la foulle, pour remettre les busches du pont pour passer leurs chevaux, qui eurent plus tost faict que les gardes d'icelle n'eurent dict les novelles auxhabitans; et gens d'armes de courir par les rues, pour prendre et arrester toutes personnes qu'ilz trouvèrent, à grands coups de baston. La trouppe s'alla arrester devant l'église dudit lieu, dans laquelle estoient les prebstres et plusieurs aultres personnes , qui faisoient ung service pour ung trespassé , qui eurent aultant peur que s'ilz eussent esté prins des huguenotz. Ilz eschappèrent de laditte église le plus subitement qu'ilz purent, et tant firent qu'ilz ne furent arrestez d'iceux gens d'armes. Lesquelz gens d'armes, estans entrez en laditte église, pillèrent les meubles de plusieurs habitans, qu'ilz trouvèrent en des coffres qu'ilz habitans avoient là resserrez pour y estre en plus grande seureté qu'en leurs maisons , qui furent perdus pour eux. Hz gens d'armes, avant qu'en desloger, rendirent la croix et calice d'argent avec les aultres meubles servans à l'église, et ne retindrent que les meubles profanes qui appartenoient aux bonnes gens. Hz furent audit lieu six

DE CLAl DE HATON. 831

jours et demy avant qu'en partir, à se faire traiter épicuriennement. 157g Hz firent de grands oultrages aux hommes et de grandes violences aux femmes et filles; toutesfois personne n'en morut promptement. Hz t unirent plusieurs hommes liez lort estroictement, qui longtemps après s'en sont fort mal trouvez. Les gentilshommes de Gratteloup et de Louis s'emploièrent fort pour les faire desloger, estans priez de ce faire par les habitans dudit Goixqui estoient fugitifz de leurs maisons.

En même temps la compagnie de M. de la Chapelle-des-Ursins était à Savins. Le seigneur de ce lieu, insulté par les fourriers, qu'il engageait à ne point loger leur troupe dans le village, tira l'épée; alors ils se jetèrent sur lui, le foulèrent aux pieds, et « sans les villageois qui se mirent en sa défense, lui eussent fait sortir les tripes du ventre. » Enfin ils l'abandonnèrent et allèrent chercher la compagnie pour loger dans le village et s'emparer du château. Le seigneur, avec une vingtaine de soldats, tint bon pendant trois jours, sans que ses hommes eussent été atteints par les arquebuses des assaillants et sans avoir tiré sur eux. Les assiégés s'abstenaient de tirer, d'abord parce qu'ils n'avaient pas de poudre et de balles pour vingt coups de bonne charge, ensuite parce qu'ifs craignaient que les assiégeants ne se vengeassent en maltraitant les paysans et en mettant le feu au village et au château. Le sieur de Savins sollicita l'intervention des seigneurs de Lourps, de Tachy et de la Barge, qui déterminèrent la troupe à se retirer: elle alla loger à Joligny, appartenant au seigneur de Savins, et y resta trois jours.

Après les compagnies susdittes, arriva en ce pays le régiment de nions, de Brissac, qui venoit, au pays de Laonois, près mons. S'- Marcoul, au-delà de Reims, de rompre et deffaire une compagnie de gens de guerre qui s'amassoient là pour le service des rebelles, et estoient jà bien le nombre de neuf à dix cens, tenant les champs, et s'augmentoient de jour en jour. Les rebelles, ayant été surprins au passage de la rivière d'Aisne, au village de Pontavers, en fut bien tué par lesdis de Brissac le nombre de quatre à cinq cens, et le reste mis en voye de routte, et tous desvalisez. L'exploict faict, les vainqueurs rappassèrent la rivière de Marne au Bac-à-Pinsson , et de là gangnèrent la rivière de Seine à Nogent, où ilz passèrent environ le 10e ou 12' jour de mars, ayans deslogé des parroisses de Goix. Er-

1 57G. mez , Meel et Mériot. De la rivière de Seine , à petites journées , s'allèrent rendre au camp de nions, le marquis du Maine, qui estoit en la vallée d'Aillant entre Sens et Auxerre, et qui vouloit faire séjourner et rafrescliir ledit camp en la ville et les environs de Sens; ce qu'il ne fit, par la prière des gouverneurs et cytoyens dudit Sens, qui luy firent présent de quatre grands et gros carreaux brochetz, du pris de 8 liy. tourn. la pièce, que receut volontiers ledit seigneur. Aulcuns ont volu dire qu'avec lesditz brochetz, luy fut baillée la somme de i ,ooo escuz d'or au soleil par lesditz habitans; ce que je ne puis croire, combien que maintenant plusieurs princes et grands seigneurs sont aultant avaritieux que l'aultre peuple , et font une partie de ce qu'on leur demande pour l'argent.

Ledit seigneur marquis fit monter son camp par au dessus de Sens, et luy fit gangner la rivière de Loyre en tirant à Montargis et Orléans, pour se joindre avec le camp de mons. le duc de Montpencier, pour mieux faire teste à l'ennemy, qui avoit le sien assemblé au delà de la Loyre, qu'il incontinent eût passée en plusieurs endroictz. Et se trouva qu'en peu de jours, sur la fin du mois de mars et commancement d'apvril, les deux armées furent entre les rivières de Loyre et d'Yonne. La paix se poursuivoit en toute diligence, et furent donnez quelques jours de trêve, pour attendre la conclusion ou le refus de laditte paix. Les rebelles se tenoient les plus fortz en leurs demandes et articles. Les gentisbommes de bon jugement qui estoient au camp du roy et des ennemys apperceurenl bien que ceste entreprise de guerre viendroit à rien, et que la paix estoit aultant que faicte; parquoy laissèrent les camps de part et d'aultre pour se retirer en leurs maisons dès les derniers jours de mars. Le camp du roy se commença fort à diminuer, et l'abandonnèrent plusieurs compagnies, tant de pied que de cheval, qui se jettèrent en la campagne, rapassèrent la rivière de Seine du costé de la Brie es premiers jours d'apvril, et s'en retournèrent en leurs maisons.

La paix parut faite un instant et fut annoncée publiquement; mais, au bout de trois jours, les troupes royales furent rappelées, et réunies aux environs de

Monlereau, pour marcher contre l'armée du duc d'Alençon, qui, disait-on, 1576. venait assiéger Paris. Du blé et de l'avoine furent, après la mi-carême, menés de Provins, où un grand nombre de Suisses étaient logés, au camp de Montereau. Le duc de Montpensier réclame de Henri III la paix ou la bataille. Le roi fait une réponse ambiguë; Catherine de Médicis s'efforce d'empêcher le combat. La ville de Sens refuse au duc d'Alençon le passage et des munitions. Enfin, la paix est conclue et signée le 6 mai. La reine mère se rend à Sens avec la reine de Navarre, sa fille, et fait proclamer la nouvelle de la conclusion de la paix dans la ville et au camp du duc de Montpensier.

Laditte clame royne et la royne de Navarre allèrent en la grande église de Sens pour remercier Dieu de laditte paix; en laquelle église eut à la rencontre le premier nions, le précentre d'iceile, nommé nostre maistre de Monté , docteur en théologie de la faculté de Paris, auquel elle adressa sa parolle et luy dist qu'il feit assembler tous les messieurs chanoines de laditte église, au son de toutes leurs cloches, pour chanter le Te Deum laudamus et remercier Dieu de laditte paix. A laquelle le vertueux viellart précentre fit response par telz motz : Madame , selon ce que j'ay entendu , comment que la paix est faicte , c'est mieux à faire aux huguenotz de chanter Te Deum laudamus qu'à nous et aux catholicques. Il nous sera mieux convenable de chanter : Requiem aternam dona nobis. Domine. » Toutesfois furent sonnées les cloches, et fut chanté ledit Te Deum tout sur l'heure, qui fut sur le soir, depuis vespres. Au lendemain, qui fut le 7e jour dudit moys de îuav, fut faicte une solemnelle procession généralle audit Sens, tout le corps de ville ensemble, à laquelle assistèrent lesdittes dames roynes, nions. deMontpencieret plusieurs aultres grands seigneurs, en grande dévotion et révérence, comme il sembloit. Le sermon fut faict par ung docteur jacobin, nommé nostre maistre Prévost, qui fut fort bien et doctement dict, non sans taxer laditte dame et ceux qui avoient accordé laditte paix es termes qu'on pensoit qu'elle estoit. Toutesfois laditte dame n'en dist ne fit aultre chose audit prescheur que de iuy faire donner et au couvent une douzaine d'escuz pour leur ayder à vivre. Et fut à laditte procession chanté encores une fois ledit Te Deum. Les deux camps estoient tous joingnant la ville de Sens. Aul-

io5

1576 cuns malveillans et détracteurs de l'honneur de la royne mirent en avant qu'elle avoit requis le chapitre de luy donner une table d'autel qui est toute d'or massif, et qu'au refus dudit chapitre, l'avoit faict prendre par force, chose à quoy jamais elle ne pensa.

Tout à l'instant que la royne eut receu laditte paix, elle l'envoya au roy, qui estoit à Paris , qui pareillement fit publier par la ville et au palais qu'elle estoit faicte, sans déclarer ni exprimer les articles comment; ains fit une petite déclaration es termes qui s'ensuyvent :

La malice du temps , qui d'assez loing a mis le royaume en trouble , et principalement en ceste année dernière et la présente jusques à huy, a apporté ung grand domage à la France , à nostre grand regret et desplaisir; pour l'assoupissement desquelz troubles, sera ciaprès faict ung édict, le plus tost que faire se pourra, par l'advis du conseil, pour le règlement de noz subjectz touchant la religion prétendue réformée, pour par ci-après vivre les subjectz de nostre royaulme en paix les ungs avec les aultres, pour éviter aux troubles qui ont ruyné iceluy nostre royaume; lequel édict, quand il sera faict, sera publié es courtz de parlement dudit royaume, pour estre gardé d'ung chascun, selon la teneur d'iceluy; déclarant que toute hostilité de guerre, bruslemens, assassinatz, pilleries, ransonnemens et aultres choses qui se feront audit royaume, tant par les Françoys que estrangers, soubz couleur de guerre, seront, depuis le 6e jour de ce présent moys de may, qui est le jour de la publication de la paix faicte en ceste nostre ville de Paris, subjectz à restitution et à justice. Donné à Paris, le 6e jour du moys de may, l'an 1576.

Sommaire des articles du traité de paix.

Si tost que laditte paix fut publiée, le camp du roy, comme aussy des rebelles, se commencèrent à rompre, et gens de guerre à se retirer chascun à son adroict, par bandes et compaignies. Ceux qui estaient des pays de Piccardie, de Brie, de Champaigne et de Lorraine, passèrent la rivière de Seine es villes de Montereau-Fault-Yonne , de Vlelun et de Corbeil , et s'en allèrent ganener la rivière de Marne ,

pour vivre plus à leur ayse, car ce pays-là estoit moings foullé el 1576. mangé que la Brie et vallée de Seine.

Au delà de la rivière de Marne, du costé de Picardie, y avoit une grande trouppe de reistres et Allemans qui venoient pour le roy, et estoient jà entre Chasteau-Thierry et Meaux , cerchant un passage pour passer laditte rivière pour aller au camp; lesquelz n'allèrent plus avant, ains leur fut mandé de se retirer en leur pays, après leur avoir baillé argent. Hz pensoient passer la Marne au Bac-à-Pinson; mais en furent empeschez par les gentishommes et paysans des villages du costé de la Brie, qui se mirent en armes pour garder ledit passage.

Quelques compagnies du camp du roy, que Ton disoit estre à mons. de Biron et aultres, s'escartèrent , après avoir passé la rivière de Seine à Montereau, jusques aux villages de \ullaines, la Maison- Rouge, Landoy, la Chapelle-S'-Sulpice, Vielz-Champagne, Courtevrous et Cucharmoy; en plusieurs desquelz villages ne trouvèrent vivres, ni personne qui leur en pust donner. Au moyen de quoy, se jettèrent par les champs pour trouver du bestial, et tant feirent qu'ilz coururent jusques aux portes de Provins, où trouvèrent le bestial du chasteau dudit Provins paissant près des portes de Jouy et de S'-Jeban, qu'ilz chargèrent et chassèrent devant eux ausdis villages , au veu et sceu des gardes des portes susdittes, qui ne furent assez fortz pour leur oster ledit bestial. Parquoy envoyèrent advertyr les capitaines et gouverneurs de la ville, pour y mettre ordre; lesquelz, pour assembler en diligence toute la ville en armes, firent sonner l'alarme et le toxin par la cloche de la grosse tour et le guet qui estoit dedans. Auquel toxin. en moings d'une heure, se trouvèrent prestz cinq cens harquebusiers, tant de pied que de cheval, qui, accompagnez des capitaines et aulcuns juges de laditte ville , allèrent ratrapper ledit bestial à la Maison-Rouge, qu'ilz bragardement ostèrent ausditz gens d'armes, et le ramenèrent audit Provins, excepté quelques agnaux qui estoient jà destracquez, et si n'y eut nul coup donné.

Si tost qu'on apporta novelles aux capitaines de la ville qu'ilz gens d'armes enmenoient le bestial susdit, furent par lesditz capitaines

io5.

1576. arrestez el prins prisonniers plusieurs gens d'armes desdittes compagnies qui s'estoient retirez en laditte ville pour avoir des vivres, lesquelz furent désarmez et mis en garde en l'hostellerie de l'Escu de France, pour respondre de leurs gens qui avoient prins ledit bestial, si d'aventure il eust esté perdu. Ausquelz fut donnée liberté, quand ledit bestial fut ramené; dont ilz furent bien joyeux, car ilz avoient fort grande crainte qu'on ne leur fist quelque mal.

Pour le regard du camp de mons. le duc et des rebelles françoys reniez, fut rompu aussy bien que celuy du roy," incontinent après la paix publiée. Ceux dudit camp qui estoient du costé de la Rochelle, du pays de Poitou, d'Anjou et des quartiers de Berry, prindrent chemin pour s'en retourner en leurs pays, excepté quelques trouppes qui furent de réserve pour accompagner mons. le duc et le prince de Condé, qui volurent faire compagnie au duc Casimir et à ses reîtres, venus à leur secours jusques es environs de Langres. Iceux reistres, avec plusieurs Françoys de Chatnpaigne et Brie, passèrent au dessus de Sens la rivière d'Yonne, pour tirer droict à la rivière de Seine, et en leurs pays. Hz arrivèrent en Champaigne les 10e et 11e jours du moys de may et y furent, jusqu'au 17e jour, à vivre aux despens des gens où ilz estoient logez, sans qu'on leur bailiast aulcunes munitions. Pour trouver à manger, ilz alloient à la pigorée aux escars de part et. d'aullre es villages où n'y en avoit poinct de logez, ausquelz ravissoient et enmenoient tout ce qu'ilz povoient trouver, et si prenoient à rançon les hommes qui tomboient en leurs mains. Les gens des villages destournèrent leur bestial et meilleurs meubles es villes et chasteaux forts, chascun d'eux à leur adroict. Les gentilzhommes estoient moings assurez que les laboureurs et pauvres gens , car c'estoit à eux et à leurs biens qu'en vouloient lesdis. reistres, qui, avec tous moyens, efforsoient leurs maisons et chas-

, teaux, s'ilz n'estoient bien fortz et munis de gens de deffense,

les prenoient à rançon, et en tiroient le plus qu'ilz povoient. Hz tuoient et massacroient toutes personnes qui leur résistoient, et mirent le feu en plusieurs maisons, nommément aux perches de Noyen,

où y eut deux maisons bruslées, à Grisi, à Forche-Fontaine , à Sarcy 1576. et aultres lieux.

