Antoine de Groy

ment, et me souvient qu'il remonstra en substance tant pour le droit de la duchesse que pour celluy du duc.

S'ensuyvent les drois et les raisons pourquoy le duc de Bourgoingne se fit mainbour de Lucembourg^.

Et après que ledit chancellier eut prins ses conclusions et debatu sa matière moult notablement, il dit : c Quant au faict de la bataille, mon très redoubté seic gneur en respondra, > et plus n'en dit. Le mareschal de Lorraine, qui tousjours portoit la paroUe d'ung costé et d'aultre, declaira, en allemand, aux embassadeurs, le proposé dudit chancellier. Et, après son propoz fini, le bon duc Philippe reprint le langaige, en ensuyvant la conclusion de son chancellier, et dit : c J'ai bien entendu ce que, de la part des ducz de

< Zasses, a esté dit et proposé, tant du droit qu'ilz

< peuvent avoir en ceste duchié coimne aultrement, et

< ce que ces deux chevaliers, embassadeurs envoyez

< par le conte de Glick, ont proposé. Et ay bien

< voulu que mon chancellier remonstrast et declairast

< les tiltres, les drois et les gaigeres, tant de ma belle

< tante conmie de moy, affin que eulx et ung chascun « puistmieulx et plus clairement sçavoir et congnoistre

< que sans grande et évidente cause je n'ay point « emprins ceste querelle et conqueste, et n'ay pas

< intencion de l'abandonner. Dieu et mon bon droit en

< aide. Et quant au point qu'ilz ont offert, se je vou- « loye habandonner ce que j'ay conquiz en ceste

< duchié et le mectre en main neutre, soit Empereur c ou aultre prince, et que je voulsisse prandre et

i . Titre supprimé par Sauvage.

26 ifÉMOmES d'olivier de la marche.

eslire jour pour me trouver au pays des ducz de Zasses et en Zassonne, tellement accompaigné de gens d'armes qu'il me plairoit, que pour ceste querelle les ducz de Zasses me livreroient la bataille et fut la duchié de Lucemboui^ à qui Dieu donroit ceste victoire, certes la bataille est ce que je désire; et ne suis pas venu pardeçà personnellement en aultre intencion que de rencontrer mes ennemis, affin que celluy à qui Dieu aideroit en son droit demourast au pays. Mais d'aller livrer la bataille au pays de Zassonne, où il peut avoir trois cens lieues d'AIlemaigne de chemin, et auquel pays je n'ay quelque droit ou querelle, il me semble que l'offre n'est pas raisonnable, et que, par raison, je n'ay cause de le accepter. Mais pour ce que la question seuUe de nostre guerre meult pour ladicte duchié de Lucembourg, je seray contant. Dieu en ayde, de bailler toutes les villes, les chasteaulx et les forts que je tiens en ma main, tant de la duchié de Lucembourg comme de la conté de Gheny, es mains de l'Empereur, et que pareillement les ducz de Zasses ou leur lieutenant mettent es mains de l'Empereur ce qu'ilz tiennent et possessent esdictes duchié et conté , et que , en tel jour qui sera prins par les ducz de Zasses, nous nous trouvions en telle place qu'ilz choisiront audit pays, et que lors par l'espée et ^ par la bataille, avec la permission de Dieu, soit congnu le droit d'ung diascun, et que le victorieulx demeure possesseur ; et se j'ay parens ou aliez en leurs chemins pour venir jusques cy, je feray bailler