ÉTATS-GÉNÉRAUX
REMONTRANCES DD TIERS ETAT DU BAILLIAGE DE PROVINS (l56l).
Le tiers estât du bailliage de Provins et ressortz d'icefluy estant] assemble en lageneralle assemblée tenue en ceste ville de Provins [en l'hostel commun] ce jourd'huy neufiesme mars mil cinq centz soixante, afin de [donner et] bailler advis sur le contenu es lettres envoyées de par le roy nostre sire à m[onsieur le baillyj de Provins, dactées du xvne febvrier dernier, desquelles, en l'assemble*' tenue [à Provins le] xxtii' du moys passé, lecture fut publiquement faicte. et pareillement sur les déclarations et remonstrances de ceulx qui ci-devant ont esté depputtez pour aller en la ville d'Orléans devers ledit seigneur roy tenant ses estatz généraulx . entend en toute humilité estre dict et remonstré au roy ce qui est cy escript :
Qu'ilz rendent grâces très humblement au roy de ce qu'il lu y plaist en ses afaires si grandz et urgens soy servir de l'advis de ses moindres et plus humbles subgectz. bien congnoissans combien sa bonté désire avoir tost les moyens et occasion de les supporter et faire vivre en paix, union, tranquilité et bonne police.
Et estans certains de l'urgente nécessité dudit seigneur, les grandes debtes qu'il a encourues, tant pour la longueur des guerres que aultrement, considèrent que sa majesté ne peult facilement suporter ses subjectz selon qu'il le désire, sans que préalablement ses debtes soient acquictées, son domaine, aydes et tailles alliénez retirez et reuniz.
Pourquoy est raisonnable que ledit seigneur liève deniers le plus promptenient que faire se pourra, et toutesfoys supplient les gens dudit tiers-estat que ce soit à la moindre foulle du pauvre peuple que faire se pourra.
Car il est en ce bailliage, qui est de petite extendue, si pauvre et si atténué de tous biens et moyens, que la pluspart est, à l'occasion des grandes tailles, subsides, gabelles, stérilité de temps, des gens de guerre, qui ont et ont eu
rouis, que grande partie d'ieelluy est mandiant , prest à tomber en extrême misère, si par la bonté et pityé dudit seigneur il n'est secouru.
Tellement qu'il est nécessaire, pour maintenir le tiers estât de ce bailliage, le supporter de tailles, subsides et gabelles ordinaires et extraordinaires, sans imposition d'aultres nouveaulx aydes, tailles et subsides.
Et pour plus commode, prompt, facile et aysé moyen de recouvrer deniers, ilz dient que les gens d'église de ce bailliage tiennent des immeubles et revenu dudict bailliage et ressortz les trois partz, les cinq faisans le tout ou plus.
Qu'il y a plusieurs bénéfices qui sont abbayes, prieurez, tant conventuelz que aultres, de grand revenu excédant ce qu'il convient pour l'entreténement des églises, ministres et habituez.
Pourtant sont lesditz du tiers-estat d'advis que ledit seigneur roy doibt , pris et levé, du revenu desditz bénéfices et de tous aultres qui sont de mil livres tournois et au dessus, ce qu'il convient pour entretenir les églises et habituez, du surplus prendre une bonne partie telle que par ses officiers des lieux sera sainement advisé, aussi le tiers du revenu des commanderies dudit bailliage, et ce jusques à certain temps.
En quoy faisant, il trouvera grans deniers et supportera par l'ayde desdictz »ens d'église son pauvre peuple, envers lequel lesditz d'église feront en cest ciidroict grande aulmosne, le supportant d'acquicter ledit seigneur, ce qu'il feroit. si possible luy estoit.
Que, s'il plaist audit sr, il peult par aultre moyen facilement avoir deniers, en faisant et ordonnant, tant pour la décoration des villes de son royaume que pour maintenir grande partye de son pauvre peuple, ordonner que les amphitéoses d'église et de mainmorte, tant viagères que annuelles, fors des hospitaulx et maladeries, soient perpétuelles, en ce faisant que les rentes et charges ausquelles les choses sont baillées seront perpétuellement payez ausditz d'église el mainmorte, prenant par ledit sr desdites choses ce qui sera offert et payé ou ce qui pourra estre offert et payé, sans que pour ce faire ilz puissent estre contrainctz pour les avoir à tousjours, ce qui se peult faire sans appauvrir l'église, dont sortiront grans et promptz deniers.