Les habitons de Sargine eurent grande peur de la venue desdis reistres, et, pour se saulver d'estre bruslez et pillez, fallut qu'ilz payassent la somme de 5oo escuz d'or au soleil; et, pour laditte somme trouver, fallut que les plus ricbes dudit Sargine l'allassent emprunter à Sens, où et à qui ilz purent, et en grande diligence, car ung truchement d'iceux reistres, accompaigné d'un cent d'entre eux, les alla sommer de ce faire, sous peine d'y mener toute la trouppe.

Les habitans de la ville de Provins eurent advertissement de la venue des reistres le jour mesme qu'ilz arrivèrent, et pour la craintequ'ilz eurent qu'ilz reistres ne passassent la rivière audit Noyen, pour passer en la Brie, par le conseil des capitaines, gens de justice et gouverneurs de la ville, fut sonné le tabourin par les quatre quartiers, pour amasser du peuple en bon nombre, pour aller garder le passage audit Noyen. Afin d'estre plus tost prestz de partir, les capitaines des quatre quartiers choisirent chascun cinquante harquebusiers a l'eslitte et leur commandèrent de les suyvre audit Noyen, pour le service de la ville et de la patrie, et s'en trouva le nombre de deux cens, avec lesquelz se mirent ung cent d'aultres harquebusiers, qui y allèrent de leur plain gré, et cinquante hommes, à cheval. Tous lesquelz s'allèrent saisir du passage de la Seine, à Noyen, et des bacs. bateaux et nacelles, qui estoient sur icelle rivière, depuis ledit Noyen jusques à Bray et Nogent-sur-Seine , qu'ilz enfondrèrent au fons de l'eau et du costé de la Brie, affin qu'ilz reistres, qui estoient d'aultre costé de laditte rivière, ne les trouvassent. Mons. le lieutenant général Taupin, et les quatre capitaines, qui furent les gouverneurs des soldatz harquebusiers, les ayant posé sur laditte rivière, leur firent commandement de n'en partir qu'on ne leur baillast congé, sous peine de la vie, mais d'attendre là lesdis reistres, qu'on appella l'ennemy, pour le combattre, s'il se présentoit pour passer la rivière. Pour mettre les harquebusiers en meilleure seureté , fallut faire des tranchées et fossez sur le rivage. Les bonnes gens des villages de la

J 576. parroisse d'Ermés et de Moyen furent les castadours et pionniers qui firent lesdis fossez et tranchées, par le commandement du lieutenant général et des capitaines. Qui fut aulcunement fasché, furent les soldatz de Provins, qui navoient porté vin, viande ni manteaux, et qui, au partir, pensoient qu'on les ramèneroit en leurs maisons ou es villages prochains. Il leur fut permis de passer la rivière avec une nacelle et d'aller à Noyen en demander. Plusieurs, au lendemain, navoient plus de vivres ni d'argent pour en avoir, et pour ce , regardoient les ungs les aultres, et prenoient complot d'ahandonner la place, ou du moings vouloient qu'on leur donnast à vivre. Lequel complot fut par les plus hardis dict auxditz lieutenant général et capitaines; lesquelz les rapaisèrent de bonnes parolles, leur deffendant toutesfois d'abandonner la place jusques à ce que le secours de Provins fust arrivé, qu'on avoit envoyé querre avec l'artillerie; et, pour leur bailler courage d'atendre , fut prins au village de Noyen pain et vin qu'on leur distribua en attendant.

Messieurs de Tacby, de Gratteloup , de Lours et encores quelques aultres gentishommes, je ne sçai par quel moyen , se trouvèrent audit camp de Noyen, avec lesquelz s'alla joindre nions. d'Atys, parroisse de Villers-sur-Seine , qui n avoit eu loisir que de se saulver la nuict et passer la rivière de Seine. Lesquelz entreprindrent de garder ledit passage, à l'ayde desditz de Provins, ausquelz fut donné la charge du gouvernement du camp, qu'ilz vouloient gouverner à coups de baston, comme ilz faisoient leurs friquerelles et soldatz, quand ilz les lèvent au son du tabourin. Ce que ne volurent endurer les soldatz pruvinois, et à peu tint qu'il n'y eust grande émotion contre lesditz genstuehommes de Lourps, qui se monstra le plus estordy, et de Gratteloup; mais le tout fut appaisé par la prudence des seigneurs de Tachy, de Atys, du lieutenant général et capitaines de Provins. Cent harquebusiers de Provins furent levez le lendemain 1 2 e jour dudit moys et menez audit Noyen, pour rafreschir ceux qui estoient lassez d'y estre dès le jour de devant; avec lesquelz cent harquebusiers [dont l'auteur de ces mémoyres et qui a faict ceste hystoire en estoit ung]

furent menez douze harquebuses à crocq et ung fauconneau, pour 1576. enforcer le camp. Avant que les cent harquebusiers de renfort susditz fussent arrivez audit Noyen, bien aultant avoient escampé et habandonné la place sans dire adieu. A l'arrivée desditz cent harquebusiers de renfort, fut donnée une alarme au camp devant Noyen, et estoit environ sur les cinq heures du soir, et dist-on que les ennemys, c'està-dire les reistres, passoient la Seine au gué de Villers, distant dudit Moyen d'une grande demie lieue; pour lesquelz empescher de passer, furent envoyez lesditz cent harquebusiers au village de Thoury, pour s'en aller à la Bourde camper toute la nuict. Mais, ayant eu advertissement que lesditz reistres n'estoient passez , ains seullement que quelques ungs d'entre eux s'estoient entremis de taster le gué, puis s'en estoient retournez, ne hobèrent pour la nuict dudit Thouri, à garder le passage du molin qui conduist à la Bourde , et y furent jusquesau lendemain, qu'on les manda pour aller au camp devant Noyen. Le i 2e jour dudit moys, furent menées munitions de pain, vin et chars de Provins audit camp, avec cinquante harquebusiers de renfort, pour rafresclîir les plus débauchez et les premiers, ausquelz fut baillé congé de s'en revenir. Et depuis ce jour-là au î 6e jour dudit moys, furent par chascun jour menés de Provins cinquante harquebusiers avec des munitions, et fut ledit camp entretenu jusques au i 7e jour dudit moys, que les reistres deslogèrent des villages que nous avons dict cy-dessus.

C'est chose quelquement admirable et merveilleuse que ceste entreprinse, laquelle se fit quasi plus divinement que humainement et sans commandement du roy ni des gouverneurs. Non seullement ceux de Provins s'eslevèrent, mais aussi tous les gentishommes, depuis les environs de Montereau, de Nangis, de Jouy-le-Chastel , de Rosay; les habitans de Bazoches-en-Brie, de Monceaux, de S'-Bon, de Villegruys et Villenauxe, en tirant de là à laditte rivière de Seine, se trouvèrent sur les portz et passages d'icelle, depuis Nogent jusques à Bray. Les habitans de Villenauxe-la-Grand et de Chalautre-la-Grand, conduitz par les gentishommes de leurs cartiers, comme les seigneurs

1576. de Patras, de Jaillard, de Molien et aultres, gardoient les passages de Beaulieu et la Motte de Tilly-lez-Nogent. Les gentishommes de S'-Bon, de Villers-S'-George, de Daoust et aultres, avec gens de leurs vdlages, se joignirent avec le camp de Provins à Noyen et Villerssur-Seine. Les gentishommes de Bazoches, de Quincy, de Savins, de la Barge et de ce quartier de là; avec les hommes des villages et habitans de Rosay-en-Brie , gardoient les passages de Grisi et de Janine. Les habitans de Donnemarie-en-Montois et les gentishommes de Vimpelles, du Plaissié-au-Chat, avec les habitans de Songnolle, de Thénisi, et villages et gentilshommes du cartier, gardoient les passages de la Tombe et de Gravon, et tous furent aultant sur lesditz passages jour et nuict que l'ennemy fut sans desloger.

Partie des gentishommes du cartier de la Brie qui gardoient les passages de la Motte et de Beaulieu avec les habitans de Chalaustre, Villenauxe et les villages des environs s'allèrent camper es fauxbourgs de la Belle-Dame de Nogent et mirent ung corps-de-garde devant la porte de la ville, pour ayder à ceux dudit Nogent, si besoin en estoit , aussi poulies empescher de ne livrer passage ausdis reistres par dedans leur ville ni par dessus la rivière. Fault noter que, en ceste reprinse de guerre et troubles présens , les habitans dudit Nogent avoient obtenu lettres du roy (je ne sçai par quelles causes), de ne laisser passer par leur ville aulcunes trouppes de gens de guerre, fussent-ilz pour le roy ou pour aidtres, et toutesfois ilz de Villenauxe et villages voisins ne s'y volurent fier, mais volurent garder ce passage avec lesdis de Nogent. Nous avons ci-dessus dict la levée de Provins qui fut à Noyen estre ung camp, pour ce que toutes choses requises à ung camp ou la plus grande partie y furent ordonnées et observées. Et en tout n'y apperceus que une faulte , qui estoit de plus grande importance que les gouverneurs de l'affaire ne pensoient : qui fut d'avoir assis leur camp entre deux eaux que les gens de pied n'eussent sceu passer à gué, sinon au danger de eux nayer tous si l'ennemy les eust assailly et mis en fuitte, ce qui se fust aulcunement peu faire, si l'ennemy eust esté forcé , et contraint de passer par là. L'ennemy, ayant gangné le village de

Noyen, avec les longues harquebuses ou quelques pièces de campai- 1576. gne , de six ou sept maisons qui sont sur le rivage de laditte rivière eust si bjen canoné noz gens qu'ilz n'eussent eu de quov se couvrir que de leur petite tranchée, en laquelle la moytié n'eussent sceu tenir, et encores, quand ilz y eussent bien sceu tenir, n'eussent osé monstrer la teste qu'ilz n'eussent tous esté blessez ou tuez; et ce pendant que cinq ou six cens chevaux des mieux montez et plus hardis desditz ennemys se fussent jettez à nage en laditte rivière par divers endroictz , n'eussent esté endomagez de nos gens, qui n'eussent osé lever le nez pour tirer sur eux. Eust fallu se laisser prendre et tuer, ou bien prendre la fuitte droict au gué aux vaches pour se jetter en la rivière de la vieille Seine, que ung homme de pied n'eust sceu passer qu'il n'y eust esté jusques soubz les espaules et en ung seid endroict seullement. Et me suis esbay moult de fois comment ilz de Provins et les gentishommes qui s'y trouvèrent avoient campé là.

Les capitaines de Provins qui estoient audit camp estoient Anthoine Yver, greffier des esleuz et capitaine de la porte et quarlierde Changy; Mart. glouton, marchand, capitaine de la porte de Culoison; Est. Guérin, marchand et naguères greffier du balliage, capitaine de la porte de S'-Jehan; et Nie. Privé, enquesteur, capitaine de la porte de Jouy; par dessus lesquelz estoit en ceste affaire Me François Taupin, assisté de l'advocat et du procureur du roy, de Cl. Thibault, conseiller du roy, avec plusieurs autres officiers du roy et plusieurs bons marchans, qui y estoient pour bailler courage aux soldatz tant de la ville que des villages. Léon Lange, marchand, fut délégué pour aller recognoistre les passages de laditte rivière depuis Noyen jusques à la Mottede-Tilly, où il trouva les habitans de la Brie conduietz par les sieurs Patras, Vendières, des Caves, de la Tour, père et enfans, demeurans, le premier à Courtioust, les aultres à Léchelle. Et avoit ledit Lange vingt harquebusiers par luy choisis pour luy faire escourte; lesquelz ne furent mal accommodez, pour une nuict qu'ilz logèrent à Meelsur-Seine, car ilz trouvèrent poisson, pain et vin à leur soupper en la taverne, ce qu'ilz n'eussent faict s'ilz eussent esté au camp audit Noyen.

J576. Je laisse à nommer de bons et honestes genlishommes de la Bne, qui laissèrent leurs maisons bonnes et chasteaux fortz, où lesdis reistres n'eussent sceu entrer sans les assiéger avec grosses pièces d'artillerie , pour aller sur les passages de laditte rivière empescber lesdis reistres, comme MM. de Crenay, des Marestz et mons. le bally de Provins, Olivier de Soissons, lesquelz, d'un grand zèle qu'ilz pourtoient au pays de Brie et à leurs subjectz, se fussent quasi faict tuer en la place plus tost que laisser passer iceux reistres.

Les seigneurs de Besancourt, de Talan, de Cbamfay et de Rochepot, avec quelques aultres, ne s'empeschèrent du passage desdis reistres; car le i ie de may qu'ilz de Provins s'allèrent saisir du passage de Noyen, y avoient passé le matin pour rentrer en leurs maisons, venant du camp de mons. le duc avec lesdis reistres contre le roy, où ilz estoient retournez depuis le moys de mars dernier passé.

Aulcuns desditz reistres, jusques au nombre de douze, à divers jours et plusieurs fois, essayèrent le gué en la rivière de Seine par divers endroictz, depuis Noyen jusques à la Motte, et entrèrent avec leurs cbevaux en laditte rivière jusques au point de nager. L'ung desquelz, au gué de Villers, se despouilla tout nud et remonta sur son cheval pour passer à nage ; mais ne suivit pas tousjours le gué , ains escarta de part et d'aultre , et fut son cheval à nage et luy dessus, lequel estant au fil de l'eau et non à la moytié de laditte rivière, retourna visage d'où il venoit et ne passa oultre , parce qu'il apperçut quelques harquebusiers qui estoient tous prestz de le tirer s'il se fust approché plus près. Plusieurs reistres à cheval se pourmenoient par les champs et pasturages qui sont entre Noyen, Villiers, Parcy, Villuys et Fourche-Fontaine; mais n'approchèrent plus ledit Noyen, depuis que le camp y fut assis, et ne s'en présenta nul pour veoir que c'estoit, combien que dans le chasteau dudit Noyen y en avoit deux que la dame du lieu ou aultre de ses amys y avoient mis pour les garder; lesquelz avoient si peur, qu'ilz n'osèrent sortir dudit chasteau jusques ad ce que mons. le lieutenant général de Provins les alla veoir, pour les assurer qu'on ne leur feroit poinct de mal, s'ilz n'en faisoient

les premiers. Les soldatz de Provins n'espargnoient la pouldre à 1576. canon, et se délectoient à tousjours tirer dedans l'eau pour le plaisir qu'ilz prenoient à la résonance de l'eau qu'on appelle écho, qui répondit au coup de canon tiré, et tant tirèrent qu'à la fin mal en advint à deux hommes, l'ung desquelz tira et l'aultre fut tué, le quatorzième jour dudit moys de may.

