XXXIX. — De vente feite dehors la banlieue de

Rouen (1).

Se aucun vent aucune chose hors la banleue de Rouen, il n'est pas tenu à amender lei.

XL — De celi à qui l'en baille le merci , et puis le pert .

Se l'en baille à aucun merci , por signe d'eslre aquité à la visconté de Rouen , et puis avient que il le perde , l'en le doit feire jurer que il ne le feit pas malicieusement, porli ne por autre , ne en fraude que il ne pait la coustume de la viscontée de l'eaue de Rouen. Et, se il ne veut jurer, il le doit amender et paer .m. sols por Tamende.

Et se il emporte le dit merel outre les bornes , ne que il ne Tait baillié en lieu establi à rechevoir lei , à la porte par où il a passé , il doit forfeire toute la marcheandise qui il porte, ou il le doit amender , et païer .xviii. s., por l'amende.

XLI. — Des coustumiers qui pleident en la visconté de l'eaue de Rouen.

Se aucun coustumier se complaignc devant les viscontes desus dis de aucun autre coustumier, le coustumier

(1) Dans les coutiimicrs des xiv* et xvc siècles, que j'ai vus, ce chapitre manque toujours et la phrase qui le compose termine le chapitre x.xsviii.

compleignant est tenu païer les destreis . avant que la semonse soit feile ou Tarrest , c'est à savoir : .i. denier de chascuns .xii deniers , combien que ce soit que la demande du compleignant soit grande.

Et por les destreis desus dis , paies du compleignant , sera, le dit compleignant, quite de l'amende, se il dechiet de sa demande.

Et se celi de qui il se plaint enchiet , il l'amendera,

XLII. — De la poeste que les mariniers et les bateliers ont de arrester en leur vessiaus.

Chascun marinier ou chascnn batelier puet , de sa propre auctorilé, arrester en sa nef ou en son batel , les marclieandises qui i sont aportées , por son freit ou por son salère seulement.

Et por autre dette , quelle que èle soit , ne por autre chose ne poent-il pas ce feire , se ce n'est par le congié des viscontes de Feau Rothom. , par devant les quiex le plèt de ce sera mené, se il en convient pleidier.

XLIII. — De ce que le meire et les peirs Rothom. doivent venir au mandement des viscontes de l'eaue de Rouen.

Toutes les foiz que il est besoig ne mestier de feire jugement à la visconté de l'eaue de Roen , le meire et les peirs sont tenus à venir à la dite viscontée , au mandement des dis viscontes, por conseillier les et por jugier aveuceus, selonc les choses proposées et alléguiés en jugement , par devant les dis viscontes.