Et mieulx vault audit sr user des moyens cy-dessus que sur le vin qui se vend . transporte et amène en ce bailliage, lever aucuns deniers; car sur le vin est en cedict bailliage levée grande imposition.
Quant au sel, il est grandement cher, n'est bon ne loyal comme il est requis, et sont sur la vente d'yceluy assiz plusieurs deniers pour les entretennemens des villes (sic) et officiers dudit seigneur levez. Néantmoings, ou cas que les moyens cy-dessus ne seroient trouvez sufisans, lesditz du tiers estât ont esté d'advis que
plustost deubst estre mis impost nouvel du surplus sur le sel que sur le vin et sans imposer nouvelles tailles ou subsides, à la charge néantmoings que ce seroit pour ung temps brief et pour peu d'années, et de promesse royalle que cela cessera ledict temps passé, sans riens tirer en conséquence par ledit sr ou ses successeurs à l'advenir.
Supplient lesditz du tiers estât la majesté du roy, avant que par luy prendre, lever ou imposer par quelque moyen que ce soit, deniers pour acquicter sesdictes debtes , avoir égard , considérer et bien faire congnoistre de quelles debtes légitimes et royalles il est chargé, en faire faire ung vray arrest et ne plus imposer et lever qu'il conviendra, préalablement pris l'espargne des deniers des guerres depuis qu'elles ont cessé, des tailles, décimes et aultres premièrement employez en son acquict, pour le descharger desdites debtes.
Aussi supplient lesditz sieurs faire rendre compte à ceulx qui ont eu maniment de ses deniers et les faire sans délay contraindre au paiement du reliqua et ordonner que les deniers qui seront levez pour l'acquicter soient maniez par les officiers de ses villes, sans salaires ou gaiges, et par eulx-mesmes employez audict acquict, afin que lesditz deniers ne soient diminuez par les gaiges des officiers et en passant par diverses mains.
Et pour ce que leur principal désir est de vivre soubz l'obéissance du roy, comme vrays, lidelles et observateurs des commandemens de Dieu et saincte église catholicque, chrestienne et romaine, comme ilz et leurs anciens ont faict ci-devant, supplient très humblement et instamment la majesté du roy tenir la main que tout trouble, division, scisme et mauvaise oppinion touchant la fo\ et religion chrestienne soyent tost ostez, destruictz et aboliz, faisant renouveler les édictz de ses feux ayeul et père, sur la punition des hérétiques et mal sentans de la foy, et iceulx estroictement garder par ses courtz de parlement et juges retirant à eulx la congnoissance de telles matières.
Aussy, pour le bien public, support et tranquilité de ses subjectz, supplient S. M. de sans plus différer faire joyr sesdictz subjectz du bien qu'il leur a octroyé et accordé par les responses qu'il luy a pieu faire aux doléances à luy présentées en ses derniers estatz généraulx tenuz en sa ville d'Orléans, ordonnant que ce qui a esté en iceulx par S. M. accordé, conclud et promis, sera du tout gardé et observé entre ses subjectz, royaume et pays, pour et à ce que en bonnes paix, loix, union et police ilz puissent soubz son obéissance vivre.
Chappuis, secrétaire.
(Copie du temps, appartenant à M. le docteur Maximilien Michelin, à Provins.)
P.EMONSTRANCES TRES HUMBLES DES VILLES DE TROYES , REINS, CHAALONS, LAON , GUISE, LANGRES, CHAULMONT ET BAR-SUR-Al'LBE (l5y5).
Au roy.
Sire, voz très humbles et obéissaus subjectz les bourgeois, manaus et habitans de voz villes deTroyes, Reims, Chaalons, Laon, Guise, Langres, Chaulmont et Bar-sur- Aulbe, faisans partie des villes de la générallité de Champaigne, en toute deue révérance et humilité se présentent aujourd'huy par leurs députez devant \ostre majesté et vous font d'une commune voix et délibération plainctes et doléances, qu'ilz supplient à vostre majesté recepvoir selon sa naturelle bonté avec la clémence que le bon et iidel subject peult espérer de son roy et croire que ce qu'ilz ont advisé de proposer et desduire ne procède sinon d'ung bon et singulier désir qu'ilz ont tousjours eu et auront à jamais d'eux maintenir soubz \ostre obéissance et procurer par tous moyens à eux possibles la conservation de l'honneur de Dieu et manutention de vostre estât.