Michel Couillard ne se trouva hien d'avoir esté audit camp, non plus que les dessus nommez; car estant au feu du corps-de-garde à se seicher et sa harquehuse, qui estoient moulliez pour la pluie qu'il feit la première nuict qu'ilz furent campez, saditte harquehuse estant eschauffée se deslachea toute seulle et luy emporta le poulce d'une main qu'il avoit sur l'entrée et bouche du canon.

Ceste assemblée et camp de Noyen porta grand domage aux bonnes gens des villages de la Champaigne où estoient iceux reistres et des villages voisins, lesquelz avoient faict passer la rivière à leur bestial, vaches, pourceaux, brebis, agneaux, poulies, poulletz, oyes, oysons, et à beaucoup de leurs meubles qu'ilz avoient cachez es boys des usages dudit Noyen, dessailles et aultres bissons et grains des rivières, esquelz tout leur fut forragé. Hz perdirent beaucoup d'agneaux, de poulies, poulletz, oyes et oysons, que leur prenoient ceux qu'on estimoit gens de bien aussi tost que les meschans. Plusieurs prebstres de Provins, qui furent audit camp à divers jours, se portèrent fort mal et ne faisoient conscience de ravir les choses susdittes non plus que les aultres gens, et plus tost ilz prindrent et firent ce que plusieurs gens laiz ne volurent prendre ne faire, et donnèrent grand scandalle à plusieurs qui veirent leur ravage, et se trouva que les chanoines de Notre-Dame-du- Val et leur doyen ne s'y portoient pour la pluspart des plus modestement. C'est grand pitié que de la guerre : je croy que si les sainctz de Paradis y alloient, en peu de temps ilz deviendroient diables.

L'abbesse du Paraclet-lez-Nogent-sur-Seine , en la parroisse et village de Quincey, estant advertie que lesdis reistres passoient la rivière d'Yonne pour tirer es lieux susditz où ilz estoient logez et en son pays, envoya demander une saulve-garde aux commissaires et conducteurs

ioG.

1576. d'iceux reistres, pour exempter son abbaye et son village en faveur d'elle et des dames religieuses de saditte abbaye, laquelle, quelque grande dame et noble qu'elle fust, ne peut avoir response d'exemption à son gré, et si luy faisoit mal d'absenter pour une passée son monastère, qui est assez fort quand il a gens de deffense; dedans lequel elle retira le bestial et meubles des villages dudit Quincey, de S'-Aulbin et de la Cbapelle S'-Michau-lez-Nogent, qui sont les plus proches villages de sondit monastère. De quoy elle se repentit incontinent, et pensa que le bestial et butin d'iceux villages seroient cause de faire forcer sa maison; mais, pitoiable qu'elle estoit, pensa que, si elle les jettoit dehors, ilz seroient au danger de tout perdre. Parquoy délibéra en elle de faire cercher es villes de Nogent, de Pons, de Villenauxe et villages d'alentour tous bons soldatz et gens de cœur, pour mettre en garnison en sondit monastère, et fut faicte une si bonne dilligence en ceste affaire qu'en vingt- quatre heures elle en enferma le nombre de deux cens avec elle en sondit monastère, qui firent si bien leur debvoir que lesdis reistres n'y entrèrent poinct, combien qu'il y en eust de logé dedans le village. Et pour payer iceux soldatz, qui l'avoient secourue et les biens des bonnes gens, feit faire une taille sur tous ceulx qui avoient serré et retiré en sondit monastère, chascun selon le bien qu'il a voit, que les bonnes gens payèrent voluntiers.

Les reistres, après avoir séjourné six et sept jours entre la rivière de Seine et Vauluisant es villages dessusdictz, en deslogèrent le 1 6 et 1 7e dudit moys de may et s'allèrent loger es villages qui sont entre la ville de Troye en Champaigne et la ville de Méry-sur-Seine, où ilz furent près de quinze jours à faire du travail aux bonnes gens desdis villages, et davantage à la petite ville de Marigny, qui fut par eux entièrement destruicte et despeuplée d'hommes, excepté de deux, en la manière qui s'ensuit. Hz reistres, au desloger de Fleurigni, Thorigni, Villersle-Bonnœuf, Songne et aultres villages, passèrent pour mie partie par auprès des portes et murailles de la ville de Marigni , sans y vouloir faire grand effort, car leur desseing estoit d'aller plus avant ou en ung aultre lieu pour se loger. Toutesfois, en passant, apperceurent

les habilans dudit Marigni en armes sur les murailles de leur ville et 1570. dedans le chasteau; qui fut cause qu'ilz reistres s'arrestèrent es environs de la ville pour s'attendre l'ung l'aullre, de peur qu'ilz de Marigni ne sortissent sur les derniers et quilz ne les tuassent ou destroussassent, et tout incontinent se trouvèrent là ung grand nombre. Or, en toutes trouppes y a-il gens qui sont plus mal complexionnez les ungs que les aultres; il se trouva que quelqu'un desditz reistres tira quelque coup de harquebuse ou pistolle aux murailles de laditte ville ou à quelque créneau, qui fut cause de provocquer ceux dudit Marigni à tirer sur eux, joinct aussi qu'ilz de Marigni pensoient, à les veoir arrester en si grand nombre et ainsi courir et environner les murailles de leur ville, qu'ilz les volussent assiéger, et tant tirèrent qu'ilz en tuèrent quelque douzaine pour le plus, entre lesquelz fut tué ung capitaine, qui demoura en la place. Pour la mort duquel fut toute la trouppe mandée pour assiéger la ville, et tant les premiers que les derniers accoururent tous se camper es environs, avec délibération de ne descamper qu'ilz n'eussent eu raison de la mort dudit capitaine. Mais n'y furent longtemps qu'ilz n'eussent prins laditte ville , laquelle fut à leur commandement dès le jour mesme ou au lendemain assez matin. S'ilz la prindrent d'assault ou non, je ne m'en suis guères enquis, mais bien ay sceu que , en entrant en icelle et depuis qu'ilz furent logez, ne reschappabomme ni compaignon aagé en suffisance pour porter armes, excepté deux, ainsi que je l'ay ouy plusieurs fois dire aux femmes dudit Marigni. Tous les maux, qui se font en la guerre furent par iceux reistres faictz , excepté le feu; filles et femmes furent viollées et efforcées et la ville pillée, sans respecter aulcune personne; ilz chargèrent leurs harnois et chariotz de tous les meilleurs biens.

Le camp de Provins ou de Noyen se rompit au deslogement d'iceus reistres, et les virent bien partir pour s'en aller droict à Marigni, aulcuns desquelz reistres, pour donner le signe de leur parlement, allumèrent le feu en leurs logis, comme à Sarcy et aultres villages es environs de Trinel. Ceux de Provins retournèrent en leur ville, bien joyeux de n'avoir esté en peine de tirer leur espée, et encores plus

157(». ceux de Noyen, de la Bourde, d'Ermez et la parroisse, d'estre délivrez de l'importunité el ennuy qu'ilz de Provins leur faisoient. Les habitans de Chalaustre et Villenauxe-la-Grande , avec les villages voisins, levèrent quant et quant le siège du gué de la Motte-de-Tilly, de Beaulieu et des fauxbourgs de Nogent, pour s'aller camper entre Pons et Méry-sur-Seine , et empescher iceux reistres de passer, ausquelz lieux et passages trouvèrent nions, de Villers-aux-Cornailles , baillif de Sézanne, accompagné des babitans dudit Sézanne et desgentisbommes et paysans des villages voisins.

Les habitans de Provins estans revenus en leur ville, plusieurs d'iceux ne se contentèrent d'avoir esté au camp de Noyen, mais allèrent le 1 7 et î 8e jour dudit moys à Villenauxe, Pons et Méry, pour empescber les reistres de passer, comme ilz se vantoient d'avoir faict à Noyen; et y allèrent quasi le nombre de cinquante chevaux. Mais n'y furent si longuement qu'audit Noyen, pour ce qu'ilz trouvèrent lesdis passages saisis des gens des villages et villes susdittes, qui ne leur firent grand recueil.

En vertu d'un mandement signé de la reine et du duc d'Alencon , les gens de l'élection de Provins reçoivent l'ordre de fournir sous deux jours douze muids de blé, vingt muids de vin, vingt-cinq bœufs et des moutons; ces munitions sont conduites à Méry-sur-Seine.

Les babitans de Troye furent en grande fascherie de ce que lesdis reistres furent si longtemps logez entre leur ville et celle de Méry; lesquelz, par chascunjour, faisoient courses jusques aux portes dudit Troye pour trouver leur proye, et faisoit moings seur de jour sur les chemins es environs dudit Troye , qu'il faict de nuict en une forest de peur des loupz; car, parmy lesdis reistres, y avoit ung tas de meschans voleurs françoys, qui les suyvoient aux escars et desvalisoient tous les passans. Hz de Troye furent par plusieurs fois en ceste délibération de saillir sur eux en grand nombre et grand équipage , et de les chasser; mais furent de ce faire empeschez par nions, le duc, qui, en sa propre personne alla audit Troye pour le support d'iceux reistres

et pour leur faire bailler argent, ainsi qu'il avoit esté accordé par la 1 570. paix susditte, et fut le retardement du dit argent cause de les faire séjourner si longtemps es lieux susditz.

Le peuple des villes et villages furent contrainctz d'aller par bandes et Irouppes par les champs, de peur d'estre par ilz reistres destroussez, ou peins prisonniers; lesquelz, quand ilz se sentoient les plus forlz. se iettoient sur iceux, et en fut à plusieurs fois beaucoup escarmoché et tuez, aultres desvalisez, plusieurs vifz et mortz jettez en la rivière d'Aulbe et de Seine, comme depuis fut veu par expérience, qui furent trouvez flottans sur l'eau, aulcuns attachez à des perches, liez et escouplez ensemble, et aultres tous seulz, les ungs tous nudz, les aultres avec leurs meschans habillemens. Une petite trouppe de dix ou douze desdis reistres, environ le 20e dudit moys de may, s'escartèrent pour aller courir jusques à S'-Loup-de-la-Fosse-Gelane et S'-Martin-de- Bossenay, pour piller et ravir ce qu'ilz eussent pu trouver et emporter; mais de laditte trouppe ne s'en retourna qu'un, qui eschappa pour aller dire novelle à leur camp que ses compaignons avoient tous esté tuez et desvalisez es villages susditz. Au rapport duquel, montèrent de cent à cent vingt hommes à cheval , qui par luy furent conduietz esditz villages la nuict ensuivant, esquelz ilz mirent le feu, et furent quasi lesdis villages tous bruslez; et n'y arrestèrent qu'aultant qu'ilz mirent à allumer ledit feu, et en toute vitesse s'en retournèrent, de peur d'estre eux-mesmes jettez dedans le feu.

Le 16 mai est publie ledit de règlement promis par le roi le 6, lors de l'annonce de la conclusion de la paix. Les catholiques, trouvant cet édit trop favorable aux protestants, murmurent hautement, la présence seule du roi, qui était alors au palais, empêche qu'une sédition n'ait lieu. Des placards et libelles diffamatoires contre Henri III sont affichés ou répandus dans Paris1.

Et fut par iceux libelles et placards taxé d'estre métis, c'est-à-dire qu'il n'estoit huguenot ni catholicque, d'estre ypocrite en son cœur,

' Voyez dans l'Estoille, Les vertus et le peuple de Paris au roy Henri III , et le propriétés des mignons ; les 1 itres donnés par pasquil : Le roy pour avoir de l'argent

1576. disant d'uug et faisant d'aultre, et aussi d'estre Héliogaballe ettiran; ce que toutesfois en ma conscience croy qui! n'estoit ni l'ung ni l'aullre, mais estoit bon catbolicque et bon chrestien, ayant grand regret d'avoir comme par force accordé le contenu en cestuy son édict, pour bailler repos aux subjeclz de sa coronne; et n'estoit tiran, combien que je confesse qu'il a esté grand exacteur d'argent sur ses subjectz, en quoi il estoit quelquement excusable, à cause des guerres et rébellions que luy faisoient les princes et grands seigneurs de son royaume.

Édit de Henri III sur la pacification des troubles du royaume, donné à Paris, au mois de mai 15761.

Il sembloit à S. M. avoir faict un grand chef-d'œuvre d'avoir faict laditte paix, pour de laquelle remercier Dieu se transporta en l'église de N.-D. de Paris, le jour mesme qu'il la feit publier audit Paris, pour chanter à Dieu Te Deum laadamas, et pour ce faire fit sonner toutes les cloches de ladite église, et appeler MM. les doyen et chanoines pour chanter ledit Te Deum. Ce que ne volurent faire lesdis doyen et chanoines, lesquelz, avec toute modestie, feirent remonstrance à sadilte majesté qu'icelle paix n'estoit faicte à l'honneur de Dieu, au prouffit de l'église catbolicque, de la coronne et de la république de France, et que pour ceste raison ne povoient chanter ledit hymne et canticque joyeux, mais au contraire leur estoit plus convenable de chanter le respons, Circumdederunl me viri mendaces, etc. avec l'introït, Circumdederunl me dolores mords, ou l'introït de la messe des trespassez : Requiem œternam dona nobis. De laquelle response se courrousa fort saditte majesté, qui avec ses chantres en grande mélodie chanta ledit Te Deum, sans iceux doyen ne chanoines. Lequel fini, se retira au palais avec MM. de la court de parlement, pour traicter avec eux des affaires du royaume, et au sortir dudit palais fut faict commandement de par S. M. qu'on fist par les rues les feux de joye, ce que les habitans ne volurent faire, et

1 Mémoires de Nevers, t. 1, p. 117. — Recueil d'Isambert, t. XIV, p.. 280.

pour toute excuse feirent entendre à S. M. que c'estoit à faire aux 1576. hutnienotz et aux rebelles catholiques à chanter le Te Deum et faire les feux de joye.

Tout à l'instant que l'édict de paix fut publié à Paris, le roy envoya par toutes les villes de France pour le faire publier. Et fut leu et publié à Provins, tant au palais du bailly que au pilory, le 2 Ie de may; duquel édict ne fut faict grand conte audit Provins, excepté de quelques sept ou huict huguenotz qui y estoient pour le plus et des pauvres gens des villages, qui, encores qu'ilz ne fussent aulcunement héréticques, s'esjouyrent beaucoup d'icelle paix, affin de prendre ung peu de repos de leurs misères. Et ne challoit ausdis des villages comment elle fust faicte, moyennant qu'on leur laissast la liberté d'aller les dimanches et festes à la messe et que la gendarmerie ne les ruinast plus.

