LIX. — De la marcheandise achetée en compagnie

Il avient moût de fois, en la viscontée de l'eaue Rothom , que .1. marcheant vient as viscontes aquiter sa marcheandise. Et donques , si comme ce est acoustumé en la dite viscontée feire lei, demande Ten au marcheant , par sa foi , à savoir mon , se aucun qui doie coustume eit partie en cèle marcheandise Et se le marcheant respont adonques que la marcheandise fu achetée communément entre li et aucun autre , ja ce soit-il que il soient frères ou non « et que lorchatex soient entre eus sans aucune division, la marcheandise porra et devra estre aquitée par .1. sole coustume (1).