XLV. — De prendre congié as viscontes de Teaue Roth

Les citéens de Rouen ne poent ne ne doivent porter, ne mener, ne trespasser leur marcheandiscs par eaue ne par terre , hors de la banleue de Rouen , sans le congié et le plesir des viscontes de Teaue. Et sont tenus . les dis citéens . jurer et fianchier que les marcheandiscs , de quoi il prennent congié, ne sont vendues ne enconvenanchies, et que nul . qui doie coustume , n'i a part. Et se il avient que l'en puisse savoir ne prouver certainement qu'il aient feit fais serement , les marcheandiscs seront forfeites , ou il paieront de ce tel amende comme les viscontes desus dis voudront.