Cependant, les reistres desquelz nous avons parlé esloient encores entre les villes de Méry-sur-Seine , Marigni et Troye , qui faisoient du mal assez, en attendant l'argent de leur paye que le roy leur avoit promis. Lesquelz, sur la fin du moys de may ou au commencement de juing , se ragèrent et allèrent loger ung peu au delà de Troye , à Chastillon-sur-Seine , où nous les laisserons séjourner, cependant que nous parlerons du faict d'aultres reistres qui estoient en France pour le roy, lesquelz nous avons dict estre venus assez près de Meaux, pour passer la Marne et aller au camp du roy, si la paix ne se fus! conclue.

Hz reistres du roy estoient conduitz par deux seigneurs allemans, nommez Bessonpierre ' et Chambar, lesquelz, ayans receu novelles de la paix faicte, remonstèrent amont la rivière de Marne du costé de la Picardie à petites journées, en attendant leur argent, et tant firent qu'ilz trouvèrent passage sur laditte rivière entre les villes d'Es-

1 Christophe, baron de Bassompierre , entretenus pour le service du roi, mourut

seigneur d'Harouel et de Baudricourt, le 1 6 novembre i5o,4 , après avoir servi la

grand maître d'hôtel et chef des finances ligue avec un grand zèle, de Lorraine . colonel de quinze cents reîtres

1 576. parnay et Mani , et passèrent en la Champaigne à Vei-tus , et de là tirèrent à Corroy, Cognantre et villages d'alentour, environ le 20e jour de may, et séjournèrent jusques passé le 20e de juin es environs de Chas- Ions en Champaigne, où ilz receurent argent cpie le roy leur envoya, et fut commis pour les payer Jehan de Vauhardi, grénetier du sel de Provins.

Durant lequel temps, ainsi que fut le commung bruict, survint question et débat entre lesdis sieurs Bessonpierre et Chambar touchant l'honneur des dames de France, que ledit Bessonpierre accusoit d'estre toutes impudicques et desloyalles à leurs maris, touchant l'œuvre de mariage, disant ce le bien sçavoir par l'expérience qu'il en avoit faict avec des plus grandes depuis qu'il hantoit en France, concluant que les aultres n'estoient plus chastes ne à leurs maris plus lidelles que celles qui s'estoient habandonnées à luy. Lesquelles parolles ne put porter patiemment le sieur de Chambar, et en deffendant l'honneur desdittes dames, soustint qu'il n'estoit vray de toutes, comme disoit ledit Bessonpierre; et sur ces parolles entrèrent en querelle, jusques à mettre la main à l'espée l'ung contre l'aullre, et advint que ledit Chambar tua Bessonpierre. Qui provocqua il Chambar à défendre l'honneur des dames de France, fut l'amour et l'honneur qu'il pourtoit à la sienne, laquelle, comme on disoit, estoit de la nation de France, de laquelle il se tenoit si assuré qu'elle en sa vie ne luy avoit faict tort de son corps ni de la loyauté de mariage.

Le long séjour que iceux reistres firent aux villages et lieux susdite fut cause de les faire escarter à six et sept lieues loing de costé et d'aultre pour aller piccorer et cercher butin, et en esvalla jusques au village d'Esternay, le 1 5e de juin, environ le nombre de cinq à six cens chevaux, et y furent deux jours et deux nuictz, mais n'osèrent arrester plus longtemps, à cause du chasteau qui est fort et pour la crainte qu'on ne se jettast sur eux.

En allant et venant , faisoient courses et carges jusques aux portes du prieuré de Sl-Gond-lez-Sézanne , lieu fort et de deffense , pour ce qu'audit lieu s'estoient retirez aulcuns gentishommes et paysans avec

leur bestial; et advint à une fois qu'environ vingt-cinq d'iceux reistres 1576. surprindrent ledit bestial à l'improviste et l'enmenoient en leur camp. De quov furent advertis le prieur, nommé Jehan Vigeron , moyne du Moustier-la-Celle , et les gentisliommes et paysans, qui en diligence, à pied et à cheval, allèrent après leur bestial, et tant firent qu'ilz le regangnèrent et le ramenèrent, non sans coups donner, car ledit prieur y fut blessé en la cuisse d'ung coup de pistolle et ung gentilhomme de sa suitte tué, comme aussi furent tuez et blessez lesdis reistres, la pluspart desquelz demourèrent en la place.

Tous lesdis reistres logez es environs de Ghaslons et lieux susditz ne s'en retournèrent en Allemagne dire des novelles aux gens de leur pays; il en demoura beaucoup au pays de Champaigne, pour engresser le terrouer et pour nourrir le poisson des rivières; car tout aultant qu'on en trouvoit aux escartz , aultant on en tuoit et ruoit-on par terre. Pour ce faire s'estoient bandez les gentisliommes et paysans du pays les ungs avec les aultres, lesquelz, au désespoir de la perte de leurs biens, n'espargnoient iceux reistres non plus que chiens fols. Il y eut ung certain capitaine françoys de ceux qui estoient pour les rebelles, qui, avec sa compagnie , s'alla loger assez près desdis reistres sur la rivière d'Aulbe, en intention de les assaillir pour avoir du butin, ce qu'il fit, et en tuèrent luy et ses gens assez bon nombre. Mais n'alla guères loing sans en recepvoir vengeance des aultres reistres , qui, à la clameur de ceux qui avoient eschappé de ses mains, allèrent en si grand nombre l'assaillir qu'ilz furent maistres de laditte compagnie, et, après avoir tué et massacré ce qu'ilz volurent, enmenèrent ledit capitaine et plusieurs du reste de ses gens prisonniers, pour en faire à leur discrétion.

Craintes inspirées par ia présence et le long séjour des reîtres daDs les villages entre Sézanne et Coulommiers. Les gentilshommes sont les premiers à abandonner leurs châteaux, emportant les meubles et emmenant le bétail. Les reitres ne les épargnaient pas plus que les gens du peuple; quelques personnes pensaient même qu'ils avaient ordre de traiter rudement les nobles, qui, malgré les mandements rovaux, avaient refuse de secourir Henri III dans cette guerre.

1576. Pour la fuitte desdis gens pille et tue hommes, les pauvres laboureurs et gens des villages furent esmuz, et à l'exemple d'iceux et par leur conseil, vuydèrent les meubles de leurs maisons, et avec leur bestial les envoyèrent aux villes prochaines et commodes de leurs demourances, les ungs à Villenauxe, les aultres à Pons et Nogent-sur- Seine, les aultres à Provins. D'un grand nombre de parroisses par chascun soir alloient le bestial de chevaux, vaches et brebis au giste à Provins, ensemble les bonnes gens. Les rues dudit Provins estoient si pleines de nuict dudit bestial, qu'il n'estoit possible d'y passer à son ayse , et gardoit cbascune parroisse son troupeau distant les ungs des aultres, de peur de le mesler. Ceux qui povoient recouvrer estables pour les loger, les enserroient. Les covens, courts et maisons des Cordeliers, des Jacobins, de S'-Jacques, de S'-Ayoul, cloistre de N.-D.-du-Val, courtz de l'hostel de la ville, de la salle du roy et les logis en estoient si remplis que plus n'en povoient tenir. Le peuple de Provins fut fort pitoyable, bening et courtois auxditz gens des villages, el leur faisoit ung chascun le mieux qu'il povoit. Je n'ouys personne qui se pleignist d'avoir perdu une seulle beste, sinon ung qui demanda ung pourceau qu'il disoit luy avoir esté pris, lequel luy fut payé par celuy qui en avoit fait son prouffit, ne sçachant à qui il appartenoit. C'estoit une chose fort pitoiable d'ouyr le cry, hurlement et beslement de tant de bestes, qui sembloient se plaindre d'estre defïinagées de leur terrouer et estables. Et dura ce désordre environ dix jours à deux fois en moings de quinze jours.

Les dames cordelières de Provins, pour éviter le danger du mal et déshonneur qu'elles eussent peu recevoir, vuydèrent les meubles de leur monastère et les envoyèrent serrer à Provins, et voyant le bruict se continuer de la venue des reistres, sans s'en informer davantage, trop légèrement sortirent de leur monastère pour s'aller serrer en la ville. On leur bailla les logis de la salle du roy pour se retirer, et la chapelle de nions. S'-Blaise pour faire leur service , où elles furent ung moys entier pour le moings. Dieu sçait si elles furent paresseuses de visiter leurs amys de toutes qualitez qu'elles avoient

audit Provins, tant chanoines, prebstres, cordeliers que jacobins et 1576. aultres. Dieu sçait aussi si les mocqueurs et gaudisseurs dudit Provins firent leur proufiit avec mocqueries et risées des sœurs qui alloient visiter leurs frères en J.-C, et des frères qui allèrent consoler leurs sœurs. Et s'estimèrent lesdis frères en J.-G. , et principalement aulcuns chanoines, dignitez et personatz des églises collégiales, bien heureux et tenuz à Dieu de veoir en leurs maisons lesdittes sœurs qùilz aymoient plus que Dieu, et ne craignoient tant de désobéir et offenser Dieu que d'offenser et désobéir auxdittes sœurs. Les pastissiers, boulangers, taverniers, routisseurs, ne se trouvèrent quebien de la venue desditles dames, et eussent bien volu qu'elles eussent séjourné plus longtemps, moyennant que leurs amys ne se fussent lassés de les festoyer. Elles s'en retournèrent au monastère le 16e jour du moys de juillet, duquel elles avoient party le 1 7e du moys de juing auparavant.

Ceste sortie desdittes daines de leur monastère fut la quatriesme depuis l'an iô43; mais aux trois fois précédentes n'y eut tant de désordre, risée et mocquerie que plusieurs personnes en ont faict. veu et trouvé en celle-ci. Toutesfois, quant à moy, je n'y ay veu que bien et honneur, et estime lesdittes dames estre fort sages et bien dévoues, et où les imperfections humaines se seroient trouvées en elles et ceux qu'elles visitoient et desquelz elles estoient visitées, il fault revenir à ce poinct qu'elles et leurs bien-aymez estoient de chair et de sang, subjectz à imperfection et passions charnelles et corporelles, aussi bien que ceux qui ont volu mesdire de leur honneur et religion.

Les gentilshommes de France, et notamment ceux de Champagne, lurent la cause des désordres arrivés dans l'État, en refusant le service militaire qu'ils devaient et qui était réclamé d'eux, ce qui força le roi à appeler pour sa défense les étrangers dans le royaume.

Jadis les nobles de France ont acquis ce tiltre de noblesse et leurs privilèges des roys et princes, pour leurs vertus et les bons services

1576. qu'ilz faisoient auxdilz roys et princes et à leur patrie, la France; lesquelles vertus estoient auxditz nobles et gentishommes si reluisantes devant tout le peuple, que pour néant, mesmes sur leur vie, sur leur honneur qu'ilz aymoient plus que les biens, n'eussent volu faire, dire, ni entreprendre parolles, faictz, dictz, actes, ni aullre chose qui eust porté scandalle, domage, ni intérestz au plus petit et pauvre de la terre. Hz estoient religieux, fidelles, catholicques, ecclésiasticques. sages, prudens, doux, benings, démens à leurs subjects et aultres. secourables, pitoiables sans récompense, charitables, aulmosniers aux pauvres, protecteurs et deffenseurs du sainct Evangille de l'église catholicque et romaine, des sacremens d'icelle et des prebstres, dévotz à Dieu, à la vierge Marie Nostre-Dame et à ses sainctz, hospitalliers aux passans et estrangiers, révérens en tout et partout pour l'honneur de Dieu, sans jurer, maugrouer, renier, ni blasphémer son sainct corps et nom, deffenseurs des pauvres, des vesves, des orphelins, non oppresseurs de leurs subjects par courvée, ni corrumpus par dons, non murtriers, non paillards, non vindicatifs ne larrons; ilz alloient à la guerre pour avoir honneur, servoient les roys et princes fidellement et à leurs despens, sans rançonner, voiler, violler filles ni femmes, deffendoient la patrie avec leur roy, et se portoient ennemys de toutes personnes qui vouloient envahir le roy et leurditte patrie. Mais maintenant le tout est bien renversé au contraire. Les nobles, qui jadis estoient gentilshommes de vertu, sont maintenant gens pille et tue hommes, héréticques, inlidelles, irrévérens, idolastres, folz, cruelz, fiers, arrogans, ravisseurs du bien d'aultruy. sagriléges, oppresseurs du peuple, renieurs de Dieu, blasphémateurs de son sainct nom, de ses saincts et de son église, paillards, incestueux, violleurs de filles et femmes, traîtres, desloyaux, proditeurs de leur pairie, non charitables ni aulmosniers, non hospitaliers aux passans, mais guetteurs et espieurs de chemins, volleurs, associez des larrons, des murtriers, des assommeurs de gens, traîtres à toutes personnes, immiséricordieux. Brief, il n'y a genre ni espèce de mal que ne facent maintenant ceux qui se disent nobles et gentilshommes,

et de toute meschanceté en font vertu, et principallement de l'as- 1576. sassinat et trahison, qui sont à ceste heure si commungs entre eux (tue les plus hardys et accortz d'entre eux ne daigneroient ou n'oseroient plus mettre la main à l'cspée contre ung aultre, mais guetlent et espient celuy à qui ilz veullent mal, ou le font guetter et espier par leurs assommeurs, pour le tirer et tuer à coups de pistolle et harquebuse; ou bien, s'ilz prennent lespée en main, sans advertir celuy qu'ilz veulent assasiner, luy traversent leurditte espée ou dague à travers le corps, en lui baillant les bonadies et en faisant semblant de le baiser et embrasser. Voilà les vertus qui reluysent en noz nobles et gentilshommes de France. Je ne parle que des meschans, le nombre desquelz excède de plus des trois partz le nombre des bons et vertueux. Dieu garde de mal les nobles vertueux et gens de bien qui ont en horreur les vices susditz et les vicieux! Le nombre en est assez petit; ils sont hays et desprisez des aultres, qui font de tout vice vertu.

Les reîtres des rebelles parlent de Châtillon, où ils avaient reçu leur paye, et quittent la France, remerciés par le duc d'Alençon et le prince de Condé, et enrichis de nos dépouilles.

Le duc d'Alençon quitte lui-même Châtillon au bout de peu de jours. H avait avec lui une troupe considérable de gens de guerre, dont il envoya plusieurs bandes en garnison dans difl'érentes villes.