En premier lieu, sire, ilz vous remonstrent que le pays estant de la généralité dudit Champaigne est assiz au plus infertil, sec et stérille territoire de toute la France, où il n'y a aucunes rivières commodes à la navigation pour y apporter marchandises et autres commoditez estrangères ny moyens desquelz les habitans se puissent prévalloir pour la commodité des régions voisines.
Au moyen de quoy, les habitans du plat pays et bonne part de ceux desdites villes ont esté cy-devant contrainetz avoir leur refuge au labourage de la terre tant peu fertille qu'elle fust, pour d'icelluy labourage et de ce qu'ilz en pouvoient recueillir avec ung grand et ennuieux travail pourvoir à la norriturë d'eux et de leur famille.
Que si par fois advienne quelques années moings fructueuses que de l'ordinaire, le pauvre peuple tombe en des nécessitez extrêmes, ainsy qu'il s'est veu ces années dernières, esquelles la pluspart d'icelluy a esté contrainct de vendre ce qu'il avoyt pour vivre, voire jusques à estre aucuns réduietz à ce poinct, ce qui ne se peult dire sans grande commisération , que d'estre nécessitez de paistre les herbes par les champs comme les bestes brutes.
Et ce qui a finallement cause une entière désolacion audit pays , a este qu'il a tousjours soustenu, depuis quinze ans en çà que ces malheureuses guerres civilles régnent en cestuy vostre royaulme, les passages, secours et retours des camps et armées, voire par longue espace à chacune fois.
Ce que mesmes est advenu tout récentement par le passage et séjour que s ont faiet trois grosses armées, par lesquelles le pauvre pays a esté incroiablement travaille, molesté et oppressé par l'espace de six moys, comme encores à présent, par plusieurs compagnies de gens de guerre, de cheval et de pied, tant ; estrangères que françoises , qui y passent journellement ou séjournent , tournoyans ça et là au lieu d'aller droict en l'armée de vostre majesté.
Lesquelles armées auroient, comme il est tout notoire, vescu et vive* encon de présent celles desdites compagnies qui sont audit pays, insolemment, à discrétion , sans aucung ordre ny police militaire, abusans extraordinairemerit du bien qu'il avovt pieu à Dieu envoyer ceste présente année ung peu plus largement que es précédantes, et jusques à faire boire et manger les chevaulx avec les hommes. rançonnant les bonnes gens du plat pais, les pillant et spoliant \iolemment du peu de meubles, chevaulx et bestial qui leur estoyent resté, et, qui pis est, oultragent de faict voz pauvres subjectz, ravissent leurs filles, prennent par force leurs femmes, voire en présence des mariz, que plusieurs desditz gens de guerre ont contrainctz mesmes d'assister à leurs actes détestables devant Dieu et les hommes. et se sont trouvez plusieurs d'iceux avoir meurdry et massacré leurs hostes et hostesses, enfans et serviteurs, voire les brusler tous vifz et jecter dedans les pu\s, mis et faict mectre le feu es maisons et granges de plusieurs bourgs et \illages dudit plat pays.
Bref, ne délaissent aulcune espèce de mal ou cruauté a commectre contre vosdits subjectz pour les contraindre de satisfaire à leurs cupiditez désordonnées, faisans de grands maulx et estant cestuy d'entre eulx estime le meilleur et vaillant soldat qui mieulx, avec blasphèmes et reniemens exécrables du nom de Dieu, peult inventer quelque nouvelle forme de tourment et cruauté pour forcer son hoste de luy fornir ce qu'il veult extorquer de luy, sans que desdits forfaictz il s'en face aucune justice.
A raison dequoy, ce pauvre peuple du plat pays, ne pouvant plus soustenir le faiz, est de jour à autre contrainct habandonner sa maison, délaisser son labouraige, à l'entière ruyne de tous les estatz dudit pays, et soy retirer ailleurs où il peult mieulx, cherchant et mandiant sa vye pour 'a pluspart par les villes dudit pays.
