LU
Ooustume contre les bourgois demourans entre les anciennes portes de Rouen (1).
II est assavoir que les bourgoiz , manans dedens l'enclos des anciens murs de la ville de Rouen , ne peveut leurs marchandises quelles que ilz soient , estans à Dieppe , carcher en nefz ne oster de nefz sanz licence de celui qui garde la viconté. Et se ilz font le contraire, ilz doivent tout perdre.
Âpres , il est assavoir que les devant dis bourgois de Rouen ne pevent leurs possessions amener par mer, par eulx , au port de Dieppe , descarcher ne mettre à terre ou en maisons; mais par congié ilz les pevent carcher sur les chevaulx ou en carettes. Et se ilz les mettent à terre , en rue ou en maison de coustume , ilz doivent tout perdre. Ensement fer , miel , nois , vergus , lesquelles choses les devant dis bourgois pevent vendre en la ville en quaretles, mais se ilz sont mis à terre ou à couvert , par coustume de la ville, ilz doivent tout perdre.
Item. Lesdis bourgois de Rouen , se ilz achettent à Dieppe harens frais ilz ne les pevent saler ne faire saler en la dicte ville ne en la juridiction d'icelle. Et , se ilz font contre ce , ilz doivent tout perdre.
Item. Les dis bourgois de Rouen ne pevent rien vendre, en la ville de Dieppe, qu'ilz ne forfacent tout, ne les choses qui sont en la ville ilz ne les pevent vendre hors de
(I) Arch. (le la Scinc-lnf., Rcg. SS. , Couf. de Dieppe ^ fol. 21 V", col. 1.
la ville se ilz n'en ont devant pris congié et paie la coustume, autressi conuiie se ilz fussent coustumiers. Toutesvoiez il est acoustumé que les devant dis bourgois peveni vendre ,en tous *temps : miel , fer , noiz et vergus , en carette , si connme il est devant dit*
Item. Hz pevent venir aux foires de Jenval, de S. Jacque et de S. Nicolas, à tout leurs marchandises, et illeuc vendre tant comme les foires dureront , si comme estrangiers.
Item. Les peletiers pevent vendre , en la dicte ville de Dieppe, leurs foureures ou leurs pennes et toute leur œuvre de pelleterie de la feste S. Nicolas en y ver jusques au Noël.
Item. Ceulz qui vendent pos d'arain et draps vieulz, en tout temps pevent vendre à Dieppe ne n'en doivent estre devez ne destournez.
Item. Il est accoustumé que ceulx de Rouen ne pevent faire attourné en aucune chose , carcher en carettes ne en nefz ou à descarcher hors des nefz , mais que de leur propre mesnie et famille. Et se ilz veullent faire contre ce , l'en dit que ilz doivent tout perdre.