Le 9e jour du moys de juing, six enseignes diceux reistres passèrent la Seine à Pons pour aller en Brie , et logèrent en la parroisse de S'-Fergel-lez-Nogent, où au lendemain, î oe jour, qui estoit le jour de la Penthecoste, feirent leur presche et leur cène à cause de la solemnité de la journée; après quoy deslogèrent et s'allèrent loger en la parroisse de Meel-sur-Seine, où ilz ne furent que une nuict, puis retournèrent passer la Seine à JNoyen, où ils furent trois jours à manger de toutes leurs dens et faire bonne chère. De Noyen, ilz allèrent ravager et rançonner ce pauvre pays de Champaigne jusques à Vauluysant, où les reistres de leur camp avoient esté si long temps, passèrent encore une fois la Seine à Esgligni ou la Tombe, pour tirer

576. en la Brie, estans en bien plus grand nombre que devant, et furent environ quinze jours à faire ce tour. Ils estoient conduictz par commissaires et gouverneurs, qui les faisoient cheminer assez lentement, et qui demandoient et faisoient fournir des munitions de pain, vin et chair aux villages de trois lieues des environs où ilz logeoient. Les commissaires d'iceux buguenotz qui se disoient estre les mal-contens allèrent à Provins pour demander des munitions suyvant leur commission, laquelle veue par les gens de justice, procureur eteschevins, leur fut permis d'en lever sur les villages depuis Sordun, Chalaustrela-Petite, Septveilles, S'-Michel de Pongnis, Lescbelle et Cortacon, où ils logèrent. Et au partir tirèrent à la rivière de Marne, et estoit le commung bruict qu ilz buguenotz et mal-contens aboient en garnison es villes de S'-Quentin, de Péronne et frontières de Piccardie. Non seullement les pays de Cbampaigne et Brie furent travaillez desdis buo-uenotz et mal-contens, mais aussi des gens d'armes du camp et gardes du roy, qui, dès la publication de l'édict de paix, passèrent en la Brie, où tindrent les villages tous les ungs après les aultres, et de la Brie montèrent jusques au dessus de Sézanne, passèrent la Seine et allèrent en Cbampaigne jusques es environs de Troye, en tirant à Sens et jusques à la rivière d'Yonne. Et furent l'espace de plus de six sepmaines à passer et rapasser d'un pays à l'aultre. Les compagnies qui ravagèrent si bien lesdis pays furent les régimens des sieurs de Brissac, Ste-Colombe, Haultefort, Beauvais, Strozzy et la compagnie de la Chapelle des Ursins. La pluspart desdis régimens se disoient estre des gardes du roy, et toutesfois ne laissoient non plus que les aultres à rançonner, voiler et piller le pauvre peuple ainsi que les aultres. Finalement, ceux des gardes du roy se tirèrent vers Meaux et Paris, les aultres retournèrent du costé de Sens, et allèrent, comme l'on disoit, tenir garnison en Daulpbiné, en Provence et en Languedoc.

Ne fault laisser l'excès que une bande d'iceux feit à ung bon homme de Noseaux, parroisse de la Chapelle S'-Nicolas-lez-Nogent; lesquelz, au desloger dudit lieu, luy enmenèrent deux belles et

DE CLAUDE HATOiY 857

bonnes jumens, pour lesquelles ravoir, les poursuivit jusques au petit 1576. hameau de Fontaine-Riant, tout joignant les murailles de la ville de Provins, où là pensoit les ravoir; mais il fut bien trompé, car, au lieu de les luy rendre, feirent coupper les jarrelz d'une jambe audil bon homme, avec plusieurs aultres coups qu'ilz luy donnèrent, dont il est demeuré boiteux à toute sa vie. Tous les justiciers audit Provins furent bien advertis de l'excès faict audit bon homme, avant qu'ilz gens de guerre fussent deslogez dudit Fontaine-Riant, où ilz furent deux ou trois jours, et toutesfois, pour ce que le bon homme ne volut bailler argent et se faire partie, lesdis de la justice ne sortirent hors leurs portes pour aller s'enquérir des volleurs, larrons et raurtriers, et par ainsi le bon homme fut estropié et ses jumens perdues. Une aultre bande, logée à Meel, qui pareillement de là s'alla loger à Fontaine-Riant, Fleigni, Rouilli et villages d'alentour, en pensèrent donner aultant à ung homme dudit Meel, nommé Françoys Lambert. Lesquelz, pour le rançonner à leur dévotion, oultre l\ liv. t. qu'il leur avoit jà donné à leur arrivée, feirent cacher par ung de leurs gens ung asne qu'ilz avoient amené avec eux, et fut ledit asne enmené de nuict au village du Plaissié de Mériot, où estoient logez d' aultres gens de guerre de la mesme compagnie. Le jour qu'ilz deslogèrent dudit Meel, commandèrent à leurs porte-besaces qu'ilz apparellassent ledit asne, lesquelz, allant en l'estable pour le cuider prendre , le trouvèrent perdu. Hz demandèrent où il estoit audit Lambert , qui leur feit response qu'il n'en sçavoit rien. A laquelle response commencèrent à grands coups de baston à frapper sur luy et, en luy demandant l'asne, le lièrent de cordes bien estroictement par les bras, et luy ayant mis une corde au col, l'enmenèrent avec eux chargé d'une grosse malle, qui estoit la charge dudit asne, et le baillèrent à conduire à ung gros pallefrenier ou tourne-broche, qui le menoit par la corde, tout ainsi qu'un chien. Et comme il ne povoit cheminer aussi fort qu'ilz voidoient, pour la pesanteur du fardeau qu'il porloit, ilz le battoient oultrageusement , menaçant de le faire pendre et estrangler par la sentence de leur capitaine, comme larron , s'il ne leur rendoit

ioS

1576. l'asne, ce qu'il n'eust sceu faire. Pour lequel, encores qu'il n'en fust tenu, leur volut bailler six testons, qui valloient ou bien qui se metloient jà pour 1 6 ou 1 7 s. t. entre marchans et le peuple; mais ilz n'en volurent poinct, pour ce que ce n'estoit assez à leur gré. Pour aller dudit Meel audit Fontaine-Riant, passèrent iceux gens de guerre pai le molin de l'estan et de là près de la porte de Culoison, de laquelle s'approcha ledit Lambert et cestuy qui le menoit, qui ne tenoit la corde guères ferme; ce que bien voyant, ledit Lambert jetta parterre la malle qu'il portoit et courut en la barrière de laditte porte qui estoit ouverte et se mit entre les mains des gardes, qui avoient grande compassion, le voyant ainsi lié et conduit comme une beste. Lesquelz , pour le saulver, l'envoyèrent dans la ville , et se réfugia dans le cloistre de Notre-Dame-du- Val , en la maison de l'auteur de ce livre, où il fut toute la journée. Après lequel coururent les maistres qui disoient l'asne leur appartenir, qui n'y perdirent que leur temps. Nul ne croiroit les larcins, volleries, pilleries, ransonnemens, murtres, battures et oppressions que faisoient les gens de guerre de France aux bonnes gens des villes et villages où ilz logeoient; et pour le faire court, les barbares, juifs, turcz, sarasins et infidelles n'eussent sceu faire plus de mal aux chrestiens que lesdis gens de guerre françoys au pauvre peuple. Et de tous telz maux ne se faisoit aulcune pugnition ni par leurs capitaines, ni par les gens de justice, et, qui plus est, si ung pauvre homme de village eust blessé ou battu aulcun d'eux, encores qu'il eust eschappé de leurs mains, les justiciers des villes, et nommément de Provins, l'eussent ruiné et destruict par prison et coustange de ses biens, sans la peine du corps, tant lesdi» justiciers estoient meschans et avaricieux.

A l'instant que les régimens susditz se partirent du balliage de Provins, y en demoura un aultre, qui estoit gouverné par ung Italien nommé le capitaine Stef, qui avoit obtenu commission du roy et de nions, de Guise de mettre ses gens en garnison à Provins et à Sezanne; et, pour ce faire, les feit approcher es villages de Sordun et aultres, pour y entrer du jour au lendemain. Et à ces fins apporta

sadite commission aux gens de justice et gouverneurs de Provins, 1576 desquelz fut remis à ung aultre fois, en attendant qu'ilz de Provins eussent esté parler au roy et à nions, le duc de Guise, par (juoy falut qu'il promenast encores ses friquerelles par la campagne aux despens des pauvres villages.

Les habitants de Pi-ovins envoient des délégués à Paris auprès du roi et du duc de Guise, puis à Châtillon auprès du duc d'Alençon, pour les prier de révoquer la commission donnée au capitaine Stef, et d'exempter la ville du logement de la compagnie. La commission est révoquée par l'influence du duc d'Alençon, qui, malgré le dernier édit de paix, expédie un mandement portant que Provins n'aura pas de prêche et ne recevra point de ministres hérétiques. Avant de prendre cette décision, qui remplit de joie les catholiques, le duc s'était informé du nombre des huguenots habitant Provins, et l'avocat du roi, Rethel , lui avait répondu qu'on- n'en comptait pas plus de huit. « Il y en auroit cinq cens, dit le prince, cour cela n'y auroit presche en laditte ville. »

Les seuls protestants fermes et constants que Provins possédât alors étaient Richard Privé, la veuve du médecin Saulsoy, et Gagnot, qui s'absentaient au moment des troubles, et rentraient dans leurs maisons quand les troubles avaient cessé. Les autres hérétiques, après avoir plusieurs fois abjuré, étaient revenus, depuis le dernier édit, à la religion réformée. Se voyant frustrés de prêche, ils se réunirent le dimanche chez la dame de Chanteioup, puis au château du Plessis, chez la femme de Lanoue, qui les reçut, à condition qu'ils vivraient chacun à ses dépens.

Pendant le séjour du duc d'Alençon à Châtillon, les protestants de Troyes viennent lui demander l'autorisation d'établir un prêche dans la ville. Le duc les congédie en leur demandant, avant de répondre, une liste, signée de deux notaires, des protestants habitant Troyes, et en disant à un gentilhomme de sa suite : « Ceste canaille de huguenotz ne vallent pas le nayer. » Il n'y eut point de prêche à Troyes plus qu'à Provins.

Copie du récit (imprimé à Troyes pai; la veuve Nie. Luce) d'un miracle opéré a Soucy, près Châtillon, le 2 1 juin 1576, sur trois protestants qui avaient insulté une image de saint Antoine, et l'avaient frappée de coups d'arquebuse.

Les reîtres du roi, longtemps arrêtés aux environs de Chàlons, avaient enfin gagné Vitry, où ils séjournèrent jusqu'au mois d'août. De là ils revinrent au village de l'Espine , y restèrent quinze jours et repassèrent à Châlons et à Sézanne. Le 2 août, leurs commissaires se présentèrent aux gouverneurs de Provins, pour avoir des vivres et des fourrages, qui furent refusés. Enfin, en septembre, la

1576. troupe partit pour son pays. Les habitants de Chàlons, ayant eu beaucoup a souffrir des excès, vols et meurtres commis par les reîtres, s'en plaignirent au sieur de Chambar, leur chef, et le prièrent d'y mettre ordre;

Lequel, après avoir entendu leurs plaintes, les contenta de patience , disant qu'il estoit fort difficile d'y mettre ordre, pour le grand nombre qu'ilz reistres estoient; et, pour les contenter tout en ung coup, leur dist qu'il n'y avoit aulcun remède et que c'estoit la guerre, et que par temps de guerre il ne falloit réclamer ni avoir recours à justice. De laquelle response indigné, ung certain personnage dudit Chaslons, le père duquel avoit esté voilé et tué par lesdis reistres, tira sa dague et l'enfonça au corps dudit sieur de Chambart, en luy disant : « Voylà donc la guerre, puisque justice n'a poinct de lieu. » Les serviteurs et reistres qui estoient avec iceluy Cbambart quand il fut blessé , mirent la main aux armes pour venger le coup^ mais ne fut leur prouffit. Car émotion et sédition fut faicte par les habitans de la ville contre eux, et y en eut plus de trente tuez en la place. Et ce. l'ai sceu par ung des habitans dudit Chaslons, nommé Jehan Emery, natif de Villegruis ou parroisse.

Les Suisses de l'armée du roi, en garnison à Montereau, partent au mois de septembre pour leur pays. — De nombreux passages de troupes font douter de la durée de la paix. — Le duc d'Alençon, en quittant Châtillon-sur-Seine, se dirige sur Bourges. Les habitants de cette ville, malgré la paix, hésitent à le recevoir, craignant qu'il ne se venge du refus fait par eux, pendant les troubles , de lui donner entrée, et que le roi ne leur sache mauvais gré d'avoir admis son frère. Ils font prévenir Henri III, qui les rassure sur les bonnes dispositions du duc d'Alençon, et leur ordonne de le recevoir. En conséquence, les principaux citoyens vont présenter les excuses de la ville au duc, qui pardonne, et auquel on fait une entrée somptueuse et solennelle. — Le prince de Condé quitte le duc d'Alençon et va joindre le roi de Navarre.

Car ledit prince de Condé avoit prins grand soubçou et meshance sur ledit sieur duc, d'aultant qu'il ne faisoit faveur aux huguenotz, ains les déboutoit de toutes les requestes qu'ilz luy présentoient, et ne vouloit permettre qu'ilz eussent des presches par toutes les villes

du royaume, ainsi qu'il estoit porté par l'édit du roy; et en ce 1576. soubçon, ne volut entrer audit Bourges avec ledit seigneur, ains se reculla fort arrière, et dist que entrer es villes estoit se mettre comme les ratz en la ratière, de laquelle n'en ressortent quand ilz veullent. et qu'il n'avoit oublié la prinse de luy et de l'admirai à Paris au jour du massacre de la S'-Bartbolomy. Le bruict commung fut que ledit de Condé print altercat avec ledit seigneur duc jusques à quereller des grosses dens l'ung contre l'aultre, pour le faict des huguenotz et des prescbes d'iceux; et dist-on davantage que mondit seigneur duc se sentit tant importuné dudit sieur de Condé , qu'il avoit esté contrainct par grande collère de mettre la main aux armes, ce que je n'ay jamais creu. Mondit seigneur le duc demoura audit Bourges et pays d'alentour jusques au moys de novembre, qu'il arriva à Paris, pour saluer le roy son frère, affin d'aller ensemble tenir les trois estatz en la ville de Blois, ainsi qu'il avoit esté advisé par le traité de paix dernièrement faict.

Les protestants de Rouen s'assemblaient sans l'autorisation de l'archevêque: le cardinal de Bourbon, en étant instruit, se rend au prêche avec une suite nombreuse, interroge le ministre, ordonne aux assistants de se disperser1, et leur défend de s'assembler à l'avenir, disant qu'à lui et non au roi appartient le droit de prêcher et de taire prêcher dans son diocèse. Une plainte portée au roi par les protestants demeure sans résultat2.