De façon que es plus gros et mieulx peuplez villages de ladite Champaigne . esquelz soulloit avoir n'a pas longtemps deux, trois, quatre et cinq cens feux, n'y en a pas pour le présent dix, quinze ou vingt, mesmes en aulcuns poinct du tout.
Ce qui est cause, sire, que les vdles dudit pays s'en ressentent aujourd'hui bien fort, ne recevans plus les commoditez qu'elles soulloyent dudit plat pays,
leur vray père nourricier, et entre autres vosdites villes de Troyes, Reims, Chaalons, Laon, Guise, Langres, Chaulmont et Bar-sur-Aulbe. ■ Lesquelles, pour le regard de ceulx que vostredite majesté a voulu estre com- Uprins en la taxe des 52800 liv. qu'elle a ordonné estre levez sur les villes de la généralité de Champagne par vos lettres patentes, pour le contenu desquelles les présentes remonstrances vous sont faictes, et par lesquelles le clergé desdites villes, qui tient et possède la pluspart des héritages d'icelles villes et plat pays, en est déclaré exempt, sont composées des officiers de vostredite majesté et de quelque petit nombre de bourgeois vivans cy-devant de leurs rentes et petit revenu, et des marchans et artisans.
Qui tous ensemble, à cause desdites guerres civilles, se trouvent réduietz en telle extrémité qu'il n'est possible de la dire plus grande.
Quant à voz officiers, sire, ilz sont aujourd'huy multipliez en sy grand nombre, soyt en la justice ordinaire ou extraordinaire, soyt sur le faict de vos finances, que, au meilleur tamps que l'on poroit désirer, leurs estatz leur demourerovent quasy du tout inutilz. Tant s'en fault que, en la calamité du temps présent, auquel la justice est ensevelye et ne s'en faict aucung exercice entre les armes, ilz en puissent tirer aulcun proffict pour subvenir au sousténement des charges de leurs maisons et familles, joinct (pie les gaiges d'iceulx officiers sont retranchez de toutes partz.
Et au regard de ceulx desdites villes, qui soulloient cy-devant jouir de quelques petites rentes et fermes, ils sont cejourd'huy réduietz à ceste extrémité de n'a\oir aucun moyen d'eulx faire payer de leurditz rentes et fermages des précédentes années, obstant la stérillité notoire d'icelles et pauvreté de leurs fermiers, tant à ceste occasion qu'à cause desdites guerres, ne pouvant aussy aujourd'huy tirer aulcune chose de leurdit revenu, et voians leurs héritages assiz audit plat pais estre sans culture et délaissez par leurs fermiers pour la pluspart, ils sont quasy au désespoir prestz d'abandonner lesdites villes, comme jà plusieurs d'entre eulx ont faict.
Quant aux marchans, ilz sont réduietz au mesme poinct cle nécessité que les aultres, car ne ayant eu jamais esdictes villes grand train et trafic à faulte de la commodité des rivières et à cause de la stérilité du pays, ilz sont contrainetz à présent le laisser du tout, encores que par ci-devant voz prédécesseurs roys de très heureuse mémoire, pour attirer ausdites villes multitude de peuple, leur ayent octroyé certains privilèges, de sorte que à présent le faict de marchandise n'y a plus de cours, à cause desdites longues guerres et pour le peu cle seureté qu'il y a, tant sur terre que sur mer, dont seroyt advenu que plusieurs faisans faict de marchandise et ayans perdu tous leurs biens, ont esté enfin contrainetz
avoir recours au dernier et misérable refuge de cession de biens. Des aultres ont délaissé du tout ladite marchandise, pour se veoir surchargez d'une inQnite de subsides, gabelles et impositions qui se y mectent sus journellement , a la très grande l'oulle du peuple, sur toute sorte de marchandise, comme entre autres sur les
draps, entrée et issue des vins [l'écriture manque) et ceulx encores qui en
P [sont* n'ayant plus] de moyen, prestz de délaisser lesdites villes pour les
charges insuportables qu'ilz sont contrainctz soustenir, et ce que jà aulcuns des plus apparens ont faict.
