EN CHAQUES COINGS DES RUES

Paris, en ce temps froidureux Que les nuictz sont longues et fresches, Tu doy bien vueiller sur tous ceulx Qui font auprès de loy des presches.

Si de brief lu ne les dépesches , Jamais paix n'auront les chresliens:

Car ceulx que tu souffres et tiens Te causeront tant de courroux.

Que tu diras, toy et les tiens :

Montaignes. tombez dessus nous

Tu scay bien que ceulx qui te font

Commandement de par le roy.

Des plus parfaiclz ennemis sont

De nostre catholicque foy.

Par quoy suis d'avis, quant à mov.

Pour avoir paix que tu les coupes,

Et qu'avec leurs chausses d'estouppes

Tu les face brusler, à fin

Que d'eulx et de toutes leurs trouppes

Ayons vengeance et puys la fin.

Leur vollerie tant nous blesse Qu'il ne fault avoir nul égard Non plus qu'au diable à leur noblesse Mais les tuer sans nul égard , Et comme villains, d'une hard

Les faire pendre el estrangler, Que la mort les puisse sangler.

Et confondre au centre de terre.

Puysqu'ilz n'ont vouloir se régler Selon l'église de S' Pierre.

Il PEUPLE DE PAP.1S.

Peuple, tu es par trop paoureux .

Connue t'ay dict par plusieurs foys.

Puisque garder tu ne te veulx , Adieu te dy, car je m'en voys.

Et t'adverty à haulte voix Que quelzques uns de ta régence Ont aux meschans inteligence.

Dont Dieu est si fort courroucé De ta paresse et négligence, Qu'en bref temps tu seras trousse.

Grand douleur en mon cueur j'emporte

Car je sçav que tes ennemys

S'approchent fort près de ta porte

Avec plusieurs de leurs commis.

Et ont desjà leurs prescheurs mys

Vers S' Germain de l'Auxerrois,

Qui font presches en quelquendroictz,

Dont tant de douleurs on te forge.

Que les ennemis de la croix

Sont prestz de te coupper la gorge.

A l'apétit de trois ou quatre

Groz pendartz, villains, routuriers .

Veulx-tu laisser rompre et abbatre

L'église à leurs avanturiers ?

Non non, car les larrons putiers, .

Plains de toute desloyaulté ,

Ont commis si grand cruaulté ,

Qu'en euk n'y a plus de noblesse.

De vertu et principaulté ,

Mais toute ordure qui nous blesse.

Nonobstant les grandz sacrilléges Qu'ilz onl perpétré et commis, En leurs honneurs et privilèges Tu les veoy restabliz et mis Et en leurs grands estatz remys, Te commandant au nom du roy.

Et pour ce, Paris, pense à toy; Car si leur sang trouble et espays N'est respendu par ton octroy, Jamais en France n'aurons la pai\

Paris , je m'en vay de ce lieu , Tout mélancolique et fasclié De ce que tu as contre Dieu Aux meschans le glaive lasclié.

Tant comme j'ay peu j'ay tasché De ne te faire consentir; Mais Dieu le te [faict] bien sentir, Car c'est trop tard se repentir, Vivement et desus bon gaige Quant il te fault trousser bagage.

(P.ibl. imp. collect. Dupuy, \ol. 8i'i, fol. 90 1°

Ces poésies paraissent se rapporter à l'an 1567.