Convocation des états généraux à Blois, le i°' novembre3. Les trois états du bailliage de Provins sont convoqués dans cette ville au couvent des Jacobins, le 29 août, à reflet d'élire des députés; la commission avait été adressée au prévôt, et non au bailli. Quelques ecclésiastiques et les gentilshommes refusent de répondre à l'injonction du prévôt, disant que cet officier n'était pas leur juge, et qu'il était seulement celui des roturiers et artisans. Sur les réclamations portées au roi, la commission envoyée au prévôt est cassée, et un nouveau mandement est adressé au bailli, que les prêtres et les nobles regardaient comme leur seul juge compétent. Plusieurs personnes pensèrent que l'envoi aux prévôts avait eu

1 Voy. Floquet, Histoire du parlement '' Lettres de convocation des états ge-

de Normandie, t. III, p. i64el suiv. néraux. 1676, 6 août (Isamberl, Hec. des

' Journal de Henry III (Cologne, it>66), anciennes lois françaises , t. XIV. p43o5). p. 18.

1576. lieu pour faire sentir aux gentilshommes qu'ils étaient de vrais vilains, eux qui avaient refusé d'aller à la guerre pour le service du roi.

Mandement du roi au bailli (6 août 1576); — du bailli aux marguilliers et procureurs syndics des paroisses, pour faire assembler leurs paroissiens au 17 septembre (27 août); — du bailli aux sergents royaux du bailliage (août).

Les délégués des trois états des paroisses , assemblés à Provins le 1 7 septembre, nomment députés : M0 Claude Moissant, doyen de la chrétienté, curé de Saint- Pierre, pour le clergé; M. de Sigi, pour les nobles; et Girard Janvier, bourgeois, pour le tiers état.

Fault icy dire en passant l'inconstance de Mc Jean Retel, advocat du rov à Provins, sur l'élection dudit Janvier. Lequel, iré et courroucé de ce que les premiers qui avoient esleu avoient nommé ledit Janvier (qui estoit absent de l'assemblée), les taxa de besterie et ignorance, et requist qu'on n'eust poinct d'égard à leur élection, sans donner aultre raison que de dire qu'il y en avoit en l'assemblée de plus suffisans que ledit Janvier, donnant assez à entendre qu'il désiroit y estre esleu en son lieu; mais toutefois ne laissa le reste des habitons de donner leurs voix audit Janvier, qui y demeura. Ledit Janvier estoit tenu aussi sage et savant que ledit Retel, encores qu'il ne fist estât d'avocat, et si estoit plus humble et rassis.

L'élection des personnes ci-dessus nommées faicte , fut prins et ordonné jour préfix pour se rassembler chascun estât à part, pour disputer des doléances et remonstrances qu'ilz vouloient donner à leur député pour porter au roy audit Rlois. Puis se leva l'assemblée, sans aultre chose faire, dire, ni arrester pour ceste journée, ains se retira ung chascun en son pays et village. Girard Janvier sceut qu'on l'avoit esleu pour le tiers estât, et luy fut signiffié par ung sergent, affin qu'il n'en print cause d'ignorance; et sceut quant el quant que l'advocat du roy avoit contredit à son élection, et pour ce remercia les gouverneurs de Provins et aidtres qui l'avoient esleu, et se déclara insuffisant de telle charge et honneur, mais donna sa voix el son élection audit advocat du roy, et pria fort que tel honneur luy fust déféré; mais ne fut ouy en ses excuses, ains luv fut déclaré qu'on ne prendroit aultre que lui. Quoy vovant, eut recours au roy, auquel

présenta sesdittes excuses, et obtint lettres de S. M. pour estre 1570. exempt de n'y aller, lesquelles fit signifier aux gouverneurs de Provins, leur faisant assavoir qu'ilz eussent à en eslire et envoyer une aultre que luy. Desquelles lettres se portèrent pour opposans lesdis de Provins, lesquelz iterum luy firent signifier qu'il eust à s'acheminer audit Blois, pour estre auxdis estas, luy présentèrent le cahier des ' doléances du tiers estât du bailliage et le procès-verbal des gens du roy, protestant de recovrer sur luy tous domages, despens et intérestz, au cas qu'il ne s'y trouvast, à la descharge d'eux, si aulcun mal leur en advenoit. Parquoy fallut qu'il y allast, et croy qu'il ne faisoit ceste difficulté que pour ce qu'avoit dict ledit advocat du roy.

Le doyen de la chrestienté, Mc Cl. Moissant, voyant que l'élection de sa personne le contraindroit d'aller ausdis estaz nonobstant toutes excuses, se délibéra de s'eiî acquiter, et d'aullant qu'il n'avoit beaucoup de biens ni de moyen, demanda aux ecclésiastiques quelques deniers par forme d'avances, qui seroient rabattus sur la taxe que luy donneroit le roy de ses peines et vacations. Et tant fist qu'il leva quelques i5o ou 200 liv. pour faire ses premiers fraiz.

Au 8e et 9e jours d'octobre, les gentilshommes se rassemblèrent auxCordeliers de Provins, pouradviser entre eux des doléances qu'ilz avoient à présenter, et se trouvèrent en assez grand nombre. Mons. de Potières, Olivier de Soissons, bally de Provins, s'y trouva en personne pour présider et cueillir les voix. Plusieurs noveaux nobles et gentilshommes faictz à la haste pensèrent se mesler parmy les gentilshommes de sang et de race, pour avec eux oppiner et disputer desdittes doléances; mais n'y furent admis, et en furent déchassez et mis hors par force ceux qui ne s'en volurent retirer de bon gré quand ils en furent requis. Cette séparation faite, les nobles de sang et de race s'enfermèrent dedans la grand salle des Cordeliers pour adviser de leurs doléances. Mais n'en disputèrent longtemps sans entrer en altercat les catholicques et les huguenotz les ungs contre les aultres. Le nombre des catholicques excédoit dix fois celui des huguenotz, parquoy les huguenotz ne furent les plus fortz, nonobstant toutes

157&. menaces par eux faictes de troubler l'assemblée présente et la future généralle de Blois par le relèvement des armes, si leur religion prétendue n'estoit là authorisée et tenue pour vraye et saincte religion . et la catliolicque déclarée faulse, supersticieuse et abominable. De laquelle requeste furent déboutez , et partant que si peu d'héréticques vouloient par leur arrogance et menaces faire signer aux catholicques ce que dessus, y cuyda avoir du murtre et y en eust eu, sans la pru-" dence du bailly et aultres vielz et anciens gentilzbommes, qui par doulces parolles rabaissèrent l'orgueil desdis huguenotz. Car les sieurs de Brunfay, qui estoient nions, de Quincy et mons. de la Courtrouge, seigneurs de S'-YUier et de Vielz-Champaigne, frères, mons. de la Barge, sieur de Molin-d'Ocle, mons. de la Vallée, sieur de Evarly, mons. de Crenay le jeune, sieur d'Àulnoy, mons. des Marestz, mons. de Tacby, mons. de Grateloup, son frère, mons. de Lours, et encores quelques aultres que ne cognus, aux menaces d'iceux huguenotz, meirent la main sur la garde de leurs espées et invitèrent sur le cbamp les buguenotz susditz au combat à l'heure présente, pour mettre fin aux séditions, troubles et guerres qu'ilz menaçoient de relever, si laditte religion prétendue n'estoit par eux et l'assemblée généralle des estatz authorisée. Mais, au contraire, les sieurs dessus nommez et tous les aultres catholicques de l'assemblée déclarèrent ausditz huguenotz qu'ilz ne passeroient oultre que, au premier article de leurs doléances, ne fust escript et signé que la religion prétendue réformée que tenoient lesditz huguenotz estoit une pure menterie et ydolâtrie, une Babilonne pleine de confusion, qui enseignoit guerre, murtre, sédition, assassinat, troubles, division et tout scandalle, comme l'expérience le démonstroit en France il y avoit jà quinze, seize et vingt ans passez. Hz gentishommes huguenotz et catholicques furent pareillement en débat et altercat du député pour aller au roy porter leursdittes doléances. Les huguenotz ne vouloient que mons. de Sigi , qui avoit esté esleu, y allast, pour ce qu'il estoit catliolicque , ains vouloient qu'on en esleust ung aultre qui fust de leur religion; au contraire, les catholicques soustindrent qu'il de Sigi iroit, puisqu'il

avoit esté esleu en l'assemblée du 1 7e jour de septembre, et aires- 1570. tèrent qu'il n'y en iroit poinet d'aultrerpour le bailliage et ressort. Et sur ces disputes passèrent la première journée sans rien faire, paiquoy fut continuée l'assemblée au lendemain, 9e jour d'octobre.

Audit jour, recommencèrent à débattre sur la diversité des religions, et requéroient qu'il fust dict qu'il n'y en auroit qu'une seulle par le royaume. Sur lequel poiuct cbascun s'accordoit, pourveu que ce fust celle que chascun tenoit. Pour lequel doubte escarter, les gentisbommes catbolic(pies arrestèrent et signèrent qu'ilz entendoient et ouloientque ce fust la catholicque et romaine apostolicque église qui lemourast seulle par la France pour vraye, perfaicte et saincte, telle ju'elle avoit esté receue et tenue en France par les roys, princes, gentishommes et peuple depuis douze cens ans, et non aultre. Ce que voyant, les huguenotz susditz requirent lesditz gentilsbommes catbolicques qu'ilz accordassent que la permission à eux donnée et à leur religion réformée par l'édit de la paix dernièrement faict demourast en sa force et vieeux, et que par eux en l'assemblée généralle des estatz fust approuvée pour tousjours. Ce que ne volurent accorder lesdis catbolicques, ains déclarèrent que, tant s'en fallust qu'ilz l'approuvassent, que, si le roy mesme avoit faict ung édict pour l'approuver el contraindre les Françoys de la tenir et prendre, dès à présent comme pour lors s'y opposoient et protestoient de luy faire la guerre en tout et par tout, jusques à ce qu'il fust rompu et révocqué; mais toutesfois n'empescboient pas qu'ilz buguenotz n'en fissent au cayer de leurs doléances ung article à part qui ne seroit signé que de leurs mains, pour le montrer au roy, pour en faire ainsi que bon luy sembleroit. Ce premier poinet vuydé, n'arrestèrent longtemps à estre d'accord des aultres qui concernent leurs privilèges, et fut audit jour leur cayer arresté et signé de- leurs- mains et mis au greffe du bailly, pour estre remis au net. Puis se séparèrent , cbascun à son adroict , qui ne fut sans mesfiance les ungs des aultres, pour les différens qu'ils avoienteus; toutesfois, n'en advint aultre chose.

Les ecclésiastiques ne se rassemblèrent audit Provins pour deviser

1 576. de leurs doléances. Ceux des bailliages de Bray el de Montereau envoyèrent par mémoire à ceux de Provins ce qu'ils vouloient dire; sur lesquelz mémoires ajoutèrent ceux dudit Provins ce qu'ilz vouloient dire, et du tout fut faict ung cayer qu'ilz mirent au greffe du balliage. Pour le regard du tiers-estat, chascune parroisse des villes et villages du bailliage portèrent audit Provins leurs plainctes et doléances par escript, qu'ilz mirent au greffe dudit balliage, pour estre du tout faict ung cayer et procès-verbal par les gens du roy. Les cayers et procès-verbaux retirez au net, furent délivrez aux députez de chascun estât pour les porter à Blois, avec procuration spéciale, comme il estoit requis.

Le bruit court que les états de Blois n'auront pas lieu. — Mariage du duc d'Aumale avec la fille du marquis d'Elbeuf, sa cousine germaine. Les membres de la famille de Lorraine passent par Provins à la fin de septembre , en se rendant à loinville pour la célébration de ce mariage. — Les protestants poursuivent, en vertu de Ledit de pacification, rétablissement des prêches, et, en vertu d'un edit de création de mai i5y6, l'érection des chambres mi-parties dans les lieux désignés. Les sieurs de la Noue et d'Arènes sollicitent Henri III pour cet objet.

A la requeste desquelz, le roy se transporta au palais de Paris, pour ériger ceste nouvelle chambre mi-partie de buguenotz et catholicques, et avoit requis ledit d'Arènes estre le président huguenot d'icelle chambre. Lequel passant par les rues pour s'aller faire installer par le roy, qui l'atendoit en la chambre dorée, fut jette par les fenêtres d'une maison assez près du Palais ung gros grès qu'on pensoit faire tomber sur sa teste; mais ledit grès tomba sur les fesses de son cheval, et du cheval sur ung des huguenotz qui sui voient ledit d'Arène. Lesquelz furent si attonnez de ce et du bruict du peuple parisien, qu'ilz n'allèrent audit Palais, et ne s'y trouva personne des huguenotz qui demandast depuis pour ceste- année à estre président et conseiller huguenot de la novelle chambre. Et après que le roy les eut bien attendu audit Palais par demye journée toute entière, s'en retourna au Louvre fort mal content1.

Dans le Journal de Henry III (Cologne. 1666), p. 18, il est seulement question

Les liuguenotz de la ville de Paris, voyans le roy leur estre favo- 157C. rable, entreprindrenl de leur auctorité de mettre ung presche en certain lieu près dudit Paris, hors les deux lieues limitées par l'édit de paix, et pour aller audit presche s'assemhloient par grandes troupes, cheminans par les rues dudit Paris avec ung orgueil entre eux accoustumé, chose à eux dépendue par ledit édict de paix. Ce que ne purent endurer les enfans et serviteurs des maisons devant lesquellesilz passoient, sans qu'ilz ne les hupassent et criassent après eux. Du cry et mocquerie desquelz iceux huguenotz courroucés se jettèrent sur les serviteurs, enfans et aultres gens qu'ilz trouvèrent par les rues, sans s'enquérir si ceux sur lesquelz ilz frappoient estoient ceux qui se mocquoient d'eux ou non; et d'arrivée tuèrent ung jeune lilz qui ne pensoit à eux. Quoy voyant, le peuple de Paris de la rue où fut ceste émeutte s'armèrent contre lesdis huguenotz et se ruèrent sur eux, et Dieu sçait comment ilz drappèrent messieurs les huguenotz et huguenottes , desquelz une douzaine demourèrent mortz en la place , sans ceux qui s'en allèrent mourir en leurs maisons des coups qui leur furent donnés. De laquelle esmeute fut adverty le roy par les solliciteurs desditz huguenotz, qui requirent S. M. d'en faire faire pugnition exemplaire. Information faicte, fut trouvé qu'ilz huguenotz avoient les premiers mis la main aux armes et tué l'innocent qui ne pensoit à eux, et partant demoura l'affaire sans en savoir à qui se prendre, sinon ausdis huguenotz, qui, contre l'édit du roy, avoient attenté de faire ung presche où il leur estoit deffendu. Toutesfois S. M. ne leur en lit aultre chose, sinon qu'il interpréta l'article de son édict touchant les presches, et dist que dès lors en avant nul huguenot n'allast au presche hors des limittes et lieux où il estoit, deffendant derechef que nul presche fust mis en la ville de Paris ni les deux lieues limitées par son édict. Et fut la sédition ci-dessus dicte faicte le dimanche dernier jour du moys de septembre1.

de difficultés faites à Guill. Dauvet, sieur chambre mi-partie, difficultés qui le dé- -I Arennes, par les membres du parlement terminèrent à renoncer à ses fonctions, pour le rerevoir comme président de la ' Journal de Henry III, p. 19.

lf)76. Le duc d'Alençon, venu à Paris, vit en lionne intelligence avec le roi son iïère, qui le nomme gouverneur et lieutenant général du royaume. Tous deux se rendent ensemble aux états de Blois, passent à Orléans le 20 novembre et arrivent à Blois le 2 5. Un jeûne préparatoire et des processions ont lieu dans cette ville par l'ordre du roi, et sont répétés dans les provinces. Le roi entre le 6 décembre dans la salle des états1. Harangue prononcée par Henri III. Les belles promesses contenues dans ce discours pour le soulagement du peuple ne furent point tenues. Discours du chancelier de France (analyse); il fut mal accueilli et donna lieu au quatrain suivant :

Tek sont les faiclz des hommes que les dis; Le roy dict bien, comme il est dcbonaire. Son chancelier fait preuve du contraire, Car s'il faict mal , encores dicl-il pis.