Pour le regard des artisans, qui cy-devant avoient acoustumé de gaigner leurs vyes esdites villes soubz ceulx des autres qualitez et estatz cy-dessus déclarez, ont esté contrainctz pour la pluspart, n'estans employez à cause de la ruyne de ceulx de l'ung et l'autre desditz estatz, eulx retirer hors d'icelles villes, les aulcuns à la guerre, les autres ailleurs, et ce qui en reste se mendye aujourd'huy pour la pluspart, ayans consommé sy peu de bien qu'ilz avoyent auparavant acquis à la sueur de leurs bras.
Et voila comme lesdites villes sont sur le poinct de demourer désertes et inhabitées, mesmes celles dessus déclarées, esquelles néantmoings, pour estre sur la frontière de vostre royaulme du costé de Flandres, Luxembourg, AHemangne et comté de Bourgongne, conciste pour bonne part la seurte d'icelluv.
Par ce bref discours, qui est la moindre partie de noz désolations, sire, vostre majesté peult congnoistre les misères et pauvretez du peuple dudit pavs. C'est pourquoy voz très humbles subjectz habitans desditz pays vous les reportent devant les yeux, [vous assurant] qu'elles sont avec la simple et pure [et entière] vérité, et vous supplient en toute humillité qu'il vous plaise, usant de la justice qu'ilz attendent de vostre naturelle bonté et clémence, les exempter du tout et tenir pour excusez du payement desdits cinquante deux mil huict cent livres ordonnez estre levez sur les villes de ladicte quallité, pour l'entreténement de six compagnies de gens de guerre à pied durant quatre moys de la présente année. Car à la vérité, sire, il leur est impossible de toute impossibilité d'en fournir aucune chose, vpires quant on vendroyt tous les biens meubles qui leur restent et sy se trouvassent acbepteurs;
Et ce, tant pour les raisons susdictes, crue aussy à cause des grandes et insupportables sommes de deniers qu'ilz ont cy-devant et puis le commancement des guerres civiiles paiées et lesquelles sont entrées en voz finances, mesmes que puis deux moys ilz ont esté contrainctz, et ce qu'ilz ont faict avec une extrême difficulté pour le peu de moyen qui leur restoyt, faire payement des sommes excessives auxquelles ont esté imposez pour la solde de cinquante mil hommes de pied pour la présente année, oultre et pardessus les tailles, taillons, equivallentz,
gabelles et autres subsides qui se lèvent ordinairement pour le paiement et entretenement des gens de guerre tant à cheval qu'à pied, artillerye, munitions d'icelle et autres fraiz de la guerre, et néantmoings voz armées ne laissent pour cela à vivre à discrétion et faire les maulx cy- dessus déclarez, soubz prétexte
qu'ilz dyent ne recevoir ung seul denier de leur solde, dont subjectz
babitans desdits lieux sont privez de leurs moyens et faculté
chascune de leurs petites commoditez et encores en
pouvans moings recevoir à l'advenir pour les raisons susdictes, et ne leur est possible de fornir en une mesme année trois payemens pour une mesme et seulle chose, ce qu'ilz feroyent volontiers sy la puissance pouvoit respondre à leur bonne volonté. Toutesfoys, sire, le pauvre peuple de vosdites villes supplie humblement vostre majesté de croire que, tant qu'ilz auront l'ame dedans le corps, ilz s'efforceront en toute manière de se conserver soubz vostredite authorité et obéissance, et y employèrent ce qu'il leur reste de plus, qui est leurs corps et leurs vyes, ayans jà cy-devant consommé tous leurs biens en ce à cause de ce que dessus, comme aussy à la garde et deffence desdites villes soubz vostre obéissance, réparations et lortefirations d'icelles, et vous font très humble instance et requeste de vouloir donner ordre à leurs misères et callamitez, reiglement de la gendarmerye, et réconcilier les cœurs de voz naturelz subjectz , qu'ils puissent vivre en une bonne et assurée paix, et au surplus soyt vostredit royaulme bien florissant comme il souloyt estre auparavant lesdites guerres civilles , à l'honneur de Dieu , bien et soulagement de tout vostre peuple.
(Bibl. imp. coliect. Dupuy, vol. 87, fol. 3o, r°.)