Harangue prononcée au nom du clergé par l'archevêque de Lyon (analyse). Discours du baron de Sénecé, député de la noblesse. M. de Versons, chargé de parler au nom du tiers état, se laisse intimider et ne peut achever sa harangue-. Les trois ordres se séparent pour rédiger chacun son cahier. Des députés sont choisis par les états pour prendre part dans le conseil à la rédaction des règlements à faire sur les remontrances présentées au roi.

Il y a ici une lacune. Le manuscrit reprend au milieu de la description d'une maladie que fauteur nomme mal de colique-passion.

[Les malades, après] quelque douze, quinze et dix-huict heures, retournoient à l'usage de leurs sens et parloient quelque peu assez effrement, et, après avoir esté quelque aultre peu de temps en l'usage de leursditz sens, retomboient comme devant, en s'escriant en la première manière, se serrant les dens si fort l'une contre i'aultre, que force estoit de leur dresser avec outilz ou instrumens, et quand leur

' Sur les états généraux tenus à Blois, voyez les deux collections de Mayer {Des états généraux, etc.), 1780, tome XIII, et de Labourcé et Duval {Forme générale de la convocation et de la tenue des assemblées nationales) , t. XIV; — les Mémoires de Nevers ,1.1; — le Journal des états de Blois et les Cahiers (Bibl. inip. anc. fonds franc.

v. 8800, 8801 ) ; — le Portrait des états tenus à Blois , et d'autres pièces sur le même sujet (ibid. v. 883 1 , 8838 et 88/12).

2 Le discours du roi et celui du chan celier ont été reproduits dans la collection Mayer, t. XIII, p. 171 et 182; celui du baron de Senecé se trouve dans l'Histoire de France de la Popelinière, fol. 343 v'

langue se rencontrait entre les dens, tombant en laditte appoplexie, 1576. s'oft'ensoit si fort que quelques fois elle estoit percée de part à aultre. \ulcuns se démenoient et movoient leur corps comme ceux qui sont malades de quelque mal caducque. Au couvent des cordeliers de Provins, fut frappé de laditte appoplexie ung jeune religieux honeste homme, lequel, estant seul auprès du feu à se chauffer, tomba dedans le feu et respandit la marmitte sur son corps; par quoy fut fort domagé et bruslé, et eust là fini ses jours, si promptemenl n'eust esté secouru d'ayde pour le retirer; toutesfois, morut le lendemain sans avoir reprins ses sens. Dès l'an dernier, il religieux avoit esté si fort malade d'une colicque-passion, qu'il en avoit perdu l'usage des mains et pieds, et avoit esté assez longtemps perclus d'iceux membres; toutesfois l'usage d'iceux luy estoit revenu, quand il tomba en laditte maladie d'apoplexie. De laditte maladie de colicque-passion furent atteintes plusieurs personnes en laditte année dernière, dont pareillement plusieurs morurent en grand torment, sans y sçavoir trouver remedde , et tous ceux qui en reschappèrent tombèrent en perclusion de leurs membres, ne sçachant cheminer ni porter leurs bras et mains à leur bouche , et demeurèrent en tel estât près d'un an, jusques à ce que nature eust rendu la force aux nerfs. Et le plus souverain remedde qu'on pût trouver à laditte maladie de colique-passion et perclusion de membres fut de se tenir fort chaudement nuict et jour et de ne guères boire ni manger jusques après estre gary du ventre et des membres.

Dès le mois de febvrier, les marchans du royaume de France recommencèrent à donner cours aux espèces d'or et d'argent monnoyées à plus hault pris que le roy ne les faisoit valoir par son édict. L'escu soleil d'or, que le roy avoit haulsé à 60 s. t. les années précédentes, pour gratiffier ausdis marchans, cpii dès lors avoient relia ulsé lesdites espèces, fut en ceste dite année par eux mis en marchandise de main en main à 6 1 , 2 , 3 , A et 5 s. , et les pistoletz d'Espagne, de Gênes, de Poulongne, de Milan et aultres pays estrangers à 2 s. t. moings que l'escu d'or au soleil, et faict à faict qu'ilz

1576. marchans haulsoieul lesdis escuz au soleii, ainsi faisoient-ilz lesdis pisloletz. Les testons de la forge, marque et coing du roy, qui avoient esté par le roy mis à M s. et 6, furent par lesdis marchans haulsez à 16 s. t.; les dalles1 de Flandre et jucondalles2, qui valoient 45 et 4o s., furent par lesdis marchans allouées pour 5o et 45 s. t. Depuis lors, toute menue monoye comme karolus, unzains, douzains, pièces de 3 et de 6 blancs, ensemble doubles et liars, furent si bien reserrez, qu'on en manioit aussi peu que s'il n'en eust poinct esté en France, et ne manioit-on aultres monoyes que escuz, pistoletz, testons de tous pays, dalles, jucondalles et impérialles et aultre monoye des pays estranges. Et n'y eut ausdittes pièces, depuis le moys de febvrier de ceste année, aulcun arrestni cours assuré, jusques en l'an 1577, que le roy y pourveut par ung édict rigoreux. Parce que on ne voyoit plus de menue monoye rager par ce pays, fallut rebailler cours aux karolus de Besançon, de Genefve, de Savoye et de Lorraine, que le roy avoit faict descrier quand il meint l'escu à 60 s., sans laquelle monoye cstrange n'eust esté possible que le pauvre peuple se fust peu accommoder. Tel ne debvoit que 5 s. à ung homme, qui pour les payer présentoit ung escu, ung pistolet, une dalle ou aultre grosse pièce, pour le mettre au pris qu'il vouloit, et pour ravoir de la monoye. Le mal estoit que, lmict jours après qu'on avoit receu ung escu pour 62 s., on le vouloit bailler pour 63, et huict jours après pour 64; et que, quand quelqu'un recepvoit ung escu, pistolet, teston ou aultre pièce d'argent de ceux, qui luy debvoient, ne les vouloit prendre pour pareil pris qu'il avoit mis a ceux qu'il avoit baillé à aultruy. Et les riches pilloient en ceste manière les pauvres gens qui avoient à faire avec eux, fust à prendre ou à donner. Le pis estoit au payement des tailles; les recepveurs ne pre-

Thalers velle jocondale, nouveaux tallars royales,

1 On Ht dans la préface de la Franciade , ducats de S'-Estienne et pistolets. Telle

de Ronsard (œuvres complètes, édit. de monnoye, soit d'or ou d'argent, semble

i6a3, in-fol t. 1, p. 588) : «Pour ce il estrange au commencement » (Voyez.

ne se faut estonner d'ouir un mot nou- plus haul . p. 7A8.) veau, non plus que de voir quelque nou-

noient les escus et testons que pour le pris que le roy les faisoït 1576. valloir par son édict, et si ne prenoient aultre monoye que celle du coin» et marque de France, ce que le pauvre peuple et collecteurs ne povoient recouvrer, sinon avec grande perte et coustange. Et ne se trouva juge en France qui volust oster ni pugnir cest abus, ains euxmesmes justiciers mettoient leurs pièces pour ce qu'ils vouloient aux bonnes gens qui avoient à faire à eux; et continua ce mal de pis en pis, et en fut portée la novelle au roy, qui au moys d'octobre feit ung édict rigoreux contre ceux qui prenoient et mettoient lesdittes espèces d'or et d'argent à plus bault pris que ne pourtoient ses édictz: et pour espoventer les personnes, feit dresser par la ville de Paris des potences contre ceux qui seroient trouvez abusant desdittes monoyes. Toutesfois personne n'y fut pendu, et si ne laissa le mal de s'activer. En la ville de Provins, sur le pont au Poisson, y avoit ung routis-

seur nommé Mfe Robert venu de la ville de Bray lever sa bo-

ticque audit Provins pour y faire son prouffit, homme honeste et de bonne cuisine, et qui bien sçavoit appareiller viandes. Et fut audit Provins le bien venu, parce qu'auparavant sa venue nul en laditte ville tenoit boticque ouverte de routisserie. Or advint-il que, quelque temps après que son ouvroir et estail fut levé et sa mercerie estallée, plusieurs personnes volurent essaier de vivre à la manière des habitans de Paris, qui est de ne point mettre de pot au feu en leurs maisons, mais, quand ilz veullent disner ou soupper, vont à la routisserie achepter ce qu'ilz veullent manger. Entre aultres volut apprendre ceste manière une jeune femme mariée assez honeste de laditte ville, demourant vers le quartier de S'-Nicolas, laquelle, après avoir fait l'approuve, trouva qu'elle avoit meilleur marché de viande cuitte dudit routisseur qu'elle n'avoit de crue à la boucherie, et si n'avoit la peine ni la despence de brusler du bois ni d'allumer du feu; et pour ce, continua à aller querre de la viande en la maison dudit routisseur, combien que, quand ledit routisseur n'estoit à sa boticque, elle n'en avoit si bon marché de sa femme, et pour ce avisoit à faire sa provision quand elle le voyoit en son logis. Icelle dame estoit

1576. d'une si bonne grâce et d'ung si doulx parler et amoreux, que, incontinent, monsieur le routisseur fut entièrement ravy de son amour, et en luy vendant sa marchandise , l'entretenoil du meilleur maintien qu'il povoit, avec toutes parolles fort gracieuses, se rendant tousjours son serviteur, et luy présentoit ses corps et biens à son commandement. La jeune dame, se voyant si bien enfoncée en la bonne grâce dudit routisseur, délibéra en elle de ne plus mettre de pot au feu, et d'entretenir ledit routisseur qui luy avoit si favorablement présenté sa mercerie à son commandement, avec lequel elle ne demouroit, encores qu'elle n'eust point d'argent. Il routisseur, voyant qu'icelle dame luy estoit de ses meilleurs chaîlans, continua à luy faire bon marché, et davantage se présenta de luy en donner tout pour néant, ce qu'elle refusa le plus honestement qu'elle put, en se contentant du bon marché qu'il luy faisoit. Laquelle, pour n'estre point ingratte, s'emplovoit à entretenir ledit routisseur de sa bonne grâce et amiables parolles, luy montrant le signe et semblant de luy vouloir aultant de plaisir qu'il faisoit à elle; qui donna hardiesse audit routisseur de faire entendre à laditte dame qu'il avoit volunté de se rendre son humble et plus familier serviteur et amy perfaict, si c'estoit son bon plaisir de le recepvoir pour tel et de prendre ses services pour agréables d'aussi bonne volunté qu'il les luy présentoit, voires jusques à désirer de mourir à ses piedz, en la faisant ou désirant qu'elle se fist dame et maistresse de son corps et de ses biens.

Desquelles offres et dictz commença ung peu à rougir laditte dame; mais, en considération du bon marché qu'il routisseur luy faisoit de sa viande, elle ne s'esmut guères, et par parolles doulces et amiables s'excusa et le remercia du bon et entier voloir qu'il disoit avoir en elle, encores qu'elle ne l'eust mérité, et tascha, par ses belles et gracieuses parolles, de contenter ledit routisseur, disant que ses offres valloient bien y penser, et sur l'heure print congé de luy, le laissant en aliène et espoir de parvenir à son désir. Elle, estant de retour en son logis, discourut à son mary la cause qui leur avoit faict manger la routisserie du routisseur à si bon marché et luy déduisis!

tout ce qu'il routisseur luy avoit dict. Ce qu'ayant entendu , sondit 157G. uiary fut d'avis qu'il falloit en manger encores à bon marché et pour néant avant que de luy bailler congé, et, sur ce, conseilla à sa femme de retourner à laditte routisserie et de monstrer beau semblant audit routisseur, affin de l'entretenir en espérance; ce qu'elle feit, et du depuis, pour avoir encore meilleur marché, monstra audit routisseur le semblant qu'elle avoit souvenance de l'offre et requeste qu'il luy avoit faict, auxquelles elle s'accordoit, moyennant qu'on peust trouver le moyen, l'heure et le temps d'acomplir le service qu'ilz prétendoient recepvoir l'un de l'aultre, et, en attendant l'heure et le jour opportuns, emporta tousjours viande. Depuis ceste response, monsieur le routisseur se pourmena souvent par la rue où demouroit laditte dame, pour espier le moyen d'avoir entrée en son logis, et passionné d'amour au possible, tant de fois passoit et repassoit pardevant l'huys que rien plus. Laditte dame et son mary, s'apercevant de cela, se gaudissoient du pauvre routisseur qui avoit tant de mal. Pour auquel bailler meilleur contentement d'espérance, icelle dame, par le congé de son mary, l'appella et le fit entrer en son logis, où il fut bien receu par ledit mary, qui lui portoit aultant bon visage que sa femme; et, pour le mieux gratiffier, le firent boire et manger avec eux. De quoy moult se contenta ledit routisseur, qui pensoit, par ce moyen, estre venu au-dessus de son espérance.

Après avoir beu et mangé, il se retira bien joyeux d'avoir eu entrée en la maison, du gré et sceu du mary, et pour ne demourer ingrat envers eux, les pria tous deux d'aller soupper en son logis, ou bien, s'ilz ne vouloient y aller, de permettre qu'il apportast pain, vin et viande de la meilleure et plus friande qu'il eust, en leur maison pour eux soupper tous ensemble; ce qui luy fut permis, la dame, du congé de son mary, luy faisant tousjours bonne et fine mine. Le souppé faict et le routisseur retiré, laditte dame et son mary advisèrent le moyen de bailler congé audit routisseur, et conclurent ensemble que, le dimanche prochain ensuivant, il falloit qu'elle luy donnast assignation d'aller coucher avec elle en sa maison, en laquelle ne

1576. seroit pour ceste nuict son mary, qui seroil allé aux champs, et d'apporter viande pour les soupper eux deux, après quoy ilz se coucheroient et passeroient la nuict ensemble, et que si tost qu'ilz auroient souppé et de bonne heure, elle le pressast de se coucher, et qu'après qu'il seroit couché, elle, en se déshabillant, donnast ung signe au lieu qu'ilz arrestèrent ensemble, pour entrer en la maison avant quelle se couchast. La conclusion prinse et arrestée entre le mary et ceste dame, elle, le dimanche au matin, alla à la routisserie marchander ung bon cbappon pour disner son mary, qui, après vêpres, vouloit partir de la ville pour aller au giste à Donnemarie , à cause du marché qu'on y tient le lendemain. Le routisscur, entendant que ledit mary iroit cedit jour audit Donnemarie, et qu'il ne coucheroit chez luy, requist sa dame d'accomplir et consommer l'amour parfaict qu'ilz disoient pourter l'ung à l'aultre. Laquelle, avec toutes excuses, faisoit bonne mine pour luy faire trouver meilleur avant que de luy accorder. Aux instantes requestes, prières et offres duquel à la fin s'accorda, et luy bailla l'heure pour se trouver en sa maison, sur les six à sept heures du soir, à laquelle heure se trouveroit la table appareillée de nappe et serviettes, de pain et de vin, et, pour le regard de la viande, qu'il en portast de telle qu'il la vouldroit manger, et qu'après soupper ilz passeroient la nuict ensemble. Auxquelles promesses s'arresta mondit routisseur, et, pour disner laditte dame et son mary, luy donna ung lion cbappon tout rousti pour néant et sans payer. 11 en appareilla ung aultre avec une douzaine d'allouettes, pour le soupper d'elle et de luy, selon la conclusion entre eux pnnse. Sur les cinq heures du soir, le mary de la dame se cacha en la maison d'un sien voisin auquel il discourut l'affaire, en se donnant garde de la venue dudit routisscur, qui ne feit faulte à sa promesse, et qui, chargé d'un cbappon et d'allouettes, entra au logis de sa dame, où il fut d'elle receu fort aimablement. La table bien arrangée de beau linge blanc, avec le feu bien entretenu de bois, les huys bien refermez après luy, ne restoit qu'à laver la main e*t se mettre à table; et de ce faire le requist laditte dame. Luy, au contraire, n'eust volu

sitosl entrer à table, et eust bien volu accomplir l'amour qui le con- 1576. iluisoit à sa dame plus tost que le soupper, et pour ce la requis! il pria de luy donner quelque contentement de son amour avant qu'entrer à table, ce qu'elle luy refusa avec les excuses les plus ho-

nestes quelle put, le remestaut après le soupper

sitost qu'il vouldroit. Quov voyant, ledit routisseur feit son soupper assez court

Le soupper légèrement faict, par le congé de sa dame, en se chauffant se déshabilla, et s'alla mettre entre deux draps dedans le lict, tout en chemise. La dame, de sa part, en se chauffant se désbabilloit et faisoit mine de se vouloir coucher auprès de luy. Et avant que de ce (aire, alla visiter les huys de sa maison, pour sçavoir s'ilz estoient bien fermez, ainsi qu'elle disoit; mais, au contraire de les fermer, les ouvrit pour faire entrer son mary. Celui-ci, qui estoit aux escoutes avec ses voisins, auxquels il avoit discouru l'affaire, sçachant les huys estre ouvers, au signe donné entre sa femme et luy, entra en sa maison avec sesdis voisins, et trouvèrent mon routisseur couché dedans le lict, bien penault du Iraict que luy avoit baillé ceste dame, qui avoit mangé son rost et ses chappons à si bon marché. Le mary menace de vouloir tout tuer en son logis, et veult commencer au routisseur qu'il trouve couché en sa place, et par après faict semblant d'en vouloir à sa femme; en même temps il se faisoit tenir par ses voisins qui estoient présens et qui aydoient à saulver le pauvre routisseur, en luy baillant ses habillemens, mais non sa bourse; lequel, à l'ayde desdis voisins, ayant gagné l'huis, se saulva sans redemander les reliez de son soupper, ni les platz qu'il avoit porté. Quand il fut hors et quand les huys furent fermez après luy, ledit mary, sa femme et ses voisins, en se mocquant du pauvre routisseur, souppèrent fort bien des reliez de la viande qu'il avoit laissée, et furent fort ayses de luy avoir faict peur sans aultre mal. Au lendemain, le routisseur, ayant despit d'avoir donné tant de bonne viande à laditte dame à si bon marché, et de son argent qu'on

1576. luy avoit prins en se mocquant de luy, forma une plainte à justice contre icelle dame et son mary, et requist qu'ilz fussent condamnez à luy payer sa viande et à luy restituer son argent, qu'il disoit luy avoir esté par eux voilé en leur maison, estant allé demander le payement de saditte viande. Contre lequel se deffendirent ledit homme et sa femme, disans ne luy debvoir aulcune chose, ni luy avoir pris ne rohbé hourse, ni argent, comme il disoit, mais au contraire l'accusèrent du déshonneur et scandalle qu'il leur avoit pensé faire. Le tout entendu par les gens de justice, furent le routisseur, l'homme et la femme envoyés en prison, où ilz furent une sepmaine toute entière à refroidir leur chaude; et, après avoir esté rançonnez et pillez en la façon que justiciers sçavent faire, furent laschez et mis hors sans principal ni despens les ungs envers les aultres. Et fut ce discours faict au moys de fehvrier de ceste présente année.

Aventure arrivée à deux jacobins, que des arquebusiers, mangeant à la taverne de' l'Aventure, découvrent dans la chambre de l'hôtesse. Le guet est appelé: on arrête un des jacobins. Un procès s'ensuit au parlement; l'hôte et l'hôtesse sont condamnés à l'amende et aux dépens.

Les gentilshommes riches de la Brie se donnent les uns aux autres des banquets très-somptueux. Il y eut tel banquet qui coûta mille livres tournois. — Rareté des poires; à cause de la gelée, elles se vendirent jusqu'à 6 livres tournois le cent.

Es premiers jours du moys de mars, les vens reprindrent leur cours à venter si fort et si rudement qu'on avoit peine à cheminer, lesquelz, quand ilz empongnoient ung personage, le faisoient reculler, mal gré qu'il en eust, la part qu'ilz le contreignoient d'aller. Ung barbier de Nogent, en s'en retournant audit Nogent, estant sur la chaulcée assez près du port, fut prins par le vent et jette en la rivière où fut nayé.

Le printemps de ceste année fut en son commencement assez froict , mais au moys d'apvril s'adonna à grande chaleur, de laquelle s'engendrèrent nuées avec des tonnères et de la gresle qui, toutefois, ne fit grand mal , sinon qu'elle refroidit le temps , en telle sorte qu'on sem-

hloil quasi rentrer en yver sur la fin du moys; de ce proceddèrent, 1576. par aulcunes matinées, des gelées blanches et noires très froides, qui commencèrent le 20e jour d'apvril, jour du grand vendredi, et continuèrent jusques au 8e jour du mois de may ensuivant. Les bourgeons des vignes et des seigles, qui estoient en fleur pour la pluspart, au pays de Champaigne et vallée de Seine, furent quasi tous gelés et gastés, la nuict d'entre le ier et le 2e jour dudit moys de may. Les vignes de Provins et d'une lieue des environs furent en plusieurs endroietz toutes perdues; en d'aultres, en eschappa environ une quatriesme partie1. Les vignes de Villenauxe, de Mons-le-Potier, la Saulsotte, Cbalaustre-la-Grand, des parroisses de Mériet, de Meel, d'Ermez, de Goix, de Savins, Songnolles et tout le Montois, ne furent gastées que pour les deux tiers; dont advint que le vin de Villenauxe, qui, avant laditte gelée, ne valloit que i5 1. t., dès le lendemain monta à 3o; celuy de Provins et des environs, qui ne valloit que 9 liv. au plus cher, monta à 20 et 2/1. Les navettes n'eurent poinct de mal, combien qu'elles sortissent hors de la fleur. Les noyers furent peu endommagés. Les fleurs des pommiers furent quasi entièrement gastées, et feut peu de pommes. Il fut ung peu de poires; de cerises et de prunes davantage, car les fleurs ne furent gastées qu'à la moitié. Où les seigles furent fort gastez et en plusieurs endroietz du tout perdus, fut au pays de Champaigne, depuis la vallée de Ponssur-Seine jusques à Chastillon-sur-Seine , de part et d'aultre de la rivière de Seine, et sur la rivière d'Aulbe, en tirant en Lorraine et à Chaslons en Champaigne; on les faucha avec la faux nue pour avoir le fourrage. Depuis Pons, en tirant à Bray et Montereau, les seigles ne furent si endomagez, car au temps des moissons, le cent de gerbes faisoit 6 et 8 bichetz es haultz champs; et mesmement au pays de Brie, ilz se sentoient bien de laditte gelée, mais ne furent gastez qu'environ ung quart. Les froidures qu'il feit, depuis ledit 20e d'apvril jusques passé le 8e de may, furent cause que les fromens ne multi-

1 Sur cette gelée, voyez le Journal de M. Rivot, t. VI, p. 334, à la bibliothèque Cl. .Inubert cilé dans les manuscrits de de la ville de Provins.

1576. plièrent quasi qu'à la moitié, et si se trouvèrent bruynez en plusieurs endroictz; les grains renchérirent d'ung tiers, et craignoit-on bien de retourner en une cherté telle que celle de l'an 1672 et 1 Ô7 3 , mais Dieu y pourveut. Le froment ne passa guères plus de 1 5 s. et les aultres grains se vendirent au pris le pris. Et fut la moisson fort retardée et la vendange aussi, à cause desdittes gelées, qui, par aulcuns des jours susditz d'apvril et may, estoient à glace es bas lieux.

Le tonnerre tombe, le iti avril, sur la tour de l'église Saint-Quiriace de Provins, et y cause un dommage évalué à plus de ho livres.

Après que les gelées susdites furent passées , le temps se porta assez bien et fut assez constant jusques au 27e jour de juillet, feste de madame Ste-Anne, au soir, auquel jour s'esmeut en l'air une tempeste de tonnerre et de vent si gros qu'il sembloit que la terre seroit nayée d'eau; toutesfois ne pleut beaucoup en ce pays. Le tonnerre tomba sur le clocher de l'église M. S'-Ayoul, sans y faire domage, sinon d'enlever hors de leur place deux statues de lyons accroupies, en plomb, qui estoient attachées au pinacle.

I n guidon de gens de guerre est arrêté par ordre de M. de Potières à la Chapelle-Véronge , où il demeurait, condamné à mort pour méfaits commis dans les guerres précédentes, et pendu à Provins, le 28 juillet. — Le même jour, un voleur est fouetté et battu de verges.

Depuis la feste Ste-Anne et le tonnerre susdict, le temps retourna à chaleur assez grande et y continua jusques au 3e jour d'aoust, que, entre les trois et quatre heures après midi, feit une nuée et tonnerre fort grands, puis une gresle grosse comme œufz de poulie, qui commença ung peu au delà de Leschelle, en tirant à Villenauxe. Le reste des grains qui estoient aux champs où laditte gresle tomba furent entièrement perdus. Les vignes de Mons-le-Potier et Villenauxe, esquelles y avoit espérance pour recueillir vin, nonobstant la gelée dessusditte, furent achevées de perdre. Les habitans de Villenauxe pensoient estre à la fin de leur vie, tant la tempeste fut horrible sur

leur ville. La gresle tombant sur les maisons rompoit la ihuille et 1576. les premiers tariez des greniers. Le tonnerre tomba dessus l'église de Donnemarie, le peuple estant à vespre, alla esgratigner le crucifix, et frappa plusieurs personnes. A Prouvins et es environs, ne cheut que de l'eau en grande babondance.

Grand jubilé octroyé par le pape Grégoire XIII. — Lettres d'indiction et pu blication de ce jubilé. iA avril 1576. — Mandement de Mathieu de Chalemaison, vicaire général de Sens, à ce sujet. — Grand zèle et vive dévotion des gen.s de la ville de Provins et des campagnes environnantes; les villageois se rendenl aux églises en nombreuses processions. Le vicaire général de Sens change , sur la demande des fidèles, deux stations indiquées à la maladrerie de Crolebarbe et à l'Hôtel-Dieu. D'autres modifications sont faites aux stations, clans l'intérêt des vieillards et des serviteurs; elles sont commuées en œuvres charitables pour les malades et les prisonniers.

Dès le 3e jour du mois d'octobre, le temps se meist à la gelée el froidure seicbe jusques au 6e jour, auquel tomba de la neige sur la terre l'espesseur de deux doictz et fut deux jours sans fondre; et dura ceste froidure dix jours passez. Les arbres et vignes furent, dès le i 2e jour dudit moys, tous despouillez de leurs feuilles; au

1 5e jour, le temps se modéra et retourna au doux temps.

Renouvellement de la défense faite par le roi d'aller boire jour ou nuit dans les tavernes '. — Au mois d'octobre, le capitaine de la compagnie du duc Casimir, qui, suivant le dernier traité, devait être entretenue aux frais du roi, s'étant tait donner une commission pour mettre sa troupe en garnison à Provins, veut- entrer dans cette ville. On lui répond en exhibant les lettres d'exemption obtenues de Henri III et du duc d'Alençon , et il est obligé de se retirer, tout en faisant force menaces.

Le 8e jour de novembre, le temps s'adonna à la froidure plus que devant et avec gelée et neiges; les gelées durèrent jusques au

2 oe jour dudit moys et furent belles et seiebes, depuis que la neige

Voyez l'édit sur les hôtelleries, la- de mars i577. (Isambert, Recueildes anvernes et cabarets, donné à Blois au mois ciennes lois françaises , t. XIV, p. 320.)

1570. fut fondue, ce qui arriva au bout de trois jours, et doubtoit-on fort que les bledz ne fussent gelez en terre; toutesfois, grâces à Dieu, n'y en eut une seul grain de gelé ni gasté. Ceux qui n'estoient pas levez levèrent tout incontinent après le desgel et se portèrent au mieux du monde. Tout le reste de l'hyver fut plus doux que froict, dont advint bonne année ensuyvant.

Mort de frère Jean Vigeron, prieur de Saint-Gond-lez-Sézanne , vers la Saint- Martin d'hiver. — Le roi lève un impôt sur le cierge; les archevêchés, les évêchés, les églises cathédrales, collégiales et abbatiales, les cures ayant un revenu de plus de trois mille livres sont soumis a cet impôt, et aliènent leurs rentes

et héritages.

VPPEL FAIT AUX PROVINCES DE FRANCE EN FAVEUR DE LA LIGl'E. MALVAIS SUCCES

QU'IL OBTIENT À PROVINS. PRISE DE LA CHARITÉ PAR LES PROTESTANTS. ÉDITS

RENDUS CONTRE LES DESORDRES DES GENS DE GUERRE. PRISE DE LA CHARITE El

D'ISSOIRE PAR LE DUC D'ALENÇON. COUP DE MAIN DES PROTESTANTS SUR LE MONT